Yeni tikili binalardakı mənzlillərə də tələb kəskin azalıb

Aztəminatlı əhali mənzillə təmin ediləcək?

201
(Yenilənib 12:09 15.04.2016)
Bəzi ekspertlər Prezident yanında Mənzil İnşaatı Dövlət Agentliyinin yaradılması haqda qərarı müsbət dəyərləndirirlər. Lakin bunun əksini düşünənlər də var.

Aztəminatlı əhali mənzillə təmin ediləcək?
BAKI, 12 apr — Sputnik. Prezident İlham Əliyev aprelin 11-də "Azərbaycan Respublikasının Prezidenti yanında Mənzil İnşaatı Dövlət Agentliyinin (MİDA) yaradılması və fəaliyyətinin təşkili haqqında" Fərman imzalayıb. Fərmana əsasən, MİDA MMC-nin sərəncamına verilən torpaq sahələrində inşa ediləcək obyektlərin tikinti ərazisinədək mühəndis-kommunikasiya təminatı sistemi və xətləri dövlət büdcəsinin vəsaiti hesabına çəkiləcək.
Yeni tikili binalar
© Sputnik / Fuad Hasanov

Cəmiyyətin sərəncamına verilən torpaq sahələrinin daşınmaz əmlakın dövlət reyestrində və dövlət torpaq kadastrında qeydiyyatı da dövlət büdcəsinin vəsaiti hesabına aparılacaq. MİDA MMC-nin sərəncamına verilən torpaq sahələrində inşa edilən çoxmənzilli binalardan vətəndaşların mənzilləri güzəştlərlə əldə etməsi qaydasına dair təklifləri iki ay müddətində dövlət başçısına təqdim etmək tapşırılıb.

Bəs, görəsən MİDA-nın yaradılması vətəndaşların güzəştli şərtlərlə mənzil əldə etməsinə necə təsir edəcək? İqtisadçı ekspert Nicat Hacızadənin sözlərinə görə, MİDA-nın yaradılmasında əsas məqsəd əhalinin mənzil şəraitinin yaxşılaşdırılmasıdır.

"Təbii ki, bu yaxşılaşdırmanın da hədəf götürdüyü əsas məsələ vətəndaşların həmin mənzillərə əlçatanlığının təmin olunmasıdır. Orta təbəqə nümayəndələrinin, xüsusilə də aztəminatlı ailələrin mənzil alma problemləri mövcuddur. Digər tərəfdən ipoteka şərtləri ilə mənzillərin alınmasında da bir sıra problemlər mövcuddur", —deyə ekspert Sputnik-ə açıqlamasında bildirib.

O, hesab edir ki, bu agentliyin yaranmasından sonra əhalinin mənzil alma imkanları bir qədər rahatlaşacaq: "Tam təkliflərin formalaşmadığını nəzərə alsaq, bu agentliyin yaradılmasından sonra hansı fəaliyyəti göstərəcək, onu gözləmək və proqnozlaşdırmaq lazımdır".

N. Hacızadənin fikrincə, güzəştli şərtlərin hansı güzəşt kateqoriyasına aid ediləcəyi və əhalinin buna çıxışının nə dərəcədə təmin olunacağını zaman göstərəcək: "Bu sahədə özəl sektorun rolunu da arxa plana keçirmək olmaz və birgə əməkdaşlıq formalaşdırılmalıdır. Əgər belə bir əməkdaşlıq olarsa, bu əməkdaşlıqdan həm dövlət, həm sahibkar, həm də əhali qazanacaq".

"MBA Group" konsaltinq şirkətinin baş direktoru Nüsrət İbrahimov isə bildirib ki, ümumən heç bir ölkə heç vaxt mənzil problemini tam olaraq aradan qaldıra bilməyib. Onunu fikrincə, belə addımın atılması müəyyən qədər mövcud problemin yumşaldılmasına yönəldiyindən, onu daha çox sosial lahiyə kimi dəyərləndirmək olar.

"Prezidentin göstərişi var ki, sosial evlərin tikintisinə başlanılsın. Həmin o evlərin tikintisi və onların idarə edilməsi ilə məşğul olan bir dövlət qurumunun yaradılmasına ehtiyac var idi. Ona görə də bu qurum təsis edildi. Yəqin ki, bu qurum həm sosial evlərin tikintisi və idarə edilməsi ilə məşğul olacaq, həm də ümumən ölkə üzrə mənzil tikintisinin bir vahid koordinatoru rolunda çıxış edəcək", —deyə ekspert vurğulayıb.

