Kök adam

Xəstəlik tapmadan əziyyət çəkmədən arıqlamaq istəyənlər üçün ideal resept

12226
(Yenilənib 21:10 27.05.2016)
Arıqlamaq üçün lazım olan bütün qidaları yaz-yay mövsümündə ucuz qiymətə almaq olar.

BAKI, 27 may-Sputnik. Arıqlamaq fast-food əsrinin ən vacib qayğılarından biridir. Artıq çəkidən əziyyət çəkənlər üçün arıqlamaq heç də asan iş deyil. Mütəxəssislər bildirirlər ki, arıqlamaq kökəlməkdən 10 dəfə çətindir. Kökələn insanlar hərəkət etməkdə çətinlik çəkirlər, təngnəfəs olurlar, damarların divarları xolesterin səbəbindən daralar, qan dövranı adi vəziyyətdən çıxır və çətinləşir, qəflətən ürək sıxılmaları olur, ürək döyüntülərinin sayı artır, müəyyən orqanların iflici ehtimalı çoxalır. Bir sözlə, köklük insanın həyatı boyu üzləşdiyi ən ağır bəlalardan biridir.

İnsanlar bu bəlalardan xilas olmaq üçün çoxsaylı pəhrizlərə, idman hərəkətlərinə, hətta cərrahi əməliyyatlara üz tuturlar. Lakin bu vasitələr heç də çox vaxt effektiv olmur.

İsveç alimləri bildiriblər ki, yemək pəhrizləri arıqlamaq üçün ən etibarsız üsullardan biridir. Çünki orqanizm ona lazım olan kalorini daim tələb edir. Əgər bu kalorini qəbul etməzsə, onda başda şəkər xəstəliyi olmaqla, qan azlığı, qan təzyiqinin düşməsi, ürəyin fəaliyyətinin zəifləməsi, baş ağrıları və digər çoxsaylı problemlər meydana çıxır. Odur ki, insanın yeməyinə diqqət etməsi, həddindən artıq deyil, normada yeməsi şərtdir. İnsan qəbul etdiyi kalorini hərəkətlə yandırsa, onda onun kökəlmək problemi də olmaz.

Kök adamlar hərəkət etməyə tənbəllik edirlər. Odur ki, onların idman və digər hərəkətlər edərək arıqlaması çox çətindir. 

İsveç alimləri hesab edirlər ki, masaj kaloriləri problemsiz yandırmağın, orqanizmdə maddələr mübadiləsinin, qan dövranının yaxşılaşdırılmasının, beləliklə də arıqlamağın ən ideal üsuludur.
Bundan başqa, arıqlamaq üçün pəhriz saxlamaq deyəndə, söhbət bütün qidalardan imtina etməkdən getmir. Arıqlamaq istəyənlər tərkibində doymuş yağlar olan qidalardan imtina etməlidirlər.

Şirniyyat, tərkibində şirin, süd olan qidalardan çəkinmək lazımdır. Turş meyvə-tərəvəzlərdən, kəskin ədviyyatlardan (istiot, zəncəfil, cirə, xardal və s.) istifadə etmək, nisbətən köhnə və quru, xüsusilə də arpa və darı çörəyi yemə məsləhətdir. Kəskin qoxusuna baxmayaraq, soğan, sarımsaq, eləcə də vəzəri və tərxun arıqlamaq istəyənlər üçün ideal vasitələrdir. Bu sıraya kök, kələm və ispanağı da əlavə etmək məsləhətdir. Yeməkdə sirkə, xüsusilə də alma sirkəsi çəki yaradan qidaların təsirini azaltmaq, həzmə kömək etmək baxımından idealdır.
2.4 qram sədəf otunun toxumunu, 16.8 qram sədəfotu yarpağını və onun zoğunu qatıb, bir neçə gün acqarına yemək məsləhətdir.
Bu zaman sidikqovucu vasitələr işlətmək də çox müsbət təsir göstərir.

Arıqlamaq məqsədilə tez-tez isti duş qəbul etmək, hamamda və saunada tərləmək, mədən sularında (kükürdlü, fosforlu və s.) çimmək, çoxlu hərəkət etmək məsləhətdir.
Kökəlmənin qarşısını almaq üçün, əsasən yağlı xörəklərdən, xüsusilə qırmızı ətdən, süddən, pendirdən, mağazalarda satılan firma istehsalı olan kərə və marqarin yağlardan imtina etmək, bacardıqca doymamış yağlardan, süd turşularının bol olduğu süd məhsullarından (yağsız qatıq, kefir və s.) istifadə etmək lazımdır. Yaz-yay mövsümündə bolluca xiyar və alça yemək məsləhətdir.

Xörəklərdə duzu azaltmaq vacibdir.

