Neptun Supermarket

"Neptun" market: rəfdə bir, kassada isə başqa qiymət

1308
(Yenilənib 14:19 15.12.2015)
Baş direktor Vüqar İbrahimov: Kassada deyilən qiymət rəflərdə yazılan qiymətdən bahadırsa rəfdəki qiyməti ödəsinlər. Kassirdən bunu tələb etsinlər.

BAKI, 15 dek – Sputnik. Əsasən iri həcmli marketlərdə, bəzən malın üzərində yazılan qiymətlə kassada vurulan qiymət üst-üstə düşmür. Səbəbini soruşanda isə kassirlər qiymətin səhv yazıldığını, fərq yüksək olduqda isə üzr istəyib, yanlışlığa yol verdiklərini bildirirlər. 

«Neptun» marketdə bu cür halla qarşılaşan bir neçə vətəndaşın şikayətlərini yerində araşdırmaq üçün Sputnik olaraq marketin Tbilisi prospektində yerləşən filialına yaxınlaşdıq. 

Marketin inzibatçısı Fərid Nəsirov, vətəndaşların şikayətlərini daim nəzərə aldıqlarını, qiymətlərdə hər hansı səhvə yol verildiyində dərhal düzəliş etdiklərini dedi.

“Təkcə “Azərsun” şirkətinə aid 10-a yaxın məhsulda 1 gündə fərqli qiymət dəyişiklikləri olur. Bu səbəblə də qiymət cədvəlini anında hazırlayıb rəflərə vurmaq mümkün olmur”. Bunu isə Sputnik-ə özəl müsahibəsində Neptun marketlər şəbəkəsinin baş direktoru Vüqar İbrahimov deyib.

Neptun Supermarket
sputnik.az/Fuad Həsənov
Neptun Supermarket

Onun sözlərinə görə, marketdə 22 minə yaxın məhsul var və bir çox şirkətlər öz mallarının qiymətlərini tez-tez dəyişirlər. 

“Qiymətlərdə tez-tez dəyişikliklər olduğunnan biz bunu rəflərə anında yazdıra bilmirik. Sadəcə bir məhsulda qiymət dəyişikliyini rəfə yazdırmaq bizə 30-40 qəpiyə başa gəlir. Ancaq buna baxmayaraq, vətəndaşların bilməsini istəyirik ki, kassada deyilən qiymət rəflərdə yazılan qiymətdən bahadırsa onlar rəfdəki qiyməti ödəsinlər. Kassirdən bunu tələb etsinlər”, — deyə İbrahimov əlavə edib. 

1308
Teqlər:
supermarketlərdə qiymətlər, supermarketlərdə qiymət, marketlərdə qiymətlər, marketlərdə qiymət, "Azərsu" ASC, Azərsun Holdinq, Azərsun, Neptun Supermarket, Fərid Nəsirov, Tbilisi prospekti, Bakı, Azərbaycan
Əlaqədar
Bu marketlərdən ərzaq almayın
Bu marketlərdən ərzaq almaq məsləhət deyil
Təqaüdçü qadın, arxiv şəkli

Pensiyaçıların həsrətlə gözlədiyi xəbər gəldi - artımların vaxt veriləcəyi açıqlandı

47
(Yenilənib 13:57 20.01.2021)
Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

Zülfiyyə Quluyeva, Sputnik Azərbaycan

BAKI, 20 yanvar — Sputnik. Bu ildən əmək pensiyalarının orta məbləği 338 manat, yaşa görə pensiyaların məbləği isə 370 manat olacaq. 2021-ci ilin yanvar ayı üzrə pensiyalar ödənilsə də, pensiyalara artım hesablanmayıb. Sputnik Azərbaycan pensiyaların artımının nə vaxtdan ödəniləcəyini araşdırıb.

Əmək və Əhalinin Sosial Müdafiəsi Nazirliyindən Sputnik Azərbaycan-a bildirilib ki, Dövlət Statistika Komitəsindən orta aylıq nominal əmək haqqına dair məlumatlar nazirliyə göndərildikdən və Prezidentin müvafiq sərəncamından sonra pensiyalar yanvar ayının artımı daxil olmaqla ödəniləcək. Nazirlik bu məsələdə icraedici funksiya daşıyır.

