Bakı şəhərinə giriş. Arxiv şəkli

Paytaxta yaxınlaşırlar, darvazaları bağlayın!

32938
(Yenilənib 14:21 04.05.2016)
Rayon qeydiyyatı olan avtomobillərin şəhərə girişinə qadağa tətbiq olunması vətəndaşların kütləvi narazılığına səbəb olub. İş o yerə çatıb ki, artıq bir gürcünün Bakıya daxil olması daha rahatdır, nəinki hansısa Quba sakininin...

BAKI, 4 may — Sputnik. Nazirlər Kabinetinin müvafiq qərarına əsasən, artıq iki gündür ki, rayon qeydiyyatında olan yük və minik avtomobillərinin paytaxta buraxılış saatları dəyişib. Sputnik Nazirlər Kabinetinin rəsmi saytına istinadən xəbər verir ki, Yol Hərəkəti Təhlükəsizliyi Komissiyasının qərarına əsasən, yük və rayon qeydiyyatında olan minik avtomobillərinin Bakıya buraxılmasına dair qrafikdə dəyişiklik edilib.

Yay rejimi qrafiki çərçivəsində mayın 1-dən oktyabrın 1-dək saat 07:30-dan 21:00-dək yük və rayon qeydiyyatında olan minik avtomobilləri paytaxta buraxılmayacaq. Yük və rayon qeydiyyatında olan minik avtomobilləri saat 21:00-dan 7:30-a qədər şəhərə daxil ola bilər. Əvvəlki qaydaya görə isə, yük və rayon qeydiyyatında olan minik avtomobilləri 07:00-dan 22:00-dək paytaxta buraxılmırdı.

"Əsas şikayətçi olanlar yaşlı insanlardır"

Hökumət saat dəyişikliyinə səbəb kimi, vətəndaşların çoxsaylı müraciətlərini əsas gətirir. Lakin paytaxta girəcəklərdə apardığımız sorğu və çəkiliş zamanı bəlli oldu ki, insanlar ümumiyyətlə qadağanın tam əleyhinədir.

  • Rayon qeydiyyatlı avtomobillərin Bakıya buraxılması
    Artıq iki gündür ki, rayon qeydiyyatında olan yük və minik avtomobillərinin paytaxta buraxılış saatları dəyişib
    © Sputnik / Fuad Hasanov
  • Rayon qeydiyyatlı avtomobillərin Bakıya buraxılması
    Rayon avtomobilləri üçün yaradılan dayanacaqlardan biri də Lökbatanda yerləşir
    © Sputnik / Fuad Hasanov
  • Rayon qeydiyyatlı avtomobillərin Bakıya buraxılması
    Maşınını burda saxlayıb şəhərə gedənlərin çoxu cavanlardır
    © Sputnik / Fuad Hasanov
  • Rayon qeydiyyatlı avtomobillərin Bakıya buraxılması
    İnsanların şəhərə gedə bilməsi üçün ərazidə nə taksi, nə də avtobus var
    © Sputnik / Fuad Hasanov
1 / 4
© Sputnik / Fuad Hasanov
Artıq iki gündür ki, rayon qeydiyyatında olan yük və minik avtomobillərinin paytaxta buraxılış saatları dəyişib

Rayon avtomobilləri üçün yaradılan dayanacaqlardan biri Lökbatan qəsəbəsi ərazisində, əsas yolun kənarında yerləşir. Bölgə qeydiyyatı olan maşınlar üçün ayrılan dayanacaqda elə də sıxlıq müşahidə olunmurdu. Ərazidə təxminən 70-ə yaxın avtomobil var idi. Halbuki, paytaxta axının çox olduğunu hər kəs bilir.

Dayanacağa nəzarət edən Zabil Kərimovdan bunun səbəbini soruşduq. Z.Kərimov Sputnik-ə bildirdi ki, maşınını burda saxlayıb şəhərə gedənlərin çoxu cavanlardır: "Rayondan gələn cavan uşaqlar, icazə üçün o qədər də israr etmirlər. Çünki bilirlər ki, faydası yoxdur. Odur ki, avtomobillərini park edib, ya taksi ilə, ya da avtobusa minib gedirlər".

"Əsas şikayətçilər və israr edənlər yaşlı təbəqədir. Onları qınamıram. Yaş öz sözünü deyir. Çoxu avtobusu götürə bilmir. Çoxunun da taksiyə verməyə əlavə pulu yoxdur. İcazə istəyirlər, verməyəndə məcbur geriyə qayıdırlar", — nəzarətçi əlavə edib.

