хлеб

Çörəyin keyfiyyəti gigiyenik vəziyyəti azalan çəkiyə adekvatdırmı?

112
(Yenilənib 17:04 30.12.2015)
İmran Abdullayev: Çörəyin qablaşdırılması məcburi deyil.

BAKI, 30 dek — Sputnik. Manatın ucuzlaşmasından sonra Bakıda çörəyin qiymət və çəkisində dəyişiklik varmı? Əgər varsa, bu çörəyin keyfiyyətinə və gigiyenik normalarına sirayət etməyib ki? 

Bu məsələ ilə əlaqədar Sputnik-in əməkdaşı mağazalarda monitorinq aparıb. Məlum olub ki, bütün dükanlarda satılan çörəyin qiymətində dəyişiklik nəzərə çarpmasa da, onun çəkisində ciddi azalma müşahidə olunur. Çörəyin keyfiyyəti və onun satışının gigiyenik normalara uyğunluğu isə, deyəsən heç kəsi maraqlandırmır.

Marketlərdəki çörəyin qiyməti unun keyfiyyətindən, tərkibindən, qablaşdırmadan, çəkidən asılı olaraq dəyişir. Məsələn, zavod çörəyi 30-40 qəpik, "kərpic çörək" 40-80 qəpik, pəhriz çörəyi 40 qəpik — 1 manat, təndir çörəyi 50-80 qəpik, tam çovdar çörəyi 60-80 qəpiyə satılır.
Alıcılarla söhbət zamanı deyirdilər ki, çörəyin çəkisini azaldıblar, amma qiymətlər sabit qalıb. Bir alıcı söyləyirdi ki, əvvəllər evə 30 qəpiklik bir çörək alırdım. Bu, ailəmizə bəs edirdi. İndi çörəyin çəkisi azaldılıb. Məcburən iki çörək almalı oluram.

Ekspertlərin fikrincə, əgər unun qiyməti qalxıbsa, əlbəttə o çörəyin qiymətinə də təsir etməlidir. Ola bilsin ki, çörəyin çəkisini azaltmaqla bunu kompensasiya etməyə çalışacaqlar.
Dekabrın 25-də İqtisadiyyat və Sənaye Nazirliyi və Baş Prokurorluq birgə bəyanat yayıb. Bəyanatda bildirilib ki, manatın kursunda baş vermiş dəyişiklikdən sonra süni qiymət artımı, məqsədli mal qıtlığı yaradılması və digər sui-istifadə cəhdlərinin qarşısının alınması üçün İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti və Baş prokuror yanında Korrupsiyaya qarşı Mübarizə Baş İdarəsi tərəfindən birgə Tədbirlər Planı hazırlanır.

Süni qiymət artımı və mal-qıtlığı yaratmaqla vəziyyətdən sui-istifadə edən təsərrüfat subyektləri barədə, habelə inhisarçılıq və korrupsiya kimi neqativ halların vaxtında aşkar edilərək qarşısının alınması məqsədi ilə tədbirlər həyata keçirilməklə qanun pozuntularına yol vermiş şəxslər barəsində ən ciddi tədbirlər görüləcək.
Müşahidələr onu da göstərir ki, marketlərdə paketlənməmiş, açıq şəkildə satılan çörəklər üstünlük təşkil edir.

Bu da antisanitariya, gigiyenik qaydaların pozulmasına gətirib çıxarır. Çörəyin gigiyenası hər birimizi düşündürür və çörəyin paketlənməsinin vacibliyini önə çəkir.
Alıcılar çörəyin kağız paketlərdə olmamasının antisanitariya vəziyyəti yaratdığını deyirlər. Mağazalarda isə satıcılar bildirirlər ki, zavodlardan çörəyi paketlənməmiş formada gətirirlər və onlar da açıq satmağa məcbur olurlar.

Azad İstehlakçılar Birliyinin sədri Eyyub Hüseynov Sputnik-ə deyib ki, istehlakçıların çörəyə tələbatı var. Azərbaycanda istehlakçılar isti çörək yemək istəyir. İsti çörəyi də paketləmək mümkün deyil. Bu səbəbdən də, çörəklər paketlənmir və qanun çörəyin paketsiz satılmasını qadağan etmir.
Ekspert əlavə edib ki, çörəyin çəkisinin azaldılması ilə bağlı problem var. Qiyməti sabit saxlamaq üçün belə problem gözləniləndir.

Səhiyyə Nazirliyi Respublika Gigiyena və Epidemiologiya Mərkəzinin şöbə müdiri İmran Abdullayev deyib ki, çörəyin qablaşdırılması məcburi xarakter daşımır: "Əgər bu məsələ ilə bağlı yeni standart hazırlanarsa, onda bu məsələyə qayıda bilərik. Eyni zamanda çörəyin istehsalı, daşınması, qablaşdırılması, satışı və digər məsələlər gigiyena qaydalarında da gərək öz əksini tapmış olsun. Məsələn, Türkiyədə yeni tələblər qoyulur ki, çörək qablaşdırılırsın".

