Şıx çimərliyindəki istirahət məkanlarından biri

Pulu olmayanların bu məkanlara yolu bağlanır

2276
İnsanların ötən ilə kimi pulsuz çimdikləri sahil zonaları bəzi məmurlar tərəfindən satın alınıb və yaxın vaxtlarda hasara alınacaq. Mövcud çimərliklərdə isə qiymətlər qalxmaqda davam edir.

BAKI, 15 apr — Sputnik. Çimərlik mövsümünün başlamasına 1 aydan bir qədər çox müddət qalıb. Və aydın məsələdir ki, paytaxt əhalisinin sərinləmək üçün üz tutduğu yer də məhz çimərlikdir, dəniz sahilidir.

Lakin illər öncəsindən fərqli olaraq bu gün Xəzər dənizi sahilində açıq çimərlik ərazisi tapmaq demək olar ki, qeyri-mümkündür. Şəhərə yaxın sahil zonaları hasarlanaraq, iri biznesmenlərin ixtiyarına verilib. Və bu ərazilərdə böyük əyləncə mərkəzləri, pullu çimərliklər yaradılıb.

Bakı Şəhər İcra Hakimiyyəti (BŞİH) dənizdən istifadənin pulsuz olduğunu, vətəndaşların çimərliklərdən təmənnasız istifadə edə biləcəyini desə də, dənizi özəlləşdirən iri məmurlar bu qurumu ümumiyyətlə diqqətə almırlar. Sputnik əməkdaşının yerində apardığı araşdırmalar da bunu deməyə əsas verir.

Bir vaxtlar ən ucuz istirahət zonası sayılan Şıx çimərliyinə indi ayaq basmaq olmur. Paytaxta yaxın yerləşdiyi üçün, yayda bura gələnlərin daha çox olduğunu nəzərə alıb, ərazidəki çimərliklərə üz tutduq. Gördüyümüz mənzərə və apardığımız sorğudan bəlli oldu ki, keçən ilki kimi, bu il də çimərliklərə giriş pullu olacaq. Pulu olmayanlar isə Bakı-Salyan şosesinin 18-ci km-də, zibilxananın yanında dənizə girib sərinləyə biləcəklər.

  • Şıx qəsəbəsində ən bahalı çimərlik Aysberq istirahət mərkəzinin ərazisindədir
    Şıx qəsəbəsində ən bahalı çimərlik "Aysberq" istirahət mərkəzinin ərazisindədir
    © Sputnik / Fuad Hasanov
  • Şıx çimərliyi
    Şıx çimərliyi
    © Sputnik / Fuad Hasanov
  • Sahil boyunca yerləşən istirahət mərkəzlərində mövsümün açılışı üçün artıq son tamamlama işləri aparılır
    Sahil boyunca yerləşən istirahət mərkəzlərində mövsümün açılışı üçün artıq son tamamlama işləri aparılır
    © Sputnik / Fuad Hasanov
  • Bu zonadakı ən ucuz çimərlik Eldoradodur. Keçən il iki manat verib çimmək olurmuş
    Bu zonadakı ən ucuz çimərlik "Eldorado"dur. Keçən il iki manat verib çimmək olurmuş
    © Sputnik / Fuad Hasanov
  • Buraya yayda hər gün yüzlərlə insan gəlir
    Buraya yayda hər gün yüzlərlə insan gəlir
    © Sputnik / Fuad Hasanov
  • Aquapark istirahət zonası
    "Aquapark" istirahət zonası
    © Sputnik / Fuad Hasanov
  • Çimərlik
    Çimərlik
    © Sputnik / Fuad Hasanov
  • Dostluq çimərliyinin əsas girişi
    "Dostluq" çimərliyinin əsas girişi
    © Sputnik / Fuad Hasanov
  • Xəbərdaredici elanlar
    Xəbərdaredici elanlar
    © Sputnik / Fuad Hasanov
  • Çimərlik mövsüzü başlayandan sonra sahildə boş çətir tapmaq müşkülə çevriləcək
    Çimərlik mövsüzü başlayandan sonra sahildə boş çətir tapmaq müşkülə çevriləcək
    © Sputnik / Fuad Hasanov
  • 1001 gecə istirahət mərkəzi
    1001 gecə istirahət mərkəzi
    © Sputnik / Fuad Hasanov
  • Təəssüf ki, bəziləri çimərlik ərazisini çirkləndirirlər, yerə zibillər atırlar
    Təəssüf ki, bəziləri çimərlik ərazisini çirkləndirirlər, yerə zibillər atırlar
    © Sputnik / Fuad Hasanov
1 / 12
© Sputnik / Fuad Hasanov
Şıx qəsəbəsində ən bahalı çimərlik "Aysberq" istirahət mərkəzinin ərazisindədir

Sahil boyunca yerləşən istirahət mərkəzlərində mövsümün açılışı üçün artıq son tamamlama işləri aparılır. Bu mərkəzlərdən biri də "Eldorado" restoranıdır. Şıx qəsəbə sakini Elmir Məmmədov Sputnik-ə açıqlamasında bildirdi ki, restoranın çöl qapısından içəri keçib dənizə tərəf getmək istəyənlərin qarşısını 2 nəfər qolu qüvvəli, qarayanız oğlan kəsir və dənizdə çimməyin 2 manat olduğunu bildirir.

