Bakının Nizami küçəsi

Uşaqlarınızı Bakının bu ərazisindən uzaq tutmağınız məsləhətdir

5540
(Yenilənib 12:39 19.05.2016)
Son vaxtlar mağazaların vitrinlərinə vurulan açıq-saçıq reklamlar valideyni narahat etməyə başlayıb. Bu məsələyə dair qanunvericilikdə hansısa hədd göstərilməsə də, paytaxt sakinləri və mütəxəssislər "həyacan siqnalı" verirlər.

BAKI, 19 may — Sputnik. Bura köhnə adı ilə "Tarqovı", yeni adı ilə Nizami küçəsidir. Hər gün minlərlə, on minlərlə insanın gedib-gəldiyi, gəzdiyi, şəhərin ən sıx və ən gur küçəsidir.

Bu küçə lap keçmişdən paytaxtın ticarət mərkəzi olub. Varlı təbəqəni təmsil edən insanlar alış-veriş üçün daha çox bura üz tuturdular. Bu ənənə elə indi də davam edir desək, yanılmarıq. Çünki dünyada ən çox tanınan, brend mağazaların filialları paytaxtın Nizami küçəsində, "Tarqovı"da fəaliyyət göstərir.

İş orasıdır ki, bu gün bu yer tək ticarət zonası yox, həm də istirahət zonası sayılır. Dəbdəbəli kafelər, restoranlar, publar 24 saat əhaliyə xidmət göstərir. Valideynlər öz uşaqlarını da yanına alıb bura gəzməyə gəlirlər.

Amma bu gəzintilər çox vaxt ailələrin ürəyincə olmur. Çünki "Tarqovı"da, əsasən də son vaxtlar mağazaların vitrinlərinə vurulan açıq-saçıq reklamlar bir çox valideynləri narahat edir. Ərazidə söhbət apardığımız orta yaş və yaşlı təbəqənin təmsilçiləri də həddi aşan reklam lövhələrindən şikayətçidirlər.

6 yaşlı qızı ilə gəzintiyə çıxan Ömər Orucov, bəzi reklamların ucbatından tez-tez səmtini dəyişdiyini deyir: "Məncə, belə reklam lövhələri düzgün deyil. Başa düşürəm, biz dünyəvi dövlətik, azad seçim var, amma bu qədər dərininə getmək olmaz. Azadlığın da bir həddi olmalıdır. Bu mağazanı işlədən öz körpə qızına göstərər bu şəkilləri? Yox göstərməz. Onda niyə başqalarına rahat göstərirlər?".

  • Mağazaların vitrinlərinə vurulan açıq-saçıq reklamlar bir çox valideynləri narahat edir
    Mağazaların vitrinlərinə vurulan açıq-saçıq reklamlar bir çox valideynləri narahat edir
    © Sputnik / Fuad Hasanov
  • Bəzi reklamların ucbatından azyaşlı övladları ilə gəzintiyə çıxan valideynlər yollarını dəyişməyə məcbur olurlar
    Bəzi reklamların ucbatından azyaşlı övladları ilə gəzintiyə çıxan valideynlər yollarını dəyişməyə məcbur olurlar
    © Sputnik / Fuad Hasanov
  • Nizamı küçəsində yerləşən mağzalardan birinin vitrinindəki alt geyimi reklamı
    Nizamı küçəsində yerləşən mağzalardan birinin vitrinindəki alt geyimi reklamı
    © Sputnik / Fuad Hasanov
  • Belə geyimlərin açıq şəkildə reklam olunması şəhər sakinləri tərəfindən birmənalı qarşılanmır
    Belə geyimlərin açıq şəkildə reklam olunması şəhər sakinləri tərəfindən birmənalı qarşılanmır
    © Sputnik / Fuad Hasanov
1 / 4
© Sputnik / Fuad Hasanov
Mağazaların vitrinlərinə vurulan açıq-saçıq reklamlar bir çox valideynləri narahat edir

Keçirdiyimiz sorğuya Türkiyə vətəndaşları olan Qalip Güleryüz və həyat yoldaşı Berna Sakin də münasibət bildirib. Azərbaycana turist kimi gəldiklərini deyən cütlük, belə problemin tək Bakıda yox, yaşadıqları İzmir şəhərində də mövcud olduğunu söyləyib.