Üzüm, portağal, limon, şaftalı, çiyələk və qarpız yemək arıqlamaq üçün yaxşı nəticələr verir. Səhər yeməyi əvəzinə portağal, limon və alma ilə keçinmək olar.
Köklüyə qarşı kahı, şalğam və başqa tərəvəz məhsulları, turş alma, heyva, turş nar, limon, portağal çox işlədilməlidir. Bolluca gavalı, albalı, xüsusilə turş gilənarla sarımsaq, xiyar və göyərtilərin qarışığından ibarət salatlar arıqlamaq üçün çox effektivdir.

Qeyd edək ki, haqqında bəhs etdiyimiz bütün qidalar, orqanik meyvə-tərəvəzlər Azərbaycan bazarlarında boldur. Unutmayın, sağlam həyat tərzini sağlam qidalar və sağlam əhval-ruhiyyə bəxş edir.

12226
Teqlər:
xolesterin, şirniyyat, orqanizm, arıqlamaq, pəhriz, dieta, İsveç, meyvə-tərəvəz
Əlaqədar
Arıqlamaq üçün atdığınız dərmanlar sizi ölümə aparır
Koronavirus testi, arxiv şəkli

Azərbaycanda koronavirusa yoluxma sayı azalır - RƏSMİ

4
Hazırkı dövrədək ölkəmizdə 329843 nəfərin koronavirus infeksiyasına yoluxması faktı müəyyən edilib. Onlardan 314900 nəfər müalicə olunaraq sağalıb.

BAKI, 16 may — Sputnik. Azərbaycan Respublikasında koronavirus (COVID-19) infeksiyasına son sutkada 472 yeni yoluxma faktı qeydə alınıb, 1122 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 11 nəfər vəfat edib.

Hazırkı dövrədək ölkəmizdə 329843 nəfərin koronavirus infeksiyasına yoluxması faktı müəyyən edilib. Onlardan 314900 nəfər müalicə olunaraq sağalıb, 4779 nəfər vəfat edib. Aktiv xəstə sayı 10164 nəfərdir.

Ötən müddət ərzində 3384053 test aparılıb. Bugünkü test sayı isə 8374-dür.

Eləcə də oxuyun: 

* Ekspertlərdən həyəcan təbili: Məktəblər açılandan sonra epidemik vəziyyət pisləşəcək

* Koronavirus bəzən uşaqlarda ölüm törədən fəsadlar verir - Nəsib Quliyev

Vaksin olunmuşlara maska taxmamağa icazə verdilər

 

4
Teqlər:
statistika, Azərbaycan, Koronavirus, epidemiya, COVID-19
Mövzu:
Azərbaycanda koronavirus: son xəbərlər
QİÇSdən qan analizi

Cəmiyyətin üz döndərdiyi insanlar: bu gün onlar yad edilirlər

4
(Yenilənib 16:22 16.05.2021)
QİÇS mərhələsində olan vətəndaşların sayı 1889 nəfər, İİV-infeksiyasından dünyasını dəyişən vətəndaşların sayı isə 1119 nəfərdir

BAKI, 16 may — Sputnik. Hər il may ayının üçüncü istirahət günü QİÇS-dən dünyasını dəyişən insanların Ümumdünya Xatirə günü kimi qeyd edilir. Sputnik Azərbaycan Səhiyyə Nazirliyinə istinadən xəbər verir ki, Xatirə günü QİÇS-dən vəfat edənlərin yad olunması, insanları QİÇS-ə yoluxma təhlükəsi haqqında düşünmələri, onların irqindən, milliyyətindən, dinindən, sosial vəziyyətindən asılı olmayaraq, QİÇS-dən sığortalanmadıqlarını dərk etmələrinə çağırır. Eyni zamanda, bu tədbir cəmiyyətin diqqətini, İİV-lə yaşayan insanlara qarşı stiqma və diskriminasiyanı aradan qaldırmaq, onların ailə üzvlərinə, yaxınlarına və dostlarına dəstək vermək, geniş ictimaiyyətə İİV/QİÇS haqqında düzgün informasiya çatdırmaq məqsədi daşıyır.

Ümumilikdə, Azərbaycanda ilk dəfə İİV-infeksiyasının aşkar edilidiyi 1987-ci ildən 2021-ci ilin mayın 1-dək olan rəqəmlərə görə, hazırda 7449 nəfər İİV-lə yaşayan insan rəsmi qeydiyyatdadır. Onlardan 5198-i (69,8%) kişi, 2251-i (30,2%) qadındır. QİÇS mərhələsində olan vətəndaşların sayı 1889 nəfər, İİV-infeksiyasından dünyasını dəyişmiş vətəndaşların sayı isə 1119 nəfərdir.

