Bankomat qarşısında növbə gözləyən insanlar

Məmurlarla üz-üzə gəlmədən ünvanlı sosial yardım almaq mümkün olacaq

1462
(Yenilənib 11:32 23.02.2016)
Ünvanlı dövlət sosial yardımın təyin olunma mexanizmi elektronlaşdırılaraq "Elektron Hökumət" portalına inteqrasiya olunub.

BAKI, 23 fev-Sputnik. Ünvanlı dövlət sosial yardımın təyin olunma mexanizmi elektronlaşdırılaraq "Elektron Hökumət" portalına inteqrasiya olunub.

Sputnik Trend-ə istinadla xəbər verir ki, artıq ünvanlı dövlət sosial yardımı üçün müraciət və yardımın təyin olunması prosesi "Elektron Hökumət" portalı üzərindən daha sadə və çevik olacaq. Vətəndaşın orta aylıq gəliri, xərcləri, ümumi maddi-məişət şəraiti onun müraciətindən əvvəlki son 12 (on iki) ay üzrə 22-dən artıq dövlət qurumunun informasiya ehtiyatlarından və sistemlərindən istifadə olunmaqla ətraflı qiymətləndiriləcək.

Ünvanlı dövlət sosial yardımının alınması üçün elektron formada necə müraciət etməli?

www.e-gov.az portalına giriş edin;

"Qeydiyyatsız xidmətlər" bölməsindən Əmək və Əhalinin Sosial Müdafiəsi Nazirliyinin xidmətləri sırasından "Ünvanlı sosial yardımla bağlı müraciətin edilməsi" elektron xidmətinə keçid edin;

Xidməti seçdikdən sonra Vahid Elektron Müraciət və Təyinat Alt Sisteminə (VEMTAS) giriş interfeysi əks olunacaqdır. Açılan pəncərədə ailəni təmsil edən şəxsin şəxsiyyət vəsiqəsinin nömrəsi və notarial qaydada təsdiq edilmiş ərizənin nömrəsi qeyd edərək "daxil ol" düyməsini seçin;

Nəzərinizə çatdırırıq ki, ünvanlı dövlət sosial yardımı üçün elektron müraciət zamanı təmsilçilik barədə ərizə tələb olunur. Bu ərizə yaşayış yeri üzrə rayon (şəhər) icra hakimiyyəti başçısının inzibati ərazi dairəsi və sahə inzibati ərazi dairəsi üzrə nümayəndəliklərinin ailə tərkibi haqqında arayışına əsasən notariat orqanı tərəfindən təsdiq edilir.

Sosial yardımın alınması üçün müraciətlər VEMTAS tərəfindən 15 (on beş) iş günü müddətində araşdırılır və müvafiq qərar qəbul edilir.

Məlumatlarda uyğunsuzluq aşkar olunmadığı hallarda, VEMTAS tərəfindən ailəyə sosial yardımın təyin olunması barədə, uyğunsuzluq aşkar olunduğu hallarda isə sosial yardımın təyin olunmasından imtina edilməsi barədə qərar çıxarılır.

Məlumat üçün bildirək ki, 23 fevral 2015-ci il tarixində ölkə başçısı tərəfindən imzalanmış Fərman əsasında sosial yardımın ünvanlanması prosesinin elektron təşkili üçün Vahid Elektron Müraciət və Təyinat Alt Sistemi formalaşdırılıb.

Nazirlər Kabitenin 05 fevral 2016-cı il Qərarı ilə sosial yardımın ünvanlanması prosesinin Vahid Elektron Müraciət və Təyinat Alt Sistemi vasitəsilə təşkilinin hüquqi əsası təsdiq edilib.

1462
Teqlər:
Vahid Elektron Müraciət və Təyinat Alt Sistemi, "Elektron Hökumət" portalı, ünvanlı dövlət sosial yardımı, Əmək və Əhalinin Sosial Müdafiəsi Nazirliyi, Elektron hökumət
Əlaqədar
İranla sosial müdafiə sahəsində gələcək əməkdaşlıq məsələləri müzakirə olunub
Sosial yardım alan hər kəsə 50 manat birdəfəlik müavinət veriləcək
Sosial yönümlü xərclərin həcmi cari ildəkindən yüksək olacaq
Əmək və Əhalinin Sosial Müdafiəsi Nazirliyinin gecikmiş müraciəti
Xəstəxana, arxiv şəkli

Azərbaycanda İİV xəstələrinin sayı açıqlandı

2
Bir dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb.

BAKI, 1 dekabr — Sputnik. "1 dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb, onlardan 1 864 nəfər QİÇS mərhələsindədir. İİV infeksiyasından ölənlərin sayı 1 082 nəfərdir".

Sputnik Azərbaycan xəbər verir ki, bunu Respublika QİÇS-lə Mübarizə Mərkəzinin direktoru vəzifəsini icra edən Esmira Alməmmədova deyib.

O bildirib ki, bu ilin ilk 11 ayı ərzində Azərbaycanda 494 yeni yoluxma halı təsdiqlənib: "484 nəfər (98.0%) Azərbaycan vətəndaşı, 10 nəfər (2.0%) əcnəbidir. Azərbaycanın yoluxmuş 316 (65,3%) vətəndaşı kişi, 168-i (34,7%) isə qadındır".

2
Xalq artisti Arif Babayev, arxiv şəkli

Xalq artisti koronavirusa yoluxub

3
Gültəkin xanım: "Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir"

Şahpəri Abbasova, Sputnik Azərbaycan

BAKI, 1 dekabr — Sputnik. Azərbaycan Milli Konservatoriyasının "Muğam" kafedrasının müdiri, Xalq artisti Arif Babayev koronavirusa yoluxub.

Bununla bağlı Sputnik Azərbaycan-a məlumat verən Arif Babayevin həyat yoldaşı Gültəkin Babayeva bildirib ki, sənətkarın vəziyyəti stabildir: "Bildiyiniz kimi, Arif Babayev bir müddət öncə insult keçirib. Ona görə də vaxtaşırı Mərkəzi klinik xəstəxanaya müayinəyə gedirik. Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir" .

Məlumat üçün bildirək ki, Arif Babayev XX əsrin ikinci yarısından etibarən Qarabağ xanəndəlik məktəbinin görkəmli nümayəndələrindən biri sayılır. Onun yaradıcılığında "Şur", "Seygah" muğam dəstgahları, "Arazbarı", "Qarabağ şikəstəsi" zərbi muğamları xüsusi yer tutur. Xüsusilə, "Seygah" muğamını Arif Babayev təkrarolunmaz bir üslubda oxuyub. Xanəndə həm də təsnif və xalq mahnılarının ifaçısı kimi çox sevilir.

O, müxtəlif illərdə "Azərbaycan SSR Əməkdar artisti", "Azərbaycan SSR Xalq artisti", "Şöhrət" ordeni, "İstiqlal" ordeni, "Qızıl çinar" beynəlxalq mükafatı və "Şərəf" ordeni ilə təltif olunub.

3
Teqlər:
xalq artisti, Koronavirus, yoluxma, Arif Babayev