Учения по профилактике свиного гриппа

Dəhşətli virus sərhədlərimizdə: hökumət bizi necə qoruyur?

1861
(Yenilənib 13:33 22.01.2016)
Rəsmilər Azərbaycanda "donuz qripi" ilə bağlı karantin elan edildiyini, bütün sərhəd-keçid məntəqələrində ciddi yoxlamalar aparıldığını bəyan etsələr də, sıravi vətəndaşlar bunun tam əksini iddia edirlər

BAKI, 22 yan — Sputnik. Azərbaycanın sərhəd qonşuları olan dövlətlərin hamısında A (H1N1) virusunun daşıyıcıları aşkarlanıb və bu virusda ölüm halları günbəgün artmaqdadır. "Donuz qripi"adlanan xəstəliyin ölkə hüdudlarına daxil olması an məsələsidir. Bəs qonşu ölkələrlə kontaktı olan, ora səfərə gedib-gələn vətəndaşların, yaxud ölkəyə qonaq gələn əcnəbilərin virus daşıyıcısı olub-olmadığını yoxlayan mexanizm mövcuddurmu? Yaxud, ölkə bu qorxulu virusa qarşı hansı önləyici tədbirləri görüb?

Respublika Gigiyena və Epidemiologiya Mərkəzində Baş direktorun epidemiologiya məsələləri üzrə müavini Afaq Əliyeva Sputnik-ə deyib ki, 2015-ci ilin dekabr ayından bizə qonşu olan İran İslam Respublikasında H1N1virusuna yoluxma halları qeydə alınır: "Eyni zamanda ölüm halları da var. Həmin vaxtdan etibarən Respublikanın Səhiyyə Nazirliyi tərəfindən müvafiq əmr verilib. Respublikanın bütün müalicə-profilaktika müəssisələrinin "donuz qripi" və digər kəskin respirator virus infeksiyalarına qarşı əks-epidemik, profilaktik tədbirlərin aparılması barədə göstəriş verilib. Bütün müalicə-profilaktika mərkəzlərində xəstələrin qospitalizasiyası üçün çarpayılar ayrılıb, onlar lazımi dərman preparatları, dezinfeksiyaedici maddələr, invertarizasiya və digər ləvazımatlarla təchiz edilib".

"Eyni zamanda bütün ağır gedişli respirator virus infeksiyalı xəstələrdən laborator müayinə üçün yaxmanın götürülməsi, Taun Əleyhinə Stansiyaya çatdırılması yüksək səviyyədə təmin edilib. İndiyə qədər ağır gedişli respirator virus infeksiyalı xəstələrdə AH1N1 virusu qeydə alınmayıb", —deyə A. Əliyeva bildirib.

Mərkəz rəsmisinin sözlərinə görə, bizimlə həmsərhəd olan, "donuz qripi" qeydə alınan ölkələrdən Azərbaycana gələn bütün şəxslərə baxış keçirilir, sorğu aparılır, sərhəd-keçid məntəqələrində quraşdırılan termovizion (qızdırmanı təyin edən cihaz) vasitəsilə onlar müşahidə edilir:

"Əgər hər hansı yüksək temperatur qeydə alınarsa, onlar barədə məlumat verilməsi nəzərdə tutulub. Ancaq bu vaxta qədər yüksək temperaturu olan, şübhəli xəstələrlə bağlı sərhəd-keçid məntəqələrindən Səhiyyə Nazirliyinə məlumat daxil olmayıb. Yəni xəstə aşkarlanmayıb və nəzarət davam edir".

Respublika Taun Əleyhinə Stansiyanın (RTƏS) direktoru Rakif Abdullayev Sputnik-ə deyib ki, bütün viruslu xəstəliklərlə bağlı laboratoriyalar onların müəssisəsində yerləşir. A H1N1 virusu ilə bağlı da respublikanın hər yerindən gələn nümunələr RTƏS-də müayinə olunur.

"İndiyə qədər "donuz qripi" ilə əlaqədar 1 dənə də olsun şübhəli şəxs müəyyənləşdirilməyib", — deyə R. Abdullayev bildirib.

