Əkrəm Həsənov-İlahiyyatçı-alim

Müğənniyə "şəhid" demək Allahın şəhidlərinə qarşı haqsızlıq, İslama görə günahdır

1513
(Yenilənib 10:40 01.03.2016)
İlahiyyatçı alim Əkrəm Həsənov İlhamə Quliyevanın şəhid adlandırılmasına münasibət bildirdi.

BAKI, 29 fev-Sputnik. İslam dininə görə hər kəsə şəhid demək düzgün deyil.
İlahiyyatçı alim Əkrəm Həsənov Sputnik-ə açıqlamasında mədəniyyət və turizm naziri Əbülfəz Qarayevin mərhum xalq artisti İlhamə Quliyevanı "şəhid" adlandırmasını şərh edərkən belə deyib.

Ekspertin sözlərinə görə, hər hansı bir şəxsə şəhid deməyin şərtləri var: " Bir insanın şəhid sayılması üçün onun müsəlman olması, Allaha iman etməsi, gündəlik həyatda ibadətlərini vaxtlı-vaxtında yerinə yetirməsi lazımdır. İnsanlar o şəxsin inancına, Allahın və insanların razı qaldığı işlərinə, əməllərinə şahid olmalıdır. Şəhid sayılmaq üçün hər bir müsəlman Allahın əmr və qadağanlarını dəqiqliklə yerinə yetirməlidir. Əgər bir insan ömrü boyu Allaha asi düşübsə, haram işlər görübsə, o, Allah yanında şəhid hesab edilməz. Xüsusilə insanlar həmin şəxsi mənfi cəhətdən qiymətləndirirlərsə, belə bir şəxsə şəhid adının verilməsi Allah üçün şəhid olanlara qarşı haqsızlıq, İslama görə günah sayılır."

İlahiyyatçı hesab edir ki, elə bu səbəbdən də insanlar həmişə "şəhidlər" barədə hökm verməkdən çəkinməlidirlər:

"İslam dininə görə şəhid Allah yolunda canını, malını, ailəsini, vətənini, torpağını və.s. kimi dəyərlərini müdafiə uğrunda ölənlərə deyilir. Allahın və Peyğəmbərinin qadağan etdiyi, sevmədiyi, razı qalmadığı əməlləri edənləri şəhid adlandırmaq doğru deyil."

İslam dininə görə musiqinin bəyənilməyən günahlardan və hətta bəzi islam alimlərinə görə, haramlardan hesab edildiyini vurğulayan Ə.Həsənov deyib: "Allahın Rəsulu müğənniliyi qadağan edib. Hətta bir çox Quran ayələrində musiqinin qadağan olunması bildirilib. Bəzi təfsirçilər Quranın bir çox ayələrinin musiqinin haramlığı ilə bağlı olduğunu bildiriblər. Ancaq bu gün müsəlman ölkələrinin çoxunda musiqi ölkənin mədəniyyəti kimi təqdim olunur, elm sahəsi kimi öyrənilir, öyrədilir. Həmçinin bir çox müsəlman dövlət rəhbərlərinin qarşılanma tədbirlərində musiqi ifadə edilir. Artıq musiqi mədəniyyətin ayrılmaz bir parçası kimi dəyərləndirilir. Belə olan halda musiqiyə maraq çoxalır. Hətta təəssüfedicidir ki, bu gün elmə verilməyən qiymət və dəyər, musiqiyə verilir. Elm adamlarına, alimlərə verilməyən dəyər musiqiçilərə verilir. Əslində bu bizi daha böyük mövzuya aparır."

