Tikinti işləri

Yaşadığınız binaların fundamentindən xəbəriniz var?

488
Bakıda kütləvi tikinti işləri aparılır. Qısa müddətdə nəhəng yaşayış komplekslərinin inşa olunub, istifadəyə verilməsi isə, onların fövqəladə hallara qarşı davamlılığını şübhə altına salır.

BAKI, 28 apr — Sputnik. Bu günlərdə dünyanın bir çox bölgələrində şiddətli zəlzələlər yaşanır. Təkcə Cənubi Amerika ölkəsi olan Ekvadorda 2 həftə əvvəl baş verən təbii fəlakət zamanı 500-dən çox insan dağıntılar altında qalaraq həyatını itirdi. Çox uzağa getmək lazım deyil, qonşu İran və Türkiyə də bu fəlakətlə tez-tez üzləşir.

Azərbaycanın da seysmoloji baxımdan aktiv bölgədə yerləşdiyini nəzərə alsaq, ölkəmiz bu cür fəlakətlərdən sığortalanmayıb. 2000-ci ildən başlayaraq paytaxt Bakıda kütləvi tikinti işləri aparılır. Demək olar ki, artıq şəhərin hər bölgəsində hər gün yeni binaların inşasına şahid oluruq.

Aidiyyəti dövlət orqanları aparılan tikintilərin 9 ballıq zəlzələyə davamlı olduğunu bildirir. Bu barədə dəfələrlə KİV-ə açıqlamalar da verilib.

Lakin sirr deyil ki, bir çox tikinti şirkətləri az xərclə daha çox gəlir əldə etmək üçün keyfiyyətsiz materiallardan istifadə edir.

Düzdür, həmin şirkətlər vaxtilə dövlətin ağır cəzaları ilə üzləşib, rəhbərləri də həbs olunublar. Bəs indi vəziyyət necədir? Tikilən binaların təməli möhkəmdirmi?

Məsələni yerində araşdırmaq üçün Sputnik-in əməkdaşı tikinti aparılan bir neçə əraziyə yollanıb. Müşahidələr, əsasən Yasamal və Səbail rayonları ərazisində aparılıb. Daha çox tikinti işləri məhz Yasamal rayonunda gedir desək, yanılmarıq.

  • 2000-ci ildən başlayaraq paytaxt Bakıda kütləvi tikinti işləri aparılır
    2000-ci ildən başlayaraq paytaxt Bakıda kütləvi tikinti işləri aparılır
    © Sputnik / Fuad Hasanov
  • Bir çox tikinti şirkətləri az xərclə daha çox gəlir əldə etmək üçün keyfiyyətsiz materiallardan istifadə edir
    Bir çox tikinti şirkətləri az xərclə daha çox gəlir əldə etmək üçün keyfiyyətsiz materiallardan istifadə edir
    © Sputnik / Fuad Hasanov
  • Tikinti işləri
    Tikinti işləri
    © Sputnik / Fuad Hasanov
1 / 3
© Sputnik / Fuad Hasanov
2000-ci ildən başlayaraq paytaxt Bakıda kütləvi tikinti işləri aparılır

Hüseyn Cavid prospekti ilə Şəfayət Mehdiyev küçələrinin kəsişməsində "Olympus Park" şirkətinin tikməkdə olduğu yaşayış kompleksində kiçik araşdırma apardıq. Burada tikinti prosesi olduqca sürətlə davam edir. Görülən işlərə nəzarət edən briqadir Əvəz Mehdiyev Sputnik-in əməkdaşı ilə söhbətində şirkət rəhbərliyinin heç bir əlavə xərcdən qaçmadığını, binaların təməlinin keyfiyyətli materiallardan hazırlandığını deyib.