Onun sözlərinə görə, "donuz qripi" simptomlarının olmasından şübhələnən şəxslər ilk olaraq öz sahə poliklinikalarına müraciət etməlidirlər: "Orada burun və əsnəkdən yaxmalar götürülür, müayinə üçün RTƏS-ə göndərilir. RTƏS də həmin tibb müəssisələrinə müayinələrin cavabını göndərir. Əgər "donuz qripi" aşkarlansa, RTƏS-də onun müalicəsi üçün lazım olan hər cür şərait və müvafiq dərmanlar var".

Səhiyyə Nazirliyinin mətbuat xidmətinin rəhbəri Liya Bayramova Sputnik-ə bildirib ki, nazirlik sərhəd-keçid məntəqələrində karantin elan edilməsi ilə bağlı müvafiq xəbərdarlığı Dövlət Gömrük Komitəsinə və Dövlət Sərhəd Xidmətinə edib.

"İndiyə qədər xariclə təmasları olan şəxslərdə virus aşkarlanmayıb", — L. Bayramova qeyd edib.

Nazirlik sözçüsü onu da deyib ki, RTƏS-ə indiyə qədər "donuz qripi" şübhəsi ilə 80 nəfər müraciət edib: "Onlardan müvafiq analizlər götürülüb, müayinə edilib, lazkin A H1N1 virusu aşkarlanmayıb. Bununla belə, vəziyyət ciddi nəzarət altındadır".

Bu arada Dövlət Gömrük Komitəsi (DGK) Samur postunda "donuz qripi"nə qarşı qabaqlayıcı tədbirlər görüldüyünü açıqlayıb. DGK-dan Sputnik-ə verilən məlumata görə, Rusiya Federasiyasının müxtəlif ərazilərində, o cümlədən qonşu Dağıstan Respublikasında əhali arasında "donuz qripi"nin müşahidə olunması, ölüm hallarının baş verməsi DGK-nın ölkənin şimalındakı gömrük post əməkdaşlarını gücləndirilmiş iş rejiminə keçməyə vadar edib.

"Komitə sədri Aydın Əliyev postlara bu məsələnin xüsusilə diqqətdə saxlanılması barədə göstəriş verib. Odur ki, bir neçə gündür Rusiyadan Azərbaycana gələn bütün nəqliyyat vasitələri postun girəcəyində dezinfeksiya edilir, avtomobillərin təkər və şin hissələri xüsusi məhlulla yuyulur və ölkəyə buraxılır", —deyə DGK-dan bildirilib.

Komitədən verilən məlumata görə, ölkəyə gələn sərnişinlər üçün piyada keçid xəttində dezo baryer qoyulub: "Sərnişinlər bu baryerdən keçəndən sonra posta daxil olur. Postda quraşdırılan termovizion isə çıxardığı cingiltili səslə yüksək hərarəti olan insanları müəyyən etməyə yardım göstərir".

"Azərbaycan Dəmir Yolları" Qapalı Səhmdar Cəmiyyətinin (ADY) Mətbuat Katibliyinin rəisi Nadir Əzməmmədov isə APA-ya deyib ki, dəmir yolu nəqliyyatı insanların kütləvi istifadə etdiyi nəqliyyat növü olduğundan sanitariya işləri burada daha intensiv aparılır. Onun sözlərinə görə, ADY QSC-nin Həkim-Sanitar Xidməti tərəfindən Tədbirlər Proqramı hazırlanıb, qabaqlayıcı tədbirlər görülür.

"Dəmir yolu ərazisində yerləşən bütün obyektlərin profilaktik və cari dezinfeksiyası aparılır. Sərnişin qatarlarında çalışan briqadalar arasında yolboyu A(H1N1) virusunun yoluxduğu şübhəli bilinən xəstələr olduqda hansı tədbirlərin görülməsi barədə təlimatlar aparılır", —deyə N. Əzməmmədov vurğulayıb.

