İlham Əliyev, Azərbaycan Respublikasının Prezidenti

Prezident cəmiyyətin səbrsizliklə gözlədiyi qərarı verdi

65926
(Yenilənib 13:16 03.06.2016)
İlham Əliyev "Hərbi xidmət və hərbi vəzifə haqqında" qanuna bununla bağlı dəyişiklik etmək üçün müvafiq layihəni Milli Məclisə göndərib. Artıq magistrlara və doktorantlara hərbi xidmətdən möhlət hüququ veriləcək.

BAKI, 3 iyun — Sputnik. Ölkə başçısı İlham Əliyevin təşəbbüsü ilə Milli Məclisə yeni qanun layihəsi daxil olub. Təhsildə fasiləsizliyi təmin etmək və ixtisaslı kadrların hazırlanmasına nail olmaq məqsədilə "Hərbi xidmət və hərbi vəzifə haqqında" qanuna dəyişiklik təklif olunur. Qüvvədə olan qanunvericilik aktının 21.1.4 cü maddəsində təkcə bakalavr təhsili alanlara deyil, eləcə də bundan sonra magistr və doktorantlara hərbi xidmətdən möhlət verilməsi nəzərdə tutulur.

Sputnik-in məlumatına görə, bu barədə Milli Məclisin deputatı Zahid Oruc öz "Facebook" hesabında məlumat verib. "Azərbaycanda elmi və təhsilin fundamental problemlərindən biri olan bu məsələnin həllini tapması cənab Prezidentin yeni təhlükəsizlik siyasətinin tərkib hissəsidir. Ordu peşəkarlardan ibarət olmaqla bərabər, alimlər də elm səngərində döyüşməyə hazırlanmalıdır", — deputat yazıb.

Onun sözlərinə görə, hər il daha çox qocalan elm adamlarımızın orta yaşı 55-dən yuxarı idi: "30 yaşlı gənc alim tapmaq Sokratın məlum axtarışlarına bənzəyirdi. Orta məktəblərimizdə tədrisi aparan müəllim korpusunun 90 faizi xanımlardan ibarət idi. Magistr pilləsində də eyni tendensiya gedirdi və elmin ağır yükü qadınlarımızın zərif çiyinləri üzərinə qoyulurdu".

Z. Oruc bildirib ki, nəhayət, dövlət başçısı tərəfindən misilsiz əhəmiyyəti olan belə bir addım atılıb: "Milli Məclis gələn həftə layihəyə baxacaq və plenar iclasa çıxararaq qəbul edəcək. Ümidvarıq ki, qanunun yeni variantından, artıq bu ildən yararlanmaq mümkün olacaq və Təşkilat-səfərbərlik İdarəsi qüvvəyə minəcək yeni müddəaları rəhbər tutacaq".

65926
Teqlər:
doktorant, möhlət, Zahid Oruc, təhsil, magistr, bakalavr, Milli Məclis, İlham Əliyev
Əlaqədar
Magistr və doktorantlara möhlət verilməməsi ciddi etiraz doğurub
"300 magistra möhlət hüququ verməklə ordumuzun qüdrəti azalası deyil"
O canavar necə doğuldu?
Magistraturaya qəbul imtahanının birinci mərhələsi keçirilir
Bakalavriat və magistratura səviyyəsi üzrə ixtisasların sayı artırılıb
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

163
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

163