İmran Abdullayev bildirib ki, çörək tam soyuduqdan sonra qablaşdırılmalıdır. "Qablaşdırma prosesi pozulursa, çörəyin tərkibində müəyyən dəyişiklik olacaq. Yəni, o, nəmlənə bilər, xəmir halına düşə bilər və s. Bu baxımdan, qablaşdırmada mümkün qədər kağız paketlərdən istifadə olunsa, daha yaxşıdır. Sellofan paketlərdən də istifadə olunur, amma gərək çörək tam soyusun" — deyən şöbə müdiri hesab edir ki, gigiyenik baxımdan çörəyin qablaşdırılması daha düzgündür.

2012-ci ildə təhlükəsizlik normalarına uyğun və keyfiyyətli çörək məmulatları ilə təmin edilməsi, taxıl və un məmulatlarının standartlaşdırılması üzrə işlərin təkmilləşdirilməsi və səmərəliliyin artırılması məqsədilə Standartlaşdırma, Metrologiya və Patent üzrə Dövlət Komitəsinin müvafiq əmri ilə Azərbaycan Standartları İnstitutu nəzdində «Taxıl və un məmulatlarının standartlaşdırılması üzrə» Texniki Komitə (TK 15) yaradılıb. Əmrə əsasən, TK-nın əsasnaməsi, strukturu və tərkibi təsdiq edilib. Texniki Komitədə Standartlaşdırma, Metrologiya və Patent üzrə Dövlət Komitəsi ilə yanaşı, Səhiyyə Nazirliyi, Kənd Təsərrüfatı Nazirliyi və bir neçə çörəkbişirmə müəssisəsinin mütəxəssisləri də təmsil olunur.

112
Teqlər:
Korrupsiyaya qarşı Mübarizə Baş İdarəsi, İqtisadiyyat və Sənaye Nazirliyi, Eyub Hüseynov, Azad İstehlakçılar Birliyi, devalvasiya, çörək, manat
Məktəblərin birində, arxiv şəkli

Professor məktəblərdə dərslərlə bağlı təklif irəli sürüb: "Özüm hazırlayıb keçərəm"

3
(Yenilənib 13:08 05.12.2020)
"Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar" - Nəsiman Yaqublu

BAKI, 5 dekabr — Sputnik. Məktəblərdə "Zəfər-Vətən" dərslərinin keçirilməsi ilə bağlı təklif irəli sürülüb. Bakı Dövlət Universitetindən Sputnik Azərbaycan-a verilən məlumata görə, bu təkliflə universitetin professoru Nəsiman Yaqublu çıxış edib. O bildirib ki, "Zəfər-Vətən" dərsləri zamanı bütün müəllimlər tarixi qələbəmizdən, o cümlədən bu zəfərin əhəmiyyətindən, azad edilmiş ərazilərimizdən, şəhid və qazilərimizin fədakarlığındann birlik və həmrəyliyimizdən danışsınlar:

"Sərəncama uyğun olaraq hər il noyabrın 8-də ali və orta məktəblərdə xüsusi mövzunun - "Zəfər-Vətən" dərslərinin keçirilməsi müsbət addım olar. Biz bu günləri unuda bilmərik. Düşünürəm ki, müxtəlif görüntülər, slaydlar vasitəsilə zəfər tariximizlə bağlı dərslərin keçirilməsi məqsədəuyğun olar. Şəxsən mən həmin materialları hazırlamağa və dərsi tədris etməyə hazıram".

"Biz gənclərimizi şəhidlərimizin, qazilərimizin ruhunda tərbiyə etməliyik. Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar".

3
Teqlər:
Zəfər Günü, Vətən, BDU, professor, dərs, məktəb
Uqandad, arxiv şəkli

Gələn ilin bəd xəbəri özündən əvvəl gəlib: Onlarla ölkənin qapısını aclıq döyəcək

11
(Yenilənib 12:46 05.12.2020)
"Biz hamıya kömək edə bilmərik. Ona görə də prioritetləri təyin etməliyik. Aclıq onlarla ölkənin qapısını döyəcək" - Devid Bizli

BAKI, 5 dekabr — Sputnik. BMT-nin Ümumdünya Ərzaq Proqramının rəhbəri Devid Bizli bildirib ki, dünyada misli görünməmiş aclıq olacaq: COVID-19 səbəbindən 270 milyon insan acından ölə bilər.

Sputnik Azərbaycan-ın məlumatına görə, Bizli BMT-nin Baş Assambleyasının sessiyasında çıxışı zamanı 2021-ci ildə humanitar böhranın olacağı barədə xəbərdarlıq edib.

«75 il əvvəl BMT qurulandan bəri 2021-ci il, yəqin ki, ən güclü humanitar böhranın yaşandığı il olacaq. Biz hamıya kömək edə bilmərik. Ona görə də prioritetləri təyin etməliyik. Aclıq onlarla ölkənin qapısını döyəcək”, - Bizli deyib.

