Bakıdakı supermarketlərdən biri

Nazirdən rədd cavabı alan sahibkarlar məyusdur: "Maaşları artıracaqdıq..."

195
Supermarketlərin ƏDV-dən azad edilməyəcəyi ilə bağlı vergilər naziri Fazil Məmmədovun məlum açıqlaması sahibkarlar tərəfindən birmənalı qarşılanmayıb. Bəs, indiyədək supermarket sahiblərinin gözləntiləri nə idi?

BAKI, 12 may — Sputnik. Xəbər verdiyimiz kimi, vergilər naziri Fazil Məmmədov iri ticarət şəbəkələrinin Əlavə Dəyər Vergisindən (ƏDV) azad olmaq istəyinə mənfi cavab verib. Nazir mətbuata açıqlamasında marketlərin ƏDV-dən azad olunmasının mümkünsüz olduğunu bildirib.

"Nəyə görə marketlər ƏDV-dən azad olunmalıdır ki? Kənd təsərrüfatı məhsullarının 95-98%-i bazarlarda, yerdə qalan hissəsi isə, yəni 1-2%-i marketlərdə satılır. Ona görə, marketlərin ƏDV-dən azad olunmasından söhbət gedə bilməz. Bu, mümkün deyil. Təkrar edirəm, kənd təsərrüfatı məhsullarının 98%-i bazarlarda satılır. Bazarlarda isə nə ƏDV var, nə də sadələşdirilmiş vergi", — F. Məmmədov deyib.

Nazir səviyyəsində belə bir açıqlamanın verilməsi, heç şübhəsiz ki, iri market şəbəkələrini məyus edib. Fazil Məmmədovun açıqlamasından öncə marketlərin gözləntiləri nə idi? Bundan sonra durumlarında nə kimi dəyişiklik olacaq? Bu kimi suallara yerində cavab tapmaq üçün, Sputnik-in əməkdaşı paytaxtda yerləşən bir neçə supermarketə baş çəkib.

Самир Байрамов директор ясамальского филиала сети супермаркетов Favorit
© Sputnik / Fuad Hasanov
Самир Байрамов директор ясамальского филиала сети супермаркетов Favorit

İlk üz tutduğumuz, "Favorit" supermarketlər şəbəkəsinin Yasamal rayonu ərazisində yerləşən filialının müdir müavini Samir Bayramov "hökumətlə hökumətlik etmək" fikrində olmadıqlarını bildirdi: "Yəqin ki, siz özünüz də nazirin açıqlamasını izlədiniz. Bir neçə iri marketlərlə birlikdə nazirliyə müraciət olunmuşdu ki, əlavə dəyər vergisi ləğv olunsun. Amma olmadı. Nazir qəbul etmədi".

"Hər şey bitdi mi? Xeyr. Biz öz işimizə baxırıq. Hər şey normal və qaydasındadır. Hökumətlə hökumətlik etmək fikrimiz yoxdur", — müdir müavini vurğuladı.

Onun sözlərinə görə, nazirliyin qərarı şirkətin işçilərə ödədiyi maaşlara təsir etməyəcək: "İxtisarlar da gözlənilmir. Hazırki vaxtda maaşlarda kəsintiyə getmək, yaxud işçi ixtisarları etmək fikrimiz yoxdur".

Paytaxtın digər iri market şəbəkəsi olan "Bizim Market"in "İnşaatçılar" metrostansiyasının yaxınlığında yerləşən filialının rəhbəri Səbinə Məmmədova isə qeyd etdi ki, ƏDV ləğv olunsaydı, işçilərin maaşlarında və premiyalarda artım olacaqdı.

"Bizdə ümumiyyətlə həmişə maaş artımı olub. Bu proses sonuncu devalvasiyaya qədər davam edib. Sonra maaşlarda artım məlum səbəblərə görə dayandırıldı. Biz istədik ki, bu prosesi yenidən canlandıraq. Bunun üçün ƏDV-nin ləğvi gərək idi. Ancaq olmadı. Buna görə məyusuq", — S. Məmmədova dedi.

"Araz" supermarketlər şəbəkəsində də ümumi əhval-ruhiyyə digərləri ilə eyni idi. Burada da Əlavə Dəyər Vergisinin ləğvi səbirsizliklə gözlənilirdi. Bununla belə, nəzarətçi Orxan Əliyev, hazırda işlərinə əvvəlki qaydada davam etdiklərini, nə maaş kəsintisi, nə də ixtisarlar olduğunu vurğuladı.

