Rəfiqə Əlizadə

Ərini başqası ilə evləndirən qadın: onun yaşadıqlarını kimsə yaşaya bilməzdi

4884
(Yenilənib 10:33 24.05.2016)
Körpəlikdən anasız böyüyür, çox keçməmiş atasını itirir. 13 yaşında ərə verilir, amma heç vaxt övladı olmur. Sırf ərinə olan sevgisi xatirinə, onu başqa qadınla ailə qurmağa vadar edir...

İradə Cəlil, Sputnik Azərbaycan

BAKI, 24 may — Sputnik. Bir rəvayətə görə, Allah ölüm acısını əvvəlcə dağlara verib, görüb ki, dağlar bu acıya dayana bilmir, dağılır, yox olur. Sonra çaylara verib, çaylar ölüm acısında quruyur. Küləyə verir o yükü, küləklər səmtini itirir.

Axırda hamısı dilə gəlib deyir: "Allahım, nə olar, al bizdən bu acını, dayana bilmirik". Və Allah ölüm acısını onlardan alıb insana verir. İnsanoğlu nələrə qadirmiş. Dağları dağıdan, çayları qurudan, küləklərin səmtini dəyişə itirdən ölüm acısı insanı tükətmir. İnsan acının ilk halında qovrulur, yanır, məhv olacağını düşünür, amma sonda qəbul edir, alışır.

Həqiqətən də insan çox güclü varlıqdır. İtirə-itirə getsə də, həyat eşqi sönmür, alovlanır. Yaşayır, bütün sevdiklərini, yaxınlarını bir-bir itirir, amma ayaqda qalmağı bacarır.

"Yoldaşımı özüm evləndirdim"

Rəfiqə Əlizadənin körpəlikdən bəxti gətirmir. Danışır ki, 4 yaşı olanda anasını itirib. Uşaqlıqdan ana qayğısı görməyən Rəfiqənin atası yenidən evlənir: "Ögey ana əlində böyüdüm. Bunun nə demək olduğunu yəqin ki, başa düşərsiniz. Bir qanı ac, bir qarnı tox. Nə qədər mehribanlıq etməyə çalışa da, heç bir zaman ögey ana doğma ananın yerini vermir. Yıxılanda canı yanmır, xəstələnəndə ürəyi parçalanmır. Axı canı canından, qanı qanında deyil".

İllər keçir və Rəfiqənin 12 yaşı olanda atası da dünyasını dəyişir. Onun bu həyatda heç kimi yoxdur. Nə bacısı, nə qardaşı, nə qohum-əqrabası, nə övladı… Tək-tənhadır: "Əslində, qohum-əqrabam çoxdur, həddən artıq. Amma hamısı qəbirstanlıqdadır".

80 yaşı var Rəfiqə xalanın. Ailə həyatı qursa da, Allah ona övlad bəxş eləmir, həyat yoldaşından ayrılmaq istəməyən Rəfiqə xala, həyat yoldaşını özü evləndirir: "13 yaşım olanda analığım məni başından etmək üçün birinə verdi. Dedi, ailən olacaq. O vaxtlar hər şey sakitcə baş turudu. İndiki kimi restoran, şadlıq sarayları yox idi. Ailə qurdum. Yoldaşımın işi ilə əlaqədar köçdüm Astaraya".

Soruşurlar məndən ki, heç kimin yoxdur? Deyirəm, var — bir qəbiristanlıq
© Sputnik / IRADE CELIL
"Soruşurlar məndən ki, heç kimin yoxdur? Deyirəm, var — bir qəbiristanlıq"

"İllər keçir, amma mənim övladım olmurdu. O vaxtlar həkimlər də indiki kimi deyildi. Yoldaşımı sevirdim, itirmək istəmirdim. Ona təklif etdim ki, "gəl, səni evləndirim, oğulun-uşağın olsun. Sənə də baxarlar, mənə də. Çünki, ay qızım, həyatda bu kişidən başqa heç kimim yox idi. Yaxşı adam idi. İtirmək istəmirdim. Düşünürdüm ki, özü uşağa görə gedib başqası ilə evlənsə, mən tək qalaram. Ona görə evləndirdim onu", — danışıq Rəfiqə xala.

"Mən də onunla bərabər öldüm"

İllər keçir və Rəfiqə xalanın həyat yoldaşının ikinci ailədən 4 övladı dünyaya gəlir. Rəfiqə xala o uşaqlara öz balası kimi baxır, ikinci qadından yardımlarını əsirgəmir. Deyir ki, həmin uşaqları öz balası kimi istəyb. Amma…

O danışır ki: "Mənim davranışım, mənim fikrim başqa idi. Nə bilim. 28 il əvvəl həyat yoldaşım dünyasını dəyişdi. Nə qədər ki, o, həyatda idi, arxayın idim. Onunla mən özüm də öldüm. Dedilər, "yenidən ailə qur". Kənd yerlərində yaşlı da olsan, ailə qurmağa pis baxmırlar. Dedim, yox, qadının bir əri olar. O yoxdusa, mən də yoxam. Nəyə lazım gündə bir kişi dəyişmək?! Ailə qurmadım. Yoldaşım öləndən sonra kirayə çıxmağa məcbur qaldım. Onun uşaqları da böyümüşdü".