"Çox doğru mövzu seçmisiniz. Bizim şəhərdə də buna oxşar reklamlar çoxdur. Kənardan adi görünür, amma əslində elə deyil. Biz gərək həssas olaq. Bir az ciddi yanaşaq belə məsələlərə", — B. Sakin deyib.

Onun sözlərinə görə, bu ərazi hər gün minlərlə insanın ayaq basdığı məkandır: "Söhbət böyüklərdən getmir, uşaqlar da keçir bu küçədən. Onları körpə yaşlarından şəhvətə meylləndirmək olduqca acı nəticələr verər".

Mağazaların vitrinlərinə yerləşdirilən şəkilli reklam lövhələri ilə bağlı hansısa bir limit varmı? Bunlar qanunla tənzimlənirmi? Bu suala cavab almaq üçün Azərbaycan Reklamçılar İttifaqının prezidenti Hacıəmi Atakişiyevlə əlaqə yaratdıq. Onun Sputnik-ə verdiyi məlumata görə, hazırda mağaza vitrinlərinə yerləşdirilən şəkilli lövhələrlə bağlı qanunda hansısa bir maddə yoxdur.

"Bildiyim qədəri ilə, hazırda qanunvericilikdə vitrin reklamları barəsində hansısa qayda yoxdur. Ancaq nəzarət var. Həddindən artıq açıq-saçıq şəkillərə icazə verilmir. Bu qaydanı pozanlar cərimələnirlər", — H. Atakişiyev bildirib.

Buna baxmayaraq, İttifaq prezident deyir ki: "Yaxşı olardı, məsələ hökumətin də gündəminə gəlsin və qanunla tənzimlənsin. Biz müsəlman ölkəsiyik. Ona görə də belə şeylərə yol verməməliyik".

5540
Teqlər:
"Tarqovı", Nizami küçəsi, qız, reklam, uşaq
Əlaqədar
Reklam xarakterli SMS-lər abunəçiləri cana yığıb
Bu yerlərdə reklam yerləşdirə bilməyəcəksiniz
Azərbaycanda müalicələrlə bağlı reklama görə cərimələr tətbiq edilir
Bakı-Quba yolunda maşın reklam lövhəsinə çırpılıb, ölən var
ABŞ-da reklam plakatı: Hz. Mǝhǝmmǝd hǝr zaman sevgini öyrǝtdi
Reklamlar metroya qayıtdı
Fırıldaqçı reklam şirkətləri hər il 1 milyard dollar ziyan vurur

Qəhrəmanlıq tariximizin "Ağ atlı oğlan"ı - Tiqana

164
(Yenilənib 21:15 23.10.2020)
Cəbrayıl sakini: "Cəbrayıla ayaqyalın gedəcəyəm. Kol-kos bassın, vecimə də deyil. Qurban olum Qarabağın kol-kosuna".

Şahpəri Abbasova, Sputnik Azərbaycan

BAKI, 23 oktyabr — Sputnik. Hər kəs onu "Tiqana" adı ilə tanıyırdı. 15 yaşında oyuncaq avtomatını odlu silahla əvəzləyən Tiqana, yəni Samir Əliyev Cəbrayıl ərazisinin dağ, meşə yollarını yaxşı tanıdığı üçün kəşfiyyatçılara bələdçilik edirdi. O, eyni zamanda texniki vasitələrin olmadığı bir zamanda döyüşən əsgər və zabitlərin səhra poçtalyonu idi. Ailələrə, yaxınlarından xəbər tuta bilməyənlərə xəbər gətirib-aparırdı. Anası Aminə Əliyeva onun döyüş şücaətlərindən Sputnik Azərbaycan-a danışıb: "Biz Cəbrayılın Qaracallı kəndindənik. 1993-cü il idi. Səhər oğlum, yoldaşım, mən və balaca qızımla səhər yeməyi yeyirdik. Ermənilər atan kimi Samir tələsik çıxdı. Ayaqqabısının birinin ipini bağladı, heç o birisini bağlamadan qaçdı. Ona əsgər paltarı vermişdilər. Dedim, getmə. Dedi "gedəcəm". Ermənilər başımızdan güllələr tökürdülər. Kəndin üstünü sanki qara buludlar örtdü. Bizi maşına doldurub Arpadərəyə apardılar. Oradan da Mahmudlu stansiyasına apardılar. Bir müddət qaldıq orada".