Dövlət Statistika Komitəsindən Sputnik Azərbaycan-ın sorğusuna verilən cavabda isə bildirilir ki, 2020-ci il üzrə istehlak qiymətləri indeksinə dair məlumatlar Əmək və Əhalinin Sosial Müdafiəsi Nazirliyinə artıq göndərilib:

"Orta aylıq nominal əmək haqqına dair məlumatlar isə Dövlət Statistika Komitəsinin Statistik işlər proqramına uyğun olaraq cari ilin fevral ayının ilk ongünlüyündə təqdim ediləcək".

Qeyd edək ki, "Əmək pensiyaları haqqında" Qanunda əmək pensiyalarının ildə bir dəfə ölkə üzrə orta aylıq nominal əməkhaqqının illik artım tempinə uyğun olaraq indeksləşdirilməsi nəzərdə tutulur. Cari il üçün pensiyaların indeksləşdirilərək artırılması da Dövlət Statistika Komitəsindən Əmək və Əhalinin Sosial Müdafiəsi Nazirliyinə təqdim olunacaq rəsmi məlumatda 2020-ci il üzrə ölkəmizdə orta aylıq nominal əməkhaqqının artım tempi göstəricisi əsasında həyata keçiriləcək. Pensiyaların 2021-ci ilin 1 yanvar tarixinə olan məbləği həmin göstəriciyə uyğun şəkildə və cari ilin əvvəlindən indeksləşdirilərək artırılacaq.

47
Məktəblərin birində, arxiv şəkli

Bu şagirdlərin summativ qiymətləndirilməsi aparılmayacaq

26
(Yenilənib 12:52 20.01.2021)
II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır.

BAKI, 20 yanvar — Sputnik. Birinci sinif şagirdlərinin summativ qiymətləndirilməsi aparılmayacaq.

Sputnik Azərbaycan-ın məlumatına görə bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

II-XI sinif şagirdlərinin qiymətləndirilməsi fənni tədris edən müəllim tərəfindən distant formada aparılır. Qiymətləndirmə 100 ballıq şkala ilə ölçülür.

26
Teqlər:
Azərbaycan Təhsil Nazirliyi, Təhsil Nazirliyi
Müharibə iştirakçılarının reabilitasiyası

Şəhid müharibə iştirakçılarının ailələrinə dəstək davam edir

0
(Yenilənib 15:07 20.01.2021)
3200-dən çox şəxsə Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti göstərilib.

BAKI, 20 yanvar — Sputnik. Vətən müharibəsində şəhid olmuş qəhrəmanlarımızın ailə üzvləri, müharibə iştirakçıları, müharibədən zərər çəkənlər, erməni terroruna məruz qalanlardan ibarət olmaqla artıq 3200-dən çox şəxs Əmək və Əhalinin Sosial Müdafiəsi Nazirliyi tərəfindən sosial-psixoloji dəstək və reabilitasiya xidməti ilə əhatə olunub.

Nazirlikdən Sputnik Azərbaycan-a verilən məlumata görə, qeyd olunan kateqoriyalara aid 2500 ailə ilə görüşülüb, psixoloqlardan ibarət qruplar tərəfindən onlardan ehtiyacı olan 1840 ailə ilə fərdi və ailə terapiyası, psixokorreksiya işləri aparılıb. Həmçinin "Onlayn psixoloji dəstək xidməti"nə daxil olmuş 610 zəng üzrə evlərinə gedilməklə psixoloji dəstək tədbirləri görülüb. Eyni zamanda, Nazirliyin reabilitasiya müəssisələrində 20-si şəhidlərin və yaralı hərbçilərin uşaqları, qalanları hərbi qulluqçular olmaqla 300-dən çox şəxsə, Bakı Sağlamlıq Mərkəzində və Sərhəd Qoşunları Hospitalında müalicə olunanlardan 28 hərbi qulluqçuya sosial-psixoloji reabilitasiya xidmətləri göstərilib.

125 hərbi qulluqçu 530-dan çox reabilitasiya vasitəsi, 7 nəfər yaralanmış qazi əlil arabası, 6 hərbçi yüksək texnologiyalı 8 müasir protezlə təmin edilib.

0