Kəndlilərin qorxduqları başlarına gəldi
(Yenilənib 12:31 15.03.2016)
Onsuz da sosial problemlərdən əziyyət çəkən bölgə sakinləri daha bir problemlə üz-üzə qalıblar. Anomal iqlim şəraiti kənd əhalisinin yeganə dolanışıq mənbəyi olan əkin-biçinə, bağ-bağçaya öldürücü zərbə vurur.İlham MUSTAFA, Sputnik Azərbaycan
BAKI, 15 mart — Sputnik. Bu il bölgəmizə yaz əvvəlki illərə nisbətən daha tez gəldi. Haradasa, 20 gün — bir ay erkən düşən istilər ağacların tez oyanması və çiçək açmasına səbəb olub. Bu da mütəxəsisslərin, eləcə də təssərüfat sahiblərinin narahatçılığına səbəb olub.
Yağan intensiv yağışlar da bu narahatçılığın əbəs olmadığını göstərir. Samuxda olarkən insanların da bu sarıdan meyvə ağaclarından əllərini üzdüklərini gördük.
Söhbətləşdiyimiz Samux rayonu, Qarayeri qəsəbəsi sakini Rasim Quliyev təssərüfatında meyvə ağaclarının ötən illərdən daha tez çiçək açdığını deyib: "Bu da bizi qorxudur. Neçə ildir ki, onsuz da bağçılıqdan yaxşı məhsul götürə bilməmişik. Götürdüyümüz məhsul isə görkəmcə zədəli, ya da cadar olur".
"Ona görə də pula getmir. Artıq 20 ildən çoxdur ki, təssərüfatımda ərik ağaclarının olmasına baxmayaraq, iki dəfə normal məhsul götürməmişəm. Məcburam, baltanı əlimə götürüb hamsını doğrayım, yerini əkin eləyim", —deyir R. Quliyev.
©
Sputnik / Ilham Mustafa
Təsərrüfatında çoxlu meyvə ağaclarının olmasına baxmayaraq, bağ sahibləri normal məhsul götürə bilmirlər
Goranboy rayon sakini, təsərrüfat fəaliyyəti ilə məşğul olan, həmçinin sovet dövründə aqronom işləmiş Arzuman Xasməmmədov da məsələnin ciddiliyindən narahatdır. O, heç bir mütəxəssisin bu məsələyə müdaxilə gücündə olmadığını bildirdi: "Soyuq düşməsə belə, yağış yağacağı təqdirdə çiçəklər tozlanmadan qalacaq. Bu isə məhsulsuzluğa gətirib çıxaracaq. Təbii ki, heç kim bütöv bağların, yaxud ağacların üstünü örtmək imkanında deyil. Biz istəsək də, istəməsək də, yağış yağsa, çiçəyi məhv edəcək. Bu, Allahın işidir".
Görəsən, vəziyyətdən çıxış yolu tapmaq üçün mövcud iqlimə uyğun ağac növləri yetişdirmək mümkündürmü? Aqronom hazırda elmin, texnologiyanın inkişaf etdiyini və belə növlərin yetişdirilməsinin mümkün olduğunu bildirdi. Bunun üçün isə güclü mütəxəsislər prosesə cəlb olunmalıdır.
Ərdoğan: “Yuxarı sinif şagirdləri üçün əyani təhsil bərpa olunacaq”
BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”.
APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.
Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq.
Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək.
Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq.
Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq.
Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər.
Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq.
Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk, Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.
"Instaqram"da yeni funksiya yaradılır
BAKI, 1 mart - Sputnik. Instagram sosial şəbəkəsi “Live Rooms” funksiyasını istifadəyə verəcək.
Bu barədə “Report” şirkətin saytına istinadən xəbər verir.
Qeyd edilir ki, yeni proqram dörd nəfərə qədər istifadəçini birbaşa yayıma qoşmağa imkan yaradacaq.
"Bu gün sizə dörd nəfərə qədər istifadəçiyə Instaqramda birbaşa yayım aparmağa imkan verəcək “Live Rooms” funksiyasını təqdim edirik. Əvvəl birbaşa yayımı yalnız bir nəfərlə apara bilirdiniz, amma indi sizə birbaşa yayımınızı "üçqat artırmağa" imkan veririk", - xəbərdə deyilir.
Şirkət həmçinin qeyd edib ki, funksiya daha çox biznes qurmaq və pul qazanmaq imkanları yaradacaq. İstifadəçilər “Live Rooms”un köməyi ilə müxtəlif interaktiv funksiyalardan istifadə edə bilərlər. Bunlar arasında birbaşa yayımda alqı və vəsait yığımı da var.
“Live Rooms” funksiyası yaxın vaxtlarda bütün dünyada mümkün olacaq.