Məsciddə namaz

Sünnətə, azana minarələrə qadağa qoymaq istəyirlər

2409
Almaniya partiyası sünnəti təməl insan hüquqlarının ağır pozuntusu olaraq görür.

BAKI, 12 mart — Sputnik. Almaniya Üçün Alternativ (AFD) Partiya yəhudi və müsəlman uşaqların sünnət edilməsinin, minarələrin və azanın da qadağan olunmasını istəyir.

Sputnik milliyet-ə istinadla xəbər verir ki, Almaniya partiyası sünnəti təməl insan hüquqlarının ağır pozuntusu olaraq görür. Partiyaya görə, insanlıq qürurunu zədələyən sünnət, uşaqların bədənlərinə zərər verdiyi kimi azad qərar vermə haqlarını zədələyir.

AFD partiyasının proqram layihəsində minarələr və azan İslamiyyətin bir güc simvolu olaraq xarakterizə edilir. Layihədə ayrıca minarə və azan dinlərin xoşgörüşlü birliyinə ziddir.

AFD partiyası heyvanların keyidilmədən kəsilməsinə də qarşı çıxarkən, bununla bağlı heyvanları qoruma qanununda dini camaatlar üçün xüsusi razılıq əldə edilməsini istəyir.

Bütün bu məsələlər partiyanın proqram layihəsində əks olunub. Aprel ayında keçiriləcək ümumi yığıncaqda bu məsələlərə baxıla bilər. Almaniyaya miqrantların axını ilə birlikdə bu partiyaya səs verənlərin sayı artıb. 

2409
Siqaret, arxiv şəkli

ÜST köməyə gəlir?! Siqaret çəkən koronavirus xəstələrinə yardım ediləcək

0
(Yenilənib 01:39 12.07.2020)
  Müraciət edən şəxslərə müxtəlif terapiya imkanları təqdim ediləcək, xüsusi mobil tətbiq vasitəsilə məsləhət və tövsiyələr veriləcək

BAKI, 12 iyul — Sputnik.  Ümumdünya Səhiyyə Təşkilatı (ÜST) COVID-19 xəstəliyinin nikotin istifadəçiləri üçün ağır fəsadlarını nəzərə alaraq, nikotin asılılığına qarşı kampaniyaya start verib. Sputnik Azərbaycan-ın məlumatına görə, kampaniyanın məqsədi dünyada ümumi sayı 1,3 milyard nəfərə çatan nikotin istifadəçilərini bu vərdişdən əl çəkməyə, eləcə də terapiya imkanlarından yararlanmağa sövq etməkdir.

ÜST-nin Baş direktoru Tedros Qebreyesus bildirib ki, koronavirus pandemiyası siqaretdən əl çəkmək üçün əsl fürsət rolunu oynaya bilər. Statistik araşdırmalara görə, siqaret çəkənlərin 60 faizi bu vərdişi tərgitmək arzusundadır və beynəlxalq qurum onları bu istiqamətdə dəstəkləyəcək. Müraciət edən şəxslərə müxtəlif terapiya imkanları təqdim ediləcək, xüsusi mobil tətbiq vasitəsilə məsləhət və tövsiyələr veriləcək.

Kampaniyaya İordaniyada start veriləcək və yaxın aylarda dünyanın digər ölkələrində də təqdim ediləcək. İordaniya gənclər arasında nikotin aludəçilərinin həddən çox olmasına görə seçilib.

0
Mövzu:
Dünyanı cənginə almış bəla
Amitabx Baççan, arxiv şəkli

Azərbaycanlıların da sevimlisi olan hind aktyoru koronavirusa yoluxdu

141
(Yenilənib 00:04 12.07.2020)
"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

BAKI, 12 iyul – Sputnik. Əfsanəvi hind aktyoru və Bollivud ulduzu Amitabx Baççan koronavirusa yoluxaraq xəstəxanaya yerləşdirilib.

Sputnik Azərbaycan-ın məlumatına görə, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

​Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Amitabx Baççan oynadığı rollarla Azərbaycanda da məşhurdur və sevilir.

141