Сходка мафии. Архивное фото

Bakılı "qanuni oğru"nun "adı" əlindən alındı

2566
(Yenilənib 22:29 16.03.2016)
Türkiyədəki "sxodka" gürcü "qanuni oğruları" və Rövşən Lənkəranski Dadaş Novxaninskiyə xatırladıblar ki, o, vaxtilə Lənkəranski əleyhinə əməldə iştirak edib.

BAKI, 16 mart — Sputnik. Kriminal avtoritet, oğru aləmində Dadaş Novxaninski kimi tanınan 42 yaşlı Dadaş İbrahimov Krasnoyarsk diyarının islah-əmək koloniyasından azadlığa çıxmağa macal tapmamış onun "qanuni oğru" titulu əlindən alınıb. Dünən Türkiyədə keçirilən "sxodka"da elan ediblər ki, artıq Dadaş Novxaninski (Bakinski) "oğru" deyil.

İbrahimov martın 12-də gecə Rusiya DİN-in Cinayət-axtarış Baş İdarəsinin əməkdaşlarının müşayiəti ilə Domodedovo aeroportundan "Moskva-Bakı" reysi ilə deportasiya edilib. Dadaşa 2021-ci ilə qədər Rusiya sərhəddini qanuni yolla keçmək qadağan olunub. 

Bununla belə, Bakıda da onun gəlişindən məmnun deyillər. Respublikanın hüquq-mühafizə orqanları öz növbəsində Dadaşa aydın surətdə başa salıblar ki, O, Azərbaycanda arzu edilməyən elementdir. 

Дадаш Ибрагимов
© Photo : Прайм крайм
Дадаш Ибрагимов

Moskvadakı oğru aləminə yaxın mənbələr Sputnik-ə bildiriblər ki, ötən gün Türkiyədəki "sxodka" gürcü "qanuni oğruları" və onların Azərbaycandan olan kolleqaları, Rövşən Lənkəranski adı ilə məşhur olan Rövşən Canıyev tərəfindən təşkil edilib. 

Burada Dadaş Novxaninskiyə xatırladıblar ki, o, vaxtilə Rövşən Lənkəranski əleyhinə "proqon"da (cinayət yoldaşını aldatma-red.) iştirak edib. 

İbrahimov Rusiyada ilk dəfə məhkəməyə 2012-ci ildə düşüb. Onda Moskvada, Krasnoprudnı küçəsində Moskva cinayət-axtarış şöbəsinin əməkdaşları onu 2,84 qram heroinlə saxlamışdılar. Onda İbrahimovun müdafiəsini sabiq oliqarx Mixail Xodorkovskinin vəkillərindən biri öz üzərinə götürmüşdü. 

Daha əvvəl, 2009-cu ilin martında Dadaş Moskvada Kosmonavtlar küçəsindəki  "Podsolnux" restoranında digər azərbaycanlı oğrular — Mamed, Hacı və Yusifin də iştirak etdiyi "oğru sxodkası"nda ələ keçib. Onda milislər hətta Dadaşın mövcudluğundan belə xəbərsiz idilər və daha məşhur həmkarlarının fonunda nəzər çarpmadı.

2015-ci ildə o heroinə görə aldığı 4 ilə həbsxana işçisinə rüşvət vermə cəhdinə görə 11 ay da əlavə edib. İbrahimov nəzarətçiyə mobil telefonun əvəzində qızıl saat veribmiş.

İbrahimov 2000-ci ildə "ad alıb". 2002-ci ildə o, Azərbaycanda ilk və hələlik yeganə cəzasını — xuliqanlığa görə, il yarımını alıb.

2566
Teqlər:
sxodka, qanuni oğru, Rövşən Lənkəranski, Dadaş Bakınski, Dadaş Novxaninski
Distant təhsil, arxiv şəkli

Onlayn dərslərdən yayınan müəllimlərə xəbərdarlıq

8
Yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb.

BAKI, 15 yanvar — Sputnik. Onlayn dərslərə qoşula bilməyən müəllimlərin qeydiyyatı aparılır. Sputnik Azərbaycan-ın məlumatına görə, bunu "Pandemiya şəraitində tədrisin və imtahanların təşkili" mövzusunda vebinarda Azərbaycan Dövlət Pedaqoji Universitetinin tədris işləri üzrə prorektoru Eldar Aslanov deyib.

O bildirib ki, həmin müəllimlərin müqavilələrinin uzadılması zamanı bu məsələ nəzərə alınacaq: "Biz bu faktlar üzrə qeydiyyat aparırıq. Seçkilər və qeydiyyatlar zamanı bu amil nəzərə alınacaq. Bəzi tələbələr də yaranmış vəziyyətdən sui-istifadə edirlər. Amma bu, ən çox onların kadr kimi yetişməsində özləri üçün problem yaradacaq".

