Доллары США

Qanunsuz dollar dəyişərkən yaxalandılar

25
Dövlət Təhlükəsizliyi Xidməti və Baş Prokurorluq birgə məlumat yayıb.

BAKI, 18 fev-Sputnik. Bakıda qanunsuz valyuta satışı ilə məşğul olan şəxslər saxlanılıb. 

Sputnik-in məlumatına görə, bu barədə Dövlət Təhlükəsizliyi Xidməti və Baş Prokurorluğun yaydığı birgə məlumatda deyilir.
Məlumata görə, qanunsuz valyuta mübadiləsi aparılmaqla valyuta tənzimlənməsi sahəsində mövcud qanunvericiliyin tələblərinin pozulmasına dair Bakı şəhər sakinindən daxil olmuş müraciətə Baş prokuror yanında Korrupsiyaya qarşı Mübarizə Baş İdarəsində baxılıb.

Baş Prokurorluq və Dövlət Təhlükəsizliyi Xidməti tərəfindən həyata keçirilmiş birgə istintaq-əməliyyat tədbirləri nəticəsində Bakı şəhər sakininin təqdim etdiyi 10.000 (on min) ABŞ dolları məbləğində pulun Bakı şəhəri, Yasamal rayonu, Ə.Haqverdiyev küçəsi 13 saylı binanın 44-cü mənzilində Vasif Məmmədov və Fariz Rüstəmov tərəfindən 15.600 (on beş min altı yüz) manat pula qanunsuz mübadiləsi aparılarkən sonuncular cinayət başında yaxalanıblar.

Qeyd olunan ünvanda aparılmış axtarış zamanı qanunsuz valyuta mübadiləsində istifadə üçün nəzərdə tutulmuş cəmi 349 104 (üç yüz qırx doqquz min yüz dörd) manat, 537026 (beş yüz otuz yeddi min iyirmi altı) ABŞ dolları, 313 695 (üç yüz on üç min altı yüz doxsan beş) avro, 26.440 (iyirmi altı min dörd yüz qırx) ingilis funt-sterlinqi olmaqla ümumilikdə 19 ölkəyə məxsus və təqribən 1,5 milyon Azərbaycan manatı dəyərindəmilli və xarici valyutada pul vəsaitləri, habelə istintaq üçün əhəmiyyət kəsb edən sənəd və əşyalar aşkar edilərək götürülüb.
Qeyd olunan şəxslər tərəfindən valyuta tənzimlənməsi sahəsində mövcud qanunvericiliyin tələblərinin pozularaq külli miqdarda gəlir əldə etməklə qanunsuz sahibkarlıq fəaliyyəti ilə məşğul olmalarına şübhələr üçün əsaslar olduğundan fakta görə Cinayət Məcəlləsinin 192.2.2-ci (külli miqdarda gəlir əldə etməklə qanunsuz sahibkarlıq) maddəsi ilə cinayət işi başlanıb və qeyd olunan maddə ilə ittiham elan olunmaqla V.Məmmədovun barəsində məhkəmənin qərarı ilə həbs qətimkan tədbiri, F.Rüstəmovun barəsində isə başqa yerə getməmək haqqında iltizam qətimkan tədbiri seçilib.

Hazırda cinayət hadisəsinin tam və hərtərəfli araşdırılması istiqamətində zəruriistintaq-əməliyyat tədbirləri davam etdirilir.

25
Teqlər:
dollar, manat, valyuta, Bakı, Yasamal, ABŞ dolları, ABŞ, Baş prokuror yanında Korrupsiyaya qarşı Mübarizə Baş İdarəsi, Baş Prokurorluq, Dövlət Təhlükəsizliyi Xidməti
Nikol Paşinyan, arxiv şəkli

Paşinyan indi İranı Qarabağ münaqişəsinin həllinə çəkmək istəyir

6
(Yenilənib 16:40 21.10.2020)
!!!!!!!!!!!!!!!Hesab edirəm ki, hazırkı mərhələdə bu rol hərbi əməliyyatların dayandırılmasına yönəldilməlidir.

BAKI, 21 oktyabr — Sputnik. Regionun əsas ölkələrindən biri kimi İran Dağlıq Qarabağ münaqişəsinin nizamlanmasında müəyyən rol oynaya bilər. Sputnik Azərbaycan xəbər verir ki, bunu Ermənistanın Baş naziri Nikol Paşinyan İranın "İRNA" informasiya agentliyinə müsahibəsində bildirib.

"Qarabağ münaqişəsinin nizamlanması ilə məşğul olan yeganə tanınmış beynəlxalq struktur ATƏT-in Minsk Qrupudur. Lakin regionun önəmli ölkəsi kimi İran müəyyən rol oynaya bilər. Hesab edirəm ki, hazırkı mərhələdə bu rol hərbi əməliyyatların dayandırılmasına yönəldilməlidir. İranın bölgədə sülh və sabitliyin bərqərar olmasına yönələn istənilən konstruktiv addımını alqışlayırıq", - deyə Paşinyan qeyd edib.

6
Mövzu:
Azərbaycan və Ermənistan arasında müharibə
Əlaqədar
İlham Əliyev: İndi baş verənlərin bütün təqsiri şəxsən Paşinyanın üzərindədir
Vəziyyətləri qəlizdir - Bütün keçmiş prezidentləri görüşürlər
Ermənistan xarici işlər naziri yenə Moskvaya gedib - son on gündə üçüncü dəfə
Hikmət Hacıyev: Paşinyanın hərəkətləri Səddam Hüseynin taktikası ilə müqayisə edilə bilər
Paşinyan Əliyevlə Moskvada görüşmək istəyir

Necə qaçdılarsa, yada düşmədi: ermənilərin döyüş meydanında "unutduğu" texnika - FOTO

14
(Yenilənib 16:24 21.10.2020)
Azərbaycan Ordusunun ön xətt bölmələri düşmənin təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür

Azərbaycan Müdafiə Nazirliyi Ermənistan silahlı qüvvələrinin döyüş meydanında qoyub qaçdığı hərbi və zirehli texnikanın yeni partiyasının şəkillərini yayımlayıb.

Onları Sputnik Azərbaycan-ın fotolentində izləyə bilərsiniz.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.
Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.
Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.
Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.
Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.
Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.
Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.
Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.
Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.
Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

14
  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © AR Ministry of Defence

    Azərbaycan Ordusunun ermənilərdən götürdüyü hərbi qənimət

  • © Sputnik / Mihail Voskresenskiy

    Azərbaycan Ordusunun ermənilərdən götürdüyü hərbi qənimət

  • © Sputnik / Mihail Voskresenskiy

    Azərbaycan Ordusunun ermənilərdən götürdüyü hərbi qənimət

  • © Sputnik / Mihail Voskresenskiy

    Azərbaycan Ordusunun ermənilərdən götürdüyü hərbi qənimət

  • © Sputnik / Mihail Voskresenskiy

    Azərbaycan Ordusunun ermənilərdən götürdüyü hərbi qənimət

  • © Sputnik / Mihail Voskresenskiy

    Azərbaycan Ordusunun ermənilərdən götürdüyü hərbi qənimət

  • © Sputnik / Mihail Voskresenskiy

    Azərbaycan Ordusunun ermənilərdən götürdüyü hərbi qənimət

Teqlər:
hərbi qənimət, zirehli texnika, hərbi texnika, Azərbaycan ordusu, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə