Şahmat lövhəsində fiqurların düzülüşü. Arxiv şəkli

Cəzası ölümdən betər olan günah

837
(Yenilənib 10:57 02.05.2016)
İçində gizli-gizli saxladığın bir şey var. Onun varlığından kimsənin xəbəri olar deyə o qədər qorxursan ki... Haqsız da deyilsən!

BAKI, 2 may — Sputnik. Sənə kim həyata nifrət etməyi öyrətdi? Ya da özünə… Kim sənə "bu dünyada əzab çəkən axirətdə keyf çəkər" dedi? Atanmı, babanmı, ulu babanmı? Yoxsa babanın "işgəncə"si altında babandan çox yaşayan nənənmi?

Bu dünya bir pəncərədir, hər gələn baxar-gedər. Ya da bu dünyaya bir dəfə gəlirik, falan-filan… Bunları deməyən ata-ana, nənə-baba, böyük-kiçik varmı? Bəs, səni bir ömür öz istəklərinə qurban verməyən, o qohumdan bu qohuma, o adətdən bu ənənəyə yorğa at kimi çapırtmayan bir böyüyün necə?

"Var" deməyə qorxduğunu bilirəm. Bu haqda ağzından kəlmə çıxmasın deyə, dörd gözlə keşik çəkənlərin olduğunu da. Hətta, sirrinin faş olmaması üçün, şəxsən məni öldürməyə hazır olduğunu da…

Amma onu da bilirəm ki, içində gizli-gizli saxladığın bir şey var. Onun varlığından kimsənin xəbəri olar deyə, o qədər qorxursan ki… Haqsız da deyilsən. Bu cəmiyyətdə kim öz həyat seçimini özü müəyyənləşdirmək istəyənə xoş baxar ki? Onun istəyinə uyğun biri ilə ailə qurmadı deyə, övladını bir ömür bağışlamayan valideyn, şiddətli keçimsizlik səbəbindən boşanmaq istəyən övladının üzünə baxarmı?

Sən kimsən ki, yüz illərin oturuşmuş qaydalarına qarşı gələsən? Ya da bu dünyada bir parça huzur arxasınca düşüb, əbədi "kayfını" əldən qaçırasan. Sənə belə bir haqq verildimi? Atanmı verdi bu haqqı sənə, babanmı, yoxsa baban öldü deyə, onunla bərabər ölmədiyin üçün üzünə tüpürən qonşunmu?

Tənhalığa düşdüyün ilk fürsətdə hönkürərsən. Göz yaşların sel olar. İçində gizlətdiyin AZADLIQ "şeytanını" əzizləməyə başlarsan. Üzrxahlıq edərsən ona. Səni anlamasını xahiş edərsən. Səndən asılı olmayan səbəblərdən onu həbsə məhkum etməli olduğunu deyərsən. Qəfildən hürkək nəzərlərlə ətrafa boylanıb, diksinərsən. Biri səni bu qədər aciz durumda görər deyə… Və içindəki o yarımcan duyğunu daş-qalaq etdiyini göstərməyə çalışarsan çevrəndəkilərə.

Bir gün xəstələnərsən. Sol tərəfin qıc olar. Ağzın sola əyilər. Hamı başına tökülər. Sağ gicgahını ovxalayarlar, sağ çiynin üstə yatmadığın üçün danlayarlar, sağ qalmağın üçün sağa-sola vurnuxarlar. Loğman gələr-təbib gedər. Yastığın altındakılar, örpəyin içindəkilər ortalığa səpilər. Sənin üçün, sağlığın üçün.

Amma sən yenə içindəkini boğmaqda davam edərsən. Dəqiq bilirsən ki, nə səni dinləyən var, nə içindəkini görmək istəyən. Gizli hamiləlik yaşayan qadın kimi yalvarıcı nəzərlərlə donuq üzlərə baxarsan. Sonra yenidən, bic doğmağa hazırlaşan fahişə kimi baxışlarını onlardan gizlətməyə çalışarsan.

Və dişini sıxıb qurtuluş sandığın anı gözlərsən — ölümü. "Ölsəm də, qurtulsam", deyərsən. Halbuki axirətə belə, inanmırsan. Sadəcə "nə də olsa, bundan yaxşı olar" düşüncəsinə qapılarsan. Çünki sən bir zavallısan….

Çünki sən bir qorxaqsan! Yaradanın sənə bəxş etdiyi ömrü satacaq qədər adisən! Səni daş-divardan fərqləndirən özgürlük hissini boğacaq qədər qatilsən! "Bic" doğulmağından qorxub, ölü doğduğun AZADLIQ hissini özünlə qəbirə aparacaq qədər vicdansızsan.

… Sən onlardan birisən. Səndən sonrakılar da onlardan biri olacaq, ondan sonrakılar da. Get, əzab çək, o biri tərəfdə eyş-işrət səni gözləyir…

837
Teqlər:
sevgi, arzu, yaşam, nifrət, insan, cəmiyyət
Əlaqədar
Məni ölməyə qoymayın...
Heyif deyil bizim millət?!
Bu ölkədə 65 yaşı keçənləri cəza gözləyir
Allah kəssin belə çörəyi
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

51
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

51
Tibb işçisi Dövlət Gömrük Komitəsinin hospitalında, arxiv şəkli

Azərbaycanda koronavirusla bağlı son statistika açıqlanıb

3
(Yenilənib 23:53 05.08.2020)
Son 4 gün ərzində aktiv xəstələrin sayı 5 229-dan düşərək, hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

BAKI, 5 avqust – Sputnik. Avqustun 5-də Azərbaycanda koronavirusa yeni yoluxma hallarının müəyyənləşdirilməsi ilə əlaqədar 7 883 test aparılıb. Ötən müddət ərzində aparılan testlərin sayı 759 229-a çatıb.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Hazırda müalicəsi davam etdirilən aktiv koronavirus xəstələrinin sayı 3 787-ə bərabərdir.

Avqustun 1-də isə aktiv xəstə sayı 5 229-a bərabər idi.

Xəstələrdən 255 nəfəri reanimasiyadadır ki, onlardan da 51-i süni tənəffüs cihazına qoşulub.

Xatırladaq ki, avqustun 5-də Azərbaycanda koronavirus infeksiyasına daha 193 yoluxma faktı qeydə alınıb, 492 nəfər müalicə olunaraq sağalıb və evə buraxılıb.

COVID-19 üçün götürülən analiz nümunələri müsbət çıxmış üç nəfər vəfat edib.

3
Mövzu:
Azərbaycanda koronavirus: son xəbərlər