Церемония прощания с народной артисткой Азербайджана Ильхамой Гулиевой
© Sputnik / Murad Orujov

Ekspert Azərbaycanda bir çox qadın müğənnilərin sponsoru məsələsinə də toxunub: "Azərbaycanda bir çox qadın müğənnilərin sponsorunun olması yəqin ki, heç kim üçün gizli deyil. Bəziləri məhz o qadın müğənninin ifasını bəyəndiyindən, bəziləri də məhz ona simpatiyalarının olduğundan dəstək verirlər. Gəlin baxaq, bu qadın müğənninin kim olmasına. Əvvəlcə bunlar haqqında Qurani-Kərimin nə buyurduğuna baxaq: "İnsanlar içərisində eləsi var ki, nadanlığı üzündən, tutduğu işin günahını anlamadan, xalqı Allah yolundan, İslam dinindən döndərmək və bu minvalla onu məsxərəyə qoymaq üçün mənasız oyun-oyuncaq sözləri satın alarlar. Məhz belələrini alçaldıcı bir əzab gözləyir". Dində əsas şərt bir müsəlmanın qul haqqı qalmadan dünyadan köçməsidir. Əgər bir müsəlman kiminsə haqqına giribsə, onda vacibdir ki, ölməzdən əvvəl halallıq alsın. Bir müsəlman digər müsəlmanlara borclu olaraq, hüquqlarını tapdalayaraq dünyadan köçübsə, qiyamət günündə heç kimin haqqı heç kimdə qalmayacaq."

Qeyd edək ki, İlhamə Quliyeva ilə vida mərasimində mədəniyyət və turizm naziri Əbülfəz Qarayev demişdi: "Bizim xalqımıza ağır itkilər verib. Şəhidlərə Allahdan rəhmət diləyirəm. O şəhidlərimizin sırasına böyük sənətkarımız İlhamə Quliyevanın da adını yazmaq olar. Çünki İlhamə xanım Azərbaycanın müstəqilliyini, dövlətçiliyini ürəyində yaşadan sənətçi idi."
Nazirin bu sözləri sosial şəbəkələrdə ciddi etirazlarla qarşılanmışdı.

1513
Teqlər:
Azərbaycan, Əkrəm Həsənov, İslam, Əbülfəs Qarayev, Allah, İlhamə Quliyeva, mədəniyyət və turizm naziri Əbülfəs Qarayev, Peyğəmbər, ilahiyyatçı-alim
Əlaqədar
İlhamə Quliyeva ilə vida mərasimi
Prokurorluq İlhamə Quliyevanın ölümü ilə bağlı məlumat yaydı
Xalq artisti İlhamə Quliyeva ilə vida mərasimi başa çatıb
"İlhamə Quliyevanın oğlu cinayət məsuliyyətinə cəlb oluna bilər"
İlham Əliyev İlhamə Quliyevanın vəfatı ilə bağlı başsağlığı verib
Bakı Beynəlxalq Avtovağzalı, arxiv şəkli

Dövlət Xidməti gücləndirilmiş rejiminə keçdi

6
Hazırda Bakı Beynəlxalq Avtovağzal Kompleksindən 72 istiqamət üzrə 643 avtobus çıxır. Gücləndirilmiş iş rejimi ilə əlaqədar olaraq bu rəqəm iki dəfə artırılacaq.

 

BAKI, 20 sentyabr — Sputnik. Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti (DANX), eyni zamanda Bakı Beynəlxalq Avtovağzal Kompleksi və respublikanın 56 avtovağzal və avtostansiyası da daxil olmaqla yeni tədris ilinin başlanması ilə əlaqədar olaraq gücləndirilmiş iş rejiminə keçib. Bu barədə Sputnik Azərbaycan-a DANX-dan bildirilib.

