Въезд на автомобильный рынок

Avtomobillərin qiymətləri düşür

398
İşlənmiş avtomobillərin bazarı yeni devalvasiya gözlətisi ilə durğunluq vəziyyətinə düşüb. Burada satılan maşınların qiymətləri isə düşməkdədir.

BAKI, 7 yan – Sputnik. Manatın dəyərdən düşməsi Bakının avtomobil bazarında özünü “ikinci əl” maşınların qiymətinin azalmasında göstərib. Onların qiymətləri dekabr devalvasiyasından sonra ciddi surətdə düşüblər və tezliklə əvvəlki rəqəmlərin qayıtması gözlənilmir. Sputnik-in müxbiri Bakının maşın bazarına gedərək yerində satış və qiymətlərlə bağlı vəziyyəti öyrənməyə cəhd edib.

Bazardakı satıcıların sözlərinə görə, dekabr devalvasiyasından əvvəlki bir neçə ay ərzində avtomobillərin alqı-satqısında bir qədər canlanma hiss olunurmuş. Bazar tədricən öncəki fevral devalvasiyasından özünə gəlirmiş. Lakin satıcıların sözlərinə görə, hazırda avtomobil bazarı sadəcə staqnasiya vəziyyətindədir. Qiymətlər düşsə də, insanlar avtomobil almağa tələsmirlər.

Belə ki, əgər rəsmi avtosalonlar yüksək qiymətləri servis müddətinin artırılması və güzəştli kreditlərlə kompensasiya edərək qiymətləri köhnə səviyyədə saxlaya və yaxud manatın dollara qarşı kursina uyğun qaldıra bilirlərsə, “ikinci əl” avtomobil bazarında vəziyyət başqa cürdür.

Bu bazardakı geriləməni satıcılar alıcılıq qabiliyyətinin düşməsi və çoxlarının qiymətlərin “dayanmasını” gözləyərək gözləmə mövqeyini seçməsi ilə bağlayırlar. Onların proqnozlarına görə, işlənmiş avtomobillərin qiymətləri düşməkdə davam edəcək, çünki öz maşınını satmaq istəyən çoxdur, alıcılar isə azalıb. Satıcılar avtomobili satmaq üçün qiymətləri aşağı salmağa məcbur olacaqlar.

Həmçinin müəyyən səbəblərdən avtokreditlərini ödəyə bilməyən avtomobil sahibləri də qiymətlərin enməsində müəyyən rol oynayacaqlar. Bu şəxslər avtomobilə bank tərəfindən həbs qoyulmamış və ya kredit üzrə borc böyüməmiş maşından canlarını qurtarmağa məcbur olacaqlar. İşlənmiş avtomaşınların düşməsində avtomobillərin ehtiyat hissələrinin qiymətlərinin artması da böyük rol oynayır. Maşın alverçiləri manatın kursu ilə bağlı qeyri-müəyyənlikdən və milli valyutanın yaxın gələcəkdə mütləq düşəcəyi barədə şayiələrdən şikayət edirlər.

  • Въезд на автомобильный рынок
    Въезд на автомобильный рынок
    Sputnik/ Мурад Оруджев
  • Рынок автомобилей в Баку
    Рынок автомобилей в Баку
    Sputnik/ Мурад Оруджев
  • Авторынок в Баку
    Авторынок в Баку
    Sputnik/ Мурад Оруджев
  • Автомобиль марки Mercedes Benz
    Автомобиль марки Mercedes Benz
    © Sputnik / Murad Orujov
  • Автомобиль марки Toyota Prado
    Автомобиль марки Toyota Prado
    Sputnik/ Мурад Оруджев
  • Автомобиль марки Hyundai Accent
    Автомобиль марки Hyundai Accent
    Sputnik/ Мурад Оруджев
1 / 6
Sputnik/ Мурад Оруджев
Въезд на автомобильный рынок

Bu arada ehtiyat hissələrinin ucuz olması və yanacağı qənaətlə işlətməsi səbəbindən Koreya istehsalçılarının avtomobillərinə maraq artıb. Avtomaşın sahibləri arasında ənənəvi olaraq populyar olan markalar da mövqelərini ciddi surətdə itirməyiblər. Üstəlik, satıcılar qeyd edirlər ki, getdikcə daha çox alıcı avtomobilin kreditlə alınması və ya barter edilməsi variantları ilə maraqlanırlar. 

Sizə ən populyar işlənmiş avtomobillərin dekabr devalvasiyasına qədər və ondan sonrakı qiymətlərini təqdim edirik. Qiymətlər ABŞ dolları ilə göstərilib:

Avtomobilin markası

Buraxılış ili

Mühərrikin həcmi

Dekabr devalvasiyasınadək qiymətlər

Dekabr devalvasiyasından sonrakı qiymətlər

Mercedes E Class W210

1999-2001

2400 sm3

8000 — 10000

5500 — 7500

Mercedes C Class W202

1999-2000

2300 sm3

6000 — 8000

4500 — 6500

Hyundai Elantra

2012-2014

1800 sm3

14500 — 17500

9500 — 12500

Kia Rio

2012-2014

1400 sm3

10000 — 12000

7500 — 9500

Toyota Prado

2008-2010

4000 sm3

28000 — 33000

25000 — 28000


398