Qüdrət Həsənquliyev

"Uzun müddətdir, İrandan Azərbaycana narkotik daşınır"

68
Qüdrət Həsənquliyev: "Təkcə narkotik istifadəçilərinə, onu yayanlara qarşı deyil, ümumiyyətlə bu sindikatlar, kartellərə qarşı mübarizə aparılmalıdır. Hansı ki, onlar narkotikləri bir ölkədən başqasına tonlarla daşıyır"

BAKI, 29 apr — Sputnik. "Dövlət Gömrük Komitəsi tərəfindən son bir ay ərzində 2 böyük partiya narkotik aşkarlanıb. "Qara bazar"da dəyəri təqribən 100 milyon dollardan artıq, çəkisi 1 tondan artıq olan narkotik maddə aşkarlanıb. Həmin narkotik Belçikaya göndərilirmiş, özü də kişmişin içərisində".

Sputnik xəbər verir ki, bunu parlamentin bugünkü plenar iclasında millət vəkili Qüdrət Həsənquliyev deyib: "Təkcə narkotik istifadəçilərinə, yayanlara qarşı deyil, ümumiyyətlə bu sindikatlar, kartellərə qarşı mübarizə aparılmalıdır. Hansı ki, onlar narkotikləri bir ölkədən başqasına tonlarla daşıyır".

"Onlara qarşı effektli mübarizə təşkil olunmalıdır. Daxili İşlər Nazirliyi Dövlət Gömrük Komitəsi ilə əməkdaşlıq etməlidir. Çalışmalıyıq ki, təkcə ölkəmizdə yox, həm də Azərbaycan dünyada narkotikaya qarşı mübarizədə öz töhfəsini vermiş olsun, BMT və digər müvafiq beynəlxalq təşkilatlarla əməkdaşlıq yolu ilə", — Q. Həsənquliyev qeyd edib.

Onun sözlərinə görə, İranla da bu sahədə ciddi əməkdaşlıq təşkil olunmalıdır. "Uzun müddətdir ki, İrandan Azərbaycana narkotik daşınır", deyən millət vəkili Azərbaycanın insan alverinə qarşı mübarizə üzrə milli koordinatorun 2015-ci il üzrə illik hesabatını qənaətbəxş hesab edib.

68
Teqlər:
parlament, Qüdrət Həsənquliyev, Daxili İşlər Nazirliyi, narkotik maddə, Dövlət Gömrük Komitəsi
Əlaqədar
Dabandan narkotik çıxdı
Narkomanlara məcburi tibbi tədbirlər tətbiq ediləcək
Dükanlar məişət səviyyəsində narkomaniyanın təbliğindən $5 min qazanırlar
"Harada narkoman, avara, küçə uşağı var, avtobusu veriblər ki, get bizim üçün pul qazan"
Azərbaycanda tanınmış narkobaron yaxalandı
Narkotiki leqallaşdırmaq təklif olunur
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

13
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

13
Koronavirus testi, arxiv şəkli

Ölkədə daha 946 nəfər COVID-19-a yoluxub, 228 nəfər sağalıb

35
Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

BAKI, 25 oktyabr - Sputnik. Azərbaycan Respublikasında koronavirus (COVID-19) infeksiyasına 946 yeni yoluxma faktı qeydə alınıb, 228 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

Nazirlər Kabineti yanında Operativ Qərargahdan verilən məlumata görə, ölkədə son sutka ərzində 10037, hazırkı dövrədək isə 1291534 test aparılıb.

35

İlham Əliyev Azərbaycanı dəstəkləyən ölkələrin başçılarına məktublar ünvanlayıb

0
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

0
Mövzu:
Azərbaycan və Ermənistan arasında müharibə