Çəkisini yoxlayan adam. Arxiv şəkli

"Bəlanı satın almaq" buna deyirlər?

5693
Cəmiyyət piylənmə probleminə qarşı yeni-yeni mübarizə üsulları axtarışındadır. Ən dəhşətlisi isə, tədrici intihara bərabər olan arıqlama vasitəsidir. Bəs bu, necə baş verir?

BAKI, 3 may — Sputnik. Piylənmə son zamanlar dünya insanını ən çox narahat edən problemlərdən birinə çevrilib. Dünyada və Azərbaycanda artıq çəkidən qurtulmaq üçün insanlar müxtəlif üsullara əl atırlar. Kimisi idman zallarına gedir, kimisi üzgücülüyə üz tutur, bəziləri isə müxtəlif pəhriz üsulları vasitəsilə arıqlamağa çalışırlar.

Bir də var ən asan və qısa yol. Yəni, bəzi dərmanlar və kokteyllər qəbul etməklə arıqlamaq yolu. Bir çox insanlar, xüsusilə sosial şəbəkələrdə reklam olunan "Herbalife" kokteylindən istifadə edərək arıqlasalar da, bu üsul sonradan kəskin kökəlməyə səbəb olub. Bəzi istifadəçilər isə əksinə, istifadə zamanı nəticədən narazıdırlar.

Kokteyl istifadəsi ilə qısa zamanda 23 kiloqram arıqlayan Arzu Quliyeva dərmandan çox razı qaldığını deyir. Xanım istifadəçi Sputnik-ə açıqlamasında, kokteyllərin sağlamlığa ziyanlı olmadığını bildirib.

"Kokteyllər nəinki sağlamlığa ziyan vermir, əksinə mən əvvəllər çox xəstə olurdum, baş ağrılarım olurdu. Son zamanlar istifadə edəndən sonra baş ağrılarım azaldı, qışda xəstələnmədim. "Herbalife" kokteyllərindən çox razıyam", — A. Quliyeva qeyd edib.

Digər istifadəçi Aygün Əliyeva isə "Herbalife"dan istifadə etməyin əhəmiyyətsiz olduğunu bildirir və heç kimə bu məhsuldan istifadə etməyi məsləhət görmür: "Bu kokteyllər həm baha, həm də mənasızdır. Doğrudur, öncə arıqladır, amma bir müddət sonra yenidən o çəkini yığır insan. Ən yaxşı üsul hərəkət eləmək və düzgün qidalanmaqdır".

Bəs, mütəxəssislər bu haqda nə düşünür? Həkim Rasif Bağırov Sputnik-ə açıqlamasında deyib ki, bu arıqladan məhsullar keçən əsrin sonlarından satışa çıxarılıb. Onun sözlərinə görə, "Herbalife" adlı məhsullar, təxminən 1996-cı ildə Bakıya gətirilib.

"Satılmadığı üçün bir müddət sonra satışı dayandırıldı və insanlar o şirkəti unudandan sonra, yenidən ölkədə satışı başladı. Bir həkim kimi belə məhsulların satışının əleyhinəyəm. Ümumiyyətlə bu dərmanlar insan orqanizminə mənfi təsir göstərir", — həmsöhbətimiz bildirib.

Həkim insanların idmansız və düzgün qidalanmadan arıqlaya bilməyəcəyini dilə gətirib: "Bəziləri düşünürlər ki, dərman içməklə arıqlamaq olar. Bu, mümkün deyil. Arıqlamaq üçün düzgün qidalanmaq, yağlı yeməklərdən uzaq durmaq və mümkün qədər çox hərəkət etmək lazımdır".

Anar Süleymanov, Buda döyüş növləri üzrə dördqat Avropa və Dünya çempionu
© Photo : Anar Suleymanov
Anar Süleymanov, dördqat Avropa və Dünya çempionu

Kikboksçu, eyni zamanda fitness dərsləri keçən Anar Süleymanov da arıqlama dərmanlarının əleyhinədir və öz zalında belə məhsullardan istifadəyə qəti qadağa qoyub. O, Sputnik əməkdaşı ilə söhbətində bildirib ki, bu cür arıqlama metodları təhlükəlidir.

