Azərbaycanda 570 minə yaxın əlil yaşayır

Onlar Azərbaycan əhalisinin 6 faizini təşkil edirlər

22
(Yenilənib 14:29 11.05.2016)
Ölkədə əlilliyi olan şəxslərin 65 mini uşaq, 375 mini pensiyaçı, qalanları isə sosial müavinət alan insanlardır. Əlilliyi olan insanlarımızın inklüziv cəmiyyətə qovuşmaları üçün çox böyük maneələr var.

Onlar Azərbaycan əhalisinin 6%-i təşkil edir
BAKI, 5 may — Sputnik. Hazırda Respublikamızda 65 mindən artıq əlilliyi olan uşaq var. Bunu Sputnik Mətbuat Mərkəzində keçirilən tədbirdə, Azərbaycan Əlil Təşkilatları İttifaqının (ƏTİ) prezidenti Davud Rəhimli bildirib. Onun sözlərinə görə, maneəsiz ətraf mühitin yaradılması, əlilliyi olan şəxslərə bərabər imkanların yaradılması və onların müstəqil həyatlarının təmin olunması istiqamətində görülən işlər qənaətbəxş deyil.

"Hazırda respublikamızda 570 minə yaxın əlilliyi olan şəxs var. Bu, ümumi Azərbaycan əhalisinin 6%-ni təşkil edir. Əlilliyi olan şəxslərin 65 mini uşaqlar, 375 mini pensiyaçılar, qalanları isə sosial müavinət alan insanlardır", — təşkilat sədri bildirib.

Onun sözlərinə görə, əlilliyi olan insanların ümumi vəziyyətinə nəzər saldıqda, burada müsbət və daha çox mənfi məqamlar var: "Biz etiraf etməliyik ki, əlilliyi olan insanlarımızın inklüziv cəmiyyətə qovuşmaları üçün çox böyük maneələr var. Bu maneələr əsasən infrastrukturun əlilliyi olan şəxslər üçün uyğun olmamasından irəli gəlir".

D. Rəhimli bildirib ki, bu səbəbdən əlilliyi olan şəxslər cəmiyyətdən təcrid olunur, mənəvi, maddi cətinliklərlə üzləşirlər: "Bunun nəticəsidir ki, əlilliyi olan şəxslərin əksəriyyəti inklüziv təhsildən kənarda qalır. Onların 30%-ə yaxını ümumiyyətlə təhsilin digər formalarından istifadə edirlər".

"Problemlərin həlli üçün qanunların icra olunmasının icra mexanizminin dəqiqləşdirilməsinə, işəgötürənlərə güzəştlərin tətbiq olunmasına, qanunların və digər hüquqi-normativ aktların yerinə yetirilməsinə nəzarətin gücləndirilməsinə, o cümlədən ictimai nəzarətin artırılmasına ehtiyac var", — ekspert vurğulayıb.

Onun dediyinə görə, əlilliyi olan şəxslərin 23%-i, yəni 137 mini sosial müavinət alanlar, 375 mindən artığı isə əmək pensiyaçılarıdır: "Əmək pensiyalarının orta aylıq məbləği 189.9 manat təşkil etsə də, sosial müavinatlar çox aşağıdır. Əlilliyi olan insanların hökümətdən aldığı müavinətlər iki cür olur: pensiya və sosial müavinət alanlar. Əmək stajı olmayan şəxslər sosial müavinatlar alırlar. Sosial müavinatlar isə 3 qrupa görə verilir: birinci qrup 67, ikinci — 50 və üçüncü — 43 manat. Bu məbləğ, əlbəttə ki, çox azdır".

Sputnik Mətbuat Mərkəzində "Əlillərin aktual problemləri və onların həlli yolları" mövzusunda keçirilən tədbirdə Davud Rəhimli, həmçinin Əlil Təşkilatlar İttifaqının son bir il ərzində gördüyü işlər haqqında hesabat verib. Tədbirin sonunda isə yekun qətnamə qəbul olunub.

22
Teqlər:
Davud Rəhimli, ƏTİ, Əlil Təşkilatları İttifaqı, əlil, əhali
Əlaqədar
Azərbaycanda 570 minə yaxın əlil yaşayır
Əlillərin aktual problemləri və onların həlli yolları
200-ə yaxın Çernobıl əlilinə mənzil verilib
Bakıda Çernobıl əlilləri ilə görüş keçirilib
"Sınıq körpü"də dəhşət: əlillərdən nə istəyirlər
Əlillərə şad xəbər

Şəhid general-mayorla doğulduğu Qəbələdə izdihamlı vida

549
Azərbaycan-Ermənistan dövlət sərhədinin Tovuz rayonu istiqamətində gedən döyüşlərdə şəhid olan qəhrəman hərbçimiz, general-mayor Həşimov Poladın nəşi doğulduğu Qəbələnin Vəndam kəndinə gətirilib.