Onun sözlərinə görə, yoluxucu xəstəliklərin profilaktikasında şəxsi gigiyenanın gözlənilməsinin vacibliyi barədə sərnişinlər və dəmiryolçular arasında maarifləndirmə işi, qatar heyətlərinin tibbi-sanitar bilikləri artırılması istiqamətində işlər gücləndirilib: "Şübhəli xəstələr barədə məlumatlar dərhal Həkim-Sanitar Xidmətinə təqdim olunacaq. Sərnişin qatarlarının epidemiya əleyhinə hazırlığın vəziyyəti nəzarətdə saxlanılır".

Xaricə gedib-gələn ölkə vətəndaşlarının bir qismi dövlət qurumlarının "donuz qripi"nə qarşı nəzarətin gücləndirildiyi barədə açıqlamaları ilə razılaşsalar da, bir qismi razılaşmır. İki gün əvvəl Türkiyədən, avtobusla Gürcüstandan keçməklə ölkəmizə gələn sərnişin Anar Oruclu Sputnik-ə bildirib ki, Gürcüstanla sərhəddə onları heç kəs yoxlamayıb, heç bir sorğu keçirilməyib və onlardan hansısa aparatdan keçmək tələb olunmayıb.

Eyni fikri Dağıstan gömrük postundan ölkəmizə daxil olan Elman Əliyev də deyib. O, bildirib ki, avtomobillər xüsusi karantin qoyulmuş ərazidən keçsə də, sərnişinlərin sağlamlığı yoxlanılmır.

"Mən özüm sərhəddi keçəndə qrip idim. Amma heç kəs maraqlanmadı ki, "donuz qripi" tutmuşam, ya adi qrip", E. Əliyev söylədi.

İranın Astara sərhəd-keçid məntəqəsindən ölkəmizə daxil olmuş Lənkəran sakini Vidadi İbadovun sözlərinə görə, sərnişinlərin donuz qripi ilə əlaqədar olaraq yoxlanılması halı ilə qarşılaşmayıb: "Ola bilsin ki, maşınları yoxlayırlar, dezinfeksiya edirlər. Amma sərnişinlərin yoxlanmasını müşahidə etməmişəm".

İranın Biləsuvar sərhəd-keçid məntəqəsindən ötən gün ölkəmizə daxil olmuş Yardımlı rayon sakinləri isə Sputnik-ə bildiriblər ki, sərhəddə xüsusi aparat quraşdırılıb. Hamı o aparatın altından keçirilir.

1861
Teqlər:
Biləsuvar sərhəd-keçid məntəqəsi, Vidadi İbadov, Elman Əliyev, Xaricə gedib-gələn ölkə vətəndaşları, Nadir Əzməmmədov, "Azərbaycan Dəmir Yolları" Qapalı Səhmdar Cəmiyyəti, Aydın Əliyev, Dövlət Gömrük Komitəsi, Liya Bayramova, RTƏS, Rakif Abdullayev, Taun Əleyhinə Stansiya, Səhiyyə Nazirliyi, Afaq Əliyeva, Respublika Gigiyena və Epidemiologiya Mərkəzi, sərhəd-keçid məntəqələri, sərhəd, A(H1N1), donuz qripi
Mövzu:
Yeni "donuz qripi" dalğası (6)
Əlaqədar
Sənətçi Bülent Ersoy “donuz qripi”nə yoluxub
Bu üsulla qripi məğlub edin
Avropada ölümcül virus qeydə alınıb
Yeniyetmələri öldürən dəhşətli virus
Korona virusu ərəblərin axırına çıxa bilər
Hər gün 225 mindən çox yeni virus qeydə alınır
Şəhidin dəfni

Qırx gün itkin sayılan şəhid dəfn olundu

8
(Yenilənib 11:36 03.12.2020)
Dünən Şabran rayonunun Rəhimli kəndinə İkinci Qarabağ müharibəsində həyatını itirmiş 3-cü şəhid gəlib.

Leyla Abdullayeva,  Sputnik Azərbaycan

BAKI, 3 dekabr — Sputnik. Dünən Şabran rayonunun Rəhimli kəndinə Vətən müharibəsində həlak olmuş 3-cü şəhid gəlib. 2001-ci il təvəllüdlü Həmzəyev Musa Xalid oğlu Vətən müharibəsində 40 gün idi ki, itkin sayılırdı. Lakin dünən onun şəhid olduğu məlum olub.