"Tələbələrimə birinci növbədə bu dərmanlardan istifadə etməyə qadağa qoymuşam. Birdəfəlik insanlar anlamalıdılar ki, arıqlamaq üçün dərman içmək yox, qaçaraq tərləmək lazımdır", — məşqçi vurğulayıb.

Onun sözlərinə görə, belə dərmanlar böyrəklərə ciddi ziyan vurur: "Bir sözlə, mən və tələbələrim belə dərmanlardan istifadə etmir. Heç kimə də məsləhət görmürəm".

5693
Teqlər:
Aygün Əliyeva, Arzu Quliyeva, "Herbalife", kökəlmə, Rasif Bağırov, piylənmə, Anar Süleymanov, arıqlamaq, idman
Əlaqədar
Dünyada köklərin sayı arıqları üstələdi
Yeyirsən, xeyrini görürsən və arıqlayırsan
Arıqlamaq üçün atdığınız dərmanlar sizi ölümə aparır
Yediyimiz yağlara qanunsuz olaraq piy və marqarin qatılır
Heroin, arxiv şəkli

Bakı sakini karantin zamanı da öz əməlindən qalmırmış

3
Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

BAKI, 4 iyul — Sputnik. Bakıda karantin rejimini pozan şəxsdə narkotik maddə aşkarlanıb.

Sputnik Azərbaycan-ın məlumatına görə, Qasımov Rəşad Ramiz oğlu hüquq-mühafizə orqanları tərəfindən karantin qaydalarını pozduğu üçün saxlanılıb.

Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

O, saxlanılan zaman hüquq-mühafizə orqanının əməkdaşlarına zor tətbiq edib.

R.Qasımov barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda), 206.4-cü (qaçaqmalçılıq) , 234.4.3-cü (narkotik maddələrin qanunsuz dövriyyəsi, külli miqdarda törədildikdə), 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), 318.2ci (dövlət sərhədini qanunsuz olaraq keçmə) maddələri ilə ittiham verilib.

Nəsimi rayon Məhkəməsində istintaq orqanının təqdimatı əsasında R.Qasımov barəsində 4 aylıq həbs qətimkan tədbiri seçilib.

3
Albalı

Təzyiqin daha bir dərmanı aşkar edilib

82
(Yenilənib 11:22 04.07.2020)
Dietoloq Sara Brüyerin sözlərinə əsasən, albalı suyu antioksidanlarla - polifenollarla çox zəngindir.

BAKI, 4 iyul — Sputnik. Həkimlər səhər yeməyi zamanı təzyiqi tez və effektli şəkildə düşürə bilən içkini müəyyən ediblər.

Sputnik Azərbaycan xarici mətbuata istinadla xəbər verir ki, təzyiq qan damarlarına və həyati əhəmiyyətə malik orqanlara əlavə bir yük yaradır. O, insult və infarkt da daxil olmaqla müxtəlif fəsadlara səbəb ola bilər.

Yüksək təzyiq sağlam qidalanmamağın və fiziki aktivliyin olmamasının göstəricisidir. Mütəxəssilərin fikrincə, qan təzyiqinin qarşısını alan vasitələr arasında albalı şirəsi xüsusi əhəmiyyətə malikdir.

Dietoloq Sara Brüyerin sözlərinə görə, albalı suyu antioksidanlarla - polifenollarla zəngindir. Onlar qan damarlarının genişlənməsinə və elastikliyini artırmağa kömək edirlər.

Mütəxəssislərin fikrincə, 60 ml turş albalı suyu sistolik qan təzyiqini 7 mmHg qədər azalda bilər. Dietoloq qeyd edib ki, albalı şirəsinin istifadəsi kifayət qədər sürətli effekt verir. Albalı suyu içdikdən bir saat sonra qan təzyiqi azalmağa başlaya bilər. Şirənin təsiri səkkiz saata qədər davam edir.

82