Veteran döyüşçülər

Veteran döyüşçülər silaha sarılmaq istəyirlər

152
(Yenilənib 16:18 05.04.2016)
"Ordumuzun döyüş əzmini artırmaq məqsədilə əsgər və zabitlərimizlə bir sırada olaraq, onlarla çiyin-çiyinə düşmənə qarşı döyüşmək istəyirik. Bunun üçün Ali Baş Komandamızın göstərişini gözləyirik"

BAKI, 5 apr — Sputnik. "Vətənimizə olan təcavüzün qarşısı qətiyyətlə alınmalıdır. Biz düşmənə layiqli cavab verən cəsarətli ordumuzun uğurlarını dəstəkləyir, ordumuzla bir yerdə olduğumuzu bəyan edirik".

Sputnik xəbər verir ki, belə bəyanatla Əfqanıstan Veteranları İctimai Birliyinin Qazax rayon şöbəsi və Qazax Rayon Könüllü Döyüşçülər Birliyi çıxış edib. Hazırda cəbhə bölgəsində gedən döyüşlərdə ordumuzun böyük uğurlar qazanmasının sevincini yaşadıqlarını deyən bəyanat müəllifləri, Ali Baş Komandan əmr verəcəyi halda, döyüşə atılacaqlarını bildirirlər.

Əfqanıstan Veteranları İctimai Birliyinin Qazax rayon şöbəsi və Qazax Rayon Könüllü Döyüşçülər Birliyi bəyanatla çıxış edib
© Sputnik / STR
Əfqanıstan Veteranları İctimai Birliyinin Qazax rayon şöbəsi və Qazax Rayon Könüllü Döyüşçülər Birliyi bəyanatla çıxış edib

"Ordumuzun döyüş əzmini artırmaq məqsədilə əsgər və zabitlərimizlə bir sırada olaraq, onlarla çiyin-çiyinə düşmənə qarşı döyüşmək istəyirik. Bunun üçün Ali Baş Komandanımızın göstərişini gözləyirik", —deyə bəyanatda vurğulanır.

Qeyd edək ki, Əfqanıstan Veteranları İctimai Birliyinin Qazax rayon filialının sədri Nüsrət Aşurov, Qazax Rayon Könüllü Döyüşçülər Birliyinin sədri isə İbrahim Qurbanovdur.

 

152
Teqlər:
Qazax Rayon Könüllü Döyüşçülər Birliyi, Əfqanıstan Veteranları İctimai Birliyi, Ali baş Komandan, cəbhə, ordu, silah
Əlaqədar
"Anladılar ki, "dondurulmuş münaqişə" sülh demək deyil"
Tərtərdə son durum - rəsmi açıqlama gəldi
Türkiyədən İlham Əliyevə müraciət: Sizin komandanlığınız altında döyüşmək istəyirik
Tələbələrdən Azərbaycan əsgərinə dəstək
Müdafiə naziri əmr verdi: "Xankəndini vuracağıq"