Agentiyin mənzil bazarına təsirinə gəlincə isə, Nüsrət İbrahimov qeyd edib ki, bu barədə danışmaq hələ tezdir. Digər iqtisadçı ekspert Natiq Cəfərli isə fərqli düşünür. O, belə bir qurumun yaradılmasını "tipik və qeyri-effektiv "sovet" yanaşmasının davam etdirilməsi" kimi dəyərləndirir.

Qeyd edək ki, aprelin 9-da Nazirlər Kabinetinin iclasında prezident İlham Əliyev yaxın zamanlarda sosial mənzillərin tikintisi lahiyəsinin ictimaiyyətə açıqlanacağını bildirib.

201
Teqlər:
Nüsrət İbrahimov, MİDA, Mənzil İnşaatı Dövlət Agentliyi, Nicat Hacızadə, Natiq Cəfərli, aztəminatlı ailələr, mənzil, Prezident İlham Əliyev
Əlaqədar
MTK-lara ödədiyimiz "mənzil haqları" hara gedir?
"Sovetski"də evləri kiçik olan sakinlərə mənzil veriləcək
Mənzillərin qiymətləri 10 il əvvəlki səviyyəyə enəcək
"Problemli MTK olmayan" şəhərdə bir mənzili 5 nəfərə kim satır?
Hərbçilərə təhsil, mənzil, milli yeməklər və iş
“Sovetski”də mənzil sahəsi 25 kv.m-dən az olan 200 ailəyə müjdə
Kürdəxanında çirkab sular

Kürdəxanıda çirkab suları dənizə axıdılır, nazirlik öz işini görür, nəticə isə yoxdur

7
(Yenilənib 20:12 17.01.2021)
Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

İradə Cəlilova, Sputnik Azərbaycan

BAKI, 17 yanvar — Sputnik. Bakının Sabunçu rayonu Kürdəxanı qəsəbəsində uzun illərdir ki, dənizə kanalizasiya suları axıdılır. Qəsəbə sakinlərinin sözlərinə görə, qəsəbədə kanalizasiya sistemi olmadığı üçün vətəndaşlar kanalizasiya sularının axıdılması üçün xüsusi qazılmış "şambo"lardan istifadə edir.

Adətən çirkab sular dənizə axıdılır. Bununla yanaşı Kürdəxanı və Pirşağı qəsəbələrində kanalizasiya sularının axıdılığı göllər də var. Bu problemin qarşısını almaq üçün qəsəbələrə kanalizasiya sistemi çəkilməlidir. Ötən il Bakı qəsəbələrinə kanalizasiya sisteminin çəkilməsi üçün qərar verilsə də, görünən odur ki, qeyd olunan qəsəbələrdə hələ heç bir iş görülməyib.

© Sputnik / Irade JELIL
Kürdəxanında çirkab sular

Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Bakı qəsəbələrinə kanalizasiya sisteminin çəkilməsi planda olsa da, yəqin ki, bundan sonra məsələyə birbaşa məsul olan qurum "Azərsu" ASC işğaldan azad edilmiş ərazilərdə müvafiq işlər görəcək. Bakı qəsəbələrinə kanalizasiya sisteminin çəkilməsi məsələsi hələ bir müddət qalacaq. Çünki bu gün əsas prioritet məsələ işğaldan azad edilmiş torpaqların bərpasıdır.

Onun sözlərinə görə, Pirşağıda Cənubi Koreya şirkəti tərəfindən kanalizasiya sularının təmizlənməsi ilə bağlı stansiya tikilir. Stansiya istifadə verildikdən sonra Mehdiabad, Ceyranbatan və s. yaxın qəsəbələrin kanalizasiya boruları həmin stansiyaya qoşulacaq.

© Sputnik / Irade JELIL
Kürdəxanında çirkab sular

F.Həsənov qeyd edib ki, kanalizasiya suları təmizləndikdən sonra dənizə axıdılmalıdır: "Qonşu Türkiyədə kanalizasiya suları təmizləndikdən sonra dənizə axıdılır. Kanalizasiya suyu o qədər təmizlənir ki, Azərbaycanda olsa, içməli sudan fərqləndirmək mümkün olmaz. Bu qədər təmizlənməsinə baxmayaraq, həmin sular xüsusi borularla dənizin daxilində 5 kilometr məsafəyə buraxılır".

