Hicablı uşaq

Azərbaycanda azyaşlı uşaqları dini sektalara cəlb edirlər

119
Kəmalə Aşumova: Uşaqların dini sektalara cəlbi problemi artıq ölkənin ayrı-ayrı regionlarında deyil, bütün Azərbaycanda mövcuddur.

BAKI, 3 dek-Sputnik. Azərbaycanda məktəbyaşlı uşaqlar müxtəlif dini sektaların təlimlərinə cəlb edilir.

Sputnik-in məlumatına görə, Dini Qurumlarla İş üzrə Dövlət Komitəsinin sədr müavini Gündüz İsmayılov Trend-ə bildirib ki, uşaqlar din altında müxtəlif bəhanələrlə orta məktəblərdən uzaqlaşdırılır və dini ayın, mərasimlərə qatılırlar: "Bu, təkcə islam dini ilə bağlı məsələ deyil. Məktəbyaşlı uşaqların müxtəlif təriqət və sektaların təlimlərinə cəlb edilməsi hallarına rast gəlirik".

G.İsmayılov əlavə edib ki, dini sektalara cəlb edilən uşaqların sayını deyə bilməz: "Biz bunun statistikasını aparmırıq. Amma Gəncədə baş verən son hadisələri, eləcə də Gəncədə İcra Hakimiyyəti tərəfindən haqlı olaraq edilmiş müdaxilələrə baxsanız, belə halların şahidi olarsınız".

"Ümidli Gələcək" Gənclər Təşkilatının icraçı direktoru Kəmalə Aşumova Trend-ə bildirib ki, təşkilatın Sosial Xidmət mərkəzlərində reabilitasiya olunan uşaqlar arasında dini sektalara cəlb olunan uşaqlar da olub.

Onun fikrincə, uşaqların dini sektalara cəlbi problemi artıq ölkənin ayrı-ayrı regionlarında deyil, bütün Azərbaycanda mövcuddur: "Vəziyyət onu göstərir ki, dini sektalara yönləndirlən uşaqların sayı elə də az deyil. Dini sektaların olduğu bölgələrdə uşaqların onlara cəlbi riski hələ də var".

K.Aşumova qeyd edib ki, dini sektalara, əsasən, keçid dövrünü yaşayan 14-18 yaşlı uşaqlar cəlb edilir: "Onlar ailədə qayğı görməyən, iradəsi zəif olan, ünsiyyətə olan tələbatlarını ailədə tapa bilməyən, psixoloji travma ilə üzləşən, eyni zamanda sosial vəziyyəti aşağı olan ailələrin uşaqları olurlar. Onları bu sektalara yaşca böyük olan insanlar, gənclər cəlb edirlər. Bizim rastlaşdığımız hallar göstərir ki, uşaqlar "vəhhabizm" deyilən cərəyanlara qoşulurlar. Bu cərəyana qoşulduqdan sonra onlar üz görünüşlərində dəyişiklik etməyə, ailədə valideynlərin sözünü dinləməməyə başlayırlar".

Uşaqların "dəstəkverici" vədlərlə dini sektalara cəlb edildiyini deyən K.Aşumovanın sözlərinə görə, dini sektalara üz tutan uşaqlar çox ciddi psixoloji təsir altında olduqlarından onların reabilitasiyası çətin aparılır.

Təşkilat rəhbəri deyib ki, həm ailə, həm də uşaq psixoloqları uşağın cəmiyyətə inteqrasiyası üçün işlər görsə, həmin uşaqlar dini sektalardan yayındırıla bilər: "Belə uşaqlar barədə bizə fərdi olaraq məlumat verilir, ya da məlumatlar orta məktəblərdən alınır. Bu sektaların sayəsində uşaqlar cinayətə də sövq edilir və cinayətkar uşağa çevrilirlər".