Aidiyyəti dövlət qurumlarına gündəlik hesabatın təqdim olunduğunu söyləyən Ə. Mehdiyev, FHN əməkdaşlarının başqa tikililərdə olduğu kimi, burada da tez-tez baxışlar keçirdiyini qeyd edib: "Tikinti başa çatdıqdan sonra istifadəyə təhvil verilməsi üçün Fövqəladə Hallar Nazirliyinin yekun rəyi olmalıdır. Yekun rəy müsbət olduqda mənzillərdə təmir işlərinə başlamağa icazə verilir".

Qeyd edək ki, ərazidə şirkət rəhbərliyindən heç kəs olmadığına görə münasibət öyrənə bilmədik.

Paytaxtın Yeni Yasamal bölgəsində, 77 nömrəli marşrutun son dayanacağına yaxın yerləşən "Meqa City" yaşayış kompleksində isə problem yaşanır. Talıblı küçəsində inşa edilən kompleks sakinlərinin şikayəti binaların təhvil verilməməsi ilə bağlıdır. MTK artıq 8 ilə yaxındır, tikintisi gedən binanı yarımçıq saxlayıb, habelə bir mənzili bir neçə nəfərə satıb.

Üzərindən qısa müddət keçəndən sonra ikinci bina ətrafında da eyni məzmunlu narazılıqlar baş qaldırmağa başlayıb. Sakinlərin bildirdiklərinə görə, əsas problemlərdən biri inşa işlərinin yarımçıq qalması, mənzillərin təhvil verilməməsidir.

Vətəndaşlar neçə ildir ki, mənzillərinin təhvil veriləcəyini gözləyirlər. Keçən ilin sonunda binanın təhvil veriləcəyi bildirilsə də, sonradan mənzillərin 2016-cı ildə vətəndaşların ixtiyarına veriləcəyi vəd edilib. Şikayətçilərin sözlərinə görə, artıq neçənci dəfədir ki, vaxtı dəyişirlər. Sözügedən MTK-dan vətəndaşlara binada işlərin getdiyi deyilsə də, vətəndaşlar bildirirlər ki, ətrafda heç bir iş getmir.
Həqiqətən müşahidə apardığımız zamanı gördük ki, binada nəinki iş getmir, heç liftlər də qoyulmayıb. Binanın komendantı Azər adlı şəxs liftlərin nə zaman quraşdırılacağı sualına cavabında deyib ki, ən gec avqust ayına qədər bütün işlər tamamlanacaq.

Sorğu zamanı bəlli oldu ki, sözügedən bina Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyindən müsbət rəy almayıb. Yəni bu binalar fövqəladə vəziyyətlərdə tələb olunan keyfiyyətdə tikilməyib. Mövzunu dəqiqləşdirmək üçün FHN Tikintidə Təhlükəsizliyə Nəzarət Dövlət Agentliyi ilə əlaqə saxlamağa çalışsaq da, cəhdlərimiz baş tutmadı.

Səbail rayonu ərazisində isə əsas tikinti işləri daha çox Badamdar qəsəbəsində aparılır. Sakinlərin dediyinə görə, qəsəbə ərazisində, az qala hər gün yeni bir binanın təməli qoyulur.

"Əvvəllər bir binanı tikib başa çatdırmaq üçün 1 ildən çox vaxt lazım olurdu. İndi isə nəinki bina, komplekslər cəmi 5-6 aya tikilib başa çatır. Bu da istər-istəməz insanlarda şübhə yaradır. Zarafat deyil axı, o mənzillərdə ailələr, körpələr yaşayacaq. Gərək əmin olasan ki, qaldığın binanın təməli möhkəmdir", — qəsəbə sakini Tamerlan Əyyubov bildirib.

Binaların, yaşayış komplekslərinin bu qədər tez bir zamanda tikilib başa çatması onların fundamentinin zəif olması mənasını verə bilərmi? Bu sualın cavabını Bakı Dövlət Universitetinin Seysmologiya kafedrasının professoru, AMEA-nın müxbir üzvü Kərim Kərimlidən öyrənməyə çalışdıq.

Professorun sözlərinə görə, əgər binalar sürətlə tikilib başa çatırsa, fundamentin möhkəmliyi şübhə doğura bilər: "Əlbəttə, yeni binaların tikilməsi, müasir göydələnlərin ucaldılması şəhərimizi gözəlləşdirir. Amma digər məqamlar da gözdən qaçmamalıdır. Bu həmin yaşayış binalarının təməli ilə bağlıdır".

Professorun sözlərinə görə, həmin təməllər müəyyən üsulla, müasir aparatların ölçü dərəcələrinə uyğun hesablanaraq atılmalıdır: "Bizdəki yeni binalarda bu prosesə uyğun hərəkət edilir, ya yox, bunu deyə bilmərəm. Ümid edirəm ki, edilir. Lakin bütün hallarda əgər binalar sürətlə tikilib başa çatırsa, fundamentin möhkəmliliyi şübhə doğura bilər".

488
Teqlər:
Kərim Kərimli, Səbail, fundament, yaşayış kompleksi, bina, Yasamal, zəlzələ
Əlaqədar
Bakıda yaşayış binasında yanğın baş verib
Məcburi köçkünlərin məskunlaşdığı binada yanğın baş verib
Bakıda güclü külək fəhləni binadan atıb
Xırdalanda yeddimərtəbəli bina yanıb
Milli Məclisdə hündürmərtəbəli binaların qazlaşması müzakirə olundu
Binaların damlarına quraşdırılan radarlardan xəbər var
FHN-dən binalara vurulan yeni üzlüklərlə bağlı açıqlama

Sofulu kəndi azad edildikdən sonra: Cəbrayıldan yeni videokadrlar

5
1993-cü ilin avqustunda Ermənistan ordusu tərəfindən işğal edilən Sofulunu 2020-ci il oktyabrın 25-də Azərbaycan Silahlı Qüvvələri düşmən tapdağından təmizləyib.

BAKI, 24 iyul - Sputnik. Azərbaycan Müdafiə Nazirliyi Cəbrayıl rayonunun Sofulu kəndindən videogörüntülər paylaşıb.

Sputnik Azərbaycan kadrları təqdim edir.

Sofulu Cəbrayıl rayonunun Dağ Tumas inzibati ərazi vahidində kənddir. Yaşayış obyekti sofulu tayfasının adı ilə bağlıdır. Qarabağ silsiləsinin ətəyində yerləşən kənddə işğala qədər əhali heyvandarlıqla məşğul olurdu.

1993-cü ilin avqustunda Ermənistan ordusu tərəfindən işğal edilən Sofulunu 2020-ci il oktyabrın 25-də Azərbaycan Silahlı Qüvvələri düşmən tapdağından təmizləyib.

Vətən müharibəsi

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq Azərbaycan Ordusu əks-hücuma keçib.

Oktyabrın 9-da Cəbrayıl, oktyabrın 17-də Füzuli, oktyabrın 20-də Zəngilan, oktyabrın 25-də Qubadlı, noyabrın 8-də isə Şuşa şəhəri erməni işğalçılarından təmizlənib.

Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

5
Teqlər:
Qarabağ, Azərbaycan Müdafiə Nazirliyi, video, kənd, Cəbrayıl
Məhəməd Abdullayev

Azərbaycan idmançılarının Tokio gündəliyi: boksçularımızdan ilk qələbə

19
(Yenilənib 17:52 24.07.2021)
Tayfur Əliyevin ardınca Lorenso Sotomayor da rinqdə sözünü deyə bilməyib. Üzgüçülükdə iki təmsilçimiz sondan dördüncü yeri tutub. Məhəmməd Abdullayev isə 1/8 finala adlayıb.

BAKI, 24 iyul - Sputnik. Boksçu Məhəmməd Abdullayev Azərbaycandan olan dəri əlcək ustaları arasında Tokiodakı Olimpiadada qələbə qazanan yeganə idmançı oldu. Sputnik Azərbaycan-ın məlumatına görə, şənbə günü, iyulun 24-də Bəhreyn təmsilçisi Denis Latipovla görüşündən idmançımız qalib ayrılıb. 