  • Həmzəyev Musa
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Həmzəyev Musa

Şəhid doğulduğu Şabran rayonunun Rəhimli kəndində torpağa tapşırılıb.

Şəhid Musa Həmzəyev Axıska türküdür.

Allah rəhmət eləsin!

8
Teqlər:
itkin, şəhid, Şabran rayonu
Mövzu:
Azərbaycan və Ermənistan arasında müharibə
Yaşadığı ünvanı tərk edən koronavirus xəstəsi

Evi tərk edən COVID-19 xəstələrindən ikisi həyatını itirib

5
Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib.

 

BAKI, 3 dekabr — Sputnik. Dekabrın 2-də ölkə üzrə yaşayış yerini tərk edən 27 nəfər saxlanılıb. Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, koronavirusa yoluxan şəxslər məsuliyyətli davranmalı və ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.

"Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir", - məlumatda bildirilib.

5
Вышка командно-диспетчерского пункта аэродрома аэропорта в населённом пункте Ходжалы, фото из архива

Xankəndi limanı: Sülhməramlıdan mülki təyinatadək

0
Üçtərəfli razılaşma imzalandıqdan və Rusiyanın sülhməramlı əməliyyatı başladıqdan sonra bölgədəki vəziyyət kökündən dəyişib.

 

BAKI, 3 dekabr — Sputnik, Aleksandr Xrolenko, hərbi şərhçi. Rusiyanın Dağlıq Qarabağdakı sülhməramlı əməliyyatı mürəkkəb logistikası ilə fərqlənir. Xankəndindəki aerodromun bərpası və modernləşdirilməsi Rusiya HKQ-nin hərbi-nəqliyyat təyyarələrini qəbul etməyə imkan verəcək, yeni əməliyyat imkanları yaradacaq, qoşun birləşməsinin təchizatının bir çox problemlərini həll edəcək.

Qarabağı Ermənistan ilə yalnız eni 5 kilometr olan Laçın dəhlizi birləşdirir. Yola Ruisya sülhməramlıları nəzarət edirlər, amma yenə də bu yol bölgədə mümkün gərginləşmə halında ciddi təhlükə altında olacaq. Perspektivdə yeni yolun (dəhlizin) tikintisi və Laçın şəhərinin Azərbaycana təhvil verilməsi var. Lakin insanların və yüklərin operativ daşınmasına artıq bu gün ehtiyac var.

Xankəndindən Yerevana (Erebuni aviabazası, Zvartnos hava limanı) avtomobil yolu 320 km-dir. Əməliyyatın ilk günlərində sülhməramlılar Xankəndinə bu marşrutla gedirdilər. Sonra (noyabrın 28-dən) yeni marşrut ortaya çıxdı: Rusiyadan gələn yük və texnika dolu vaqonlar Azərbaycanın Bərdə dəmiryolu stansiyasına gəlir və buradan avtomobillərlə təxminən 100 km-lik Bərdə-Ağdam-Xankəndi marşrutunu qət edir. Bu marşrutla da məsafə uzaqdır.

Dağlıq Qarabağın şəraitində bölmələrin, yüklərin və texnikanın operativ şəkildə yüz kilometrlərlə məsafəyə çatdırılması mürəkkəb qoşun əməliyyatına çevrilir. İldə iki dəfə sülhməramlı qruplaşmanın şəxsi heyəti rotasiya edilməlidir. Bölgədə vəziyyətin gərginləşməsi əlavə qüvvə və vəsait tələb edə bilər. Xankəndi şəhərinin 9 kilometrliyində hava limanı var və o nəzəri olaraq ağır hərbi-nəqliyyat aviasiyasını qəbul edə bilər. Burada uçuşlar 1990-cı illərin əvvəllərində hərbi əməliyyatlara görə dayandırılıb. Hava limanının infrastrukturu 2020-ci ilin sentyabr və oktyabrında Azərbaycanın raket zərbələri nəticəsində zərər görüb, lakin uçuş-enmə zolağının (UEZ) uzunluğu 2200 metrdir. Yerli relyef lazım gələrsə, zolağın uzunluğunu 1 000 metr artırmağa və yanında ikincisini tikməyə imkan verir. Xankəndi yaxınlığındakı hava limanının bərpası və modernləşdirilməsinin qiyməti yaxından baxdıqda uzun illik uzaq məsafəyə uçuşlardan, nəhəng vaxt və qüvvə xərclərindən baha olmaya bilər. Hava limanı həmçinin mülki yüklərin daşınması üçün logistik mərkəz və perspektivdə Dağlıq Qarabağın iqtisadi inkişafının vacib tərkib hissəsi ola bilər.

