telefon

Reklam xarakterli SMS-lər abunəçiləri cana yığıb

95
Paytaxt sakini: "SMS-lər gəlməsin deyə, ya telefonu söndürür, ya da deaktiv edirəm. Yenə mümkün olmur, SMS yağışı davam edir. Hirsimdən telefonu kənara atıram"

BAKI, 31 mart — Sputnik. Mobil telefonlara gələn müxtəlif məzmunlu SMS-lər insanları bezdirir, narahat edir. İstehlakçının icazəsi olmadan reklam xarakterli SMS-lər telefona göndərilə bilərmi?

"Evdə oturub istirahət edirəm. Telefonuma dalbadal 2-3 dəqiqə fasilə ilə SMS-lər gəlir. Hər dəfə telefonuma baxanda bezirəm, yoruluram. Axı, nə qədər mesaj gələr?!".

Bunu Sputnik-ə müraciət edən paytaxt sakini Vüqar Məmmədov deyib. Onun sözlərinə görə, SMS-lər gəlməsin deyə, ya telefonu söndürür, ya da deaktiv edir: "Yenə mümkün olmur, SMS yağışı davam edir. Əsəbləşirəm, istirahətimin pozulmasına baxmayaraq mobil rabitə operatoruna bunun qarşısını almaq üçün zəng edirəm. Avtomatik qaydada cavablar verilir və sonra xəttə gözləyin deyilir. Nə qədər gözləsəm də cavab verən olmur".

"Hətta etdiyim bu zənglərə görə də kontur çıxılır. Hirsimdən telefonu kənara atıram. İnsan fikirləşir ki, belə bezməkdənsə, telefon işlətməmək daha yaxşı olar", —deyir şikayətçi.

Məsələ ilə əlaqədar Azad İstehlakçılar Birliyinin sədri Eyyub Hüseynov Sputnik-ə açıqlamasında deyib ki, reklam xarakterli SMS-lərin istehlakçıların razılığı olmadan telefonlara gəlməsi istehlakçı hüquqlarının pozulmasıdır: "Mobil operatorlar ilə istehlakçılar arasında bağlanan müqavilədə belə bir bənd yoxdur ki, mən icazə verirəm, telefon nömrəmi kimlərəsə (biznes qurumlarına və s.) ver. Bu, hüquqların pozulmasıdır. Çox təəssüf ki, belə hallarda mobil rabitə operatorları deyirlər ki, bunun səbəbkarı biz deyilik. Başqa şikətlərdir, MMC-lərdir".

Ekspert bildirib ki, həmin MMC-lər mobil operatorlarla müqavilə bağlayırlar və operatorlar oradan müəyyən gəlir əldə edirlər: "Bunlar bizim telefon nömrələrimizi verirlər həmin o MMC-lərə. Bu, anormal bir haldır, istehlakçı hüquqlarının pozulmasıdır. Qanunvericilikdə bununla bağlı boşluqlar var".

95
Teqlər:
mobil operator, əhali, mesaj, telefon, sms
Əlaqədar
Dərs vaxtı telefonlar avtomatik səssiz rejimə keçəcək
"Bakı Telefon Rabitəsi"nin daha bir vəzifəli əməkdaşı həbs edilib
Bakıda siqaretin və mobil telefonların satışı dayandırılıb
Azərbaycanın ilk mobil nəşriyyatı istifadəyə verildi
SMS səhvi uğursuz terrorçunu ələ verdi
SMS-in ixtiraçısı vəfat edib
Qarabağ - Makkabi oyunu

"Qarabağ" İsraildə ilk xalını qazandı

29
(Yenilənib 00:38 04.12.2020)
“Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar

BAKI, 3 dekabr - Sputnik. Azərbaycan çempionu “Qarabağ” avrokuboklarda növbəti oyununu keçirib.

Sputnik Azərbaycan apasport.az-a istinadən bildirir ki, Ağdam təmsilçisi Avropa Liqasının qrup mərhələsinin V turunda meydana çıxıb.

İlk 4 görüşdə uduzduqdan sonra İ qrupunda sonuncu yeri tutduğu rəsmiləşən Qurban Qurbanovun yetirmələri İsrailin “Makkabi” klubu ilə görüşüb. Cari mövsümdə avrokuboklarda son ev matçını keçirən təmsilçimiz Təl-Əviv klubunu da İstanbuldakı “Başakşəhər Fatih Teim” stadionunda qəbul edib.

Baş məşqçi Qurban Qurbanov və əsas heyətin bir sıra üzvləri koronavirusa yoluxduğu üçün qardaş ölkəyə böyük itkilərlə yollanan “Qarabağ” turnirdə ilk xalını qazanıb. Qarşılaşmada hər iki qol ilk 45 dəqiqədə vurulub.

Komandamız hissənin ortalarında qapısında qol görüb. İsrail təmsilçisi penalti ilə hesabı açıb. Ağdamlılar ilk yarı başa çatmamış hesabda tarazlıq yaradıblar. Xayme Romero bərabərlik qoluna imza atıb. 

Qrupun digər oyununda “Sivasspor” Türkiyədə “Vilyareal”ı qəbul edib. İspaniya təmsilçisi 1 qolla səfər qələbəsi qazanıb.

Qeyd edək ki, “Qarabağ” qrupda son oyununu dekabrın 10-da keçirəcək. Ağdamlılar İspaniyada “Vilyarreal”ın qonağı olacaqlar.

