Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası “İctimai nəzarətin təşkil olunmasında QHT-lərin rolu” mövzusunda dəyirmi masa

Hökumət vəziyyətdən çıxmaq üçün yollar axtarır

2423
(Yenilənib 11:02 15.01.2016)
Azay Quliyev: "Ölkədə yaranmış vəziyyət, spekulyasiyaların qarşısının alınması zərurəti məsələyə ciddi yanaşmanı tələb edir. QHT-lər bu istiqamətdə öz töhfələrini verməlidir. Şura ictimai nəzarətin təşkili ilə bağlı QHT-lərin təkliflərini Prezidentə təqdim edəcək"

BAKI, 14 yan — Sputnik. Ölkədə ictimai-siyasi sabitliyin qorunması, möhtəkirliyə, süni bahalaşmaya qarşı mübarizədə QHT-lər fəal iştirak etməlidir.

Sputnik-in məlumatına görə, Prezident yanında Qeyri-Hökumət Təşkilatlarına Dövlət Dəstəyi Şurasının iştirakı ilə "İctimai nəzarətin təşkil olunmasında QHT-lərin rolu" mövzusunda keçirilən Dəyirmi Masada Şuranın sədri Azay Quliyev belə deyib. Şura sədrinin sözlərinə görə, prezident İlham Əliyev özünün son çıxışında ictimai nəzarətin vacib olduğunu vurğulayıb və bu çağırış birbaşa QHT-lərə ünvanlanıb. Odur ki, QHT-lər ictimai nəzarətin təşkili ilə bağlı təkliflərini açıqlamalıdır. "İctimai iştirakçılıq haqqında" qanuna uyğun olaraq mərkəzi dövlət orqanlarında ictimai şuralar yaradılmalıdır.

"Bəzi dövlət qurumlarında ictimai şuralar olsa da, onlar formal xarakter daşıyır. Lakin ölkədə yaranmış vəziyyət, devalvasiya ətrafındakı spekulyasiyalar, süni bahalaşmanın qarşısının alınması zərurəti məsələyə ciddi yanaşmanı tələb edir. Odur ki, QHT-lər bu istiqamətdə öz töhfələrini verməlidir. Şura ictimai nəzarətin təşkili ilə bağlı QHT-lərin təkliflərini prezidentə təqdim edəcək." — deyə A.Quliyev əlavə edib.

Sonra mövzu ətrafında diskussiyalar keçirilib. Əmək Hüquqlarının Müdafiə Liqasının sədri Sahib Məmmədov qeyd edib ki, "İctimai iştirakçılıq haqqında" qanuna uyğun olaraq 5-ə qədər nazirlikdə ictimai şuralar yaradılıb: "Bəs digər mərkəzi icra hakimiyyəti və yerli icra hakimiyyəti orqanlarında niyə ictimai şuralar yaradılmayıb? Ən azı Gəncədə, böyük şəhərlərimizdə icra hakimiyyətləri yanında ictimai şuraların yaradılmasını gözləyirdik, ancaq hələ bundan xəbər yoxdur".

Neftçilərin Hüquqlarını Müdafiə Komitəsinin sədri Mirvari Qəhrəmanlı məsələ ilə əlaqədar Şura yanında işçi qrup yaradılmasını təklif edib.
Humanitar Tədqiqatlar İctimai Birliyinin sədri Əvəz Həsənov Şura yanında nazirliklərin fəaliyyətinə ictimai nəzarət həyata keçirmək üçün İctimai Palata yaradılması təklifini irəli sürüb.
Dilarə Əliyeva adına Qadın Hüquqlarını Müdafiə Cəmiyyətinin sədri Novella Cəfəroğlu isə ekstremal şəraitdə ictimai nəzarətin təşkili üçün QHT qrupları yaradılmasını və QHT-lərlə bağlı qanunvericiliyə edilən son dəyişikliyin tətbiqini azı 3 il olmaqla müvəqqəti dayandırmağı təklif edib.

  

Milli QHT Forumunun prezidenti Rauf Zeyni ictimai nəzarətin təşkili üçün Mətbuat Şurası və QHT-lərin daxil olduğu Vətəndaş Cəmiyyəti Alyansı yaradılmasını təklif edib.

"Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz isə bildirib ki, vətəndaş cəmiyyəti institutları vəziyyətdən hansısa çıxış yolları axtarmaq üçün əvvəlcə informasiyalara çıxış əldə etməlidirlər. "Biz informasiyaya malik olmalıyıq ki, ona uyğun olaraq da çıxış yollarını axtaraq" — deyən Osman Gündüz Şuranın saytında mobil telefonlarla neqativ hallarla bağlı məlumatların qəbulu üçün resurs yaradılmasını təklif edib. O, hazırda "İctimai iştirakçılıq haqqında" qanunun tələbinin yerinə yetirilməsindən çox hansı təcili tədbirlərin görülməli olduğunu müzakirə etməyə ehtiyac olduğunu deyib: "Hökumətin iki gündən bir qərar verib sonra da onu ləğv etməsi gülünc bir şeydir. Bu, xalqın yanında hökumətin qeyri-ciddi obrazını yaradır. Qərarlar qəbul olunanda niyə yüz ölçülüb bir biçilmir, tələm-tələsik verilir ki, sonra da onun ləğvinə zərurət yaranır".