"Bu zonadakı ən ucuz çimərlik məhz "Eldorado"dur. Keçən il qiymət belə idi. İki manat verib çimə bilərdin. Amma indi qiymətlər dəyişib, ya yox, bilmirəm. Onu özlərindən soruşun", —deyir həmsöhbətimiz.

Biz də bu suala cavab tapmaq üçün restoranın administratoru İlham Əzimovla söhbət apardıq. Əzimov Sputnik-ə açıqlamasında dənizdən istifadəyə görə heç kəsdən pul yığmadıqlarını, sadəcə olaraq şezlonqlardan və duşdan istifadəyə görə iki manat yığdıqlarını deyib:

"Buraya yayda hər gün yüzlərlə insan gəlir. Çimərlik ərazisini çirkləndirirlər, yerə zibillər atırlar. Həmin o zibilləri bizim işçilərimiz təmizləyirlər. Əlbəttə, heç kim bunu müftə etmir. Qarşılığında pul alır".

"Üstəlik bizim şezlonqlardan və dənizdən çıxarkən duşdan istifadə edirlər. Bütün bunlar hamısı puldur, axı! Adi vətəndaş suyun kubuna görə nə qədər pul ödəyirsə, biz də həmin pulu ödəyirik. Yenə deyirəm, bizim yığdığımız iki manat pul çimərlikdən istifadəyə görə deyil", —administrator bildirdi.

İ. Əzimov, eyni sırada yerləşən digər istirahət mərkəzlərində vətəndaşlardan 15-25 manat arası pul yığıldığını və əsas soyğunçuluğun məhz orada yaşandığını qeyd etdi. Həqiqətən də müşahidələrimizin davamında Əzimovun dediklərinin özünü doğrultduğunu gördük.

"Eldorado"nun düz yanında yerləşən "Aquapark" istirahət zonasında tətbiq olunan qiymətlər olduqca baha idi. Mərkəzin administratoru Vüsal İmanov əraziyə girişin 12 manat olduğunu, üstəlik əlavə olaraq 3 manat da "parkovka" üçün pul aldıqlarını dedi. O, saat 20:00-dan sonra girişin pulsuz olduğunu da vurğuladı.

Həmin ərazidə yerləşən digər bir istirahət mərkəzi "Min bir Gecə"dir. Rəhbərlik yerində olmadığı üçün işçilərlə söhbət apardıq. Və aydın oldu ki, çimərlikdən istifadə 5 manatdır. Əlavə xidmətlərlə birlikdə, bu məbləğ hətta 15 manatadək çıxır.

"Dostluq" çimərliyində apardığımız çəkiliş zamanı isə, suallarımıza konkret cavab ala bilmədik. İşçilər dənizdən istifadənin pullu olduğunu desələr də, məkanın Xanlar adlı sahibi heç kəsdən bir qəpik pul almadıqlarını söylədi. O, ancaq basseyndən istifadənin pullu olduğunu bildirdi.

Şıx qəsəbəsində ən bahalı çimərlik "Aysberq" istirahət mərkəzinin ərazisindədir. Adambaşı giriş burada 25 manatdır. Bu pulu ödəyən şəxsə duş, paltar dəyişmə otağı, uzanmaq üçün ləvazimat, masa, stul, çətir, bilyard, skuter və başqa xidmətlərdən istifadəyə şərait yaradılır. Hətta heç nədən istifadə etməsən belə, giriş pulunu ödəməlisən.

Novxanı və Mərdəkan çimərliklərində isə vəziyyət bir qədər fərqlidir. Bu bölgələrdə yerləşən istirahət məkanlarında tələb olunan giriş pulu 1-5 manat arası dəyişir. Dənizə girmək üçün pulsuz olan ərazilər də var.

Lakin əldə etdiyimiz məlumatlara görə, insanların ötən ilə kimi pulsuz çimdikləri sahil zonaları bəzi məmurlar tərəfindən satın alınıb və yaxın vaxtlarda hasara alınacaq. Yerində isə böyük əyləncə mərkəzləri tikiləcək.

