Mal-qara

Bu xəstəliyin ölkə üzrə səviyyəsi ehtiyatlı olmağı tələb edir

66
(Yenilənib 17:22 03.05.2016)
Yaxın vaxtlarda brusellyoza qarşı kütləvi peyvəndləmə başlayacaq. Xəstəliyə qarşı kütləvi peyvəndləmədən 4 il sonra yenidən qan nümunələri toplanılacaq və nəticələr müqayisə ediləcək.

BAKI, 3 may — Sputnik. Azərbaycanda heyvanlar arasında brusellyoz xəstəliyinə yoluxma səviyyəsini yoxlamaq üçün, 92 min iri və xırdabuynuzlu heyvandan qan nümunəsi götürülüb. Bu barədə Kənd Təsərrüfatı Nazirliyinin mətbuat xidmətindən Sputnik-ə məlumat verilib.

Bildirilib ki, təsadüfi seçim üsulu ilə aparılan bu yoxlamalar xəstəliyin yayılma səviyəsini (rayonlar, kəndlər, qışlaqlar, heyvan növləri və yaş qrupları üzrə) təyin edib. Toplanan bütün məlumatlar xususi elektron məlumat bazasına yüklənib.

Qan nümunələrinin serumları 5 il müddətində mənfi 20 C temperaturda saxlanılacaq, bu da Dövlət Baytarlıq Xidmətinə bu və digər xəstəlikləri təhlil etməya imkan yaradacaq. Brusellyoza qarşı kütləvi peyvəndləmədən 4 il sonra yenidən qan nümunələri toplanılacaq və nəticələr müqayisə ediləcək.

Bu, aparılmış mübarizənin nə dərəcədə effektiv olduğunu söyləməyə əsas verəcək. Yaxın vaxtlarda brusellyoza qarşı kütləvi peyvəndləmə Kənd Təsərrüfatı Nazirliyi yanında Dövlət Baytarlığa Nəzarət Xidməti tərəfindən başlanacaq.

Brusellyoza yoluxma riski olanlar arasında, heyvan sahibləri və heyvandarlıq məsullarının istifadəçiləri də olduğundan, xəstəlik səviyyəsini müəyyənləşdirmək üçün təsadüfi seçim ilə onlardan da qan nümunələri götürülməsi nəzərdə tutulub. Azərbaycanda brusellyoz xəstəliyinə qarşı yeni mübarizə proqramı Kənd Təsərrüfatı Nazirliyinin Dünya Bankı ilə birgə layihəsi çərçivəsində aparılır. Mübarizənin məqsədi insan üçün uzun müalicə dövrü və ağır fəsadları olan brusellyoz xəstəliyini ləğv etməkdir.

66
Teqlər:
peyvənd, brusellyoz, mal-qara, heyvan, xəstəlik
Əlaqədar
Qıcqırma təhlükəli xəstəlikdən xəbər verə bilər
Qaraciyər və öd xəstəliklərinin əvəzsiz dərmanı Azərbaycan çöllərində bitir
Avitaminoz - xəstəlikdir yoxsa, nə?
Bu insanlar yoluxucu xəstəliklə üzə-üzə qalıblar
Ürək xəstəlikləri olan insanlar üçün faydalı məsləhətlər
Bu bitki sizi və evinizi xəstəliklərdən qoruyacaq
Bu xəstəlik hər üç qadından birində var