Qeyd edək ki, supermarket şəbəkələrinin rəhbərləri İqtisadiyyat Nazirliyinə müraciət edərək, respublikada istehsal olunan sosial əhəmiyyətli ilkin tələbat məhsulları üzrə ƏDV-yə sıfır faiz dərəcəsinin tətbiqi, ət, balıq, süd, un məmulatları, yumurta, düyü, yağ, meyvə, tərəvəz və uşaq qidaları üzrə ƏDV-nin ləğvi təklifini irəli sürüblər. İqtisadiyyat Nazirliyi isə bildirib ki, bu məsələyə Vergilər Nazirliyi ilə birlikdə baxılır.

195
Teqlər:
vergilər naziri, əlavə dəyər vergisi, supermarket, Fazil Məmmədov, ƏDV, market
Əlaqədar
Böyük marketlərin başı böyük bəlada
Marketlərdə ajiotaj: siqaret böhranı dərinləşir
"Neptun" market: rəfdə bir, kassada isə başqa qiymət
Bu marketlərdən ərzaq almayın
Bu marketlərdən ərzaq almaq məsləhət deyil
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

4
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

4
Teqlər:
psixoloji yardım, sosial, reabilitasiya, əziyyət, müharibə, uşaqlar
Tərəvəz piştaxtası, arxiv şəkli

COVID-19 xəstələrini tez sağalda bilən qidalar

26
(Yenilənib 22:58 27.11.2020)
Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaları qəbulunu ehtiva edir

BAKI, 27 noyabr — Sputnik. Britaniya alimləri COVID-19-un müalicəsini sürətləndirən məhsulları müəyyən ediblər. Sputnik Azərbaycan xarici mətbuata istinadla xəbər verir ki, qidaların immuniteti gücləndirməsini öyrənən araşdırmaçı Emma Derbşir və Con Delanj qida və qida əlavələrini təhlil ediblər. Araşdırmanın məqsədi COVID-19-dan sonra immuniteti bərpa edən və immuntetə yardım edən qidaları müəyyən etmək olub.

Müəlliflər tibbi qidalanmanın 65 yaşdan yuxarı insanların immunitet sisteminə təsirinə xüsusi diqqət yetiriblər.

İmmunitet sisteminin dörd komponenti var: T-limfositlər, B hüceyrələri, komplement sistemi və faqositlər. Belə ki, bu komponentlər daxil olan virus və bakteriyalara qarşı bir maneə rolunu oynayaraq vücudu infeksiyadan qoruyur.

İmmunitet anadangəlmə və adaptiv olur.

Ancaq hər iki immunitet funksiyası yaşla azalır. "İmmunitet yaşlanması"nın səbəblərindən biri də qida çatışmazlığıdır. Yaşlı insanlar bunu xüsusi immunitet qidası ilə doldurmalıdırlar. Bu, müəlliflərə görə, COVID-19 kimi ağır infeksiyalardan sonra reabilitasiya dövründə xüsusilə vacibdir.

"Zəif pəhriz, protein-enerji çatışmazlığı, vitaminlər və minerallar kimi mikroelement çatışmazlıqları suboptimal immunitet funksiyasına kömək etdiyinə dair kifayət qədər dəlil var. Bəzi pəhriz komponentləri - meyvələr, vitaminlər, antioksidantlar, minerallar və probiotiklər müqaviməti artırmağa kömək edir, tənəffüs viruslarına və xəstəliklərinə qarşı müqavimətdə əhəmiyyətli bir rol oynayır", - deyə tədqiqat müəllifləri yazırlar.

Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaların qəbulunu ehtiva edir.

C vitamini, tənəffüs sistemi epitelisinin baryer funksiyasını gücləndirir, bu da patogenlərin inkişafını məhdudlaşdırır və alt tənəffüs yollarına enmələrinə maneə törədir.

Tədqiqatçıların fikrincə, bu, sətəlcəmin qarşısını alır. D vitamini güclü bir immunitet tənzimləyicisidir. Bəzi immun hüceyrələrin - B və T limfositlərin, makrofaqların və monositlərin səthində D vitamini reseptorları var, buna görə də bütün tənəffüs xəstəliklərində qoruyucu rol oynayır.

Müəlliflər C vitamini ilə zəngin brokkoli, qara qarağat, zənginləşdirilmiş səhər yeməyi və portağal; sink baxımından zəngin konservləşdirilmiş xərçəng, konservləşdirilmiş lobya və qaynadılmış yumurta və gündə 50 mikroqrama qədər D vitamini əlavələri qəbul etməyi məsləhət görürlər.

Tədqiqatın nəticələri göstərir ki, belə bir pəhriz saxlamaq reabilitasiya müddətini qısaldır və COVID-19-dan sağalmanı sürətləndirir.

26
Teqlər:
immunitet, vitamin, xəstəlik, xəstə, qida, Koronavirus, epidemiya, COVID-19
Mövzu:
Dünyanı cənginə almış bəla