Tələbələr tədris prosesi zamanı. Arxiv şəkli

Təqaüd alan tələbələrin sayı kütləvi şəkildə azala bilər

793
(Yenilənib 11:10 10.03.2016)
Nazirin yeni təqaüd sisteminin uğurlu olacağı ilə bağlı açıqlaması tələbələr və ekspertlərə o qədər də inandırıcı gəlmir: "Ödənişsiz təhsil alan tələbənin təqaüdünü kəsib ödənişliyə vermək düzgün addım deyil"

BAKI, 9 mart — Sputnik. "Tələbələrə təqaüdlərin ödənilməsi ilə bağlı tətbiq edilən yeni sistem şəffaf, müasir və tələbələr arasında rəqabəti artıran bir sistemdir".

Trend-in məlumatına görə, bunu jurnalistlərə təhsil naziri Mikayıl Cabbarov deyib. Nazir bildirib ki, artıq başa çatmış bu semestrdə tələbələrin qiymətləri nəzərə alınır: "Tələbə təqaüdlərinin akademik göstəricilərə görə, yəni təhsil naliyyətlərinə görə ödənilməsi nəzərdə tutulur".

Qeyd edək ki, Azərbaycan Nazirlər Kabineti (NK) "Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə təqaüdlərin təyin olunması və ödənilməsi Qaydası"nı təsdiqləyib. Yeni qaydaya əsasən, fənlər üzrə göstəriciləri 91-100 bal olan tələbələrə "əlaçı" təqaüdü; fənlər üzrə göstəriciləri 71-100 bal olan tələbələrə "həvəsləndirici" təqaüdü veriləcək. Bu halda ən azı bir fəndən akademik göstəricisi 91-100 olmalıdır; fənlər üzrə göstəriciləri 51-100 bal olan tələbələrə "adi" təqaüd veriləcək.

Lakin tələbələr heç də yeni sistemin tətbiqindən məmnun deyillər. Magistr təhsili alan Təranə Əhmədova Sputnik-ə deyib ki, stimul yaratmaq üçün yüksək bal toplayan ödənişli təhsil alan tələbələrə təqaüd verilə bilər: "Amma ödənişsiz təhsil alan tələbənin təqaüdünü kəsib ödənişliyə vermək düzgün addım deyil. Əgər tələbə təqaüd almayacaqsa, məcburən ya işləyəcək, ya da təhsili buraxacaq".

"Hələ ki, 2 ayın təqaüdünü almamışıq. Təsəvvür edin ki, rayondan gələn hər hansı bir tələbə 2 aydır ki, təqaüd almır. Belə olan halda hansı keyfiyyətdən söhbət gedə bilər?!", —deyə T. Əhmədova bildirib.

Digər bir tələbə Leyla Əsgərova isə Sputnik-ə deyib ki, ödənişli təhsil alan tələbələrə təqaüdlərin verilməsi çox yaxşıdır, amma: "Ödənişsiz təhsil alanlar çalışırlar ki, yüksək bal toplasınlar və onların təqaüdləri yüksəlsin. Qəbula hazırlaşanda düşünürdük ki, ödənişsiz təhsilə düşüb təqaüd alaq. Bir tələbənin təqaüdünün kəsilib başqasına verilməsi düzgün deyil".

"Tələbələr bir-biri ilə çəkişirlər ki, mənim təqaüdümü alıb sənə verir. Bir tərəfdən ödənişli təhsil alanı həvəsləndirməyə çalışır, digər tərəfdən ödənişsiz təhsil alanları həvəsdən salır. Maddi vəziyyəti çətin olan tələbələr var. Bundan başqa, təsəvvür edin ki, fevral ayının təqaüdü hələ də verilməyib", —deyə tələbə vurğuladı.

Nadir İsrafilov, təhsil üzrə ekspert
© Photo : AzToday
Nadir İsrafilov, təhsil üzrə ekspert

Məsələni Sputnik-ə şərh edən təhsil üzrə ekspert Nadir İsrafilovun sözlərinə görə, sözügedən yenilik ödənişsiz təhsil alan tələbədən kəsib ödənişliyə vermək anlamına gəlir: "Bu, nəzəri cəhətdən rəqabəti artıra bilər. Praktiki cəhətdənsə bunun özünü necə doğruldacağını zaman göstərəcək".

Eksper bildirib ki, ödənişli və ödənişsiz təhsil almasından asılı olmayaraq tələbələrin təqaüdləri qaldırılmalıdır: "Dünya təcrübəsi ilə müqayisədə Azərbaycanda tələbə təqaüdləri tələbənin normal təhsil alması üçün kifayət etmir. Dünyanın qabaqcıl, aparıcı universitetlərində təhsil alan tələbələr Azərbaycandakı tələbələr kimi yataqxana, yol tıxacları dərdi çəkmirlər. Onlar üçün hər şey var. Tələbə üçün təkcə oxumaq lazımdır. Bizdə bu cür problemlər var".

N. İsrafilov hesab edir ki, yeni sistemin müəyyən qədər təsiri olsa da, bir tələbənin imkanının digərinə şamil edilməsi o qədər də uğurlu variant deyil: "Tələbəni maddi cəhətlə sınağa çəkmək, onu həvəsləndirmək o qədər də uğurlu deyil. Hesab edirəm ki, tələbələrin təqaüdləri artırılmalıdır. Bu yeni sistemin tətbiqi davam etsə, təqaüd alan tələbələrin sayı xeyli azalacaq".

Onun sözlərinə görə, yeni sistemin tətəbiqi nəticəsində rəqabətin artıb-artmayacağını zaman göstərəcək: "Amma təqaüd alan tələbələrin sayı kütləvi şəkildə azala bilər. Təqaüdlərin verilməsində gecikmələr təhsil ilə bağlı problem deyil, yəqin bilavasitə maliyyə məsələləri ilə bağlıdır. Çünki, gecikmələr təkcə tələbə təqaüdləri ilə əlaqədar deyil. Təqaüdlərin, əmək haqlarının verilməsində də gecikmələr var".

793
Teqlər:
təqaüd, Nadir İsrafilov, təhsil, Mikayıl Cabbarov, tələbə
Əlaqədar
Tələbə qız dəm qazından boğuldu
Bunlar tələbədir, yoxsa farmazon?
"Mən işə gələnədək o tələbənin problemi həll olunsun!"
Manatın dəyərdən düşməsi tələbələrin durumunu daha çox ağırlaşdıracaq
Heydər Əliyev Sarayı, arxiv şəkli

Heydər Əliyev Sarayı "Tarixi səhnə" adlı yeni layihəyə start verib

3
Layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

 

BAKI, 19 yanvar — Sputnik. Heydər Əliyev Sarayı "Tarixi səhnə" adlı yeni layihəyə start verib.

Sputnik Azərbaycan xəbər verir ki, "Tarixi səhnə" layihəsi 1972-ci ildən tamaşaçıların ixtiyarına verilən, paytaxtımızın memarlıq simasında xüsusi yeri olan, Azərbaycan mədəniyyəti və incəsənətinin uzun illər nümayiş olunduğu, möhtəşəmliyi ilə seçilən, ictimai-siyasi, mədəni kütləvi tədbirlərə ev sahibliyi edən, önəmli hadisələri, tədbirləri səhnəsindən geniş tamaşaçı kütləsinə çatdıran ümummilli liderimizin adını daşıyan Heydər Əliyev Sarayına həsr olunub.

Sarayın direktoru Ramil Qasımovun ideya müəllifi olduğu layihənin hazırlanmasının əsas məqsədi Heydər Əliyev Sarayının Azərbaycanın görkəmli mədəniyyət və incəsənət xadimlərinin həyat və yaradıcılığındakı xüsusi rolunu, müstəsna əhəmiyyətini və maraqlı xatirələrin geniş kütləyə çatdırılmasıdır.

Eyni zamanda, layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

Qeyd edək ki, 2022-ci ildə Heydər Əliyev Sarayının fəaliyyətə başlamasının 50 illiyi tamam olacaq. Layihə cari il və gələn il ərzində davam etdiriləcək. Bundan əlavə, "Tarixi səhnə" adlı festivalın və "Tarixi səhnə" filminin çəkilməsi nəzərdə tutulub.

3

Bölgələrdə qar, Bakıda sulu qar yağıb - FAKTİKİ HAVA

16
Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.

16

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17