Milli Məclis

Amnistiya qərarı iyunun 15-də qüvvəyə minəcək

165
Əli Hüseynli: "Əvvəlki qərarda 2 min şəxs tam azadlığa çıxırdısa, budəfəki rəqəm kifayət qədər ciddi rəqəmdir. Bu amnistiya aktı 10 min nəfərə şamil olunur ki, əvvəlkilərlə müqayisədə 1000 nəfər çoxdur"

BAKI, 20 may — Sputnik. "Artıq Azərbaycanda amnistiya aktlarının məhz Heydər Əliyev Fondu tərəfindən hazırlanıb, parlamentə təqdim edilməsi, xalqımız və cəmiyyətimiz tərəfindən alqışlanan müsbət ənənəyə çevrilib".

Sputnik xəbər verir ki, bu sözləri parlamentin iclasında çıxışı zamanı millət vəkili Əli Hüseynli deyib. O, bildirib ki, "28 May — Respublika Günü münasibətilə amnistiya elan edilməsi haqqında" qərar əvvəlki qərarla müqayisədə 3500 şəxsin tam azadlığa buraxılmasını özündə ehtiva edir.

"Əvvəlki qərarda 2 min şəxs tam azadlığa çıxırdısa, budəfəki rəqəm kifayət qədər ciddi rəqəmdir. Bu amnistiya aktı 10 min nəfərə şamil olunur ki, əvvəlkilərlə müqayisədə 1000 nəfər çoxdur", — deputat bildirib.

Millət vəkili deyib ki, amnistiya qərarının ikinci hissəsi özündə bir neçə məhdudiyyətləri ehtiva edir: "Bu da təbiidir. Ümumiyyətlə, amnistiya qərarlarında ağır cinayətlərə yer verilmir. Cinayətin xarakteri və ictimai təhlükəsizliyi nəzərə alınmalıdır. Əks təqdirdə onun humanizm ideyası tətbiq edilə bilməz".

Ə. Hüseynli vurğulayıb ki, amnistiya qərarı bu ilin iyunun 15-də qüvvəyə minəcək və qərarın ümumi icra müddəti 4 aydır: "Araşdırmalar onu göstərir ki, Heydər Əliyev Fondu tərəfindən təqdim edilmiş son amnistiya aktları ilə azadlığa buraxılanların arasında yenidən cinayət törətmək meylləri demək olar ki yoxdur. Bu onu göstərir ki, Heydər Əliyev Fondu insan hüquqlarının qorunması sahəsində də qarşıya qoyduğu məqsədə nail olub".

"Buna görə əminliklə demək olar ki, Respublika Günü münsibətilə irəli sürülən amnistiya təşəbbüsü vətəndaşlarımızın dövlətə sədaqət və qanunlara hörmət ruhunda formalaşmasında öz töhfəsini verəcək, insanların haqq-ədalət inamını daha da möhkəmləndirəcək", — millət vəkili qeyd edib.

165
Teqlər:
Milli Məclis, parlament, Əli Hüseynli, Mehriban Əliyeva, "28 May - Respublika Günü münasibətilə amnistiya elan edilməsi haqqında", amnistiya
Əlaqədar
"Ölkəmizin ən dəyərli humanizm dəyərlərinə əsaslanaraq təklif edirəm ki..."
Mehriban Əliyevanın təqdim etdiyi amnistiya layihəsinin detalları açıqlandı
"Amnistiya aktı haqqında" qanun layihəsinin müzakirəsi başladı
3 mindən artıq məhkum azadlığa buraxıla bilər
Azərbaycan və Türkiyə bayraqları olan tablo, arxiv şəkli

Ankara Opera Balet Teatrında ölkəmizə dəstək məqsədilə bədii proqram təqdim ediləcək

0
Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

BAKI, 23 noyabr — Sputnik. Ankara Opera və Balet Teatrında Azərbaycana dəstək məqsədilə zəngin bədii proqram təqdim ediləcək.

Sputnik Azərbaycan xəbər verir ki, proqram Azərbaycanın Türkiyədəki Səfirliyi, Türkiyə-Azərbaycan Dostluq, Əməkdaşlıq və Həmrəylik Fondu (TADƏHF) və Anadolu Mədəniyyətlərin araşdırılması və inkişafı dərnəyi tərəfindən birgə təşkil olunacaq.

Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

0
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

8
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

8
Teqlər:
şahmat turniri, Teymur Rəcəbov, qalib, qələbə, şahmat