Bankların filial və şöbələrindən kənarda fəaliyyət göstərən mübadilə şöbələri bağlanıb.

Valyutadəyişmə məntəqələrinin fəaliyyətinin qadağan edilməsi cəmiyyətdə ajiotaj yaradıb

181
(Yenilənib 17:37 15.02.2016)
Şənbə-bazar günləri, həmçinin iş günləri axşam 18.00-dan sonra pullarını dəyişməyə yer tapa bilməyən vətəndaşlar ciddi problemlərlə üz-üzə qalırlar. Ekspertlər alternativ variant olaraq , mübadilə bankomatlarının yaradılmasını təklif edirlər.

BAKI, 15 fev — Sputnik. Mərkəzi Bankın qərarı ilə ölkədə fəaliyyət göstərən valyutadəyişmə məntəqələrinin fəaliyyətinin qadağan edilməsi əhali arasında ciddi narazılıqlara səbəb olub. Həftənin şənbə və bazar günləri, həmçinin iş günləri axşam saat 18.00-dan sonra əksər bank filialları işləmədiyi üçün, vətəndaşlar manatda, dollarda, yaxud digər valyutalarda saxladıqları pulları çevirə bilmirlər.

Денежные купюры
© Sputnik / Mikhail Kutuzov

Bununla bağlı artıq Sputnik-in redaksiyasına xeyli sayda vətəndaş müraciət edib. Məsələn, vətəndaş Samir Səlimov "exchange"lərin fəaliyyəti dayandırıldığı üçün, dövlətdən alternativ addım atmağı tələb edib: "Mənə təcili manat lazımdır. Ancaq heç yerdən ala bilmirəm. Banklar bağlıdır. Valyutadəyişmə məntəqələri də işləmir. İndi nə etməliyəm? Məcbur "qara bazar" tapmalıyam. Valyutadəyişmə məntəqələrini bağlamazdan öncə bunu əvəz edə biləcək, alternativ işlər görülməli idi".

Digər vətəndaş Eldar Vəliyev deyir ki, xaricdə təhsil alan övladına təcili pul göndərməli olub, amma manatını dollara çevirə bilmədiyi üçün, Avropada təhsil alan oğlu çətin duruma düşüb: "5-ci gün günorta zəng vurdu ki, "ata, pulum qurtarıb, mənə pul göndər". İşdəydim, dedim ki, narahat olma, axşam çıxan kimi kartına pul yatıracam. Ağlıma gəlmir ki, işləyən valyutadəyişmə məntəqəsi tapa bilməyəcəm. Qabaqdan da şənbə-bazar gəlir, neynəyəcəyimi bilmədim. Belə də biabırçılıq olar?!".

Mövzuya münasibət bildirən iqtisadçı ekspert Vüqar Bayramov valyutadəyişmə məntəqələrinin ləğvini düşünülməmiş addım kimi dəyərləndirib və alternativ mübadilə bankomatlarının yaradılmasının vacibliyini bildirib: "Şənbə və bazar günləri banklar işləmədiyi üçün, həmçinin də valyutadəyişmə məntəqələri ləğv olunduğu üçün insanlar pullarını dəyişə bilmirlər. Bu da ciddi etirazlara səbəb olur. Bu texniki problemin həlli üçün biz təklif edirik ki, mübadilə bankomatları yaradılsın. Bu o deməkdir ki, hər bir bankın Mərkəzi Bank tərəfindən müəyyən edilən mübadilə mərkəzləri olmalıdır. Eşitdiyimizə görə artıq bununla bağlı bəzi banklarda müəyyən işlər gedir".

Vüqar Bayramov
Vüqar Bayramov

Onun sözlərinə görə, əgər plan həyata keçərsə, vətəndaş dollar almaq və ya satmaq istədiyi zaman asanlıqla bankomata yaxınlaşıb alqı-satqını həyata keçirə bilər: "Bankamatlar yaradılmalıdır ki, vətəndaş bazar günü öz valyutasını sərbəst şəkildə dəyişə bilsin. Mən əvvəldən də valyutadəyişmə məntəqələrinin bağlanmasının əleyhinə olmuşam. Çünki bunun hər şeydən öncə sosial tərəfləri var. Hansı ki, bu səbəbə görə 6 min insan işsiz qalıb. Yəni hazırda 6 min ailənin gəlirləri azalıb, ya da heçə enib. Bu çox ciddi problemə səbəb olur".

