Gənc rəssam Ceyhun Ənvərzadə

Heyrətamiz gənc rəssam: sağlamlığına qovuşmaq istəmir

320
(Yenilənib 16:24 30.03.2016)
Ayaqları tamamilə hərəkət qabiliyyətini itirib. Xəstəliyinin müalicəsi var, amma özü sağalmaq istəmir. Buna görə insanlığını itirməkdən qorxur: "Əlil olmaq ayıb deyil, əsas odur, insanlığını, kişiliyini, qeyrətini itirməyəsən"

İradə CƏLİL, Sputnik Azərbaycan

BAKI, 30 mart — Sputnik. Çoxdan tanıyıram onu. "Sənin portretini çəkmək istəyirəm" demişdi. Danışa —danışa tanımışdım onu. İç dünyasını öyrənmişdim. Balaca ürəyində böyük dərdləri vardı.

Onun öz dünyası var. Rənglərinin dünyası. Qara — kədərli günlərini, ağ — bu gününü ifadə edir. Ən çox dənizi sevir, bir də yaşıllığı, bir də dünyanı. Dünya ona bütün rənglərini göstərsə də, sevgisi bitmir. Deyir bəzən öz-özünə:

Nə verdin ki, nə alasan
Sonsuzadək dərd tapasan
Həm yanasan, yaxılasan
Sənin dərdin heç bitmir, dünya…

Hələ 23 yaşı var Ceyhun Ənvərzadənin. Bakıda doğulsa da, əslən qarabağlıdır. 23 yaş… Deyərsiniz, insan 23 ilə nə yaşaya bilər ki?

Hamı kimi doğulmuşdu Ceyhun… ailəsinin sevimlisi idi. Orta məktəbi bitirənə kimi o da hamı kimiydi. Əsgər olmaq, vətəni qorumaq arzusundaydı. Amma…

Bir neçə il əvvəl həyatı dəyişməyə başladı. Ayaqları yavaş-yavaş tutulurdu. Əvvəlcə buna əhəmiyyət verməsə də, 3 il ərzində ayaqları tamamilə hərəkət qabiliyyətini itirdi.

"Problemim 18 yaşından başladı. Yavaş-yavaş itirdim ayaqlarımı. Bilmirəm qorxudanmı, stressdənmi oldu. Bir də baxdım ayaqlarım hərəkətsizdir. Özümü çox pis hiss edirdim. Qapanmışdım özümə. Heç kimlə danışmırdım. Evdən çıxmaq istəmirdim. Gecə saat 3-4-də yatır, günortalar yerimdən qalxmaq istəmirdim. Həyat bitmişdi mənim üçün. Mənasını itirmişdi", —deyir.

  • Ceyhunun ayaqları hərəkətini itirməyə başlayanda, rəssamlığa olan meyli çıxır ortaya
    Ceyhunun ayaqları hərəkətini itirməyə başlayanda, rəssamlığa olan meyli çıxır ortaya
    © Sputnik / Irade Celil
  • Uzaqdan sakit görünür, səssiz. Söhbət etdikcə, ürəyində böyük arzularının da olduğunu  duya bilirsən
    Uzaqdan sakit görünür, səssiz. Söhbət etdikcə, ürəyində böyük arzularının da olduğunu duya bilirsən
    © Sputnik / Irade Celil
  • Ən çox mənzərənə janrına üstünlük verən gənc rəssam, daha çox dənizi bir də yaşıllığı yaradır boyalarla
    Ən çox mənzərənə janrına üstünlük verən gənc rəssam, daha çox dənizi bir də yaşıllığı yaradır boyalarla
    © Sputnik / Irade Celil
  • Ayaqları hərəkət qabiliyyətini tamamilə ilə itirmiş olsa da, gənc rəssam həyatdan ümidini üzmür
    Ayaqları hərəkət qabiliyyətini tamamilə ilə itirmiş olsa da, gənc rəssam həyatdan ümidini üzmür
    © Sputnik / Irade Celil
1 / 4
© Sputnik / Irade Celil
Ceyhunun ayaqları hərəkətini itirməyə başlayanda, rəssamlığa olan meyli çıxır ortaya

Ceyhunun sözlərinə görə, xəstəliyinin müalicəsi var, amma o, sağalmaq istəmir. Çünki buna görə insanlığını itirməkdən qorxur: "Əlil olmaq ayıb deyil, əsas odur, insanlığını, kişiliyini, qeyrətini itirməyəsən".

Ayaqları hərəkətini itirməyə başlayanda, rəssamlığa olan meyli çıxır ortaya. Ceyhun boş vaxtını rəsm çəkməklə keçirir və öz üzərində işləməyə başlayır. Ən çox mənzərə janrına üstünlük verən gənc rəssam, daha çox dənizi, bir də yaşıllığı yaradır boyalarla. Deyir ki, dənizin, yaşıllıqların rəngi onda yaşamağa ümid yaradır.

"3 ildir, ayaqlarım tamamilə işləmir. Amma 3 ildir rəsm əsərləri üzərində işləyirəm. Deyirlər, Allah bir tərəfdən bağlayanda, digər tərəfdən açır. Məndə də elə oldu. Öz üzərimdə işlədikcə, həyatın daha mənalı olduğunu anlamağa başladım. Bilirəm ki, həyatda məndən də pis vəziyyətdə olanlar var. Yenə mənim boyalarım var, ürəyimdəkiləri yarada bilirəm. Olmayanlar neyləsin?", —deyir Ceyhun.