"Qadın Liderliyi Uğrunda" İctimai Birliyin sədri Ülkər Abdullayeva isə deyib ki, Azay Quliyevin mesajı əslində çox aydındır. Çərçivələr yaxşıdır, amma elə məsələlər var ki, onlar çərçivələri sevmirlər və onların açıq mətnlə deyilməsi vacibdir: "Azərbaycan ağır günlərini yaşayır. Vəziyyət getdikcə daha kritik olacaq. Təəssüf ki, hələ də hakimiyyətə yaxın təbəqədə, hökumət orqanlarında bunu gizlətməyə, ört-basdır etməyə meyllər güclüdür. Artıq hamının bildiyi həqiqətləri gizlətməyə çalışmaq, vəziyyətin düzələcəyinə, hökumətin ciddi addımlar atdığına, neftin qiymətlərinin qalxacağına dair yalançı vədlər vermək əhalidə gülüş doğurur, sosial şəbəkələrdə lağ obyektinə çevrilir. Real vəziyyət əhaliyə izah edilməlidir. İnsanlar gələcəkləri barədə bilmək, vəziyyətin düzəldilməsi istiqamətində ciddi addımların atıldığına əmin olmaq istəyirlər. Belə vəziyyətlərdə ən doğru addım hökumət nümayəndələrinin xalqın qarşısına çıxıb baş verənləri aydın bir dillə izah etməsidir və çıxış yollarını göstərməsidir."

QHT sədrinin sözlərinə görə, ölkədəki bu cür ekstremal vəziyyətdə cəmi 5-6 iqtisadçı-ekspert sosial şəbəkələrə, mediaya çıxıb vəziyyəti izah etməyə, çıxış yollarını göstərməyə çalışır. Hökumət isə bu prosesdə gözə dəymir. Ortaya çıxan 3-5 dövlət rəsmisi, millət vəkili də yalan danışır. "Belə həssas məqamları yalan danışmaqla, problemlərin üstünü ört-basdır etməklə yola vermək olmaz. Hakimiyyət xalqla bağlarını qoparmaq istəmirsə, onunda dialoqa girməli, səmimi olmalıdır." — deyən Ü.Abdullayeva ictimai nəzarətin təşkilində mətbuatın əhəmiyyətli rol oynadığını bildirib. Böhran vəziyyətində, ekstremal situasiyalarda medianın informasiyalara çıxışının asanlaşdırılmasının zəruri olduğunu qeyd edən QHT sədri, dövlət orqanlarının medianın operativ reaksiya tələb edən məsələlərlə bağlı müraciətlərinin cavablandırılmasında bürokratik əngəllər yaratdığını deyib.

Həmçinin narazı qüvvələrə qarşı hər hansı zorakı tədbirlərdən çəkinmək lazım gəldiyini də deyən QHT sədri sosial-iqtisadi təlatümlərin fonunda ölkədəki siyasi gərginliyin azaldılması üçün çoxtərəfli dialoq müstəvisinə ehtiyac olduğunu bildirib: "QHT-lərə Dövlət Dəstəyi Şurası məsələlərə çevik reaksiya vermək qabiliyyəti olan ictimai qurum yaratmalıdır. Bu qurum ölkədə vəziyyəti təhlil edib çıxış yollarını göstərməli, atılacaq addımlarla bağlı alqoritmləri təqdim etməlidir. Və onların atdığı bütün addımlar medianın, sosial şəbəkələrin köməyi ilə ictimaiyyətə çatdırılmalıdır."

Digər tədbir iştirakçıları da fikir və təkliflərini səsləndiriblər. Hazırkı vəziyyətdən çıxmaq üçün təcili olaraq, iqtisadi, sosial və ictimaiyyətlə işə dair sahəvi işçi qruplarının yaradılmasına qərar verilib.

2423
Teqlər:
"Qadın Liderliyi Uğrunda" İctimai Birliyinin sədri Ülkər Abdullayeva, Ülkər Abdullayeva, "Qadın Liderliyi Uğrunda" İctimai Birliyi, Milli QHT Forumunun prezidenti Rauf Zeyni, Dilarə Əliyeva adına Qadın Hüquqlarını Müdafiə Cəmiyyətinin sədri Novella Cəfəroğlu, Neftçilərin Hüquqlarını Müdafiə Komitəsinin sədri Mirvari Qəhrəmanlı, Əmək Hüquqlarının Müdafiə Liqasının sədri Sahib Məmmədov, Azay Quliyev, Prezident yanında Qeyri-Hökumət Təşkilatlarına Dövlət Dəstəyi Şurası, "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz, Gəncə, İlham Əliyev, prezident
Əlaqədar
QHT-lərin dərdi nədi?
QHT-lər nazirliyin fəaliyyətinə nəzarət edəcəklər
Beynəlxalq QHT-lər yalnız sahiblərinin sifarişini yerinə yetirir
Deputat: Həbsdəki QHT üzvləri Azərbaycana faydalı ola bilərdilər
Əli Həsənov QHT-nin ofisinin açılışında iştirak edib
Семья, фото из архива