"Lakin bizdə olan məlumata görə, hələ də bəzi yerlərdə "qara bazar" var və bəzi bankların bu bazarda mübadilə şöbələri fəaliyyət göstərir. Sual meydana çıxır, əgər Mərkəzi bank "йara bazarı" tam ləğv etməyəcəkdisə, niyə onda 6 min insan işindən olub?!", —deyə ekspert sual edir.

V. Bayramov valyuta məntəqələrini bağlamaqdansa, onların fəaliyyətinə nəzarətin gücləndirilməsini məqsədəuyğun hesab edir: "Düşünürəm ki, valyutadəyişmə məntəqələrini bağlamaqdansa, onların fəaliyyətinə nəzarətin gücləndirilməsi daha məqsədə uyğun olardı. Çünki işin sosial tərəfi nəzərə alınmalıdır. Bizdə olan məlumata görə, Mərkəzi Bank bu məntəqələrin yenidən fəaliyyətə başlamasına qərar verməyi düşünmür. Ancaq yaxşı olardı ki, heç olmasa şənbə və bazar günləri onların işləməsinə icazə verilsin. Vətəndaşlar da pullarını rahat dəyişə bilsinlər. Ən azı mübadilə bankomatları işə düşənədək bu proses davam etməlidir".

Mərkəzi Bankın mətbuat xidmətinin rəhbəri Namiq Əliyev isə Sputnik-ə açıqlamasında deyib ki, valyutadəyişmə məntəqələrinin fəaliyyətinin bərpası məsələsi gündəmdə deyil. Şəhərin bəzi yerlərində hələ də valyutadəyişmə məntəqələrinin gizlin fəaliyyət göstərməsi məsələsinə gəldikdə, N. Əliyev bu haqda onlarda məlumat olmadığını söylədi: "Əgər elə bir fakt varsa, bu, qanunsuzluqdur".

181
Teqlər:
Vüqar Bayramov, exchange, valyutadəyişmə məntəqəsi, valyuta, Mərkəzi Bank
Əlaqədar
Valyutadəyişmə məntəqələri bağlanacaq
Banklar xarici valyuta satışını dayandırdı
Bakıda valyuta dəyişmə məntəqələrinin qarşısında növbələr yaranıb
Bayram günləri valyuta bazarını gərginlik gözləyir
AMB: Banklar xarici valyuta ilə kredit verib risk etmək istəmirlər
Maliyyə hesabatı, arxiv şəkli

Şəhid ailələri qazilərə ödəniləcək müavinətlərlə bağlı açıqlama verildi

19
(Yenilənib 19:52 01.12.2020)
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

19
Dəniz piyadaları döyüşlərdən daimi dislokasiya məntəqəsinə qayıdıb

Dəniz piyadaları döyüşlərdən daimi dislokasiya məntəqəsinə qayıdıb

12
(Yenilənib 19:03 01.12.2020)
Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

BAKI, 1 dekabr — Sputnik. Vətən müharibəsində yüksək peşəkarlıq nümayiş etdirən Azərbaycan Hərbi Dəniz Qüvvələrinin dəniz piyadaları öz missiyalarını başa vuraraq hərbi hissəyə geri qayıdıb.

Müdafiə Nazirliyindən Sputnik Azərbaycan-a verilən məlumata görə, əvvəlcə xalqımızın ümummilli lideri Heydər Əliyevin, ölkəmizin müstəqilliyi və ərazi bütövlüyü uğrunda canından keçən şəhidlərin xatirəsi bir dəqiqəlik sükutla yad edilib. Hərbi orkestrin müşayiəti ilə dövlət himni ifa olunub.

© AR Ministry of Defence
Dəniz piyadaları döyüşlərdən daimi dislokasiya məntəqəsinə qayıdıb

Hərbi Dəniz Qüvvələrinin komandanı kontr-admiral Sübhan Bəkirov nümayiş etdirdikləri bacarıq və peşəkarlığa görə onlara Müdafiə Nazirliyinin rəhbərliyi adından təşəkkür edib.

12
Teqlər:
dəniz, Müdafiə Nazirliyi
Mövzu:
Azərbaycan və Ermənistan arasında müharibə

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0