Новая ветка Бакинского метрополитена

İnsanlar niyə Bakı metrosuna minməkdən imtina edirlər?

8703
Bu ilin yanvar-aprel aylarında metroya 71,8 milyon nəfər minib. Bu ötən ilin eyni dövrünə nisbətən 2,7 faiz azdır.

BAKI, 29 may — Sputnik. Bakı metrosundan istifadə edən sərnişinlərin sayı azalmaqdadır.

Bu ilin yanvar-aprel aylarında metroya 71,8 milyon nəfər minib. Bu ötən ilin eyni dövrünə nisbətən 2,7 faiz azdır (2015-ci ilin yanvar-aprel aylarında metro istifadəçiləri 73,8 milyon nəfər olub). 

Qeyd edək ki, Bakı metrosundan istifadə edənlərin sayında azalma hələ ilin əvvəlindən müşahidə edilir. Belə ki, yanvar, fevral və aprel ayının özündə də sərnişinlərin sayı əvvəlki ilə nisbətən azı olub. Yalnız bu ilin mart ayında metrodan istifadə edənlər ötən ilin martına nisbətən 0,6 faiz çox olub.

Məsələ ilə əlaqədar "Həyat" İctimai Birliyinin sədri, yol-nəqliyyat məsələləri üzrə ekspert Azər Allahverənov Sputnik-ə açıqlamasında bildirib ki, bu məsələdə bir neçə faktor öz təsirini göstərə bilər: “Bakı şəhərində vaxtı ilə yaşamış, əmək fəaliyyəti ilə məşğul olmuş bölgədə qeydiyyatda olan insanların iş yerlərini itirməsi və ya əmək fəaliyyəti ilə məşğul olması üçün bölgədə daha əlverişli şəraitin yaradılması məsələsi var. Son 5-6 ay ərzində xüsusilə də ötən ilin payız aylarından etibarən bölgələrə axın müşahidə olunmağa başladı”. 

Ekspert bildirib: “Əgər vaxtı ilə Azərbaycanda xüsusilə də Bakı şəhərində urbanizasiya prosesləri yüksək idisə, indi artıq deurbanizasiya yəni, Bakı şəhərində yaşayan, bölgə qeydiyyatında olan insanların geriyə qayıdışı baş verir. Bu ictimai nəqliyyatda, o cümlədən metroda öz təsirini göstərir”.  

Azər Allahverənov qeyd edib ki, digər tərəfdən insanlar çox zaman metrodan ona görə istifadə edirdilər ki, Bakı şəhərində, küçələrində tıxaclar var idi. İctimai nəqliyyat, şəxsi avtomobil ilə getmək harasa getmək, iş yerinə çatmaq müəyyən risklər yaratmış olurdu. Yəni, işə gecikmələr və s. Ona görə də metrodan istifadə edilirdi.

O, bildirib ki, son 3 ay ərzində Bakı küçələrində əvvəllər müşahidə olunan böyük tıxaclara rast gəlinmir. Küçələrdə nəqliyyat vasitələrinin intensivliyi təmin olunub. Bu, bir tərəfdən də ona gətirib çıxardır ki, insanlar artıq görür ki, yollar açıqdır, rahat şəkildə iş yerlərinə gedib çata bilərlər. Ona görə də digər nəqliyyat növlərinə üstünlük verirlər. 

Ekspert deyib ki, insanlar adətən metro ilə iş yerlərinə, təhsil ocaqlarına gedirlər: “İndi görürük ki, elə təhsil ocaqları var ki, onların inzibati binalarının yerləri dəyişib. Yaxud daha kompakt olan ərazilərdə təhsil ocaqları fəaliyyət göstərir ki, oraya digər ictimai nəqliyyat növləri də kifayət qədər intensiv hərəkət edir. Yəni, təhsil ocağının yerləşdiyi ərazidə tək metro deyil, artıq bir neçə istiqamətdən avtobuslar hərəkət edir. Müxtəlif səbəblər var. Hesab edirəm ki, metrodan istifadənin azalmasının əsas səbəbləri bunlardır”.

Keçmiş deputat, iqtisadçı ekspert Nazim Məmmədov Sputnik-ə açıqlamasında deyib ki, bu onu göstərir ki, iqtisadi böhran nəticəsində şəhərə sığınmış vətəndaşlarımız daha çox bölgələrə gedir, geri qayıdırlar: “Tikintilərə cəlb olunmuş bölgələrdən olan iqtisadi miqrantlar idi və bu daxili miqrasiya hesab olunur. Bu vətəndaşlarımız regionlarda qeydiyyatda olmalarına baxmayaraq əsasən Bakıda və Bakı ətrafı qəsəbələrdə yaşayırlar. 2 milyona yaxın vətəndaşımız daimi yaşayış yerində yaşamırlar. İqtisadiyyatımız əsasən Bakı və Bakı ətrafında cəmləşdiyinə görə, əsas tikinti obyektləri burada olduğuna görə, vətəndaşlar buraya miqrasiya ediblər”.

“Birinci Avropa Oyunları qabağı daha çox tikintilər var idi. O obyektlər artıq başa çatdığına görə, həm də iqtisadi böhran olduğuna görə geri qayıdıblar”, — deyə ekspert əlavə edib.   

"Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev Sputnik-ə açıqlamasında deyib ki, metro ilə bağlı hər hansı bir problem yoxdur: "Biz əvvəlki qaydada sərnişin daşımanı davam etdiririk. Hətta aprel ayında yeni 2 stansiya da istifadəyə verilib. Bunlar “Avtovağzal” və “Memar Əcəmi” stansiyalarıdır. Bizdən qaynaqlanan hər hansı bir problem yoxdur. Əvvəlki qaydada işimizi davam etdiririk".