Səhiyyə Nazirliyi tərəfindən İİV-lə yaşayan insanlara profilaktika, müalicə, qulluq və dəstəyin göstərilməsinin təmin edilməsi işi əvvəlki illərdə olduğu kimi, Respublika QİÇS-lə Mübarizə Mərkəzində davam etdirilir. Belə ki, 08.11.2006-cı il tarixdən tətbiq edilən antiretrovirus terapiyaya 6627 insan cəlb olunub, onlardan 211 nəfərə müalicə 2021-ci ilin ilk 4 ayı ərzində başlanılıb.

Hazırda, Respublika QİÇS-lə Mübarizə Mərkəzi, COVID-19 pandemiyası ilə əlaqədar, İİV-lə yaşayan insanların koronavirus infeksiyasına yoluxma təhlükəsinin qarşısını almaq məqsədi ilə, öz işini UNAİDS-in tövsiyyələrinə uyğun olaraq həyata keçirir. İİV-lə yaşayan insanların dərman çatışmazlığının qarşısını almaq məqsədi ilə onlara ARV dərmanlarının 3 aylıq ehtiyatı verilir. Eyni zamanda, ehtiyac olduqda onların koronavirusa görə testə göndərilməsi həyata keçirilir. İİV-lə yaşayan insanların koronavirusa yoluxmaya görə yüksək risk daşıması ilə əlaqədar onların COVID-19 barədə biliklərinin artırılması məqsədilə xüsusi broşur nəşr olunub.

Bütün dünyada olduğu kimi Azərbaycanda da ənənəvi olaraq QİÇS-dən dünyasını dəyismiş insanların xatirəsi anılır. Koronavirus pandemiyası ilə əlaqədar ölkədə tətbiq edilən "Karantin rejimi" ilə əlaqədar maarifləndirmə işləri, həmçinin İİV-infeksiyası ilə əlaqədar vətəndaşların sorğularının cavablandırılması üçün RQMM-in rəsmi internet səhifəsində yeni modul yaradılıb və 24 saat onlayn fəaliyyət göstərən həkim və digər əməkdaşların mobil telefonları orada qeyd olunub.

Bu xatirə günündə QİÇS-dən dünyasını dəyişənləri bir daha yada salır və hamını sağlam həyat naminə İİV-infeksiyası/QİÇS-lə mübarizədə səyləri birləşdirməyə çağırırıq.

Eləcə də oxuyun: 

Narkotik istifadəçilərinə Səhiyyə Nazirliyindən məsləhətlər

Bu aralar QİÇS-dən ölənlərin sayı kəskin arta bilər

Kişinin ölümcül xəstəliyi 25 il ondan gizlədilib

 

4
Teqlər:
anım, xəstəlik, QİÇS
Türkiyənin Xarici İşlər naziri Mövlud Çavuşoğlu

Çavuşoğludan Fələstin-İsrail qarşıdurmasına münasibət: "Ümmət bizdən liderlik gözləyir"

0
Qəzza zolağında İsrail ordusu ilə Fələstinin hərbi qruplaşması arasında raket atəşləri mayın 10-dan intensivləşib.

BAKI, 16 may — Sputnik. "Ümmət bizdən liderlik gözləyir. Türkiyə lazım olan hər addımı atmağa hazırdır". Sputnik Azərbaycan "Milliyet"ə istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib.

"Birlik və qətiyyət göstərmə vaxtıdır. Ümmət bizdən liderlik gözləyir. Türkiyə lazım olan hər addımı atmağa hazırdır", - deyə Çavuşoğlu söyləyib.

Xatırladaq ki, Qəzza zolağında İsrail ordusu ilə Fələstinin hərbi qruplaşması arasında raket atəşləri mayın 10-dan intensivləşib. İsrailin yaşayış məntəqələri arasıkəsilmədən raket atəşinə tutulur. Eskalasiyanın başladığı gündən bəri İsrail ərazisinə Qəzza zolağından 2900-a yaxın raket atılıb.

İsrail isə öz növbəsində Fələstinin HƏMAS və "İslami cihad" qruplaşmalarının hədəflərini vurub, bir neçə döyüşçünü, o cümlədən yüksək vəzifəli səhra komandirlərini məhv edib. Ölənlərin sayı onlarla, yaralıların sayı yüzlərlə ölçülür.

Eləcə də oxuyun: 

İsrail HƏMAS üzvlərinin evlərinə zərbələr endirdi

Bayden İsrail və Fələstin liderləri ilə danışdı

İslam ölkələrinin fövqəladə iclası çağırılıb

* Ərdoğan: İsrailin tökdüyü qanı dəstəkləyənər bir gün növbələrinin gələcəyini bilməlidirlər

0
Teqlər:
qarşıdurma, Mövlud Çavuşoğlu, Qəzza, İsrail