Vurğun Əyyub

"Zərdüşt 70 yaşında da şər atmaqdan, qaralamaqdan əl çəkə bilmir"

73
(Yenilənib 14:33 24.02.2016)
Vurğun Əyyub Zərdüşt Əlizadəni AXC dövrünün TQDK-sına şər atmaqda günahlandırıb.

BAKI, 24 fev-Sputnik. Təhsil naziri Mikayıl Cabbarovun ölkədə imtahan sisteminin dəyişdirilməsilə bağlı verdiyi açıqlamalarla əlaqədar olaraq Sputnik "Kasıb uşaqların ali məktəbə yolu biryolluq bağlana bilər" sərlövhəli yazı dərc edib. Yazıda politoloq Zərdüşt Əlizadə, TQDK-nın sabiq sədri Vurğun Əyyub və xaricdə təhsil almış ictimai-siyasi fəal Bəxtiyar Hacıyevin fikirlərinə yer verilib. Bu gün Vurğun Əyyub redaksiyamıza müraciət edərək Zərdüşt Əlizadənin "Xalq Cəbhəsi hakimiyyətə gələndə, Türkiyədən test sistemini əxz etdilər. Elə ilk cəhddən də bəzi cəbhəçilərin uşaqları testdən kənar ali məktəblərə keçə bildilər" — sözlərinə etiraz edib.


TQDK-nın ilk sədri olmuş Vurğun Əyyub deyib ki, Zərdüşt Əlizadənin söylədikləri yalandır: " Zərdüşt deyir ki, elə ilk cəhddən də bəzi cəbhəçilərin uşaqları testdən kənar ali məktəblərə keçə bildilər. Bu ağ yalan və böhtandır. Zərdüşt 70 yaşında da şər atmaqdan, qaralamaqdan əl çəkə bilmir. Şər atan adama özgə nə cavab verim ki?"

Sputnik-in "Sizin vaxtınızda vəzifəli şəxslərin uşaqlarından kimsə ali məktəbə daxil olmuşdu?" sualına cavabında isə V.Əyyub deyib ki, "onda üzdə olan insanlardan heç kimin övladı qəbul olunmamışdı. Bir çoxlarının yaxın qohumları müsabiqədən keçə bilməmişdi."

"Sizcə Zərdüşt Əlizadə nəyə əsasən bu fikri deyir?" sualına isə V.Əyyub "Səbəbi yəqin ki, Zərdüşt Əlizadənin xarakterində, AXC hakimiyyətinə olan nifrətində axtarmaq lazımdır" — deyə cavab verib.

73
Teqlər:
test, Bəxtiyar Hacıyev, Vurğun Əyyub, Təhsil naziri Mikayıl Cabbarov, TQDK, AXC hakimiyyəti, Zərdüşt Əlizadə, AXC, Buraxılış imtahanı, TQDK
Əlaqədar
Kasıb uşaqların ali məktəbə yolu biryolluq bağlana bilər

Kafe restoranlarda karantin tələblərinin tətbiqi üzrə əlaqələndirici şəxs olacaq

0
(Yenilənib 23:47 23.11.2020)
İctimai iaşə müəssisələrində COVİD-19-la əlaqədar karantin tələblərinin tətbiqi üzrə əlaqələndirici şəxs olacaq.

BAKI, 24 noyabr - Sputnik. “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarına edilən dəyişikliyə əsasən hər bir ictimai iaşə müəssisəsi tərəfindən karantin tələblərinin tətbiqi üzrə əlaqələndirici şəxs müəyyənləşməlidir.

Sputnik Azərbaycan-ın məlumatına görə, bu barədə Nazirlər Kabinetinin qərarına dəyişiklik edilib. 

Dəyişikliyə əsasən, karantin tələbləri üzrə əlaqələndirici (məsul) şəxs funksiyaları ictimai iaşə müəssisəsinin işçilərindən birinə həvalə edilir. Bu təyinat müəssisədaxili rəsmiləşdirilməlidir.

Həmin məsul şəxs epidemiya əleyhinə mövcüd tələblərin müəssisədə tətbiqinin təşkili, bu tələblərin yerinə yetirilməsinə yerində nəzarəti həyata keçirməklə bərabər nəzarətedici dövlət qurumları ilə qarşılıqlı fəaliyyətdə əlaqələndirici olacaq, müəssisənin işçilərini təlimatlandıracaq, dezinfeksiya tədbirlərini təşkil edəcək, bu tədbirlərin müəssisədaxili qeydiyyat formaları və cədvəllərini tərtib edəcək, icrasına müəssisə daxilində nəzarət edəcək.

Məsul şəxs koronavirusla (COVID-19-la) mübarizə ilə bağlı xəbərdaredici məlumatların qonaqlara, işçi heyətə və digər əlaqəli tərəflərə çatdırılmasını təmin etməlidir. Eyni zamanda məsul şəxs bütün təmizlik və dezinfeksiya tədbirlərinin davamlı olaraq qeydiyyatının aparılması üçün gündəlik müntəzəm nəzarət formalarını, habelə keyfiyyətə nəzarət cədvəllərini tərtib etməli və onların icrasına nəzarəti həyata keçirməlidir.

0
Azərbaycan və Türkiyə bayraqları olan tablo, arxiv şəkli

Ankara Opera Balet Teatrında ölkəmizə dəstək məqsədilə bədii proqram təqdim ediləcək

2
(Yenilənib 23:33 23.11.2020)
Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

BAKI, 23 noyabr — Sputnik. Ankara Opera və Balet Teatrında Azərbaycana dəstək məqsədilə zəngin bədii proqram təqdim ediləcək.

Sputnik Azərbaycan xəbər verir ki, proqram Azərbaycanın Türkiyədəki Səfirliyi, Türkiyə-Azərbaycan Dostluq, Əməkdaşlıq və Həmrəylik Fondu (TADƏHF) və Anadolu Mədəniyyətlərin araşdırılması və inkişafı dərnəyi tərəfindən birgə təşkil olunacaq.

Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

2
Teqlər:
dəstək, proqram, teatr