Bakıda küçə ticarəti.

Qanunsuz küçə ticarəti o qədər "qanunsuz" deyilmiş...

1150
(Yenilənib 16:21 15.01.2016)
Qanunvericiliyin sərtləşdirilməsi küçələrdə alver edən kasıb zümrənin nümayəndələrini göründüyü kimi narahat etmir, çünki küçələrin də özünün yazılmamış qanunları var

BAKI, 15 yan — Sputnik.İnzibati Xətalar Məcəlləsinə (İXM) dəyişiklik edilərək, qanunsuz küçə ticarətinə qarşı cəzalar sərtləşdirilib. İXM-in yeni "Qanunsuz küçə ticarəti" adlı 453-cü maddəsinə əsasən, qanunsuz küçə ticarəti, yəni müvafiq icra hakimiyyəti orqanları tərəfindən müəyyən edilməmiş yerlərdə malların satılmasına və ya işlərin (xidmətlərin) görülməsinə görə 80 manat cərimə tətbiq olunacaq.

Qanunsuz küçə ticarətinə qarşı mübarizə aparılması müsbət haldır. Bəs, ölkə əhalisinin sosial durumunun ağırlaşdığı indiki dövrdə insanlara əlavə sıxıntı yaşatmaq nə dərəcədə doğrudur? Sırf məcburiyyət üzündən küçələrə düşən, çörəkpulu dərdindən səhərdən axşamadək, yağışlı-qarlı hava demədən, küçələrdə müştəri gözləyən kasıb vətəndaşın aqibəti axı necə olacaq? Normal gəliri olan insan isti iş yerini buraxıb, küçədə niyə alver etsinlər ki?!

"May ayına kimi vaxtımız var, qərarı may ayına kimi verəcəklər. Ondan sonra Allah kərimdir…"

Səyyar kitab satıcısı
© Sputnik / Murad Orucov
Səyyar kitab satıcısı

Metronun "Elmlər Akademiyası" stansiyasının yaxınlığında, Bakı Dövlət Universitetinin qarşısında kitab satan yaşlı kişi də məcburi küçə ticarətçisinə çevrilən vətəndaşlardandır. Sputnik əməkdaşı alıcı qismində adamla dialoqa girərək, onun həyat tərzi və yeni dəyişikliklə bağlı fikirlərini dinləyib. Və ilk olaraq bundan sonra nə edəcəyi ilə maraqlanıb.

— Qanunvericilik sərtləşdirilir. Qanunsuz küçə ticarəti ilə bağlı cərimələr artırılır. Bundan sonra nə edəcəksiniz?
— May ayına kimi vaxtımız var, qərarı may ayına kimi verəcəklər. Ondan sonra Allah kərimdir…
— Axı sizi burda tutsalar, 80 manat cərimə edəcəklər.
— Aylıq 80 manat qazanıram ki, cərimə də ödəyim?!

Kişi bu sözləri deyib dərin fikrə getdi. Mən də onu dərin fikirdən ayıltmayıb yolumu davam etdirməyə başladım.

Kitab alıcısı
© Sputnik / Murad Orucov
Kitab alıcısı

Ondan aralanıb, metronun "Elmlər Akademiyası" stansiyasına tərəf yol aldım. Metronun qarşısında, maşının yük yerinə yığdığı siqaret satan küçə ticarətçisi ilə söhbətləşməyə çalışdım. Nə yalan deyim, mənim xanım olduğumu görüb, həm də yəqin üzümdən siqaret çəkənə bənzəmədiyimi hiss edib, yük yerini bağladı və üzünü o tərəfə çevirdi. Və bu mövzuda ümumiyyətlə danışmaq istəmədiyini hiss etdirdi.

Daha sonra "20 Yanvar" metrostansiyasının çıxışında, el arasında "xoruz" adlandırılan konfet satan yaşlı kişi ilə rastlaşdım. Ayaq üstə güclə duran babaya yaxınlaşıb bir konfet aldım. Sonra, "ay dayı, axı küçə satışı qadağandır, sizi görsələr, 80 manat cərimə edəcəklər…" dedim.

Səyyar ticarət
© Sputnik / Murad Orucov
Səyyar ticarət

Onun cavabı isə mənim sualımda daha təsirli oldu: "Qzım, mənim 80 manatım olsa, burda dayanıb konfet satmaram ki! Nə qədər istəyirlər, o qədər də cərimə yazsınlar. Mən burdayam!".

Onunla da sağollaşıb metronun digər istiqamətindəki küçə satıcılarına yaxınlaşdım. Siqaret və saqqız kimi məhsullar satan satıcı eyni səpkili sualımı gülüşlə qarşıladı.

"Bəli, yeni qanundan xəbərim var. Amma baxır, o qanun kimin üçün çıxıb. Şəxsən mənə aid deyil. Mənim qanunlarım başqadır", —dedi satıcı.

Bu satıcının eyhamından belə anladım ki, adam lazımi yerlərə "şirinlik" verib, işini görür. Eyni sözləri bir az aralıda saat satan oğlan da dedi: "Bizə yeni qanunun adiyyəti yoxdur, nə vaxt gəlsəniz, burdayam".

