CƏMİYYƏT
Cəmiyyətin həyatında baş verən aktual hadisələr

Bayram günləri manatın aqibəti necə olacaq?

© banco.azmanat
manat - Sputnik Azərbaycan
Abunə olmaq
Azərbaycan Mərkəzi Bankı əhalini spekulyativ xarakterli məlumatlara və şayiələrə inanmamağa çağırıb.

BAKI, 30 dek-Sputnik. Azərbaycan Mərkəzi Bankı (AMB) əhalinin nəzərinə çatdırır ki, qarşıdakı bayram günlərində milli valyutanın məzənnəsi ilə bağlı yarana biləcək hər hansı spekulyativ xarakterli məlumatlara və şaiyələrə inanmasınlar.

Sputnik AMB-yə istinadla xəbər verir ki, Mərkəzi Bank tərəfindən müəyyən edilmiş yeni məzənnə siyasəti rejiminə uyğun olaraq tələb və təklif nəzərə alınmaqla manatın ABŞ dollarına nisbətən rəsmi məzənnəsi 05 yanvar 2016-cı il tarixi üçün 1.5610 müəyyənləşdirilib.

Məlumat üçün bildirilir ki, bayramqabağı günlərdə Mərkəzi Bank tərəfindən bankların valyutaya olan ehtiyacları keçirilmiş hərraclar vasitəsilə kifayət həcmdə təmin edilib.

21 dekabrda manatın məzənnəsinin kəskin aşağı düşməsi Azərbaycan Mərkəzi Bankını üzən məzənnə rejiminə keçməyə vadar edib. AMB-nin gündəlik rəsmi məzənnələr cədvələni açıqlamasına baxmayaraq, ölkənin valyuta bazarında ciddi qeyri-sabitlik və spekulyasiya baş verir. Məsələn, bu gün günorta saatlarına valyutadəyişmə məntəqələrində 1 dollar artıq 1.7200-dən satılır. Halbuki AMB-nin dekabrın 30-na olan rəsmi məzənnələr bülletenində dolların rəsmi məzənnəsinin 1,5594 manat olduğu açıqlanıb.

Təcrübədə ölkədə milli valyutanın xarici valyutaya nəzərən məzənnəsinin müəyyən edilməsinin 3 üsulu mövcuddur: 1. Üzən 2. Üzən-tənzimlənən 3. Təsbit edilmiş. Üzən məzənnə rejimində məzənnə valyuta bazarında tələb-təklif əsasında, heç bir müdaxilə olmadan formalaşır. Mərkəzi Bank yalnız fövqəladə hallarda valyuta bazarına müdaxilə edir. Üzən-tənzimlənən rejimdə isə məzənnə əsasən tələb-təklif əsasında müəyyən edilsə də, Mərkəzi Bank kəskin tərəddüdlərinin qarşısını almaq üçün aktiv fəaliyyət göstərir. Təsbit edilmiş rejimdə isə valyuta məzənnəsi Mərkəzi Bank tərəfindən elan edilir və məzənnənin sabitliyi təmin edilir.

Xəbər lenti
0