Ağır günlərin başlanğıcı

İllərlə kirayələrdə tək yaşayan Rəfiqə xala, nəhayət bir gün tənhalıqdan bezir. Üz tutur Bakıya. Burada "Qocalar Evi"ndə qalmağa başlayır: "Soruşurlar məndən ki, heç kimin yoxdur? Deyirəm, var — bir qəbiristanlıq. Sağ qalan heç kimim yoxdur. Yoldaşımın uşaqları da mənimlə maraqlanmırlar. Amma onları çox istəyirəm. İstəmərəm, başlarından bir tük əskik olsun. Yaşasınlar, ayaqüstə dursunlar, elə mənim bəsimdi".

İllərlə kirayələrdə tək yaşayan Rəfiqə xala, bir gün tənhalıqdan bezib Bakıya, Qocalar Evinə gəlir
© Sputnik / İrade Celil
İllərlə kirayələrdə tək yaşayan Rəfiqə xala, bir gün tənhalıqdan bezib Bakıya, "Qocalar Evi"nə gəlir

Soruşuram ki, "Qocalar evi"ndə ailə quranlar çox olur, siz niyə ailə qurmursunuz? Gülüb deyir: "Ay bala, mənim o yaşım deyil. Həm də mənim həyatım yoldaşımla getdi. O, övladlarına lazım idi. O yaşamalıydı. Kaş onun yerinə mən öləydim".

Danışır və gözləri dolur, əlindəki dəsmalıyla gözlərinin yaşını silib, yenidən gülümsəməyə çalışır. Deyir ki, nə ömrü qalıbsa, burada yaşayacaq və yaxınlarına qovuşduğu gün daha xoşbəxt olacaq…

Bu da keçər…

Mən təşəkkürümü edib ayağa qalxıram, qəmli baxışlarla mənə baxır, başını aşağı salıb, yenə gözlərini silir. Özünü elə göstərir ki, guya yaşadıqları vecinə deyil, gülümsünür, qəhqəhə də çəkir. Amma bir kəlmə danışan kimi göz yaşları aramsız süzülməyə başlayır.

Bəzən düşünürəm ki, o rəvayətdə dağın, çayın, küləyin etiraz etdiyi kimi insan da ölümə etiraz etsəydi, nə olardı görəsən? Amma sonra düşünürəm ki, Allah heç kimə daşıya biləcəyindən artıq yük vermir.

Rəfiqə xala da güclü qadın olub, təkliyə-tənhalığa rəğmən ayaqda qalmağı bacarıb. Artıq 80 yaşı var. Nə analığı qalıb həyatda, nə həyat yoldaşı, nə də həyat yoldaşını evləndirdiyi qadın. Amma o, güclü olduğu üçün, həyata tutunub, dörd əllə sarılıb.

Nə olursa olsun, unutmayın ki, Allah kimsəyə çəkə biləcəyindən artıq yük vermir. Çalışın ki, həyatda hər şeyə "bu da keçəcək" deməyi bacarasınız.

Və bir də bizi izləməkdə davam edin. İzləyin ki, yeni həyatlar, həyat hekayələri və fərqli talelərlə tanış olasınız…

4884
Teqlər:
Rəfiqə Əlizadə, dərd-kədər, "Qocalar evi", Astara, həyat hekayəsi, həyat, Bakı
Əlaqədar
"Yeganə qəbul etmədiyim qanun qadının ölməsidir"
Özünü yandıran gəncin tükürpədici həyatı: cəmi 15 dəqiqə...
"Allah həmişə gözəl qadınları başsız qoyur"
Yaşını unutmuş qoca: "Ukrayna qızları ölürdü səsim üçün"
BMT iclası

BMT Təhlükəsizlik Şurası Dağlıq Qarabağa görə toplandı

37
(Yenilənib 02:52 30.09.2020)
Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər

BAKI, 30 sentyabr — Sputnik. BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

Sputnik Azərbaycan APA-ya istinadən bildirir ki, bağlı qapılar arxasında keçən iclasda Şuranın 15  daimi və qeyri-daimi üzvü iştirak edib.

Təhlükəsizlik Şurasının üzvləri Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlarla bağlı xəbərlərdən narahatlıqlarını ifadə ediblər. Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər.

Təhlükəsizlik Şurası üzvləri, BMT Baş Katibinin tərəflərin döyüşü dərhal dayandırmaq, gərginliyi azaltmaq və gecikmədən substantiv danışıqlara qayıtmaq çağırışını dəstəklədiklərini bəyan ediblər. 

Təhlükəsizlik Şurasının üzvləri ATƏT-in Minsk Qrupu həmsədrlərinin mərkəzi rolunu tam dəstəklədiklərini bildiriblər və tərəfləri ilkin şərtlər olmadan dialoqun təcili bərpası üçün Minsk Qrupu həmsədrləri ilə işləməyə çağırıblar.

37
Teqlər:
açıqlama, fövqəladə iclas, BMT Təhlükəsizlik Şurası, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
İlham Əliyev: "Azərbaycan öz xalqını, öz insanlarını, öz torpağını müdafiə edir" – VİDEO
MN: "Ermənistan tərəfi köhnə videoları yeni görüntülər kimi təqdim edir”
Füzuli istiqamətində Ermənistan SQ-nin əks-hücum cəhdi dəf edilib

Cəbrayıl rayonu istiqamətində düşmənin döyüş texnikaları məhv edilib - VİDEO

221
(Yenilənib 01:19 30.09.2020)
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib

BAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.

Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.

221
Teqlər:
Azərbaycan Ordusu, döyüş texnikası, tank, Cəbrayıl, döyüş, cəbhə, Ermənistan-Azərbaycan Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Həsənqaya yaxınlığında Ermənistan ordusunun mövqeləri darmadağın edilib
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Müdafiə Nazirliyi: Ermənistan ordusunun polkovniki Karen Babayan məhv edilib