Məlumatda deyilir ki, Nazirlər Kabineti yanında Operativ Qərargahın qərarına əsasən, mayın 31-dən ölkədə şəhərlərarası və rayonlararası sərnişindaşıma fəaliyyəti tam bərpa olunsa da, tədris müəssisələrinin fəaliyyətinin pandemiya ilə əlaqədar məhdudlaşdırılması səbəbilə məhdud sayda avtobuslarla xidmət göstərilirdi. Gücləndirilmiş iş rejimi ilə əlaqədar olaraq həm Bakıdan regionlara, həm də regionlardan paytaxta axının çox olacağı nəzərə alınaraq avtobusların sayının artırılması qərara alınıb. Hazırda Bakı Beynəlxalq Avtovağzal Kompleksindən 72 istiqamət üzrə 643 avtobus çıxır. Gücləndirilmiş iş rejimi ilə əlaqədar olaraq bu rəqəm iki dəfə artırılacaq. Tədris ilinin başlanması ilə əlaqədar olaraq Gəncə, Lənkəran, Şirvan, Şəki, Qax, Zaqatala, Quba istiqamətindən paytaxta axının olacağına ehtimal verərək bu istiqamətdə avtobusların sayında artım daha çox olacaq. Digər istiqamətlərdən paytaxta gələn avtobusların sayı isə axına uyğunlaşdırılacaq. Xüsusilə vurğulayaq ki, ali məktəblərin açılması ilə əlaqədar olaraq daha çox sərnişin axınının paytaxta olacağı güman edilir. Paytaxtdan sonra regionun ikinci ən böyük şəhəri olan Gəncəyə sərnişin axınında sıxlıq müşahidə olunacağı ehtimal edilir. Nazirlər Kabinetinin qərarına uyğun olaraq, heç bir avtovağzalda sərnişinlərdən COVID-19 pasportu tələb olunmur. Lakin avtobusa daxil olarkən, COVID-19-un ilkin əlamətlərinin yoxlanmasına dair tədbirlər həyata keçriləcək.

Paytaxtdan regionlara və əks istiqamətdə gecə reysləri aktivdir. Gecə reysləri üzrə Qırmızı körpü, Şəki, Gəncə, Zaqatala istiqamətlərinə və əks istiqamətə səfər etmək olar.

Həmçinin oxuyun:

Bakı metrosu gücləndirilmiş iş rejiminə keçir

Ölkənin bütün avtovağzalları gücləndirilmiş rejimə keçir

6
Çaykənd kəndində duman, arxiv şəkli

Dağlarda duman, yağış - Sabahın havası

5
(Yenilənib 14:28 20.09.2021)
Havanın temperaturu gecə 16-21, gündüz isə 28-33, dağlarda gecə 9-14, gündüz isə 17-22 dərəcə olacaq.

BAKI, 20 sentyabr — Sputnik. Sentyabrın 21-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Ekologiya və Təbii Sərvətlər Nazirliyinin Milli Hidrometeorologiya Xidmətindən Sputnik Azərbaycan-a verilən məlumata görə, mülayim şimal-qərb küləyi əsəcək.

Havanın temperaturu gecə 20-22, gündüz 26-29, Bakıda gecə 20-22, gündüz 26-28 dərəcə olacaq.

Atmosfer təzyiqi 761 mm civə sütunundan 758 mm civə sütununa enəcək. Nisbi rütubət 60-70%, gündüz 40-45% olacaq.

Azərbaycanın rayonlarında isə havanın əsasən yağmursuz keçəcəyi gözlənilir. Lakin axşam saatlarında bəzi dağlıq ərazilərdə şimşək çaxacağı, arabir qısamüddətli yağış yağacağı gözlənilir. Səhər dağlarda duman olacaq. Qərb küləyi əsəcək.

Havanın temperaturu gecə 16-21, gündüz 28-33, dağlarda gecə 9-14, gündüz 17-22 dərəcə olacaq.

Həmçinin oxuyun:

Qarşıdakı həftənin ilk gününün hava proqnozu

Hava kütlələri idarə olunur - azərbaycanlı ekoloq

5
Azəri-Çıraq-Günəşli (AÇG), arxiv şəkli

Azərbaycan bu yataqdan dörd milyard barel neft hasil edib

0
(Yenilənib 15:22 20.09.2021)
Neft, Bakı-Tbilisi-Ceyhan boru kəməri və Qərb İxrac Boru Kəməri vasitəsilə Azərbaycan, Gürcüstan və Türkiyə ərazilərindən keçməklə Səngəçal terminalından birbaşa dünya bazarlarına nəql edilib.

BAKI, 20 sentyabr — Sputnik. Azəri-Çıraq-Günəşli (AÇG) neft yatağının operatoru kimi BP AÇG layihəsindəki tərəfdaşları – "SOCAR", "MOL", "İNPEX", "Equinor", "ExxonMobil", "TPAO", "ITOCHU", "ONGC Videsh Limited (OVL)" – adından qürurla bəyan edir ki, 18 sentyabr 2021-ci il tarixində yataqdan 4 milyardıncı barel neft hasil edilib.