Onun sözlərinə görə, 6 ay bundan əvvələ qədər nə üçün yaşadığını bilmirmiş. Ta ki, Fikrət müəllim gənc rəssama dayaq olana qədər: "Fikrət müəllim mənim xilaskarım oldu. Mənim əlimdən tutdu. Artıq 6 aydır ki, Nəqşi-Cahan qalereyasına gəlirəm. Daha ümidliyəm həyata. Əgər əvvəllər gec yatıb, yuxudan durmaq istəmirdimsə, indi tez yatıb, saat 7 də dururam ki, qalareyaya gedəcəyəm. Məqsədlərim var. Üzərimdə çalışmalıyam".

Uzaqdan sakit görünür, səssiz. Söhbət etdikcə, ürəyində böyük arzularının da olduğunu duya bilirsən. Yaşıdları kimi gəzə bilməsə də, arzuları onlardan böyükdür. Gənc rəssam deyir ki, ürəyində böyük sevgisi də var: "Sevgi elə bir duyğudur ki, onu sözlə izah etmək olmur. İçdən gəlir. Onu btün varlığınla hiss edirsən, damarlarında, beynində, ürəyində. Mən də elə sevmək istəyirəm, bütün varlığımla"…

Bəhruz Babayev (mərkəzdə) neftçi yoldaşları ilə
© Photo : B.Babayevin şəxsi arxivindən

Ceyhun arzularını həyata keçirə bilməsə də, boyaların dili ilə ifadə edir. Deyir ki, ən çox dənizi çəkir. Çünki dəniz mənzərəsi ona rahatlıq, sakitlik verir.

Ayaqları hərəkət qabiliyyətini tamamilə itirmiş olsa da, gənc rəssam həyatdan ümidini üzmür. Xəyallar qurur, xəyalında əsgər gedir, vətənini qoruyur, sevdyi xanımla ailə həyatı qurur. Bəzən bunu yaratdığı əsərlərinə də köçürür. Boyaların dili ilə danışır gənc rəssam.

Bəlkə nə vaxtsa Ceyhun tanınmış bir rəssam olacaq, bəlkə bütün arzularına qovuşacaq. Bəlkə də….

Biz bu gün sizi hərəkət məhdudyyəti olan gənc bir rəssamın bizim üçün ağ-qara görünən, öz aləmində min rəngə çalan həyatı ilə tanış etdik. Ümid edirik, Ceyhun arzularına qovuşar….

320
Teqlər:
rəsm, rəssam, Ceyhun Ənvərzadə, həyat hekayəsi, əlil
Əlaqədar
Xanımı Suriyaya qaçan kişinin gözyaşardıcı həyat hekayəsi
"Qızım kiminləsə gəzsə, uşaqlarına da baxmağa imkanı olar"...
İki dinə qulluq edən qadın – gözəgörünməzlə qəribə rabitə
"Dedilər, Mircəfər Bağırov səsini oğurlayacaq, getmə..."
BMT iclası

BMT Təhlükəsizlik Şurası Dağlıq Qarabağa görə toplandı

27
(Yenilənib 02:52 30.09.2020)
Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər

BAKI, 30 sentyabr — Sputnik. BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

Sputnik Azərbaycan APA-ya istinadən bildirir ki, bağlı qapılar arxasında keçən iclasda Şuranın 15  daimi və qeyri-daimi üzvü iştirak edib.

Təhlükəsizlik Şurasının üzvləri Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlarla bağlı xəbərlərdən narahatlıqlarını ifadə ediblər. Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər.

Təhlükəsizlik Şurası üzvləri, BMT Baş Katibinin tərəflərin döyüşü dərhal dayandırmaq, gərginliyi azaltmaq və gecikmədən substantiv danışıqlara qayıtmaq çağırışını dəstəklədiklərini bəyan ediblər. 

Təhlükəsizlik Şurasının üzvləri ATƏT-in Minsk Qrupu həmsədrlərinin mərkəzi rolunu tam dəstəklədiklərini bildiriblər və tərəfləri ilkin şərtlər olmadan dialoqun təcili bərpası üçün Minsk Qrupu həmsədrləri ilə işləməyə çağırıblar.

27
Teqlər:
açıqlama, fövqəladə iclas, BMT Təhlükəsizlik Şurası, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
İlham Əliyev: "Azərbaycan öz xalqını, öz insanlarını, öz torpağını müdafiə edir" – VİDEO
MN: "Ermənistan tərəfi köhnə videoları yeni görüntülər kimi təqdim edir”
Füzuli istiqamətində Ermənistan SQ-nin əks-hücum cəhdi dəf edilib

Cəbrayıl rayonu istiqamətində düşmənin döyüş texnikaları məhv edilib - VİDEO

203
(Yenilənib 01:19 30.09.2020)
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib

BAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.

Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.

203
Teqlər:
Azərbaycan Ordusu, döyüş texnikası, tank, Cəbrayıl, döyüş, cəbhə, Ermənistan-Azərbaycan Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Həsənqaya yaxınlığında Ermənistan ordusunun mövqeləri darmadağın edilib
Müdafiə Nazirliyi: Ermənistan ordusunun alay komandiri ağır yaralanıb
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Müdafiə Nazirliyi: Ermənistan ordusunun polkovniki Karen Babayan məhv edilib