Uzaq və təhlükəli yol

Rusiyalı sülhməramlılar 23 müşahidə postunda 24 saat Dağlıq Qarabağdakı atəşkəs rejiminə nəzarət edirlər, Laçın dəhlizi ilə əhalinin və avtonəqliyyatın hərəkətinin təhlükəsizliyini təmin edirlər. Noyabrın 14-dən 30 minədək qaçqın öz evinə qayıdıb. Bölgədə fəal şəkildə rusiyalı istehkamçılar, hərbi həkimlər, FHN əməkdaşları işləyirlər.

Sülhməramlı qüvvələrin həll olunması daimi mobillik tələb edir. Qarabağ müharibəsinin dayandırılması barədə üçtərəfli Rusiya-Azərbaycan-Ermənistan razılaşmasının əsasında Moskvayla Bakı arasında imzalanmış xüsusi protokol Azərbaycanla Ermənistan arasında nəqliyyat kommunikasiyaların açılmasını nəzərdə tutur. Aydındır ki, bu sənəd nəinki yerdəki, həm də səmadakı qadağaları da götürür. Söhbət Xankəndi hava limanına uçuşlardan gedir. Rusiyadan birbaşa reys bir çox logistika və təchizat problemlərini aradan qaldırardı, 15-ci sülhməramlı briqadanın qoşun birləşməsi üçün yeni əməliyyat imkanları yaradardı.

Daha əvvəl Gürcüstan Azərbaycan və Ermənistanın xahişi ilə öz hava məkanını Yerevana uçuş həyata keçirən Rusiya hərbi-nəqliyyat aviasiyası üçün açmışdı. Oradan yüklər quru uzaq yolla Xankəndinə daşınırdı. İndi bölgənin səmasını tam açmağın əsl vaxtıdır. Bu, Azərbaycandan Naxçıvan Muxtar Respublikasına yol çəkilməsi layihəsinə də fayda verə bilər.

Bağlı səma

Xankəndi hava limanı 2012-ci ildə artıq təmir olunmuşdu və təyyarələri qəbul etməyə hazır idi. Lakin bu, Bakının əks-reaksiyasına görə baş vermədi. Lakin üçtərəfli razılaşma imzalandıqdan və Rusiyanın sülhməramlı əməliyyatı başladıqdan sonra bölgədəki vəziyyət kökündən dəyişib. Uçuşların təhlükəsizliyinə yenidən baxmaq və qadağaları götürmək vaxtıdır. Həm də Ermənistanla Azərbaycan bu məsələdə bir-birilərinə borclu qalmırlar: Bakıdan Naxçıvana reyslər Ermənistan üzərindəki beynəlxalq dəhlizlərdən keçir və erməni aviaşirkətləri də Azərbaycan səmasındakı beynəlxalq səviyyədə qorunan hava koridorlarından istifadə edirlər.

Azərbaycan Prezidenti İlham Əliyev son çıxışında deyib: "Bu gün Dağlıq Qarabağda yaşayan ermənilər və mütləq oraya qayıdacaq azərbaycanlılar gün gələcək yenə yaxşı qonşuluq şəraitində yaşayacaqlar. Burada logistik məsələlər var, nəqliyyat məsələləri var, enerji təhlükəsizliyi var. Biz bütün bu məsələləri nəzərdən keçirəcəyik".

Bu sözlər ümid verir. Əgər bu yüksək dağlıq ərazidəki hava limanı tezliklə işə başlasa, bu regional sülhə və təhlükəsizliyə fayda verəcək.

0
Teqlər:
Rusiya, sülhməramlılar, Dağlıq Qarabağ, hava limanı, Xankəndi