Professor bildirib ki, içməli suyun bir litrində 1 qram, Xəzər dənizinin suyunun 1 litrində 13-15 qram duz var. Kanalizasiya suları təmizlənib dənizə axıdıldığı təqdirdə, dənizin suyunun tərkibinə təsir etmir. Təmizlənmədiyi halda isə kanalizasiya suyunun tərkibində olan zərərli maddələr dəniz suyuna qarışır. Belə olan təqdirdə həmin ərazilərin çimərlik kimi istifadə edilməsi sağlamlıq üçün təhlükəlidir.

© Sputnik / Irade JELIL
Xəzər dənizinin suyunun 1 litrində 13-15 qram duz var

"Çirkab sularının birbaşa təmizlənmədən dənizə axıdılması müxtəlif dəri, mədə-bağırsaq və s. xəstəliklərə səbəb olur. Vətəndaşlar sağlamlıqları üçün bu ərazilərdən çimərlik kimi istifadə etməməlidirlər", - deyə F.Həsənov bildirib.

Dövlət Ekoloji Təhlükəsizlik xidmətinin rəis müavini Ramal Bağırovun sözlərinə görə, Ekologiya və Təbii Sərvətlər Nazirliyi 2007-ci ildən bu günə qədər 17 ədəd su təmizləyici qurğu quraşdırıb.

Bu problemin qalmasının səbəbi isə müvafiq ərazilərdə kanalizasiya sisteminin olmamasıdır. Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb. Nəticələr barədə "Azərsu" ASC-yə məlumat verilib.

© Sputnik / Irade JELIL
Kürdəxanında çirkab sular

Ekoloq Telman Zeynalovun fikrincə, çirkab və kanalizasiya sularının dənizə axıdılması insan sağlamlığı ilə yanaşı, Xəzərin biomüxtəlifliyi üçün də təhlükəlidir. Onun sözlərinə görə, Kürdəxanı ərazisində dənizə çirkab sularının axıdılmasına nəzarət yerli icra orqanları və Ekologiya və Təbii Sərvətlər Nazirliyindədir. Belə ki, qurumlar həmin ərazilərdə mütəmadi olaraq monitorinqlər aparmalı, bu kimi vəziyyətləri açıqlamalı və müvafiq tədbirlər görməlidir.

Məsələ ilə bağlı "Azərsu" ASC ilə əlaqə saxlamaq mümkün olmadı. Ancaq qurumun rəsmisi Şöhrət Süleymanov yerli mətbuata açıqlamasında bildirib ki, bu ərazilərdə mərkəzləşdirilmiş kanalizasiya sistemi mövcud deyil: "Abşeron yarımadası üzrə Master Plana uyğun olaraq Pirşağı hövzəsi üzrə müasir standartlara uyğun bioloji tullantı su təmizləyici qurğusunun inşası aparılıb. Hazırda tamamlanma işləri aparılır".

© Sputnik / Irade JELIL
Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb

Qeyd edək ki, Xəzər dənizinə antropogen təsir göstərən axarların qarşısının alınması və çirkab suların təmizlənərək Xəzər dənizinə axıdılması məqsədilə Bilgəh, Mərdəkan, Novxanı, Buzovna, Sumqayıtın Xəzər sahili ərazilərində ETSN tərəfindən onlarla modul tipli lokal təmizləyici qurğu quraşdırılıb.

Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

7
Самолет Бе-200, фото из архива

Hirkan Milli Parkında yanğın davam edir - VİDEO

14
(Yenilənib 19:37 17.01.2021)
Yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi cəlb olunub.

BAKI, 17 yanvar - Sputnik. Astara rayonu ərazisində Hirkan Milli Parkında baş vermiş yanğının söndürülməsi istiqamətində Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Fövqəladə Hallar Nazirliyindən verilən məlumata görə, yanğının söndürülməsinə relyefin mürəkkəbliyi və hava şəraitinin əlverişsizliyi maneə törədir. Bununla belə, yanğının daha geniş sahəyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər həyata keçirilir.

Qeyd edək ki, yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi də cəlb olunub.

Əlavə məlumat veriləcək.

14