“Vətənpərvərlik tərbiyəsi: sağlam ailə, sağlam həyat” mövzusunda konfrans

Lənkəranda vətənpərvərlik tərbiyəsi

28
(Yenilənib 18:04 12.05.2016)
Dini Qurumlarla İş üzrə Dövlət Komitəsi və icra hakimiyyətinin birgə təşkilatçılığı ilə "Vətənpərvərlik tərbiyəsi: sağlam ailə, sağlam həyat" mövzusunda konfrans keçirilib

Rahim Zakiroğlu, Sputnik Azərbaycan

BAKI, 12 may — Sputnik. Bu gün Lənkəran şəhər Heydər Əliyev Mərkəzində Lənkəran Şəhər İcra Hakimiyyətinin və Dini Qurumlarla İş üzrə Dövlət Komitəsi Lənkəran bölgəsi üzrə şöbəsinin birgə təşkilatçılığı ilə "Vətənpərvərlik tərbiyəsi: sağlam ailə, sağlam həyat" mövzusunda konfrans keçirilib. Sputnik-in bölgə müxbiri xəbər verir ki, konfransı giriş sözü ilə Lənkəran Şəhər İcra Hakimiyyəti aparatının ictimai-siyasi və humanitar məsələlər üzrə şöbəsinin müdir müavini Aydın Məmmədov "Gənclərin vətənpərvər ruhda tərbiyəsində Azərbaycançılıq məfkurəsi " mövzusunda geniş çıxış edib.

Dini Qurumlarla İş üzrə Dövlət Komitəsinin Lənkəran bölgəsi üzrə şöbəsinin müdiri Qağayı Məmmədov çıxış edərək "Azərbaycançılıq amili və milli mənəvi dəyərlərimiz" mövzusu haqqında konfrans iştirakçılarına məlumat verib. Sonra DİN-in Baş Narkotiklərlə Mübarizə İdarəsinin cənub regional şöbəsinin rəisi İzzət Əsgərov "Narkomaniyanın zərərləri və müabrizə yolları" mövzusunda çıxış edərək narkomaniyanın fəsadları barədə geniş məlumat verib.

Daha sonra Lənkəran Dövlət Universitetinin pedaqoqika və psixologiya kafedrasının müdiri Afiq Əliyev "Gəncləri zərərli vərdişlərdən uzaq edək", AMEA-nın M.Füzuli adına Əlyazmalar İnstitutunun doktorantı, Lənkəran rayonu Ləj kənd məscidinin axundu —İlahiyyatçı Samid Quliyev "İslamda vətən sevgisi, sağlam həyat və sağlam ailə", Lənkəran Şəhər Mərkəzi Xəstəxanasının baş həkiminin müavini Taleh Məmmədli "Erkən nikah və onun fəsadları" mövzularında geniş məruzə ilə çıxış edərək konfrans iştirakçılarını məlumatlandırıblar.

28
Teqlər:
Aydın Məmmədov, Qağayı Məmmədov, tərbiyə, vətənpərvərlik, Lənkəran
Əlaqədar
Gürcüstanda fəaliyyəti qadağan edilən dini icmanın üzvləri Qaxda aşkarlandı
Azərbaycanda qeydiyyatdan keçmiş neçə dini icma var?
Xaricdə təhsil alanlara dini mərasimləri aparmaq qadağan ediləcək
"Dini ekstremizmə qarşı mübarizə haqqında" qanun I oxunuşdan keçib
Deputat nardaranlıların dini dövlətçiliyin fövqünə qoyduğuna inanmır
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

2
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

2

Xırdalanda partlamış evin dağıntıları altından qadın meyiti çıxarılıb

75
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

75