Jurnalistlər üçün tikilmiş bina

"Jurnalistlərin binası"nın qaz dərdi

85
(Yenilənib 14:43 26.01.2016)
"Jurnalistlərin binası"nda yaşayanlar qazın keyfiyyərindən, "20-ci sahə"nin Şahlar Allahverdiyev küçəsinin sakinləri isə ümumiyyətlə qazın olmamasından narahatdırlar

“Jurnalistlərin binası”ın qaz dərdi
BAKI, 25 yan — Sputnik. Bakının Səbail rayonunun "20-ci sahə" adlanan ərazisində sakinlərin qazla təminatında problemlərin olması barədə mediada ardıcıl məlumatlar getməkdədir. "Jurnalistlərin binası"nda yaşayanlar qazın keyfiyyətindən, Şahlar Allahverdiyev küçəsinin sakinləri isə ümumiyytələ qazın olmamasından, ən yaxşı halda isə zəif gəlməsindən narahatdırlar.
Газопровод
Илья Питалев/РИА Новости

""Azəriqaz" iki ildir "Jurnalistlərin binası"na qaz əvəzinə hava satır". Bunu həmin binada yaşayan, "Azadinform" İnformasiya Agentliyinin direktoru Niyaz Niftiyev özünün "Facebook" səhifəsində yazıb.

"Yüz dəfə şikayət, müraciət etmişik. Amma şikayətə baxan yoxdur, gəlib, qurdalanıb gedirlər, heç bir tədbir görmürlər", —deyə jurnalist yazıb.

N. Niftiyevin sözlərinə görə, ilk növbədə qazın həm təzyiqi, həm də keyfiyyəti məsələsinə diqqət yetirilməlidir: "Həmin binada yaşayandan mütamadi olaraq qaz təchizatında problemlər hiss edirik. Bu həm qazın təzyiqi məsələsində, həm də keyfiyyəti məsələsində özünü göstərir. Xüsusən son aylarda bu problem bizi daha çox narahat etməyə başlayıb. O evlər bizə veriləndən sonra hər cür texniki avadanlıqla təmin olunmuşdu. Bir çox bina sakinlərinin kombiləri keyfiyyətsiz qazın nəticəsində sıradan çıxıb. Şəxsən mən artıq ikinci kombini almışam. Digər problem də qazın qoxusu ilə bağlıdır. Səhər qazı açarkən qazdan daha çox hava qəbul eləyirik. Hava ilə yanaşı da bərbad bir iy gəlir. Bu barədə dəfələrlə "Azəriqaz"ın qaynar xəttinə və mətbuat xidmətinə müraciət etmişik ki, bu problemə birdəfəlik son qoyulsun. Amma, təəssüf edirəm ki, son bir ildə vaxtaşırı, demək olar ki, mütamadi edilən müraciətlərimizə baxmayaraq, Səbail rayon qaz istismar idarəsinin əməkdaşları gəlib bir-iki dəqiqə görüntü verib getməklə kifayətləniblər".

Masazırda mitinq
sputnik.az/Fuad Həsənov

Şahlar Allahverdiyev küçəsində isə vəziyyət eyni olsa da, daha dözülməzdir. Sakinlər keçən ilin dekabrın 29-dan evlərinə qaz gəlmədiyini, nəticədə qışın soyuğunda olmazın çətinliklərlə üzləşdiklərini deyirlər.

Sputnik-ə açıqlama verən "Azəriqaz" İB-nin mətbuat xidmətinin rəhbəri İbrahim Kərbəlayevin hər iki məsələyə münasibəti belə oldu: "O ərazidə qaz xəttində tıxanma əmələ gəlib. Qaz xətləri həyət evlərinin içi ilə keçdiyinə görə problem yaranır. Əməkdaşlarımız orada olublar mənə verilən məlumata görə tıxanmanı aradan qaldırblar. Qonşuların həyətindən keçən xətlərin üzərindəki qeyri-qanuni birləşmələri də ləğv ediblər".

Onun sözlərinə görə, hazırda qaz təchizatını bərpa ediblər orada hər hansı problem yaşanmır: "Dünən "Jurnalistlərin binası" ilə bağlı məlumat daxil olmuşdur. Əməkdaşlarımız həmin mənzillərin birində yox, bir neçəsində texniki baxışlar keçirdilər. O mənzillərdən zəng vurub məlumat verdilər ki, nə havanın gəlişi ilə, nə də keyfiyyətlə bağlı hər hansı problem yaşanmır. Tələbata uyğun mavi yanacaqla təmin olunurlar. Yəni "Jurnalistlərin binası"nda hər hansı problem yaşanmır".