Xatırladaq ki, yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb. İmtahan sessiyası 4 həftə davam edəcək.

8
Aida Mahmudovanın PASTPRESENTFUTURE sərgisi

Azərbaycanlı rəssamın ABŞ-da ikinci fərdi sərgisi açılıb

3
(Yenilənib 21:11 15.01.2021)
Fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

BAKI, 15 yanvar — Sputnik. Tanınmış azərbaycanlı rəssam Aida Mahmudovanın Amerika Birləşmiş Ştatlarında ikinci fərdi sərgisi açılıb.

Sputnik Azərbaycan xəbər verir ki, fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

"Sapar Contemporary" inkubatoru varlığın fraqmentar təbiətini zamanla və landşaftda təhrif olunmuş xatirələr vasitəsilə tədqiq edən yeni "Aida Mahmudova: PASTPRESENTFUTURE" seriyasını təqdim edib. Qalereyanın Mərkəzi Asiya və Qafqazda fəaliyyət göstərən nüfuzlu qadın rəssamlara dəstək istiqamətində fasiləsiz səyləri çərçivəsində təşkil edilən "PASTPRESENTFUTURE" rəssamın Amerika Birləşmiş Ştatlarında ikinci fərdi sərgisidir.

Rəssam yeni əsərində yaradıcılıq prosesinin sırf emosional və instinktiv tərəfini önə çəkmək üçün xarici məhdudiyyətlərdən (ideoloji, siyasi və ya dini) kənarda mövcud olan əsərlər yaratmaq məqsədilə keçmişi, bu günü və gələcəyi vəhdət halında birləşdirir. Nəticədə birbaşa olaraq rəssamla rəsm texnikası arasındakı əlaqədən ilhamlanan və məfhumları çılpaq şəkildə göstərən güclü əsərlər yaradılır.

Ot və quru bitkilərdən istifadə edilərək və rəssamın impressionist toxunuşları nəticəsində ərsəyə gələn "Roots" (2020) kimi əsərlər rəssamın vətəni Azərbaycanda rast gəlinən landşaftın canlandırıcı detallarını üzə çıxarır. Yer kürəsinin səthi ilə bağlı reallıqlara baş vuran Aida Mahmudovanın təsvir etdiyi bu proses təbiəti xatirələri oyadan nostalji hissi ilə doldurur. Təbəqələrin yaradılması və ya onların bir-birindən ayrılması, habelə quru bitkilər, keramika, mis də daxil olmaqla müxtəlif materialların qarışdırılması prosesi rəssam üçün fiziki olaraq böyümə və emosional şəfa tapma məqsədilə edilən məşğələyə çevrilir.

Azərbaycanın paytaxtı Bakıda yaşayıb fəaliyyət göstərən Aida Mahmudovanın rəsm əsərləri onun seçdiyi materialların fiziki təbiəti və üstünlük verdiyi dünyəvi palitrası ilə ahəngdar şəkildə uzlaşır. Onun olduqca intuitiv xarakter daşıyan axtarışları xarici sədlərdən yan keçən sevgi, itki, yaddaş və istək kimi universal insan hisslərinin bütün spektri üzrə inkişaf etməyə davam edir. Rəssamın sözlərinə görə, "cəmiyyətin bir hissəsi olaraq, biz varlığın təbiətini, başqaları ilə qarşılıqlı münasibətlərimizi müəyyən dərəcədə məhdudlaşdırırıq və bununla da ibtidai ünsiyyət kanallarını itiririk. Mənim üçün incəsənətin heç bir sərhədi yoxdur - o, ünsiyyətin istənilən forması üçün açıqdır, yaradıcılıq prosesi isə insan tərəfindən yaradılmış və buna görə də olduqca kövrək olan fundamental prinsipləri bu və ya digər dərəcədə məhv edir".

3
Prezident İlham Əliyev Şuşada

İlham Əliyev: "Gəlin alın, görüm necə alırsınız?"

0
(Yenilənib 21:49 15.01.2021)
"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq?

BAKI, 15 yanvar — Sputnik. "Bu gün Dağlıq Qarabağda özünü siyasətçi adlandıran bəzi ünsürlər yenə də baş qaldırmağa çalışırlar".

Sputnik Azərbaycan xəbər verir ki, bunu Azərbaycan Prezidenti, Müzəffər Ali Baş Komandan İlham Əliyev Şuşada Molla Pənah Vaqifin büstünün və məqbərəsi ziyarət edərkən bildirib.

"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq? Gəlin, alın. Gəlin bura, siz buradasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik", - deyə İlham Əliyev qeyd edib.

0