Mina Abukərova

Roman kimi həyat, yaxud bir təbəssümün arxasındakı sirr

388
(Yenilənib 10:25 03.06.2016)
Hansı insan çox gülürsə, o, tənhadır. Hansı insan çox gülürsə, dərdini danışmağa kimsəsi yoxdur və dərdli olduğunu da heç kimə bildirmək istəmir.

İradə Cəlil, Sputnik Azərbaycan

BAKI, 3 iyun — Sputnik. Bu yaxınlarda "Qocalar evi"nə getmişdim. Dedim, həm onların dərdinə şərik olum, həm də onların həyatını öyrənim. Kim niyə atılıb bura, niyə tərk edilib… Tənhalığının səbəbi özüdürmü, övladıdırmı?

Çox vaxt deyirlər ki, hər şey valideyndən asılıdır. Amma "Qocalar evi"ndə olan zaman başa düşürsən ki, tərk edilmək qismətdir, taledir. Yəni Allah alnına tərk edilməyi yazıbsa, deməli nə edirsən et, atılacaqsan. Bunu isə cavan olanda başa düşə bilmirsən.

Orada qocalarla söhbət etdiyim zaman bir qadın yaxnlaşmışdı mənə. Qucaqlayıb "mənə vurulduğunu" bildirdi. "Nə yaxşı gəldin. Səni çox bəyəndim. Gözəlsən, həm də ürəyin gözəldir, səninlə söhbət emək adama xoş gəlir. Məndən də yaz" dedi. Mən də onunla söhbət edib, həyatını qələmə aldım.

Mina Abukərovanın 72 yaşı var. Bakı Dövlət Universitetinin (BDU) Filologiya fakültəsini bitirib. Dediyinə görə, 47 il mədəniyyət sahəsində çalışıb. Mina xanım uzun illər Şəkidə yaşayıb, zəlzələ sonrası evi dağılan Mina xanım "Qocalar evi"nə üz tutub.

"İkinci evlilik? Allah göstərməsin!"

"Mən əmək veteranıyam. Şərəfli bir həyat yolu keçmişəm. Bəlkə desəm, pis çıxar, amma burada atamın, babamın görmədiyi otaq veriblər mənə. Hamamı hər bir şəraiti var", — deyir.

28 il ailəli olub. Həyat yoldaşı dünyasını dəyişəndən sonra Mina xala oğlu ilə rayonda yaşayırmış. Sonra evi dağılır. Oğlu ailəsi ilə kirayə çıxır. Amma Mina xala oğluna artıq yük olmaq istəmir. Düşünür ki, gənc ailədir, həm də kirayədə yaşayırlar. Qoy istədikləri kimi yaşasınlar.

Mina xanım Qocalar evində xoşbəxtdir, buradakı həyatdan çox razı qaldığını deyir
© Sputnik / Irade CELIL
Mina xanım "Qocalar evi"ndə xoşbəxtdir, buradakı həyatdan çox razı qaldığını deyir

Oğlu ilə münasibəti yaxşıdır. Ara-sıra görüşürlər. Onu çox istədiyini də deyir. Deyir ki, iki nəvəsi var, onları oğlundan da çox istəyir.

Mina xanım özünə yaxşı baxıb, heç 72 yaş verməzsən. Zarafatca deyirəm: "Ay Mina xala, niyə ailə qurmursan?". Cavab verir ki, "Mən a? Allah göstərməsin. İraq olsun. Bu, tərbiyəsizlikdir. Qadının bir əri olar. O da oldu və öldü. Bitdi, qutardı".

"Mənim ən çox nifrət etdiyim şeydir bu. "Qocalar evi"ndə ailə qurmağa heç yaxşı baxmıram. Yoldaşım rəhmətə gedəndə 45 yaşım var idi. Anam, qardaşlarım hamısı dedi ki, bir oğlun var, evlənəcək, tək qalacaqsan. Sən də ailə həyatı qur, bəlkə yenə övladın olar. Dedim, nə danışırsınız. Yox, yox, yox! Allah göstərməsin!", — deyir.

