Səudiyyə Ərəbistanı - neft

Səudiyyə Ərəbistanı dövlət neft şirkətinin hissələrini satışa çıxarıb

70
Kral ailəsi neftin ucuzlaşması səbəbindən ölkə iqtisadiyyatını qorumaq üçün islahatlara başlayıb.

BAKI, 8 yan-Sputnik. Səudiyyə Ərəbistanı neftin qiymətlərinin aşağı düşməsi səbəbindən iqtisadiyyatdakı mənfiyə doğru gedişatın qarşısını almaq məqsədilə dövlətə aid ən böyük neft şirkətinin hissələrini ölkə əhalisinə satmağı planlaşdırır.

Sputnik-in məlumatına görə, Səudiyyə Ərəbistanının kralı Salmanın oğlu Muhammed Bin Salman, "Economist" jurnalına verdiyi müsahibədə belə deyib. O, həmçinin dünyanın ən böyük enerji şirkəti olan Aramco-nun ilk dəfə xalqa müraciətini müzakirə etdiklərini də söyləyib.

Bunun diqqətəlayiq bir irəliləyiş olduğunu bildirən Şahzadə Salman, qərarın Səudiyyə iqtisadiyyatının və Aramco-nun xeyrinə olacağını ifadə edib. Salman, bundan əlavə Səudiyyə Ərəbistanında səhiyyə və təhsil də daxil olmaqla bir çox sahədə özəlləşdirməyə gediləcəyini açıqlayıb.

Aramco-nun xalqa müraciət qərarının neftin qiymətlərinin 1 barelinin 35 dollardan aşağı düşməsindən sonra verilməsi də diqqəti cəlb edib. Səudiyyənin kral ailəsi ilk mərhələdə şirkətin hissələrinin yüzdə 5%-ni  satmağı planlaşdırıb və bu məqsədlə potensial müştərilərlə müzakirələrə başlayıb.

70
Teqlər:
kral ailəsi, kral Salman, dollar, neft, Aramco, Economist, Muhammed Bin Salman, Səudiyyə Ərəbistanı
Əlaqədar
Neft bahalaşdı
Neftin qiyməti ilə bağlı qorxulu rəqəmlər açıqlandı
Neft 33.24 dollara düşdü
SOCAR ixrac etdiyi neft məhsullarının həcmini açıqlayıb
Amerika neft ixracına başladı

Azərbaycanlı müğənnini Rusiyanın ən çox qazanan blogeri ilə "sevgili" etdilər

28
Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Amma oğlanın adını heç kim bilmir.

BAKI, 3 mart - Sputnik. Rusiya KİV-i Azərbaycan əsilli populyar müğənni Jony-nin (Cahid Hüseynli) məşhur videobloger Dina Sayeva ilə sevgili olduğunu yazır. Sayeva ən çox pul qazanan Tik-Tok vlogerlərindəndir. 

Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Bu günlərdə göndərilən buket, az qala, kol boyda imiş.

Sayeva sevgilisinin adını gizləyir. Ancaq Rusiya KİV-ləri yazır ki, onun sevgilisi Jony-dir. Yeri gəlmişkən, Cahid də bu şayiələri təsdiqləməyə tələsmir.

Dina Sayeva Tacikistandandır. TikTok-un rusdilli seqmentinin ən populyar hesabının sahibidir. 2020-ci ildə Rusiya Forbes-u onu ən çox qazanan tiktokerlərin siyahısında ikinci sırada göstərmişdi.

2020-ci ilin sonunda Sayeva musiqi karyerasına başladı. Debüt mahnısı isə "Səni axtarıram" ("Я ищу тебя") oldu.

Jony dörd yaşı olanda valideynləri ilə Azərbaycandan Moskvaya köçüb. Uşaq vaxtından populyar olmaq istəyib və nəhayət, arzusunu gerçəkləşdirib. Öz dediyinə görə, populyarlaşmasında sosial şəbəkələr böyük rol oynayıb. Bakıda ilk dəfə "Jara-2019" musiqi festivalında çıxış edib. 

Müğənni azərbaycanlı ifaçı Elman Zeynalovun təsis etdiyi Raava Music musiqi leyblının artistləri sırasındadır. 2019-cu ildə ВКонтакте-nin versiyasına görə, ilin "Ən qabaqcıl" müğənnisi adını alıb. Onun "Xiyaban" ("Аллея") sinqlı isə 5 qat platin statusu alıb. 

 

28
Jenevada Ümumdünya Səhiyyə Təşkilatının mənzil-qərargahı, arxiv şəkli

Hələ tələsməyin - ÜST məsləhət görmür

20
Bu yaxınlarda Avropa Komissiyası İttifaq ölkələrinə gələnlərdən koronavirusdan peyvənd olunma barədə sertifikat (pasport) tələb olunacağını açıqlamışdı.

BAKI, 3 mart - Sputnik. Ümumdünya Səhiyyə Təşkilatı koronavirusdan peyvənd olunma barədə pasportların tətbiqini ölkələrə hələ ki tövsiyə etmir. 

Sputnik Azərbaycan bildirir ki, bu barədə ÜST-ün rusiyadakı nümayəndəsi Melita Vuynoviç RİA Novosti-yə deyib.

"ÜST bildirib ki, hazırda bu cür pasportların (COVID vaksini barədə) tətbiqini məsləhət görmür, amma əlbəttə ki, ölkələr öz yolları ilə gedirlər, hamı çalışır ki, əhalinin daha çox hərəkiliyini təmin eləsin", - Vuynoviç bildirib.

Onun sözlərinə görə, tez və ya gec ÜST belə bir tövsiyə verəcək, üstəlik bu məsələdə ölkələrlə əməkdaşlığa da başlayacaq. 

Qeyd edək ki, bu yaxınlarda Avropa Komissiyası İttifaq ölkələrinə gələnlərdən koronavirusdan peyvənd olunma barədə sertifikat (pasport) tələb olunacağını açıqlamışdı. Hazırlıq prosesinin 3 ay ərzində yekunlaşacağı bildirilir. 

20
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

0
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

0