Onun sözlərinə görə, son illərdə silahlı münaqişələrin çoxalması aclıq təhlükəsilə üzləşən insanların sayını 80 milyondan 135 milyonadək artırıb. 2020-ci ildə isə COVID-19 pandemiyası bu rəqəmi 270 milyona çatdırıb.

COVID-19-a yoluxanların sayı 66 milyonu ötdü - Çin Azərbaycandan da geri pillədə>>

Öz növbəsində Ümumdünya Səhiyyə Təşkilatının rəhbəri Tedros Adhanom Gebreyesus vaksinlərlə mübadilə proqramı üçün dərhal 4.3 milyard dollar ayrılmasını istəyib.

“Biz vaksin uğrunda mübarizədə varlıların kasıbları əzdiyi bir dünya ilə barışa bilmərik. Bu, qlobal böhrandır və onun həlli üçün olan resurslar qlobal ictimai dəyərlər kimi ədalətlə bölünməlidir”, - Gebreyesus qeyd edib.

Bu ilin oktyabrında BMT-nin Ümumdünya Ərzaq Proqramı Nobel sülh mükafatının laureatı olub. Bu barədə qərarı Norveç Nobel Komitəsi verib. Komitədən bildirilib ki, humanitar proqram “aclıqla mübarizədə göstərdiyi səylərə, münaqişə zonalarında həyat şərtlərinin yaxşılaşdırılması cəhdləri və aclıqdan müharibə və münaqişə silahı kimi istifadə olunmasına qarşı mübarizədə aparıcı qüvvə kimi fəaliyyətlərinə görə” mükafata layiq görülür.

“Builki mükafatla Norveç Nobel Komitəsi dünyanın nəzərlərini aclıqdan əziyyət çəkən və aclıq təhlükəsi ilə üz-üzə qalan milyonlarla insana yönəltməsini istəyir”, - mükafat barədə şərhdə deyilirdi.

Komitənin sədri Berit Rayss-Andresen həmçinin vurğulamışdı ki, kömək göstərilməsi və ərzaq yardımı dünyada sabitlik perspektivlərini yaxşılaşdırmağa imkan verir.

Hələ bu ilin aprelində Bizli deyirdi ki, ilk növbədə aparıcı ölkələr hərbi münaqişələrin dayandırılması üçün işlər görməlidir. Hərbi əməliyyatların iştirakçıları isə ehtiyacı olan insanlara humanitar yardım göstərilməsi üçün maneəsiz şərait yaratmalıdırlar. Bundan başqa, onun sözlərinə görə, planet üzrə humanitar yardımların çatdırılması üçün logistika mərkəzlərinin yaradılmasına 350 milyon dollar tələb olunur.

“Vaxt bizim əleyhimizə işləyir, ona görə də gəlin müdrikcəsinə və cəld hərəkət edək”, - Bizli əlavə edib. Proqram rəhbərinin xəbərdarlığına görə, əgər BMT-yə lazımi yardım göstərilməsə, hər gün 300 min insan aclıqdan öləcək. Aclıq ümumilikdə 30 ölkəni əhatə edə bilər.

2020-ci ildə vəziyyəti qəlizləşdirən təkcə koronavirus deyil, eləcə də neft qiymətlərinin çökməsi, turizm sahəsində maliyyə itkiləri, iş yerlərinin azalması, əmək miqrantlarının gəlirlərinin sıfırlanması olub.

BMT-nin aylar öncəki proqnozuna görə, 2020-ci ilin sonunadək 265 milyon insan aclıqdan əziyyət çəkəcəkdi ki, bu da ötən ilin göstəricilərini iki dəfə üstələyir.

Koronavirusun yayılması isə artıq mövcud olan neqativ amillərə - müharibələrə, iqlim dəyişikliklərinə, iqtisadi böhrana – daha yeni problemlər əlavə etməkdədir, BMT-nin Ərzaq Proqramının hesabatında deyilir.

“COVID-19 pandemiyası həyatı tükdən asılı olan milyonlarla insan üçün fəlakətdir. Bu o insanlardır ki, yalnız gün ərzində nəsə qazana bildikləri təqdirdə qida qəbul etmək imkanları olur”, - Ərzaq Proqramının aparıcı mütəxəssisi Arif Hüseyn bildirib.

Bu zaman söhbət ərzaq çatışmazlığından deyil, məhz aclıqdan gedir. Dünyada xroniki olaraq qida qəbul edə bilməyənlərin sayı çoxdur: Afrikada 100 milyon, Yaxın Şərqdə və Asiyada 43 milyon, Latın Amerikasında 18.5 milyon aclıqdan zəiyyət çəkir.

 

11
Teqlər:
vaksin, Koronavirus, COVID-19, epidemiya, ərzaq, BMT, fəlakət, humanitar, böhran, aclıq, dünya