Həbs qərarı

Bəzi QHT-lər "qara siyahı"dan çıxarılmadı

107
(Yenilənib 12:46 11.04.2016)
Qeyri-hökumət təşkilatlarının bank hesabları üzərindən həbsin götürülməsi heç də bütün təşkilatlara şamil edilməyib. Ayrıca, vətəndaş cəmiyyəti təmsilçiləri deyirlər ki, üzərindən həbs götürülən vəsaitlərdən istifadə etmək artıq mümkün deyil.

Bəzi QHT-lər qara siyahıdan çıxarılmadı
BAKI, 7 apr — Sputnik. "QHT-lərlə əlaqədar cinayət işinin təhqiqatı başa çatıb, hesablar üzərindən həbs götürülüb". Bu sözləri Azərbaycan Respublikasının Prezidenti Qeyri-Hökumət Təşkilatlarına Dövlət Dəstəyi Şurasının sədri Azay Quliyev deyib.

"Hər hansı QHT-nin bu baxımdan problemi yoxdur. Müəyyən cinayət işinin istintaqının aparılması ilə əlaqədar bir sıra QHT-nin hesabları dondurulmuş, yaxud hesablarına həbs qoyulmuşdu. Artıq bu cinayət işi ilə bağlı tədqiqat başa çatıb, Baş Prokurorluğun verdiyi vəsatət əsasında hesabların üzərindən həbslər götürülüb, dondurulmuş hesablar da yoxdur", — deyə A.Quliyev bildirib.

Media və İctimai Təşəbbüslər Mərkəzinin rəhbəri Samir Əliyev isə Sputnik-ə bildirib ki, bu heç də bütün təşkilatlara aid deyil: "Bu, yalnız Mədən Sənayesində Şəffaflığın Artırılması Koalisyasına üzv olan təşkilatlara aiddir. Amma, həmin koalisyanın üzvü olmayan təşkilatların bank hesabından həbsin götürülməsi ilə bağlı məlumat yoxdur. O cümlədən də rəhbəri olduğum təşkilat, o koalisiyanın üzvü olmadığı üçün, hələlik bank hesabında həbs qalır".

"Görünən odur ki, müəyyən təşkilatlara qarşı bu addım atılıb. Bunun gələcəkdə digər QHT-lərə şamil edilib-edilməyəcəyini isə zaman göstərəcək. Düzdür, belə məlumat səslənir ki, bütün QHT-lərə aid edilib, ancaq bu, bütün QHT-lər deyil. Yalnız müəyyən məhdud sayda QHT-lərə münasibətdə atılmış addımdır", —deyib S. Əliyev.

Neftçilərin Hüquqlarını Müdafiə Cəmiyyətinin sədri Mirvari Qəhrəmanlının fikirncə, bu, siyasi qərardırsa, bütün təşkilatlara şamil olunmalıdır. O, QHT-lərin də fəaliyyətində səhvlərin olduğunu istisna etmir: "Ölkədə hələ də QHT-lərlə bağlı gedən prosseslər davam edir. Buna son qoyulması üçün siyasi qərarlar bütün QHT-lərə tətbiq olunmalıdır. Bəzən də elə olur ki, doğrudan da QHT səhv buraxır. Mən demirəm ki, biz hamımız tamamilə şəffafıq, səhvimiz yoxdur. Bu fikir təbii ki, bir az gülməli çıxar. Hansımızı yoxlasan, bu və ya digər sahədə səhv buraxa bilərik. "Qrant haqqında qanuna əlavə və dəyişikliklər" dondurulmasa, vətəndaş cəmiyyətinin fəaliyyəti bərpa oluna bilməyəcək".

Mirvari Qəhrəmanlı iddia edir ki, hələlik hökümət vətəndaş cəmiyyətinin güclənməsində bir o qədər də maraqlı deyil: "Vətəndaş cəmiyyəti güclü olarsa, ölkədə korrupsiyadan, monopoliyadan söhbət gedə bilməz".

Jurnalistlərin Həmkarlar İttifaqının sədri Müşfiq Ələsgərli isə düşünür ki, bu sahədə müəyyən səliqə-səhman yaranmasına ehtiyac var idi: "Bankdan kənar QHT-nin fəaliyyəti qeyri-mümkündür. Mənə belə gəlir ki, artıq bu ikillik müddət araşdırmaların aparılması üçün kifayət elədi. Artıq hüquq mühafizə orqanları bildilər ki, kim nə işlə məşğuldur. Kimlərin ki, fəaliyyəti qeyri-şəffafdır, kimlər ki o rəsmi bəyannamələrdən əlavə maliyyə alıblar, yaxud da maliyyəni düzgün olmayan isitqamətə yönəldiblər — bunların araşdırılması üçün kifayət qədər vaxt oldu".