Ailə, Qadın və Uşaq Problemləri üzrə Dövlət Komitəsinin İnformasiya və analitik araşdırmalar şöbəsinin müdiri Elgün Səfərov Trend-ə bildirib ki, uşaqları inkişaf etdirmək üçün idmana və s. məşğuliyyətə yönləndirmək əvəzinə, zorakılıq törətməyə yönləndirmək çox təəssüfedicidir: "Cox təəssüf ki, bu gün Bakının kəndlərində erkən nikah, təhsildən yayınma və uşaqları digər mənfi hallara cəlb etmə prosesləri davam edir. Son faktlar göstərir ki, uşaqlar nəinki təhsildən yayındırılır, onlar həm də dövlət qurumlarının nümayəndələrinə qarşı zorakılığa istiqamətləndirilir. Bu uşaqlar gələcəyin əsgəri, həkimi, hakimi, biznesmeni və s.-dir. Bu gün biz bu uşaqlara hansı məlumatlara çatdırsaq, onlar gələcək nəsillərə də onu çatdıracaqlar".

E.Səfərov əlavə edib ki, belə halların qarşısının alınması üçün ehtiyac olduqda yerli icra hakimiyyətlərinin Qəyyumluq və Himayəçilik komissiyaları tərəfindən məhkəmələrdə valideyn hüquqlarının məhdudlaşdırlıması məsələsi qaldırılmalıdır.

Bu faktların qarşısının alınması üçün maarifləndirmə işlərinin gücləndirilməsini də vacib sayan komitə rəsmisi bildirib ki, ilk növbədə, yerlərdə uşaqların təhsilə cəlb edilməsi üçün işlər gücləndirilməli, uşaqlarını, xüsusilə qız uşaqlarını təhsilə cəlb etməyən valideynlər məsuliyyətə cəlb edilməlidirlər.

E.Səfərov deyib ki, uşaqların dini etiqad hüququ tanınır, amma bu, onların təhsil almaq hüququna, onların inkişafına maneə yaratmamalıdır.

Komitə rəsmisi hesab edir ki, uşağını dini etiqada görə təhsildən yayınmağa məcbur edən valideynlər məsuliyyətə cəlb edilməlidir: "Bu işə həm polis, həm yerli icra hakimiyyəti orqanları, həm də təhsil müəssisələri cəlb edilməlidir".

119
Teqlər:
Elgün Səfərov, İcra Hakimiyyəti, Gəncə, Kəmalə Aşumova, Gündüz İsmayılov, Azərbaycan
Füzuli rayonunda minaya düşən mülki avtomobil

Füzulidə minaya düşən şəxslərin meyitləri ailələrinə təhvil verilib

62
(Yenilənib 21:42 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

© Azerbaijan National Agency for Mine Action
Füzuli rayonunda minaya düşən mülki avtomobil

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

© Azerbaijan National Agency for Mine Action
Füzuli rayonunda minaya düşən mülki avtomobil

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

62
Teqlər:
mina, Füzuli rayonu, Füzuli, ANAMA
Aktyor Taleh Yüzbəyov, arxiv şəkli

"Əri döymüş gəlini, bir yandan da it qapdı" - Yüzbəyovdan yeni film

26
(Yenilənib 20:51 28.11.2020)
Yüzbəyovun çəkdiyi "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

Şahpəri Abbasova, Sputnik Azərbaycan

BAKI, 28 noyabr — Sputnik. Taleh Yüzbəyov yeni filmini təqdim edib. Sputnik Azərbaycan xəbər verir ki, aktyor senaristi və rejissoru olduğu filmi "Youtube" hesabında paylaşıb. Film ailə-məişət mövzusundadır. "Karantin balladası" adlanan film karantin dövründə insanların yaşadığı maddi və mənəvi çətinliklərdən bəhs edir. Yüzbəyov film barədə özünün "Facebook" hesabında bunları deyib:

"Bu videonun senarisini mayda yazıb, karantinə görə ancaq avqustda çəkə bildik. Sentyabrın 28-i paylaşmaq istəyirdik ki, müharibə başladı. İkinci korona dalğasında gecikmiş video olsa da paylaşmaq istədik".

Qeyd edək ki, "Əri döymüş gəlini, bir yandan da it qapdı" və ya "Karantin balladası" qısa zamanda "Youtube" portalında trendə düşüb.

26

"Qafqazın Xirosiması" - fransız kanalı Ağdamı belə adlandırdı

0
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

0
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam