Ərzaq dükanı - supermarket

Böyük marketlərin başı böyük bəlada

136
(Yenilənib 11:56 26.04.2016)
Supermarketlər vergi güzəştləri ilə bağlı nazirə müraciət edib. Ekspertlər sahibkarların bu istəyini birmənalı qarşılamırlar.

Böyük marketlərin başı böyük bəlada
BAKI, 21 apr — Sputnik. Azərbaycanın ən iri supermarketlər şəbəkələrinin rəhbərləri İqtisadiyyat naziri Şahin Mustafayevə müraciət edərək manatın devalvasiyasından və vergi qanunvericiliyində edilmiş dəyişikliklərdən sonra üzləşdikləri acınacaqlı vəziyyətdən çıxmaq üçün kömək xahiş ediblər. Sahibkarlar müraciətlərində bildiriblər ki, 2015-ci ilin fevral ayının 21-də baş verən devalvasiyadan sonra qiymət artımı və işçi ixtisarına getmədiklərinə görə, Azərbaycanın əsas supermarket şəbəkələrinin mənfəət marjaları minimuma enib.

"Lakin qiymətləri qaldırmadan şəbəkələrdə rentabelliyi və işçi sayını qoruyub saxlamaq mümkün deyil. Maddi sıxıntılar mağazaların bağlanmasına və işçilərin ixtisarına səbəb olub", —deyirlər sahibkarlar.

Onların müraciətində deyilir ki, sosial əhəmiyyətli gündəlik tələbat mallarının, xüsusən yerli istehsal olan kənd təsərrüfatı məhsullarının, habelə uşaq qidalarının istehsalı və bütün satış zəncirinə Əlavə Dəyər Vergisinin (ƏDV) tətbiqi aradan qaldırılsın. Sahibkarlar xahiş edirlər ki, iqtisadiyyat naziri bu problemin həll edilməsi üçün qanunvericilikdə düzəliş təşəbbüsü ilə çıxış etsin.

İqtisadiyyat Nazirliyinin mətbuat xidmətinin rəhbəri Abbas Əliyev mətbuata açıqlamasında deyib ki, nazir Şahin Mustafayev aprelin 19-da bəzi supermarketlərin sahibləri ilə görüşüb. Onun sözlərinə görə, nazir sahibkarları dinləyib və onların qaldırdıqları məsələ nəzərdən keçirilir.

Bəs, dövlət səviyyəsində güzəştlər olmasa, iri supermarketlərin fəaliyyəti necə olacaq? İqtisadçı ekspert Natiq Cəfərli Sputnik-ə açıqlamasında deyib ki, gömrük rəsmiləşdirilməsi qalxdıqdan sonra topdan və pərakəndə satış ticarətində müəyyən problemlərin yaşanacağı gözlənilən idi: "Bu hadisələrə qədər bəzi bəlli mexanizmlərlə bu vəziyyəti idarə edə bilirdilər. İndi rəsmiləşdirmə yüksək səviyyəyə çatdıqdan sonra supermarketlərin və ümumiyyətlə pərakəndə ticarətin işləməsində ciddi problemlər yaranıb".

"Söhbət həm də ondan gedir ki, nəyə görə məhz supermarketlərə bu güzəştlər tətbiq olunmalıdır? Çünki ölkədə son rəqəmlərə görə, orta və xırda satış mərkəzləri də var. Bəs onlara hansı güzəştlər tətbiq olunmalıdır? Ümumiyyətlə, bu, hamıya aid olunmalıdırmı? Bununla bağlı müxtəlif yanaşmalar olsa da, çox təəssüf ki, söhbət ancaq, supermarketlərin fəaliyyətindən gedir", —deyə ekspert bildirdi.

İqtisadçı ekspert Nicat Hacızadə isə düşünür ki, ilk növbədə iri supermarketlərin maliyyə hesabatları açıq olmalıdır: "İri supermarketlərdəki likvidlik dərəcəsi haqqında statistik rəqəmlər yoxdur. Yəni bu gün bizim əlimizdə hər hansı bir resurs yoxdur ki, həmin supermarketin rüblük və ya illik likvidlik səviyyəsini müəyyən edə bilək. Müəyyən bir dövr ərzində lazım olmayan mənfəət marjosundan daha çox götürürdülər. Bizim bildiyimiz süni qiymət artımı məsələsi idi ki, ondan yetərincə gəlirlər əldə elədilər".

Mütəxəssisin sözlərinə görə, bu gün iri supermarketlər məcbur qalıb nazirliyə müraciət edibsə, deməli həqiqətən onların vəziyyəti heç də ürəkaçan deyil: "ƏDV-dən azad edilməklə mümkündür ki, onlar sadələşdirilmiş vergi ödəyicisi olsunlar. Amma, bu da o qədər məqsədəuyğun deyil. Çünki yetərincə böyük faiz dərəcəsindən 4% —lik sadələşmiş vergiyə düşmək büdcəyə köçürülən vergilərin miqyasını azaldır".

Alkoqol
И. Зенин/РИА Новости

N. Hacızadənin fikrincə, əslində supermarketlər yox, onların məhsul aldıqları müəssisələr nazirliyə müraciət etməlidir ki, onların üzərində ƏDV götürülsün ki, onlarda topdan satışda qiymətləri aşağı salsınlar.

N. Cəfərli isə hesab edir ki, ƏDV-nin supermarketlər üçün ləğv olunması ölkəyə mal gətirib marketlərə paylayan şirkətlər üçün yeni problemlər yarada bilər: "Bu məsələ ilə bağlı ciddi araşdırmadan sonra ümumi şəkildə qərar verilməlidir. Bütün bunlar bir proqram şəklində həyata keçirilsə, daha effektli olar. Ümumiyyətlə dünya praktikası da onu göstərir ki, böhranlı dövrlərdə hökümətlər gömrük faizlərini və vergi dərəcələrini aşağı salmaqla iqtisadi aktivliyi canlandıra bilirlər. Ona görə də düşünürəm ki, hökümət bir yol xəritəsi hazırlamalıdır. İqtisadi aktivliyi artırmaq üçün vergi dərəcələrini və gömrük rüsumlarını xeyli dərəcədə azaltmaq haqqında düşünməlidirlər. Bu zaman təbii ki, ticarətdə və iqtisadiyyatın digər sahələrində də bir canlanma müşahidə oluna bilər".

"Yox əgər bu, baş verməyəcəksə, uzun zaman diskusiya və müzakirələrə səbəb olub konkret qərarlar olmayacaqsa, təbii ki, ilkin olaraq böyük supermarket şəbəkələrinə ziyan dəyəcək, bir çox filiallarının bağlanmasına şahid olacağıq. Sonradan artıq kiçik və orta sahibkarlara da bu zərbənin dəyməsi ehtimalı var", —deyə iqtisadçı vurğuladı.

Ekspertin sözlərinə görə, ticarət dövrüyyəsinin azaldığı və iş adamlarının gəlirləri azaldığı bir dönəmdə sahibkarlar üçün vergi dərəcələrini ödəmək çox çətindir.

136
Teqlər:
əlavə dəyər vergisi, iri supermarketlər, İqtisadiyyat naziri, supermarket, güzəşt, ƏDV, market, vergi, supermarketlərin bağlanması, mağazaların bağlanması, Şahin Mustafayev, Azərbaycan
Əlaqədar
Vergilər Nazirliyi "Favorit" marketdə qanun pozuntuları aşkar edib
"Neptun" market: rəfdə bir, kassada isə başqa qiymət
Bu marketlərdən ərzaq almayın
Bu marketlərdən ərzaq almaq məsləhət deyil
Təqaüdçü qadın, arxiv şəkli

Pensiyaçıların həsrətlə gözlədiyi xəbər gəldi - artımların vaxt veriləcəyi açıqlandı

12
(Yenilənib 13:57 20.01.2021)
Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

Zülfiyyə Quluyeva, Sputnik Azərbaycan

BAKI, 20 yanvar — Sputnik. Bu ildən əmək pensiyalarının orta məbləği 338 manat, yaşa görə pensiyaların məbləği isə 370 manat olacaq. 2021-ci ilin yanvar ayı üzrə pensiyalar ödənilsə də, pensiyalara artım hesablanmayıb. Sputnik Azərbaycan pensiyaların artımının nə vaxtdan ödəniləcəyini araşdırıb.

Əmək və Əhalinin Sosial Müdafiəsi Nazirliyindən Sputnik Azərbaycan-a bildirilib ki, Dövlət Statistika Komitəsindən orta aylıq nominal əmək haqqına dair məlumatlar nazirliyə göndərildikdən və Prezidentin müvafiq sərəncamından sonra pensiyalar yanvar ayının artımı daxil olmaqla ödəniləcək. Nazirlik bu məsələdə icraedici funksiya daşıyır.

Dövlət Statistika Komitəsindən Sputnik Azərbaycan-ın sorğusuna verilən cavabda isə bildirilir ki, 2020-ci il üzrə istehlak qiymətləri indeksinə dair məlumatlar Əmək və Əhalinin Sosial Müdafiəsi Nazirliyinə artıq göndərilib:

"Orta aylıq nominal əmək haqqına dair məlumatlar isə Dövlət Statistika Komitəsinin Statistik işlər proqramına uyğun olaraq cari ilin fevral ayının ilk ongünlüyündə təqdim ediləcək".

Qeyd edək ki, "Əmək pensiyaları haqqında" Qanunda əmək pensiyalarının ildə bir dəfə ölkə üzrə orta aylıq nominal əməkhaqqının illik artım tempinə uyğun olaraq indeksləşdirilməsi nəzərdə tutulur. Cari il üçün pensiyaların indeksləşdirilərək artırılması da Dövlət Statistika Komitəsindən Əmək və Əhalinin Sosial Müdafiəsi Nazirliyinə təqdim olunacaq rəsmi məlumatda 2020-ci il üzrə ölkəmizdə orta aylıq nominal əməkhaqqının artım tempi göstəricisi əsasında həyata keçiriləcək. Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

12
Məktəblərin birində, arxiv şəkli

Bu şagirdlərin summativ qiymətləndirilməsi aparılmayacaq

22
(Yenilənib 12:52 20.01.2021)
II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır.

BAKI, 20 yanvar — Sputnik. Birinci sinif şagirdlərinin summativ qiymətləndirilməsi aparılmayacaq.

Sputnik Azərbaycan-ın məlumatına görə bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır. Qiymətləndirmə 100 ballıq şkala ilə ölçülür.

22
Teqlər:
Azərbaycan Təhsil Nazirliyi, Təhsil Nazirliyi
Neft, arxiv şəkli

Azərbaycan nefti bu gün özünü necə aparıb?

0
(Yenilənib 13:59 20.01.2021)
Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 20 yanvar — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,02 dollar artaraq 56,39 dollar təşkil edib.

"Brent" markalı neftin qiyməti 0,40 dollar artaraq 56,30 dollar, "Light" markalı neftin qiyməti isə 0,43 dollar bahalaşaraq 53,41 dollar olub.

Qeyd edək ki, Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0
Teqlər:
"Brent" markalı neft, Brent, "AzeriLight" markalı neft, "AzeriLight", Azərbaycan nefti, neft, Neft