"Ata… qoşulub qaçacağam"

Mina xanım həyat yoldaşı ilə sevərək ailə həyatı qurub. Danışır ki, o, tələbə olduğu dövrlərdə həyat yoldaşı univeristetə "stajirovka"ya gəlirmiş. Və Minanı görüb, bəyənib.

Qadın nişanlı olanda belə, onunla görüşmədiyini deyir: "Məni nənələrimiz xalamoğluna ad eləmişdi uşaqlıqdan. Göbəkkəsmə deyirdilər o vaxtlar. Mən də xalamoğlunu sevmirdim, onu həyat yoldaşı kimi görə bilmirdim. Mən Pərvanə adlı bir qızla kirayə qalırdım. Qız Qax rayonundan idi. Bu oğlan da — Vaqif də qaxlı idi".

"Bir gün qız mənə dedi ki, Vaqif səni sevir. Dedim, Allah sənə şükür. Pərvanə dedi, nə olub? Dedim, heç nə xalam oğlundan canım qurtardı, de ki, elçisini göndərsin. Düşünün, oğlanla bir kəlmə kəsməmiş, dedim, elçisini göndərsin", — danışır qadın.

Vaqif Mina üçün 3 dəfə elçi göndərsə də, Minanın atası ona Vaqifə vermir. Deyir ki, qızı xalası oğluna ad edilib. Daha sonra Mina atasına məktub yazır: "Ata, bilirsən, səni anamdan da çox istəyirəm. Məni Vaqifə versən, qoşulub qaçacağam. Biabır olacaqsan".

Mina xala danışdıqca, atasını yadına salır, gözləri dolur: "Ay ata, qəbrinə qurban olum" deyib ağlayır.

İki övladını qəzada itirir

Həmin məktubu alan atası qızının kirayə qaldığı evə zəng edir, amma Mina qorxusundan telefona getmir. Atası Pərvanəyə deyir ki, "Vaqif yenidən elçisini göndərsin, Mina da onu sevirsə, arada problem ola bilməz".

Mina xanım özünə yaşı baxıb, heç 72 yaş verməzsən
© Sputnik / Irade CELIL
Mina xanım özünə yaşı baxıb, heç 72 yaş verməzsən

Elə həmin il — 1969-cu ildə Vaqiflə Mina ailə həyatı qurur. Onların 3 övladı düyaya gəlir: "İlisu kəndində taxta körpülər olur. Biz evi təmir edirdik. Qaynımın qızına da nişan gəlirdi. Qaynım bizi aparmağa gəlmişdi. Dedik ki, evdə usta var, təmir gedir. Toyda gələrik, inşəallah. Dedi ki, "yox, heç olmasa uşaqları aparım". Apardı… oğlumun birini və qızımı. Və həmin gün qaynım da, uşaqlarım da avtomobil qəzasına düşərək, dünyasını dəyişdi".

Sonra Mina xanımın daha övladı olmur. Özünü bir oğlunu böyütməyə həsr edir. İllərin necə keçdiyini hiss etməyən Mina xanım, bir də görür ki, 72 yaşı var və uzun illəri arxada buraxıb.

"Qocalar evi"ndə çox xoşbəxt olduğunu bildirir. Çünki direktor onlara yaxşı baxır: "Yayda bizə bağından meyvə gətirir, böyüyü, anası kimi baxır bizə. Mən ondan da, buradakı həyatdan da çox razıyam".

Mina xala danışdıqca elə hey gülür. Hətta acısını danışanda belə, gülümsünür.

Hansı insan çox gülürsə, deməli qəlbi darmadağındır

Dayanıb uzaqdan mənə baxır, sonra gəlib qucaqlayıb öpür və "Allah səni xoşbəxt eləsin. Al nömrəmi, hərdən zəng elə. Darıxanda, danışmaq istəyəndə zəng elə" deyir.