Belə… Görünən odur ki, bizim dərdinə yandığımız kasıb küçə tacirlərinin problemlərini məmurlarımız da gözardı etmirlər. Ayrıca, o da anlaşılır ki, qanunsuz küçə ticarəti heç də tam "qanunsuz" deyilmiş. Ya da qanun hamı üçün qanun deyilmiş.

1150
Teqlər:
20 Yanvar, Elmlər, qanunsuz, satış, kitab, ticarət, küçə, cərimə, cəza
Əlaqədar
Bakıda ticarət obyektləri yanıb
Azərbaycanda elektron ticarətlə bağlı geniş platforma hazırlanır
Keçmiş milyonçu küçədə şorba satır
Azərbaycanda qanunsuz sponsorları və KİV-i hansı aqibət gözləyir?
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

6
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

6
Teqlər:
anlaşma, Rusiya, Türkiyə, Qarabağ

DİN: Aşıq Namiq qadının ünvanına qeyri-etik ifadələr səsləndirib

7
Məhkəmənin 7 noyabr tarixli qərarı ilə N.Hüseynov İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməkdə təqsirli bilinərək barəsində inzibati tənbeh tədbiri tətbiq edilib.

BAKI, 1 dekabr — Sputnik. Televiziya kanallarının birində aşıq Namiq Fərhadoğlu (Namiq Hüseynov) Nərimanov polisinin ünvanına əsassız ittihamlar səsləndirib.

Sputnik Azərbaycan xəbər verir ki, DİN Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib ki, Namiq Hüseynovun səsləndirdiyi fikirlər böhtandır və qərəzdən irəli gəlir.

Oktyabrın 30-da N.Hüseynov barəsində Nərimanov RPİ-nin 18-ci Polis Şöbəsinə şikayət ərizəsi daxil olub. Müraciətdə vətəndaş sosial şəbəkə vasitəsilə tanış olduğu şəxsin ona etik olmayan təkliflər etməsini və onun tələblərinə əməl etməyəcəyi təqdirdə hədə-qorxu gəlməsini vurğulayıb.

İş üzrə aparılan araşdırmanın xüsusatlarını aydınlaşdırmaq məqsədilə N.Hüseynov müvafiq polis şöbəsinə dəvət olunmasına baxmayaraq o, polisə tabesizlik nümayiş etdirib, şikayət edən qadının ünvanına isə qeyri-etik ifadələr səsləndirib.

Qeyd olunan hərəkətlərdə xırda xuliqanlıq, polis işçisinin və ya hərbi qulluqçunun qanuni tələbinə qəsdən tabe olmama maddələrinin tərkib əlamətləri olduğuna görə fakta əsasən İnzibati Xətalar Məcəlləsinin 510-cu (Xırda xuliqanlıq) və 535.1-ci (Polis işçisinin və ya hərbi qulluqçunun qanuni tələbinə qəsdən tabe olmama) maddəsi ilə inzibati protokol tərtib olunaraq baxılması üçün Nərimanov rayon Məhkəməsinə göndərilib.

Məhkəmənin 7 noyabr tarixli qərarı ilə N.Hüseynov İnzibati Xətalar Məcəlləsinin 535.1-ci maddəsində nəzərdə tutulan inzibati xətanı törətməkdə təqsirli bilinərək barəsində inzibati tənbeh tədbiri tətbiq edilib.

7
Teqlər:
aşıq, şikayət, Nərimanov RPİ, Elşad Hacıyev, DİN
Laçın, arxiv şəkli

Laçının peykdən görüntüsü yayıldı

0
Görüntülər Laçın erməni işğalından azad olunduqdan sonra "Azersky" peyki vasitəsilə çəkilibGörüntülər Laçın erməni işğalından azad olunduqdan sonra "Azersky" peyki vasitəsilə çəkilib

 

BAKI, 1 dekabr — Sputnik. "Azercosmos" bu gün Azərbaycana təhvil verilən Laçın rayonunun peyk görüntülərini yayıb. Sputnik Azərbaycan-ın məlumatına görə, görüntülər Laçın erməni işğalından azad olunduqdan sonra "Azersky" peyki vasitəsilə çəkilib.

Qeyd edilir ki, Laçın rayonu ötən illər ərzində Ermənistanı Dağlıq Qarabağdakı separatçılar ilə birləşdirdiyi üçün düşmən tərəfdə böyük önəm daşıyıb. Laçında son illər ərzində Ermənistan tərəfindən qeyri-qanuni məskunlaşma işləri aparılıb. Laçın Tarix Muzeyindən Azərbaycanın mədəni irsini əks etdirən kolleksiyalar talan edilib. Təbii sərvətlərlə zəngin Laçın rayonunda olan Turşsu, Qaladərəsi, Nağdalı kimi müalicəvi bulaqlar, VI əsrə aid Alban Ağoğlan məbədi, XIV əsrə aid Məlik Əjdər türbəsi və digər mədəni abidələrə qarşı vandalizm əməlləri törədilib.

0
Teqlər:
Dağlıq Qarabağ, peyk, Laçının azad olunması