91 kq çəki dərəcəsində 1/16 finaldakı görüş 3:1 hesabı ilə Abdullayevin xeyrinə bitib. 

O, ilk iki raundu udub, sonuncuda uduzsa da, görüşün qalibi olub. 1/4 finalda Abdullayev Özbəkistan təmsilçisi Bahodir Calolovla görüşəcək.

----------

16:13

Azərbaycanın daha bir boksçusu Tokio Yay Olimpiadasını tərk edib.

Sputnik Azərbaycan bildirir ki, titullu idmançı, Riodakı 2016-cı il Olimpiadasının gümüş mükafatçısı Lorenso Sotomayor (69 kq) 1/16 finalda Gürcüstan təmsilçisi Əsgərxan Madiyevə uduzub. 

Görüş üçüncü raundda Sotomayorun zədə alması səbəbindən dayandırılıb (qanaxma). Ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

Bu gün daha bir boksçumuz rinqə çıxacaq. 91 kq çəki dərəcəsində çıxış edən Məhəmməd Abdullayev Bəhreyn təmsilçisi Denis Latipovla qarşılaşır. 

1/16 mərhələdə 57 kq çəki dərəcəsində çıxış edən boksçumuz - Tayfur Əliyev də hakimlərin mübahisəli qərarından sonra çıxışını dayandırmışdı. O, Vyetnam təmsilçisi Duaonq Van Nquenə qarşı döyüşürdü. Sonda nokdauna düşməsinə rəğmən beş hakimdən dördü ilk raundda Əliyevi qalib hesab etdi. Ancaq ikinci raundda Tayfurun rəqibindən geri qalmamasına rəğmən bütün hakimlər qələbəni vyetnamlıya verdilər. 

Üçüncü raundda Əliyev azacıq önə çıxsa da, ümumi hesabda Nquen qalib olub (2:3).

Üzgüçülərimiz də uduzdular 

Üzgüçülər Maksim ŞemberevMəryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

Azərbaycan Tokio-2020-də

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Eləcə də oxuyun:

19
Teqlər:
üzgüçülük, boks, Tokio Yay Olimpiya Oyunları
Cənubi Afrikada zürafələr qar yağan zaman

Afrikada rekord şaxta qeydə alındı

0
(Yenilənib 18:14 24.07.2021)
Sinoptiklərin proqnozlarına görə, anomal soyuq hava bölgədə hələ bir həftə davam edəcək. Bildirilir ki, Afrikanın cənubuna soyuq hava kütlələri Antarktidadan gəlir.

BAKI, 24 iyul - Sputnik. Qış mövsümünün hökm sürdüyü Afrikanın cənubunda rekord həddə soyuq hava qeydə alınıb. Sputnik Azərbaycan bildirir ki, bu barədə mətbuat CAR meteoroloji xidmətinə istinadən məlumat yayıb.

İyulun 24-nə keçən gecə 19 rayonda tarixi rekordlar qeydə alınıb: Kimberli şəhəri və ətrafında temperatur -9,9°С-dən aşağı düşüb. Yohannesburqda temperatur -7°С olub. Bu göstəricilər meteomüşahidələr tarixində ən aşağı sayılır.

Sinoptiklərin proqnozlarına görə, anomal soyuq hava bölgədə hələ bir həftə davam edəcək. Bildirilir ki, Afrikanın cənubuna soyuq hava kütlələri Antarktidadan gəlir.

Bu yaxınlarda isə Küveyt rekord istidən "boğulurdu": kölgədə +53,3°С, Günəşin altında isə +70°С isti olub. Bu yay son yetmiş il ərzində Küveytdə ən isti olub. 

0
Teqlər:
rekord, şaxta, soyuq, CAR, Afrika