Yadıma psixoloqların bir fikri düşdü. Deyirlər ki, hansı insan çox gülürsə, deməli qəlbi içəridən darmadağındır. Hansı insan çox gülürsə, o, tənhadır. Hansı insan çox gülürsə, dərdini danışmağa kimsəsi yoxdur və dərdli olduğunu da heç kimə bildirmək istəmir.

Mina xala etiraf etməsə də, dərd dağarcığı olduğu üzünə baxanda hiss olunur. Gözlərindəki gülüşün altında gizlənən kədəri hiss etməmək mümkün deyil.

"Qocalar evi"ndə 350-dən çox qoca var. Hərəsinin öz taleyi, öz həyatı. Bir-birindən maraqlı, keşməkeşli ömür yolları var. Mən də onlardan bir qismi ilə sizi tanış etməyə çalışdım.

Başqalarının keçdiyi ömür yolu hər zaman maraqlı olur. Bizi izləyin ki, siz də bu insanların həyatına bələd olasınız.

388
Teqlər:
Mina Abukərova, tərk edilmiş, atılmış, "Qocalar evi", həyat hekayəsi, Qax
Əlaqədar
Beşikdən başlayan əzablı ömür
82 yaşlı kişinin dramı: "Yoldaşım dedi, kişi deyilsən, pul tap..."
Şəhid anasının son arzusu: "Bircə biləydim..."
"Allah həmişə gözəl qadınları başsız qoyur"
İtkin neftçi hər gecə xanımının yuxusuna girir
BMT iclası

BMT Təhlükəsizlik Şurası Dağlıq Qarabağa görə toplandı

28
(Yenilənib 02:52 30.09.2020)
Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər

BAKI, 30 sentyabr — Sputnik. BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

Sputnik Azərbaycan APA-ya istinadən bildirir ki, bağlı qapılar arxasında keçən iclasda Şuranın 15  daimi və qeyri-daimi üzvü iştirak edib.

Təhlükəsizlik Şurasının üzvləri Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlarla bağlı xəbərlərdən narahatlıqlarını ifadə ediblər. Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər.

Təhlükəsizlik Şurası üzvləri, BMT Baş Katibinin tərəflərin döyüşü dərhal dayandırmaq, gərginliyi azaltmaq və gecikmədən substantiv danışıqlara qayıtmaq çağırışını dəstəklədiklərini bəyan ediblər. 

Təhlükəsizlik Şurasının üzvləri ATƏT-in Minsk Qrupu həmsədrlərinin mərkəzi rolunu tam dəstəklədiklərini bildiriblər və tərəfləri ilkin şərtlər olmadan dialoqun təcili bərpası üçün Minsk Qrupu həmsədrləri ilə işləməyə çağırıblar.

28
Teqlər:
açıqlama, fövqəladə iclas, BMT Təhlükəsizlik Şurası, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
İlham Əliyev: "Azərbaycan öz xalqını, öz insanlarını, öz torpağını müdafiə edir" – VİDEO
MN: "Ermənistan tərəfi köhnə videoları yeni görüntülər kimi təqdim edir”
Füzuli istiqamətində Ermənistan SQ-nin əks-hücum cəhdi dəf edilib

Cəbrayıl rayonu istiqamətində düşmənin döyüş texnikaları məhv edilib - VİDEO

203
(Yenilənib 01:19 30.09.2020)
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib

BAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.

Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.

203
Teqlər:
Azərbaycan Ordusu, döyüş texnikası, tank, Cəbrayıl, döyüş, cəbhə, Ermənistan-Azərbaycan Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Həsənqaya yaxınlığında Ermənistan ordusunun mövqeləri darmadağın edilib
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Müdafiə Nazirliyi: Ermənistan ordusunun polkovniki Karen Babayan məhv edilib