Samirin valideynləri onu gecə saatlarına qədər gözlədilər. Amma ondan heç bir səs-soraq çıxmadı: "Gecə də evə gəlmədi. Neçə yerə zəng elədik, Samirdən xəbər ala bilmədik. Sən demə, saat 22-23 radələrində ermənilər onu vurublar. Samiri qan aparıb. Ermənilər oğlumu götürməyə imkan verməyiblərmiş. Onu güc-bəla ilə güllələrin altından çıxarıb xəstəxanaya aparıblar. Amma xəstəxanada can vermişdi".

Samiri xəstəxanaya gətirəndə həkimə deyib, "qoyma ölüm, mən müharibəyə getmək istəyirəm". Amma xeyri olmamışdı, vəfat etmişdi. Aminə xanım deyir ki, Samir birinci dəfə ayağından yaralananda qonşusu onu döyüşmək fikrindən daşındırmaq istəsə də, buna müvəffəq ola bilmir: "Qonşumuz xəstəxanada işləyirdi. Onun nəşini qonşumuz tanımışdı. Əvvəl də yaralanmışdı, ayağı və qolu yaralanmışdı. Qonşumuz deyib, "Samir, evin bir oğlusan, get evə". O da deyib, "yox, dağda yaralılar var. Özü yaralı ola-ola 60 yaralı, 40 meyit çıxarıb. Bir meyit qalmışdı, onu çıxaranda erməni Samiri vurmuşdu. Şişqayada yaralanandan sonra bizimkilər çətinliklə də olsa, onu çıxara biliblər. Xəstəxanada canını tapşırmışdı".

Tiqananın ağ atı onun ölümünə dözməyib qəbrinin üstündə can verib: "Samir meşədən ağ at tapmışdı, ermənilər atın bir gözünə güllə vurub çıxarmışdılar. Samir ölən gün at onun qəbrinin üstündə fırlandı, elə onun qəbri üstündəcə can verdi. Yoldaşım o atı da orada basdırdı, gəldik".

Qəhrəmanımız danışır ki, oğlu öz öləcəyi günü bilirdi: "Bir gün Samir gəldi ki, "mənim albomumu, paltarımı apar, Mahmudluya qoy". Bir gün də gəldi ki, heyvanları çıxardın. Heyvanları Beyləqana göndərdik. O bilirdi, amma demirdi. Samir öldüyü günü bilirdi. Qonşumuza demişdi ki, Mirələmin ilində mən öləcəm. Mirələm qonşumuz idi, 1992-ci ildə şəhid olmuşdu. Erməni ona 30 güllə vurmuşdu. O qədər güclü idi ki, 29 güllə vurulmuşdu, ölməmişdi, 30-cu güllədə canını tapşırmışdı. Onu erməni vurduqca "Qarabağ bizimdir" deyib. Ermənilər onun meyitini özləri ilə götürmüşdülər, bizimkilərin xeyli mücadiləsindən sonra onun nəşini aldılar. Onun əsl adı Sahib idi, ermənilər onu Sahib deyə çağırırdılar, amma biz ona Mirələm deyirdik. Ermənilər sonradan dedilər ki, bilsəydik, o, Sahibdir, verməzdik".

Oğlunun ölümündən bixəbər ana o anları danışdıqca göz yaşlarına hakim ola bilmədi. Aminə xanım tezliklə oğlunun məzarını görmək, ziyarət etmək arzusundadır: "Mənim heç nədən xəbərim yox idi. Hamı yığılmışdı Mahmudluya. Bir nəfər gəldi, baldızımı çağırdı, nəsə dedi. Baxdım ki, baldızımın rəngi sapsarı saraldı. Getdim yanına, dedim, "nə olub?" Heç nə demədi. Əlimi atdım üzümə, saçımı, başımı yoldum, dedim, "Samir ölüb". Elə bil, ürəyimə dammışdı. Ondan sonra camaat qarışdı bir-birinə. Oğlumu gətirib Mahmudlu stansiyasında dəfn etdik. 3 gündən sonra orada da atışma başladı, qaçdıq Beyləqana".