Ölkədə Ailə Məsləhət mərkəzləri yaradılacaq

0
(Yenilənib 19:16 27.11.2020)
Həmçinin, 2020–2022-ci illərdə erkən uşaqlıq dövründə uşaqlara göstərilən sosial xidmətin təhlili və səmərəliliyinin artırılmasına dair təkliflər hazırlanacaq.

BAKI, 27 noyabr — Sputnik. 2022–2023-cü illərdə ailədaxili sosial və psixoloji işin təşkili üçün Ailə Məsləhət mərkəzlərinin yaradılmasına dair təkliflər hazırlanacaq. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən “Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı”nda əksini tapıb. Fəaliyyət Planına əsasən, Ailə, Qadın və Uşaq Problemləri üzrə Dövlət Komitəsi, Əmək və Əhalinin Sosial Müdafiəsi Nazirliyinə tapşırıq verilib. 

Həmçinin, 2020–2022-ci illərdə erkən uşaqlıq dövründə uşaqlara göstərilən sosial xidmətin təhlili və səmərəliliyinin artırılmasına dair təkliflər hazırlanacaq. Fəaliyyət Planına əsasən, Ailə, Qadın və Uşaq Problemləri üzrə Dövlət Komitəsi, Əmək və Əhalinin Sosial Müdafiəsi Nazirliyinə tapşırıq verilib. Fəaliyyət Planına əsasən, Nazirlər Kabineti, Əmək və Əhalinin Sosial Müdafiəsi Nazirliyi, Ailə, Qadın və Uşaq Problemləri üzrə Dövlət Komitəsinə 2020-2022-ci illərdə alternativ qayğı xidməti kimi, “himayədar ailə” institutunun tətbiqi və inkişaf etdirilməsinə dair mexanizmlərin müəyyən olunması üçün  normativ hüquqi baza yaradılması ilə bağlı tapşırıq verilib.

0
Teqlər:
sosial, uşaq psixologiyası, psixoloji yardım, psixoloji problem, mərkəz, məsləhət, ailə
Kitab oxuyan tələbə, arxiv şəkli

Diplomların tanınmasında yenilik

3
(Yenilənib 18:50 27.11.2020)
Sənədlərə baxılmasına dair e-arayış – vətəndaşlar bu arayış növünü yalnız onların sənədləri icraata götürüldükdən sonra əldə edə və əlaqəli müəssisəyə təqdim edə bilərlər. Əks halda, arayışın əldə olunması üçün müvafiq bölmə aktivləşdirilməyəcək

BAKI, 27 noyabr — Sputnik. Təhsildə Keyfiyyət Təminatı Agentliyi bu ilin noyabr ayından etibarən tanınma (nostrifikasiya) üzrə müraciət edən vətəndaşlara müraciətinin statusundan asılı olaraq müvafiq arayışları elektron qaydada əldə etmək imkanı yaradır. Təhsil Nazirliyindən Sputnik Azərbaycan-a bildirilib ki, aparılan təkmilləşdirmə işləri nəticəsində artıq vətəndaşların sözügedən arayışları elektron sistem vasitəsilə əldə etmələri mümkündür. Belə ki, vətəndaşlar şəxsi kabinetlərinə daxil olaraq e-ərizə bölməsini seçməklə, generasiya olunmuş elektron arayışları PDF formatda əldə edə bilərlər:

Sənədlərə baxılmasına dair e-arayış – vətəndaşlar bu arayış növünü yalnız onların sənədləri icraata götürüldükdən sonra əldə edə və əlaqəli müəssisəyə təqdim edə bilərlər. Əks halda arayışın əldə olunması üçün müvafiq bölmə aktivləşdirilməyəcək.

Müsahibəyə dəvət olunmaya dair e-arayış – vətəndaşlar bu arayış növünü yalnız müsahibəyə dəvət olunduqları halda sistem vasitəsi ilə əldə edə və əlaqəli müəssisəyə təqdim edə bilərlər. Əks halda, arayışın əldə olunması üçün müvafiq bölmə aktivləşdirilməyəcəkdir.

Qeyd edək ki, bundan öncə vətəndaşlar yuxarıda göstərilən hər iki arayış növünü imzalı və möhürlü kağız daşıyıcıda əldə etmək üçün rəsmi şəkildə Agentliyə müraciət etməli olurdu.

3
Teqlər:
sənəd, yenilik, Azərbaycan, tanınma, diplom