8703
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

4
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

4
Dəmiryol Xətti, arxiv şəkli

Bərdədən Ağdama qatarlar işləyəcək

6
Ümumi uzunluğu 45 km olan Bərdə–Ağdam dəmir yolu xəttinin layihələndirilməsi və tikintisi üçün Azərbaycan Respublikası Prezidentinin ehtiyat fondundan “Azərbaycan Dəmir Yolları”na ilkin olaraq 5,0 (beş) milyon manat ayrılacaq

BAKI, 24 noyabr - Sputnik. Prezident İlham Əliyev Bərdə-Ağdam dəmir yolu xəttinin layihələndirilməsi və tikintisi ilə bağlı tədbirlər haqqında Sərəncam imzalayıb.

Sputnik Azərbaycan-ın məlumatına görə, Sərəncamda deyilir: “2020-ci il sentyabrın 27-də başlanmış Vətən müharibəsi Azərbaycan xalqının tarixi Qələbəsi ilə başa çatmış, Ağdam rayonunun erməni təcavüzünə məruz qalmış bütün əraziləri də işğaldan azad edilmişdir.

Rayonun 27 il ərzində işğal altında saxlanılmış ərazilərində, Ağdam şəhəri də daxil olmaqla bütün yaşayış məntəqələri, o cümlədən həyati vacib təsərrüfat sahələri, yaşayış evləri tamamilə dağıdılmış, ətraf mühitə, tarixi-mədəniyyət və dini abidələrə ciddi ziyan vurulmuşdur.

Ağdam rayonunun işğal altında olmayan 44 yaşayış məntəqəsində son illərdə müxtəlif dövlət proqramları çərçivəsində geniş tikinti-bərpa və abadlıq-quruculuq işləri görülmüş, Olimpiya İdman Kompleksi, Muğam Mərkəzi, Mərkəzi Rayon Xəstəxanası və digər sosialyönümlü obyektlər tikilmiş, Ağdam Dövlət Dram Teatrının binası əsaslı təmir olunmuş, xalçaçılıq müəssisəsi yaradılmışdır. 6600-dən çox məcburi köçkün ailəsi üçün salınmış 18 yeni qəsəbədə 18 ümumtəhsil və 3 musiqi məktəbi, 12 tibb və 10 məktəbəqədər təhsil müəssisəsi inşa edilmiş, qaz, elektrik, içməli su xətləri çəkilmiş, yol-nəqliyyat infrastrukturu yaxşılaşdırılmış, digər mühüm layihələr həyata keçirilmişdir.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, bu istiqamətdə aparılan işlərin davam etdirilməsi, işğaldan azad olunmuş ərazilərin bərpası və Ağdam rayonunun dayanıqlı sosial-iqtisadi inkişafının təmin edilməsi məqsədilə qərara alıram:

1. Ümumi uzunluğu 45,0 kilometr olan Bərdə–Ağdam dəmir yolu xəttinin layihələndirilməsi və tikintisi üçün Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Azərbaycan Dəmir Yolları” Qapalı Səhmdar Cəmiyyətinə ilkin olaraq 5,0 (beş) milyon manat ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının İqtisadiyyat Nazirliyi Azərbaycan Respublikasının 2021-ci il dövlət büdcəsi layihəsində dövlət əsaslı vəsait qoyuluşunun (investisiya xərclərinin) bölgüsündə bu Sərəncamın 1-ci hissəsində göstərilən dəmir yolu xəttinin tikintisinin davam etdirilməsi üçün zəruri olan maliyyə vəsaitini nəzərdə tutsun.

4. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin”.

6
Teqlər:
Sərəncam, Prezident İlham Əliyev, layihə, tikinti, dəmiryolu, Ağdam, Bərdə
Rusiya Prezidenti Vladimir Putin, arxiv şəkli

Putin: "Ən böyük qazancımız qan tökülməsini dayandırmaq oldu"

0
(Yenilənib 17:15 24.11.2020)
Rusiya prezidenti ölkəsinin Dağlıq Qarabağdakı vəziyyətin normallaşmasında vasitəçilik üçün xeyli səy göstərdiyini bildirib.

BAKI, 24 noyabr — Sputnik. Rusiya Dağlıq Qarabağdakı vəziyyətin normallaşmasında vasitəçilik üçün xeyli səy göstərib. Sputnik Azərbaycan-ın RİA Novosti-yə istinadən yaydığı məlumata görə, bunu Rusiya Prezidenti Vladimir Putin deyib.

"Biz Dağlıq Qarabağda dostlarımız Azərbaycan və Ermənistanın minlərlə vətəndaşının həlak olmasına səbəb olan hərbi əməliyyatların dayandırılması üçün böyük səy göstərdik. Eyni zamanda, ATƏT-in Minsk Qrupunda, xüsusən həmsədrlər - Rusiya, ABŞ və Fransa arasında əldə olunan əsas razılaşmaları izlədik. Ən böyük qazancımız qan tökülməsini dayandırmaq, Rusiya, Azərbaycan prezidentləri və Ermənistan baş nazirinin üçtərəfli razılaşması ilə atəşkəsi bərqərar etmək oldu", – deyə o bildirib.

0
Teqlər:
Vladimir Putin, Rusiya, Ermənistan, müharibə, Qarabağ, Dağlıq Qarabağ, Azərbaycan
Mövzu:
Azərbaycan və Ermənistan arasında müharibə