"Bakı İstanbuldan, Moskvadan dahamı sıxdır?"

Maraqlıdır ki, insanların şəhərə gedə bilməsi üçün ərazidə nə taksi, nə də avtobus var. Həqiqətən də, mövcud durumdan daha çox yaşlılar narazıdırlar. Şəkili Abbas Həsənov kimi.

68 yaşı olduğunu deyən A. Həsənov, 2 saatdır yol polisinə onu Bakıya buraxması üçün yalvar-yaxır elədiyini söyləyir: "Mən o polisləri çox da qınamıram. Çünki onlara belə əmr edilib. Mən kresloda əyləşib öz millətinə zülm edən məmurları qınayıram".

"Dünyanın harasında bu cür qeyri-insani qərarlar verilir? Bakı İstanbuldan, Moskvadan dahamı sıxdır? O şəhərlərdə dəfələrlə olmuşam, əgər həmin ölkələrdə belə qanunlar çıxarılsa, xalq o dəqiqə ayağa qalxar", — narazı vətəndaş əlavə edib.

"Tutaq ki, kiminsə xəstəsi var…"

Məsələni Sputnik-ə şərh edən tanınmış hüquqşünas Əvəz Həsənov, problemə hüquqi izahat verməkdə çətinlik çəkdiyini deyib: "Aydın məsələdir ki, hökumət paytaxtdakı tıxacın qarşısını almaq üçün bu cür qərarlar verir. Ona görə tam demək olmaz ki, dövlət haqlıdır, yoxsa haqsız. Ancaq mən sizə xarici dövlətlərdə bu işin necə görüldüyü barədə qısa izahat vermək istərdim. Bir çox inkişaf etmiş Qərb dövlətlərində tək və cüt nömrə nişanlı avtomobillər həftənin günlərinə bölünür və girişinə elə icazə verilir".

Аваз Гасанов, юрист
© Photo : kulis.az
Аваз Гасанов, юрист

Hüquqşünasın sözlərinə görə, bir neçə rayon var ki, həmin yerlərin insanları Bakı ilə sıx bağlıdır: "Ona görə də mən bu qadağanın bütün rayonlara şamil edilməsinin əleyhinəyəm. Ayrıca, tutaq ki, kiminsə xəstəsi var, xəstəxanaya getməlidir. Saat neçəni gözləməlidir ki, şəhərə girsin?! Ümumiyyətlə, hökumət bu qərarı ölçüb-biçmədən verdi. İnsanların hansı əziyyəti çəkdiklərini dərk eləmək istəmirlər".

Ə.Həsənov, rayon qeydiyyatlı avtomobillər üçün tikilən dayanacaqlar barədə isə maraqlı bir fakta toxunub: "Postu tikib içinə də 2-3 nəfər yol polisi qoyublar. Onlar da avtomobilləri saxlayıb içəri soxurlar. Mən o yoldan tez-tez keçib gəlirəm. Orda nə taksi görürəm, nə də avtobusların intensiv hərəkətini. Sual vermək lazımdır: qadağaya tuş gələn rayon camaatı şəhərə necə gəlməlidir?".

32938
Teqlər:
Əvəz Həsənov, Abbas Həsənov, Zabil Kərimov, rayon qeydiyyatı, Nazirlər Kabineti, avtomobil
Əlaqədar
Bu rayonlarda vətəndaşlara asan xidmət göstəriləcək
6 rayonda səyyar formada protez-ortopedik bərpa xidməti göstəriləcək
Bəzi rayonların qaz təchizatında məhdudiyyət olacaq
Rayon təhsil şöbələrinin ləğvi nə vaxta qaldı?
Azərbaycanda talassemiya xəstəliyinə ən çox rast gəlinən rayonların adları açıqlanıb
Bakının bütün rayonlarında qəzalı binalar söküləcək
ASAN xidmət bu rayona yola düşüb
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

6
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

6
Teqlər:
müsabiqə, COVID-19, Koronavirus
Prezident İlham Əliyev, arxiv şəkli

Azərbaycanın Rus İcması Prezident İlham Əliyevə müraciət edib

11
(Yenilənib 21:06 23.11.2020)
Rus icması: "Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi".

BAKI, 23 noyabr - Sputnik. Azərbaycanın Rus İcması Prezident, Azərbaycan Silahlı Qüvvələrinin Ali Baş Komandanı İlham Əliyevə müraciət edib.

