Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

AMB hər kəsə ən çoxu 1000 dollar satmağı tövsiyə edib

Abunə olmaq
Azərbaycan Mərkəzi Bankı valyuta bazarındakı ajiotajı aradan qaldırmaq üçün iri kommersiya banklarına tövsiyə məktubu göndərib.

BAKI, 30 dek-Sputnik. Azərbaycan Mərkəzi Bankından (AMB) ölkədə fəaliyyət göstərən banklara valyuta bazarındakı ajiotajı aradan qaldırmaq üçün məktub daxil olub.

Sputnik "APA-Economics"ə istinadla bildirir ki, AMB iri kommersiya banklarına valyuta mübadiləsini bərpa etməyi tapşırıb. Məktubda AMB valyuta mübadiləsinə limitin tətbiq edilməsini tövsiyə edib.

Maksimum limit hər nəfərə 1000 dollar səviyyəsində müəyyənləşib.

"Mərkəzi Bank məktubda bildirib ki, bankların xarici valyuta ilə təminatında heç bir problem yaşanmayacaq. Bu addım valyuta bazarında spekulyasiyaların, əhali arasında isə ajiotajın aradan qaldırılmasına hesablanıb", — deyə mənbə bildirib.

Azərbaycan Mərkəzi Bankı əhalinin nəzərinə çatdırıb ki, qarşıdakı bayram günlərində milli valyutanın məzənnəsi ilə bağlı yarana biləcək hər hansı spekulyativ xarakterli məlumatlara və şaiyələrə inanmasınlar.

Mərkəzi Bank tərəfindən müəyyən edilmiş yeni məzənnə siyasəti rejiminə uyğun olaraq tələb və təklif nəzərə alınmaqla manatın ABŞ dollarına nisbətən rəsmi məzənnəsi 05 yanvar 2016-cı il tarixi üçün 1.5610 müəyyənləşdirilib.

Bayramqabağı günlərdə Mərkəzi Bank tərəfindən bankların valyutaya olan ehtiyacları keçirilmiş hərraclar vasitəsilə kifayət həcmdə təmin edilib.

Xəbər lenti
0