General-mayor Həşimov Polad İsrayıl oğlu qəhrəmanca şəhid olub. Onun nəşi doğulduğu Qəbələnin Vəndam kəndinə gətirilib. Məmləkətinə onunla vidalaşmaq imkanı yaradılıb.

Qeyd edək ki, şəhidimiz sabah paytaxtdakı İkinci Fəxri Xiyabanda son mənzilə yola salınacaq.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, baş leytenant Mahmudov Rəşad Rəşid oğlu, hərbi qulluqçumuz əsgər Daşdəmirov Xəyyam Məhəmməd oğlu, bu gün isə döyüş zamanı müdafiənin ön xəttində olan general-mayor Həşimov Polad İsrayıl oğlu, polkovnik Mirzəyev İlqar Anzor oğlu, mayor Əhmədov Namiq Hajan oğlu, mayor Novruzov Anar Gülverdi oğlu, gizir Zeynallı İlqar Ayaz oğlu, gizir Babayev Yaşar Vasif oğlu və müddətdən artıq həqiqi xidmət hərbi qulluqçusu, əsgər Mustafazadə Elçin Arif oğlu şəhid olub.

549
Buzovnada çimərlik, arxiv şəkli

Bəla gələndə tək gəlmir: Payızı gözləyək, vəziyyət bir az da pisləşə bilər

320
Psixoloq bildirir ki, karantin qaydalarının davam etməsi, yeni vərdişlərin formalaşması insanlarda müəyyən narahatlıqlar yaradıb.

Nigar İsgəndərova, Sputnik Azərbaycan

BAKI, 14 iyul — Sputnik. Hər il mövsümi olaraq payız aylarında insanlar müəyyən depressiya yaşayırlar. Mütəxəssislər bunu “payız depressiyası” adlandırırlar. Kimdəsə bu depressiya özünü daha sərt, kimdəsə daha yumşaq formada biruzə verir.

Bu ilin payızında isə depressiyanın daha kəskin olacağı proqnozlaşdırılır. Bunun da əsas səbəbi məhz sərt karantin qaydaları, insanları yayda belə, dincəlmədən evdə keçirməsi, qayğılarının daha da artması ilə izah olunur.

Mövcud pandemiya şəraitinin payızda depressiyaya səbəb olmaması nə edilməlidir?

Psixoloq Elnur Rüstəmov Sputnik Azərbaycan-a açıqlamasında deyib ki, bu, daha çox payızda karantin rejiminin hansı formada davam etməsindən asılı olacaq: "Ona görə də hələlik bununla bağlı proqnoz vermək, payızda depressiya artacaq demək tələskənlik olardı. Çünki sentyabrda dərslərin açılması, bundan sonra iş yerlərinin də qismən bərpası insanların əhval-ruhiyyəsinə müsbət təsir göstərə bilər. Buna görə də, düşünürəm ki, biz hələlik payıza yox, bu günə hazırlaşsaq daha yaxşı nəticələr əldə etmiş olarıq. Yəni, karantin qaydalarına əməl etsək, qaydaları pozmasaq, maska taxıb sosial məsafəni gözləsək, gigiyenik qaydalara əməl etsək, bütün bunlar da karantin rejiminin yumşalmasına köklənə bilər".

"Biz bu il nə yazı, nə də yayı normal hiss etdik. Lakin mövcud vəziyyət payızda da davam edərsə, bu bir çox psixoloji problemlərin yaranmasına rəvac verə bilər. Psixoloji problem dedikdə, yalnız depressiya nəzərdə tutulmamalıdır. Bura təşviş, aqressiya və bir çox psixoloji problemləri də əlavə edə bilərik. Karantin qaydalarının davam etməsi, yeni vərdişlərin formalaşması onsuz da insanlarda müəyyən narahatlıqlar yaradıb. Çünki ötən ilin yayı ilə bu ilin yayını müqayisə etdikdə həyatımızda nə qədər dəyişikliklərin olduğunu görə bilərik. Ötən il insanların hamısı dincəlmək üçün harasa üz tutmasalar da,  ən azı istədikləri vaxtda evdən çıxa bilirdilər. İnsanlar rahatlıqla həyətə düşə, parka gedə bilirdilər. İnsanların bir azadlıqları var idi, bu gün isə o azadlıq məhdudlaşdırılıb", - deyə psixoloq əlavə edib.

O bildirib ki, insanlar asanlıqla yeni davranış modelinə uyğunlaşmış olsaydılar, bəlkə də karantin qaydaları bu qədər sərt olmazdı: "Bir toplum olaraq yeni davranış modelini bu rejimdə qəbul etməkdə çətinlik çəkdik. Çünki biz əl verib görüşməyə, sosial məsafə gözləməməyə öyrəşmişdik. Düşünürəm ki, bu gün hökumət payızdan daha çox bu günə köklənib yoluxanların sayının azalması, sağalanların sayının artmasına nail olmağı hədəfləyib. Yəni, bu gün hökumət payızdan daha əvvəl iyul və avqustda vəziyyəti nəzarətə almağı hədəfləyib".

320