Sputnik Azərbaycan xəbər verir ki, bu barədə BP şirkətinin açıqlamasında bildirilir.

Məlumatda həmçinin deyilir ki, ümumilikdə hasil edilmiş 4 milyard barel neft Bakı-Tbilisi-Ceyhan (BTC) boru kəməri və Qərb İxrac Boru Kəməri (QİBK) vasitəsilə Azərbaycan, Gürcüstan və Türkiyə ərazilərindən keçməklə Səngəçal terminalından birbaşa dünya bazarlarına nəql edilib. Bu vaxtadək BTC boru kəməri vasitəsilə təxminən 3,7 milyard barel neft nəql edilib ki, bu da əsasən 4847 tankerə yüklənmiş AÇG neftindən ibarət olub.

BP-nin Azərbaycan, Gürcüstan və Türkiyə üzrə regional prezidenti Qəri Counz bildirib ki, bu nailiyyət AÇG-nin dünya səviyyəli yataq olduğunu bir daha nümayiş etdirir. Operator olaraq biz bu yatağın qarşıdan gələn onilliklər ərzində də davam edəcək möhtəşəm uğur hekayəsi ilə qürur duyuruq. AÇG yatağından hasilat 7 noyabr 1997-ci il tarixində Çıraq platformasından başlayıb. Həmin vaxtdan bəri Çıraq böyük bir tarix yazıb. İndi də 24 il sonra yeddi müasir və yüksək texnologiyalı platforma ilə birlikdə tarixi Çıraq AÇG-dən hasilatın təhlükəsiz, səmərəli və etibarlı şəkildə davam etməsində böyük rol oynamaqdadır.

O bildirib ki, bu gün Azərbaycan "Əsrin müqaviləsi"nin imzalanmasının 27-ci ildönümünü qeyd edir. Bu, ölkənin yeni tarixində "Neftçilər Günü" kimi qeyd olunan əlamətdar bir gündür. 4 milyardıncı barel neftin hasil olunması isə AÇG-nin bu günə möhtəşəm hədiyyəsidir. Hasilatda bu cür böyük nailiyyət əldə etməklə, ölkə və öz səhmdarları üçün nəhəng gəlirlər gətirməklə, yerli icmalarda çoxsaylı davamlı inkişaf imkanları yaratmaqla AÇG həmçinin Xəzər regionunu aparıcı enerji hasilatı sahələrindən və dünyanın texnoloji cəhətdən ən qabaqcıl neft-qaz işlənmə regionlarından birinə çevirib. Operator kimi biz hökumət, SOCAR və digər tərəfdaşlarla sıx işləmək öhdəliyimizə sadiqiq və növbəti otuz ildə də AÇG-nin ölkəyə möhtəşəm töhfələr verməsini təmin etməyə davam edəcəyik.

AÇG haqqında əsas faktlar

İlkin olaraq AÇG üzrə Hasilatın Pay Bölgüsü Sazişi (HPBS) 20 sentyabr 1994-cü il tarixində imzalanıb. Həmin vaxtdan bəri AÇG yatağının işlənməsinə təxminən 40 milyard ABŞ dolları həcmində sərmayə qoyulub.

2017-ci ildə AÇG üzrə HPBS-in müddəti 2049-cu ilin sonunadək uzadılıb.

AÇG yatağı həmçinin Azərbaycan hökuməti üçün ümumilikdə təxminən 50 milyard kubmetr səmt qazı təmin edib.

AÇG-də hazırda səkkiz dəniz platforması mövcuddur. Bunlardan altısı hasilat platforması və ikisi isə emal, qaz kompressiya, suvurma və texnoloji təchizat platformasıdır. AÇG yatağının növbəti işlənmə layihəsi olan Azəri Mərkəzi Şərqi (ACE) hazırda icra mərhələsindədir və burada ilk neftin 2023-cü ildə hasil olunacağı gözlənilir.

Hasil edilmiş neft və qaz həcmləri platformalardan dünyanın ən böyük neft və qaz terminallarından biri olan Səngəçal terminalına (Bakı yaxınlığında, quruda yerləşir) nəql edilir.

0