Müayinə

Sirri hələ çözülməyən peşə...

546
(Yenilənib 18:15 13.01.2016)
Çöpçüyə inananlar da var, bunu fırıldaq kimi qəbul edənlər də. Hətta, üzdə özünü inanmamış göstərib, övladını gizlicə çöpçüyə aparanlar da yox deyil.

BAKI, 13 yan — Sputnik. "Artıq bir həftədir ki, uşağın qızdırması düşmürdü. Həkim dərman yazdı, alıb verdik, amma heç bir təsiri olmadı. Axırda bir nəfər qohum 20 yanvar yaxınlığında yaşayan çöpçünü məsləhət gördü. Uşağı apardıq onun yanına. Sən demə çöpü qalıbmış. Sağolsun, çöpünü çıxarandan 10 dəqiqə sonra qızdırması düşdü".

Bunu həkimlərdən ümidini üzərək çöpçüyə üz tutan paytaxt sakini Yeganə Rzayeva Sputnik-in əməkdaşı ilə həmsöhbətində deyib.

"Bəzən insan səhhətində elə anlar yaşanır ki, həkimlər heç nə edə bilmirlər. Çöp qalmaq da onun kimi bir şeydir. Nəticəsi olmayan bir şeyə görə həkimlərə pul tökməkdənsə, həmin pulun onda birini çöpçüyə versən, ondan yaxşıdır" —deyə Yeganə Rzayeva bildirib.

Bu gün təkcə Bakı şəhərində çöpçü kimi fəaliyyət göstərən saysız-hesabsız insanlar var. Onların içində ən məşhuru isə, paytaxt sakinlərinin çoxunun yaxşı tanıdığı, "Şamaxinka" deyilən ərazidə yaşayan Sahibə adlı çöpçüdür.

Bu çöpçünü digərlərindən fərqləndirən cəhət, işinin peşəkarı olması ilə yanaşı, göstərdiyi xidmətin qarşılığında tələb etdiyi ödənişin də başqalarında çox olmasıdır. Əməkdaşımızın əldə etdiyi məlumata görə, Sahibə xanımın gördüyü işin qiyməti ən azı 10 manatdan başlayır.

Bakıda məşhur çöpçünün evi
© Sputnik / Fuad Həsənov
Bakıda məşhur çöpçünün evi

Onun yanına gedib-gələn sakinlərdən öyrəndiyimizə görə, hətta bir çox həkimlər belə, öhdəsindən gələ bilmədikləri "qızdırma" probleminə görə, körpələrin ailələrini çöpçüyə — bilavasitə onun yanına göndərirlər.

Lakin əks fikirdə olan həkim və psixoloqlar da az deyil. Məsələn, 5 nömrəli xəstəxananın həkim professoru Rasim Məmmədov.

"Çöpçü anlayışı daha çox bölgələrimizdə ön plandadır. Başa düşmürəm, bəyəm Qərb ölkələrində də boğazda, burunda hər qida qalanda çöpçü axtarırlar? Əlbəttə xeyr", —deyə o, Sputnik-ə açıqlamasında bildirdi.

Qərb ölkələrində çöpçülərin olmadığını və çöpçü anlayışının qəbul edilmədiyini deyən həkim hesab edir ki, deməli bizimkilər hər xırda şeyi böyüdür, kimlərinsə ciblərini doldurmağa meylli olurlar.

Göründüyü kimi, çöpçüyə inananlar da var, bunu fırıldaq kimi qəbul edənlər də. Hətta, üzdə özünü inanmamış göstərib, övladını gizlicə çöpçüyə aparanlar da yox deyil. Fakt odur ki, bu peşənin sirri hələ də çözülməyib…

546
Teqlər:
"Şamaxinka", Bakı, xəstəlik, xəstə, həkim, çöpçü
Mövzu:
Xalq təbabətinə marağın artması (5)
Əlaqədar
Xəstə üzərində inanılmaz əməliyyat
Qanvermə aksiyasında iştirak edən 5 nəfərdə xəstəlik aşkarlanıb
Doğum tarixi ilə xəstəlik risklərini hesablamaq olar
Elnur Hüseynov, arxiv şəkli

"Eurovision" ulduzlarından Gəncə terroru barədə klip

37
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

37
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

44
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

44
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
Флаг Международного комитета Красного Креста, фото из архива

Qırmızı Xaç Qızıl Ayparanın könüllüsü Bərdədəki erməni terroru zamanı həlak olub

0
(Yenilənib 00:41 29.10.2020)
Ermənistan silahlı birləşmələrinin Bərdəyə raket hücumu zamanı Qırmızı Xaç və Qırmızı Aypara Cəmiyyətinin könüllüsü də həlak olub

BAKI, 28 oktyabr — Sputnik. Ermənistan silahlı qüvvələrinin Bərdəyə raket hücumu nəticəsində həlak olanlar arasında Qırmızı Xaç və Qırmızı Aypara Cəmiyyətinin könüllüsü var. 

Sputnik Azərbaycan-ın xəbərinə görə, bu barədə Qırmızı Xaç və Qırmızı Aypara Cəmiyyətinin Avropa bürosunun rəsmi "Twitter" səhifəsində məlumat verilib. 

"Bu gün günortadan sonra Azərbaycanın Bərdə şəhərində mülki şəxslərə humanitar yardım çatdırarkən könüllülərimizdən birinin həlak olması xəbəri bizi dərindən kədərləndirdi.  

39 yaşlı ata Qırmızı Aypara Cəmiyyətinin Azərbaycandakı nümayəndəliyinin təcili mobil qrupunun əməkdaşı idi və raket hücumunda həlak olub. Humanist, xeyriyyəçilər hədəf deyil!", - Qırmızı Xaç və Qırmızı Aypara təşkilatının Avropa bürosu bildirib.

0