"Kimlərin günahı varsa, onlar haqqında hüquqi ölçü götürülə bilər. Kimlərsə günahsızdırsa, yalnız sənədləşmədə texniki səhvlərə yol verilibsə, onlara da tövsiyyələr verilməlidir ki, yenə əvvəlki fəaliyyətlərini davam eləsinlər. QHT-lərin fəaliyyəti Azərbaycanın imici üçün lazım olan məsələdir", —deyə M. Ələsgərli vurğulayıb.

Mədən Sənayesində Şəffaflığın Artırılması Koalisiyasının üzvü olan İqtisadi Tədqiqatlar Mərkəzinin rəhbəri Qubad İbadoğlu isə bildirib ki, bundan sonra nəinki xarici donordan qrant almaq, hətta üzərindən həbs götürülən vəsaitdən istifadə etmək belə, problemdir: "Çünki həmin vəsait donorun ayırdığı qrantlardır. Azərbaycanın mövcud qanunvericiliyinə görə isə, həmin o vəsaitlərdən istifadə etmək üçün gərək qrant müqavilələrinin qeydiyyatı olsun. O baxımdan hesabların açılması heç də həmin vəsaitlərdən istifadə etmək anlamına gəlməməlidir".

O ki, qaldı xarici donorlarla əməkdaşlığın əvvəlki qaydada davam etdirilməsinə: "Bunun üçün gərək onlar Azərbaycanda qeydiyyatdan keçsinlər və bundan sonra fəaliyyətə başlasınlar. İndiyə qədər də Azərbaycanda heç bir beynəlxalq təşkilat və yaxud da onların nümayəndəliyi xarici donor kimi qeydiyyatdan keçməyib".

Qeyd edək ki, Baş Prokurorluq 2014-cü ildə bir sıra qeyri-hökumət təşkilatları və xarici qeyri-hökumət təşkilatlarının filial və nümayəndəliklərinə cinayət işi açıldığını bildirmişdi. Cinayət işi həmin təşkilatların fəaliyyətlərində qanun pozuntularının aşkar edilməsi ilə izah olunurdu.

107
Teqlər:
Müşfiq Ələsgərli, vətəndaş cəmiyyəti, bank hesabı, QHT, Mirvari Qəhrəmanlı, Qubad İbadoğlu, Samir Əliyev
Əlaqədar
QHT-lərin dərdi nədi?
Beynəlxalq QHT-lər yalnız sahiblərinin sifarişini yerinə yetirir
Deputat: Həbsdəki QHT üzvləri Azərbaycana faydalı ola bilərdilər
Vətəndaş cəmiyyəti böhrandan çıxış yolları axtarır
Министерство труда и социальной защиты населения

Şəhid ailələri qazilərə ödəniləcək müavinətlərlə bağlı açıqlama verildi

16
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

16
Dəniz piyadaları döyüşlərdən daimi dislokasiya məntəqəsinə qayıdıb

Dəniz piyadaları döyüşlərdən daimi dislokasiya məntəqəsinə qayıdıb

12
(Yenilənib 19:03 01.12.2020)
Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

BAKI, 1 dekabr — Sputnik. Vətən müharibəsində yüksək peşəkarlıq nümayiş etdirən Azərbaycan Hərbi Dəniz Qüvvələrinin dəniz piyadaları öz missiyalarını başa vuraraq hərbi hissəyə geri qayıdıb.

Müdafiə Nazirliyindən Sputnik Azərbaycan-a verilən məlumata görə, əvvəlcə xalqımızın ümummilli lideri Heydər Əliyevin, ölkəmizin müstəqilliyi və ərazi bütövlüyü uğrunda canından keçən şəhidlərin xatirəsi bir dəqiqəlik sükutla yad edilib. Hərbi orkestrin müşayiəti ilə dövlət himni ifa olunub.

© AR Ministry of Defence
Dəniz piyadaları döyüşlərdən daimi dislokasiya məntəqəsinə qayıdıb

Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

12
Teqlər:
dəniz, Müdafiə Nazirliyi
Mövzu:
Azərbaycan və Ermənistan arasında müharibə

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0