Sputnik Azərbaycan xəbər verir ki, məktubda deyilir: “Möhtərəm cənab Prezident, Ali Baş Komandan İlham Heydər oğlu!

İcazə verin, Azərbaycanın Rus İcması adından Sizi və Azərbaycan Respublikasının Birinci vitse-prezidenti Mehriban xanım Əliyevanı bütün Azərbaycan xalqının düşmən üzərində birmənalı, möhtəşəm Qələbəsi münasibətilə təbrik edək. Ermənistan Respublikasının işğalçı qüvvələri darmadağın edildi və geri çəkildi.

Azərbaycan Respublikası Prezidentinin, Ermənistan Respublikası baş nazirinin və Rusiya Federasiyası Prezidentinin üçtərəfli bəyanatı 30 illik müharibəyə son nöqtə qoydu və Azərbaycanın qalib statusunu təsbit etdi.

Möhtərəm İlham Heydər oğlu, biz bilirik ki, Siz BMT Təhlükəsizlik Şurasının 4 qətnaməsinə müvafiq olaraq bu münaqişənin dinc yolla nizamlanması üçün nə mümkündürsə etdiniz. Lakin Ermənistanın destruktiv mövqeyi danışıqlarda irəliləyişə nail olmağa imkan vermədi, onun daimi hərbi provokasiyaları bu il sentyabrın 27-də münaqişənin eskalasiyasına gətirib çıxardı.

Biz, Azərbaycanın rus əhalisi Sizin mətinliyinizə, müdrikliyinizə və qəti qələbəyə qədər getmək əzminizə görə Sizə səmimi təşəkkürümüzü və dərin minnətdarlığımızı bildiririk.

Sizin rəhbərliyinizlə igid, rəşadətli ordumuz qısa müddətdə çoxsaylı kəndləri, şəhərləri erməni işğalından azad etdi və Ermənistanı tam hərbi kapitulyasiya aktını imzalamağa məcbur etdi.

Respublikanın rus vətəndaşlarının çoxu 1990-cı illərin əvvəlində olduğu kimi, bu dəfə də Azərbaycan xalqı ilə çiyin-çiyinə dayandı və Azərbaycan sərhədlərinin pozulmazlığı hüququnu müdafiə edərək ölkəmizin ərazi bütövlüyünün bərpa olunmasında iştirak etdi.

Biz Sizin sözlərinizi xatırlayırıq ki, bu gün biz birlikdəyik və heç kəs bu birliyi poza bilməz.

Cənab Prezident, Sizin Ali Baş Komandan, diplomat, siyasi xadim və öz ölkəsinin vətəndaşı kimi fəaliyyətiniz sabahkı quruculuq gününə qəti əminlik yaradır, o vaxt minlərlə insan öz evlərini yenidən tikmək, müharibə dəhşətlərinin nə demək olduğunu bilməyən yeni nəsil tərbiyə etmək üçün işğaldan azad olunmuş torpaqlara qayıda biləcəklər.

Azərbaycanda və onun ayrılmaz tərkib hissəsi olan Dağlıq Qarabağ bölgəsinin torpağında sülhün və firavanlığın bərpa edilməsi üzrə titanik səylərinizə görə sağ olun.

Sizin Azərbaycan xalqına səmimi müraciətləriniz bu xalqın qəlbində inam oyatdı, düşməni darmadağın etmək və Azərbaycanın ərazi bütövlüyünü qorumaq üçün xalqı vahid cəbhə kimi sıx birləşdirdi. Biz doğma Qarabağ regionunu azad etdik, bu gün bizim bayrağımız Şuşada – Qarabağın ürəyində dalğalanır. Məcburi köçkünlər tezliklə öz doğma yurdlarına qayıdacaq və bütün ölkəmiz yenidən firavanlaşacaq.

Bütün Azərbaycan xalqı çoxdan gözlədiyimiz şanlı Qələbə gününü Sizinlə birlikdə bayram edəcək.

Yaşasın Ali Baş Komandan!

Yaşasın çoxmillətli Azərbaycan xalqı!

Yaşasın Azərbaycan Ordusu!

Qarabağ Azərbaycandır!”

Bildirilib ki, müraciət Azərbaycan Rus İcmasının Respublika Şurasının iclasında qəbul edilib.

11
Teqlər:
Ermənistan, Azərbaycan, BMT-nin qətnamələri, kapitulyasiya, Üçtərəfli bəyanat, Prezident İlham Əliyev, rus icması
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

0
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

0
Teqlər:
sülhməramlılar, Rusiya, Mina