Xatırldaq ki, qış ayları başlayandan paytaxtın bir sıra yerlərində, o cümlədən Yasamal rayonunda da qazın verilişində problemlər müşahidə olunmaqdadır.

85
Teqlər:
"Jurnalistlərin binası", problem, sakin, "Azəriqaz", şikayət, bina, qaz, jurnalist
Əlaqədar
Bölgələrdə qiymət artımına qarşı etiraz aksiyaları keçirilib
"Sovetski"də evləri kiçik olan sakinlərə mənzil veriləcək
Hərbçilərə təhsil, mənzil, milli yeməklər və iş
Azərbaycan, Gürcüstan, Rusiya: qaz ixracına üç baxış
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

4
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

4
Teqlər:
psixoloji yardım, sosial, reabilitasiya, əziyyət, müharibə, uşaqlar
Tərəvəz piştaxtası, arxiv şəkli

COVID-19 xəstələrini tez sağalda bilən qidalar

26
(Yenilənib 22:58 27.11.2020)
Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaları qəbulunu ehtiva edir

BAKI, 27 noyabr — Sputnik. Britaniya alimləri COVID-19-un müalicəsini sürətləndirən məhsulları müəyyən ediblər. Sputnik Azərbaycan xarici mətbuata istinadla xəbər verir ki, qidaların immuniteti gücləndirməsini öyrənən araşdırmaçı Emma Derbşir və Con Delanj qida və qida əlavələrini təhlil ediblər. Araşdırmanın məqsədi COVID-19-dan sonra immuniteti bərpa edən və immuntetə yardım edən qidaları müəyyən etmək olub.

Müəlliflər tibbi qidalanmanın 65 yaşdan yuxarı insanların immunitet sisteminə təsirinə xüsusi diqqət yetiriblər.

İmmunitet sisteminin dörd komponenti var: T-limfositlər, B hüceyrələri, komplement sistemi və faqositlər. Belə ki, bu komponentlər daxil olan virus və bakteriyalara qarşı bir maneə rolunu oynayaraq vücudu infeksiyadan qoruyur.

İmmunitet anadangəlmə və adaptiv olur.

Ancaq hər iki immunitet funksiyası yaşla azalır. "İmmunitet yaşlanması"nın səbəblərindən biri də qida çatışmazlığıdır. Yaşlı insanlar bunu xüsusi immunitet qidası ilə doldurmalıdırlar. Bu, müəlliflərə görə, COVID-19 kimi ağır infeksiyalardan sonra reabilitasiya dövründə xüsusilə vacibdir.

"Zəif pəhriz, protein-enerji çatışmazlığı, vitaminlər və minerallar kimi mikroelement çatışmazlıqları suboptimal immunitet funksiyasına kömək etdiyinə dair kifayət qədər dəlil var. Bəzi pəhriz komponentləri - meyvələr, vitaminlər, antioksidantlar, minerallar və probiotiklər müqaviməti artırmağa kömək edir, tənəffüs viruslarına və xəstəliklərinə qarşı müqavimətdə əhəmiyyətli bir rol oynayır", - deyə tədqiqat müəllifləri yazırlar.

Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaların qəbulunu ehtiva edir.

C vitamini, tənəffüs sistemi epitelisinin baryer funksiyasını gücləndirir, bu da patogenlərin inkişafını məhdudlaşdırır və alt tənəffüs yollarına enmələrinə maneə törədir.

Tədqiqatçıların fikrincə, bu, sətəlcəmin qarşısını alır. D vitamini güclü bir immunitet tənzimləyicisidir. Bəzi immun hüceyrələrin - B və T limfositlərin, makrofaqların və monositlərin səthində D vitamini reseptorları var, buna görə də bütün tənəffüs xəstəliklərində qoruyucu rol oynayır.

Müəlliflər C vitamini ilə zəngin brokkoli, qara qarağat, zənginləşdirilmiş səhər yeməyi və portağal; sink baxımından zəngin konservləşdirilmiş xərçəng, konservləşdirilmiş lobya və qaynadılmış yumurta və gündə 50 mikroqrama qədər D vitamini əlavələri qəbul etməyi məsləhət görürlər.

Tədqiqatın nəticələri göstərir ki, belə bir pəhriz saxlamaq reabilitasiya müddətini qısaldır və COVID-19-dan sağalmanı sürətləndirir.

26
Teqlər:
immunitet, vitamin, xəstəlik, xəstə, qida, Koronavirus, epidemiya, COVID-19
Mövzu:
Dünyanı cənginə almış bəla