"Bir neçə gün Beyləqanda qalandan sonra gəldik Mahmudluya, hələ onda işğal olunmamışdı. Amma atışma davam edirdi. Gəldik, gördük, qəbrin bir tərəfi çöküb. Getdik İcra Hakimiyyətinə dedik, onlar da dedilər ki, sabah bir maşın, bir neçə kisə sement verərik, əsgərlərlə birlikdə qəbri düzəldərsiniz. Gəldik Beyləqana ki, səhər gedib qəbri düzəltdirərik. Səhər eşitdik ki, camaat İrana qaçıb. Qəbir elə qaldı orada. Beyləqanda bir müddət yaşadıqdan sonra Bakıya gəldik. Qızım bu hadisələrdən qorxub sarılıq xəstəliyinə tutuldu. Bir müddət yaşıllaşdırma idarəsində ərimlə mən az məvaciblə işləməyə başladıq. Sonra evlərdə qulluqçu işlədim".

© Sputnik / Shahperi Abbasova
Samir Əliyevin anası Aminə Əliyeva

Hər kəsin sevgisini qazanan Tiqana haqqında məqalələr, kitablar yazılıb, sənədli filmlər çəkilib: "15 yaşında könüllü getdi. Əvvəllər su, patron daşıyırdı. Sonradan digər döyüş yoldaşları kimi o da vuruşdu. Bir gün Şəmistan Əlizamanlı kəndə gəlmişdi. Kəndin ayağında bunu görür, istəyir, onunla görüşsün, bu qaçır dağa. Gedib əsgərlərə xəbər verir ki, Şəmistan gəlib. Şəmistan deyib ki, "mən onu dərədə gördüm, bu buraya haradan gəlib çatdı?" Samir o qədər cəld, qoçaq uşaq idi ki, heç nə gözünü qorxutmurdu. "Ağ atlı oğlan" filmi ona həsr olunub. Hər dəfə o filmə baxanda pis oluram, həm də fəxr edirəm".

Ona "Tiqana" ləqəbinin verilməsinin səbəbi barədə də danışdı şəhid anası: "Bəzən gecənin bir aləmi gəlirdi evə, rayondan kəndə. Ona o qədər deyirdik ki, "uşaqsan, getmə", amma bizi dinləmirdi. Onun qoçaqlığına və qara olduğuna görə Elmidar adlı həmkəndlimiz ona "Tiqana" ləqəbi qoymuşu. Fransız futbolçusu Jan Tiqanaya oxşayırdı, həm də çox yaxşı futbolçu idi Samir. Ona görə "Tiqana" deyirdilər. Rəhmətlik Həsən Turabov da çox istəyirdi onu".

Aminə nənə Azərbaycan Silahlı Qüvvələrinin uğurlu əməliyyatları nəticəsində strateji cəhətdən əhəmiyyətli olan bir neçə nöqtələri, eləcə də bir neçə kəndimizin işğaldan azad olunması xəbərinə hədsiz sevinib: "Sevincdən az qala dəli olacaqdım. Kəndimiz Qaracallıya ayaqyalın gedəcəyəm. Deyirlər, "ayaqlarına kol batacaq, hər yer kol-kosdur". Deyirəm, "qoy batsın, vecimə də deyil. Qurban olum kəndimin kol-kosuna". Oralar cənnət idi. Torpaqları bərəkətli idi. O qədər gözəl, dadlı meyvələr yetişirdi ki, heç burada o meyvələr yoxdur, dadı o dad deyil. Ağzımızın dadı da gedib. Torpaqlar alınsın, hər şeyi burada qoyub gedəcəm. Heç nədə gözüm yoxdur. Necə ki, Bakıya gələndə 1 stəkan da gətirməmişdim, eləcə də Cəbrayıla qayıdacam. Gedəcəm, əkib-becərəcəm, toyuq-cücə saxlayıb özümü dolandıracam".

"Həyat yoldaşım Qarabağ deyə-deyə dünyadan köçdü. Onu burada dəfn eləmişik. Amma söz vermişəm, onun nəşini də burada saxlamayacam, aparıb kəndimizdə dəfn edəcəyəm. Köhnə xəstəxana təmir olunmuşdu. Orada yaşı mindən artıq olan çinar ağacı var idi, onun üstündə çayxana var idi, ikimərtəbəli idi, altında bulaq var idi. Bir möcüzə idi. Yoldaşım həmin restoranda aşpaz işləyirdi. Ermənilərin o ağacı məhv etdiyini eşidəndə yoldaşım heç dözmürdü", - deyə Aminə nənə əlavə edib.