2276
Teqlər:
Şıx çimərliyi, sahil, Bakı Şəhər İcra Hakimiyyəti, dəniz, Xəzər, çimərlik
Əlaqədar
FHN çimərliklərlə bağlı vətəndaşlara müraciət edib
BŞİH: çimərliklər pulsuzdur və heç kim buna görə pul ödəməsin
Çimərlik voleybolu fotolarda
Dənizkənarı Bulvar İdarəsinə yeni rəis təyin olunub
"Gözümüzün önündə qaçqınlar dənizlərdə boğulur..."
Gözəllik salonu, arxiv şəkli

Bu sahələrin fəaliyyətinə yanvarın 25-dən icazə veriləcək

2
Ancaq xəbərdarlıq da var: Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır

BAKI, 16 yanvar — Sputnik. Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb. Sputnik Azərbaycan 2021-ci il 25 yanvar saat 00:00-dan etibarən ölkə ərazisində fəaliyyətinə icazə verilən iş və xidmətlərin siyahısını təqdim edir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

2
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

Azərbaycanda sərt karantin rejimi yumşaldılır - SMS icazə ləğv olundu

32
(Yenilənib 10:43 16.01.2021)
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Amma yumşaldılmalar olacaq

BAKI, 16 yanvar — Sputnik. Nazirlər Kabineti yanında Operativ Qərargah məlumat yayıb. Sputnik Azərbaycan-a Nazirlər Kabineti yanında Operativ Qərərgahdan daxil olan məlumatda qeyd olunur ki, dünyada, o cümlədən Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilmişdir.

Eyni zamanda bir sıra ölkələrdə və Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınmışdır.

Azərbaycan Respublikası Nazirlər Kabinetinin müvafiq qərarına əsasən, 2021-ci il 18 yanvar saat 00:00-dan etibarən:

● Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisində, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərində yaşayış yerini və olduğu yeri "SMS" icazə, "icaze.e-gov.az" portalı və xidməti vəsiqə əsasında tərk etmək sistemi ləğv olunur.

2021-ci il 25 yanvar saat 00:00-dan etibarən ölkə ərazisində aşağıdakı iş və xidmətlərin fəaliyyətinə icazə verilir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

2021-ci il 18 yanvar saat 00:00-dan 25 yanvar saat 00:00-dək Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisinə, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərinin ərazilərinə (kənd və qəsəbələr istisna olmaqla) giriş-çıxışa Azərbaycan Respublikası Nazirlər Kabinetinin müəyyən etdiyi qaydada müvafiq təşkilatların əməkdaşlarına xidməti vəsiqə, ezamiyyə vərəqəsi, diplomatik nümayəndəliklərin və beynəlxalq təşkilatların əməkdaşlarına isə müvafiq akkreditasiya kartları əsasında, habelə Nazirlər Kabinetinin qərarı ilə müəyyən edilən digər şəxslərin qeyd olunan ərazilərə giriş-çıxışına həmin şəxslər barəsində məlumatlar işəgötürən tərəfindən gücləndirilmiş elektron imzadan istifadə edilməklə "icazə.e-gov.az" portalına daxil edildikdən sonra ezamiyyə vərəqəsi əsasında icazə veriləcəkdir. Yaxın qohumunun dəfnində iştirakla əlaqədar Bakı, Sumqayıt, Gəncə, Mingəçevir, Şirvan şəhərləri və Abşeron rayonu, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzləri (kənd və qəsəbələr istisna olmaqla) arasında və onların hüdudlarından kənara hər bir şəxs Azərbaycan Respublikası Daxili İşlər Nazirliyinin Növbətçi Hissələri İdarəetmə Xidmətinin "102" Xidməti – Zəng Mərkəzi vasitəsilə alınmış icazə əsasında hərəkət edə bilər.

© AR Ministry of Education /

2021-ci il 18 yanvar saat 00:00-dan 25 yanvar saat 00:00-dək beynəlxalq və ölkədaxili uçuşlara müvafiq reys üçün bileti olan şəxslərin Bakı, Sumqayıt, Gəncə, Mingəçevir, Şirvan şəhərləri və Abşeron rayonu, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzləri (kənd və qəsəbələr istisna olmaqla) arasında və onların hüdudlarından kənara hərəkətinə onların biletləri əsasında, dövlət sərhədindən müvafiq qaydada ölkəyə daxil olan şəxslərin həmin ərazilərə gəlməsinə isə onların pasportuna vurulmuş ştamp əsasında icazə verilir.

Bakı metropolitenində sərnişindaşımanın fəaliyyətinə tətbiq olunan məhdudiyyət hazırda qüvvədə qalır.

Bütün ölkə ərazisində şənbə və bazar günləri ictimai nəqliyyatın fəaliyyətinə tətbiq olunan məhdudiyyət, eləcə də digər qadağalar isə xüsusi karantin rejiminin sonunadək tətbiq olunacaqdır.

Qeyd edək ki, xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburidir. Həmçinin sosial məsafə, tibbi maska və digər qoruyucu vasitələrdən ictifadə etmək zəruridir.

32
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar