Qadın-kişi

Devalvasiya yüklü 8 mart: qadın düşünür?

219
"Devalvasiya olsa da, olmasa da, qadınların mütləq şəkildə hədiyyə gözləməsini, hədiyyə alınmasa, bunu problemə çevirməsini doğru hesab etmirəm. Hədiyyə alarlarsa, nə gözəl, almazlarsa, bunun üstündə dayanmaq lazım deyil"

BAKI, 3 mart — Sputnik. Qarşıdan 8 mart beynəlxalq qadınlar günü gəlir. Ölkədə yaşanan iqtisadi böhran, devalvasiya və işsizliyi nəzərə alaraq, Sputnik-in əməkdaşı bu bayramın keçirilmə zərurəti, nə dərəcədə vacib olması barədə elə qadınların özlərinin fikrini öyrənib.

Севиндж Федаи, журналистка
© Photo : Sevinc Fedai
Севиндж Федаи, журналистка

Sevinc Fədai — jurnalist: "Devalvasiya olsa da, olmasa da, qadınların mütləq şəkildə hədiyyə gözləməsini, hədiyyə alınmasa, bunu problemə çevirməsini doğru hesab etmirəm. Onlara hədiyyə alarlarsa, nə gözəl, almazlarsa, bunun üstündə dayanmaq lazım deyil. Orta statistik azərbaycanlı ailəsinin maddi durumu bəllidir. Ola bilər ki, hədiyyə almaq bu duruma görə deyil. Amma deyim ki, bu, xüsusilə xarakterlə bağlı olan bir şeydir. Elə kişi var ki, bu mənada diqqətlidir, imkanı necə olsa da, xanımına bu bayramda, xüsusi günlərdə hədiyyə almağı özünə borc bilir. Sevgisini bu şəkildə bildirir. Elə kişi də var ki, hədiyyə almaq onun xarakterinə görə deyil. Məsələn, bizdə. (gülür) Ona görə mən nə hədiyyə gözləyirəm, nə də bundan inciyirəm".

Мехрибан Зейналова, председатель Общественного объединения помощи женщинам Чистый мир
© Photo : APA
Мехрибан Зейналова, председатель Общественного объединения помощи женщинам "Чистый мир"

Mehriban Zeynalova — Təmiz Dünya Qadınlara Yardım İctimai Birliyinin sədri: "İlboyu kişilərin daha çox dominantlıq etdiyi ölkədə ilin bir gününü qeyd etmək məncə, heç bir problem yaratmaz. Məsələ böyük həcmli hədiyyələrin təqdimindən getmir, günün özünü xüsusi qeyd etmək qadınların əsrlər boyu öz huquqları uğurunda apardığı mübarizənin hələ də davam etdiyini göstərməkdir. Hələ ki, qadın-kişi bərabərliyi yalnız sənədlərdədir. Azərbaycanda kifayət qədər bacarıqlı, peşəkar və savadlı qadınlar var ki, onlar müəyyən baryerlərə görə özlərinə layiqli yer tuta bilmirlər. 8 martı atəşfəşanlıq və ya izafi xərclərsiz də diqqət mərkəzində saxlamaq olar".

Азиза Исмаилова, ведущая на Anten FM
© Photo : Aziza Ismailova
Азиза Исмаилова, ведущая на Anten FM

Əzizə İsmayılova — Anten FM-in aparıcısı: "Mənə görə dünyada mütləq olan heç nə yoxdur. Bayramı keçirmək hansısa "mütləq"likdən doğursa, burada bayramlıq heç nə görmürəm və öz adıma bunu qəbul etmirəm. Bu günün "mütləq"liyi naminə atılan hər addımı qarşılığını ödəməli olduğum bir borc kimi görürəm. Amma məsələnin digər tərəfi — kimsə ürəyindən keçirib o günü qeyd etmək istəyirsə, niyə də olmasın?! Hər insana hansısa bir gün, xoş bir münasibət, diqqət, sevgi-sayğı göstərmək, zənnimcə, heç də pis bir şey deyil və hər kəs bunu, hər gün edə bilməz, bir özəllik var bu gündə. Devalvasiyaya gələndə isə, əgər insan nəyisə etmək istəsə, onu hər vasitə ilə edəcək. Devalvasiya olsa da, olmasa da".

Мехрибан Абдуллаева, председатель Организации защиты прав женщин
Мехрибан Абдуллаева, председатель Организации защиты прав женщин

Mehriban Abdullayeva — Qadın Hüquqlarının Müdafiəsi təşkilatının sədri: "Əslində bu bayrama çox böyük önəm vermək də vacib deyil. Çünki, ailədə uşaqların doğum günləri, bayram günləri bir-birini əvəz edir və müxtəlif hədiyyələr almalı olurlar. Bunları nəzərə alaraq ailədə artıq söz-söhbət salıb, dava-dalaşa çıxarmağa lüzum yoxdur. Çünki sonradan ailədə xoşagəlməz hadisələrin baş verməsi böyük baş ağrılarına gətirib çıxarır. Bizim bir çox ailələrimizdə belə iqtisadi duruma görə həyat yoldaşını başa düşən xanımlarımız az deyil. Biz də imkan daxilində xanımlarımıza başa salırıq ki, əgər bu gün yoldaşının imkanı yoxdursa, növbəti bayramda bəlkə daha böyük hədiyyə edə bilər".

219
Teqlər:
hədiyyə, beynəlxalq qadınlar günü, 8 mart, qadın
Əlaqədar
Əgər qadın olsaydım, mənə hər yerdə yer olacaqdı
Oğlunun toyuna yalnız dul qadınları dəvət etdi
Səudiyyə Ərəbistanında ilk dəfə qadın deputat seçilib
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

22
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

22
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

11
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

11