Həmsöhbətimiz Cəbrayıl rayonunun gözəlliklərindən danışdı: "Xarı-bülbül Şuşada bitir deyirlər. Amma bizim kəndin hər tərəfində xarı-bülbül bitirdi. O qədər ağac var idi ki, evlər görünmürdü. Həyətimiz dolu idi meyvə ağacları ilə. Həyətimizdə narla əncir ağacının ortasında mis, alüminium, tunc qazanlarımı, şüşə çayniklərimi, samovarlarımı basdırmışam. Qismət olsun, torpaqlarımız azad olunsun, minalardan təmizlənsin, gedib qazım çıxarım onları. İnşallah, ermənilər o qabları tapmazlar. Oranı bu dəqiqə getsəm, taparam. Erməni atırdı, bilirdik ki, gec-tez gedəcəyik".

164
Mövzu:
Azərbaycan və Ermənistan arasında müharibə
Əlaqədar
Artıq qaçqın deyilik – Zəngilanlılar yurdlarına dönəcəkləri günü gözləyirlər - VİDEO
Cəbrayıllı alim: "Kəndimizi atəşə tutan Hadrut azad olunanda sevincim yerə-göyə sığmadı"
İyirmi yeddi il son ümidini sandıqda qoruyan köçkün: Daha dövlətə yük olmaq istəmirik
Bir igid ömrü torpağını gözləyənlər: "Ermənilər özləri orada yaşamağa ürək eləmirlər"
Qarabağa yol göründü: "Dişimlə-dırnağımla evimi tikərəm..." - FOTO

Operativ Qərargah vətəndaşlara müraciət etdi

33
2020-ci il 24 oktyabr saat 00:00-dan Ağstafa, Biləsuvar, Xaçmaz, İsmayıllı, Qax, Zaqatala rayonlarına və Mingəçevir şəhərinə operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

BAKI, 23 oktyabr - Sputnik. Nazirlər Kabineti yanında Operativ Qərargah karantin qaydalarının yenidən sərtləşdirilməsi ilə bağlı vətəndaşlara müraciət edib.

Sputnik Azərbaycan xəbər verir ki, müraciətdə deyilir:

"Hazırda dünya ölkələri üzrə yeni növ koronavirus (COVID-19) infeksiyasına yoluxmada artım müşahidə olunmaqdadır. Ümumdünya Səhiyyə Təşkilatının məlumatına əsasən, bu günədək dünyada 42 milyondan çox şəxs COVID-19 infeksiyasına yoluxub, 1 milyondan çox insan isə bu xəstəlikdən vəfat edib.

Vətəndaşlarımızı COVID-19 virusu ilə mübarizə sahəsində mövcud karantin tələblərinə riayət etməyə, eləcə də qoruyucu maskalardan və digər zəruri tibbi-profilaktik vasitələrdən istifadə etməyə, ictimai yerlərdə kənar şəxslərlə minimum kontaktda olmağa çağırırıq".

Xatırladaq ki, ölkədə karantin qaydaları yenidən sərtləşdirilib. 2020-ci il 24 oktyabr saat 00:00-dan Ağstafa, Biləsuvar, Xaçmaz, İsmayıllı, Qax, Zaqatala rayonlarına və Mingəçevir şəhərinə operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

33
Ermənistan ordusuna məxsus PUA

Ermənistan ordusunun zərbə PUA-sı zərərsizləşdirilib

0
Azərbaycanın Müdafiə Nazirliyi Ermənistan silahlı qüvvələrinə məxsus növbəti dronun məhv edilməsi barədə məlumat yayıb.

BAKI, 24 oktyabr — Sputnik. Oktyabrın 23-ü gündüz saatlarında Cəbrayıl rayonu istiqamətində Ermənistan silahlı qüvvələrinə məxsus "BZEZ" zərbə pilotsuz uçuş aparatı (PUA) bölmələrimiz tərəfindən aşkar olunaraq xüsusi texniki vasitələrlə yerə endirilib.

  • Ermənistan ordusuna məxsus PUA
    © AR Ministry of Defence
  • Ermənistan ordusuna məxsus PUA
    © AR Ministry of Defence
  • Ermənistan ordusuna məxsus PUA
    © AR Ministry of Defence
1 / 3
© AR Ministry of Defence
Ermənistan ordusuna məxsus PUA

Bu barədə Sputnik Azərbaycan Müdafiə Nazirliyinə istinadən xəbər verir.

0
Mövzu:
Azərbaycan və Ermənistan arasında müharibə