Avropa Liqası
Qrup mərhələsi
V tur, İ qrupu
3 dekabr
21:55. “Qarabağ” (Azərbaycan) - “Makkabi” (Təl-Əviv, İsrail) - 1:1
Qollar:  Xayme Romero, 37 - Yonatan Kohen, 22 (pen.)

Baş hakim: Robert Hennessi (İrlandiya)
“Qarabağ”: 1. Şahruddin Məhəmmədəliyev, 81. Kevin Medina, 77. Donald Gerye, 8. Uroş Matiç, 2. Qara Qarayev (k), 19. Filip Ozobiç, 10. Abdullah Zubir, 44. Elvin Cəfərquliyev, 7. Ovusu Kvabena, 9. Xayme Romero, 18. İsmayıl İbrahimli
Ehtiyat oyunçular: 12. Emil Balayev, 94. Ayxan Arazlı, 4. Rahil Məmmədov, 27. Toral Bayramov, 21. Rauf Hüseynli, 29. Zamiq Əliyev 
Məşqçi: Elçin Rəhmanov
“Makkabi”: 19. Daniel Tennenbaum, 30. Maor Kandil, 18. Eytan Tibi, 21. Şeran Yeini (k), 27. Ofir Davidzada, 23. Eyal Qolasa, 42. Dor Perets, 24. Yonatan Kohen, 44. Luis Ernandes, 17. Dan Biton, 9. Nik Blekmen
Ehtiyat oyunçular: 1. Daniel Perets, 3. Matan Baltaksa 11. Tal Ben Haim, 22. Avi Rikan, 25. Amit Qlazer, 29. Eylon Almoq, 39. Eduardo Gerrero, 47. Eden Karzev, 10. Etey Şexter, 6. Dan Qlazer, 31. Şahar Piven, 72. Aleksandar Peşiç
Baş məşqçi: Giorgios Donis

29
Teqlər:
UEFA Avropa Liqası, "Makkabi" FK (Tel-Əviv), Qarabağ FK
Azərbaycan Respublikasının Xarici İşlər Nazirliyi

Ermənistan hökuməti yeni reallıqla barışmalıdır - Azərbaycan XİN

14
(Yenilənib 22:54 03.12.2020)
Azərbaycan BMT TŞ-nin müvafiq qətnamələrinin icrasını təmin etdi və ərazi bütövlüyünü bərpa etdi. 10 noyabrda Ermənistan hökumət başçısının da imzaladığı birgə bəyanatla bölgədə yeni təhlükəsizlik və əməkdaşlıq formatı yarandı.

BAKI, 3 dekabr - Sputnik. Ermənistan rəhbərliyindən fərqli olaraq, Azərbaycan Prezidenti imzaladığı hər bir sənədin nəinki indiki mərhələdə, hətta uzaq perspektivdə nəyə xidmət etdiyini çox yaxşı bilir. Bunu dövlət başçımız yalnız sözləri ilə deyil, konkret əməlləri ilə nümayiş etdirir. Ermənistan xarici işlər naziri xəyal dünyasından nə qədər acı olsa da reallığa dönməlidir.

Sputnik Azərbaycan bildirir ki, bu barədə Azərbaycan Xarici İşlər Nazirliyinin Mətbuat xidməti idarəsinin Ermənistan xarici işlər naziri Ara Ayvazyanın “Armenpress” agentliyinə verdiyi müsahibəyə dair şərhində deyilir.

"Ermənistan tərəfinin uzun illər ərzində sərgilədiyi beynəlxalq hüquqa zidd və destruktiv mövqe bu ölkəni uçuruma sürükləyib. Ermənistan hökuməti son baş verən hadisələrdən nəticə çıxarmalı və bölgədə yaranmış yeni reallıqla barışmalıdır.

Azərbaycan BMT TŞ-nin müvafiq qətnamələrinin icrasını təmin etdi və ərazi bütövlüyünü bərpa etdi. 10 noyabrda Ermənistan hökumət başçısının da imzaladığı birgə bəyanatla bölgədə yeni təhlükəsizlik və əməkdaşlıq formatı yarandı.

Əsir və girovların, meyitlərin dəyişdirilməsinə gəldikdə isə, Ermənistan xarici işlər nazirinə xatırladırıq ki, məhz Ermənistan tərəfi uzun illər ərzində Azərbaycanın “hamının hamıya” dəyişdirilməsi təşəbbüsünə qarşılıq vermirdi. İndi bu prinsipin Ermənistan tərəfindən qəbul edilməsi elə dəyişən reallığın bir hissəsidir. Azərbaycan isə hər zaman beynəlxalq humanitar hüquq prinsiplərinə ciddi riayət edib, humanizm prinsiplərindən çıxış edərək, hətta hərbi əməliyyatlar davam edən zaman birtərəfli qaydada erməni əsirlərini və cəsədləri qarşı tərəfə təhvil verib.

Ermənistan tərəfinin 10 noyabr tarixli birgə bəyanatı yozmaq əvəzinə bu razılaşmadan irəli gələn məsələləri yerinə yetirməsi bölgədə uzun illərdir gözlənilən sülhün yaranmasına xidmət edəcəkdir", - deyə XİN-in şərhində vurğulanır.

14
Teqlər:
Ermənistan XİN, cavab, Azərbaycan XİN, Azərbaycan, Qarabağ