Harrison Ford

Əvvəl uğursuzun biri idilər, sonra milyonların sevimlisinə çevrildilər

567
Dünyaca məşhur insanların ilk uğursuzluqları.

BAKI, 19 sent-Sputnik. Uğursuzluqla qarşılaşdığına görə xəyallarından əl çəkən, eşitdiyi sözlərə görə həvəsini və ümidini itirən, qarşılaşdığı çətinliklərdən yorulub yarı yolda arzularından imtina edən insanların hekayələrini, yəqin ki, eşitmisiniz. Bəlkə sizin də belə hekayəniz var. Bir də uğur qazanmış məşhur insanlar var ki, onların da həyatında bu cür hekayələr olub, ancaq onlar xəyallarından əl çəkməyib, səylə çalışaraq uğur qazanıblar.

Sputnik Cazibe on-line nəşrinin köməyi ilə məşhur insanlardan bəzilərinin ilk uğursuzluqlarını sizə təqdim edir:

Albert Eynşteyn

4 yaşına qədər danışa bilməyən Eynşteyn danışmağa kəkələyərək başlayıb. Disleksiya xəstəliyi olduğuna görə öyrənməkdə çətinlik çəkirdi. Buna görə də müəllimləri valideynlərinə "bu uşaq məktəbi bitirə bilməz, o heç vaxt uğur qazanmayacaq" demişdilər və onu məktəbdən uzaqlaşdırmışdılar. Ancaq o, öz kəşfləri ilə adının önünə "dahi" sözünü yazdıra bildi.

Henri Ford

"Ford Motors" Şirkətini yaratmazdan əvvəl düz 5 dəfə iflas etdi.

Harrison Ford

İlk filmi, demək olar ki, heç kim tərəfindən izlənilmədi.

Çarli Çaplin

İlk vaxtlar Çaplin heç bir Hollivud studiyası tərəfindən qəbul edilməmişdi.

Oliver Stoun

Oskar mükafatı ilə təltif olunmuş rejissor Stoun universitet illərində olduqca müvəffəqiyyətsiz idi. Kitab yazmağı qərara aldı, amma kitab yayımlanmadı. Universiteti bitirdikdən sonra Vyetnamda müəllimlik etdi. Sonralar çəkdiyi filmlər ona uğur qazandırdı.

Cek London

Amerikalı yazıçı Londonun ilk əsəri 600 nəşriyyat evi tərəfindən rədd edilmişdi.

Motsart

Beş yaşında bəstə yazmağa başlayan Motsart həyatı boyu aristokrat təbəqənin diqqətini cəlb etməyə çalışıb.

Pablo Pikasso

1981-ci ildə İspaniyada dünyaya gəlib. Doğumu olduqca çətin olub. Dünyaya gəldikdən sonra bir müddət nəfəs ala bilməyib. 11 yaşına qədər oxumaq, yazmaq və hesablamağı öyrənə bilməyib. İmtahanlarından müəllimlərinin yardımı ilə keçib. Miqren xəstəliyindən əziyyət çəkən Pikasso eyni zamanda, dikleksiya xəstəsi idi. Bir müddət həyatını pulsuz və ac yaşayıb. Bir rəsmin 36 fərqli versiyasını yaradıb. Bu işi ilə dövrün sənətkarlarını təqlid etməkdə günahlandırılıb. Ancaq o, 20-ci yüzilliyin ən məşhur rəssamı olub. 91 yaşında vəfat edib və son gününə kimi rəsm çəkməklə məşğul olub. Həyatı boyunca 22 mindən çox sənət əsəri yaradıb.

 

567
Teqlər:
Ford Motors, Pablo Pikasso, Motsard, Cek London, Oliver Stoun, Harrison Ford, Henri Ford, Albert Eynşteyn, Albert Eynşteyn
Azərbaycanın Birinci vitse-prezidenti Mehriban Əliyeva

Mehriban Əliyevanın o füsunkar geyiminin müəllifi kimdir?

150
(Yenilənib 20:59 21.06.2021)
Amerikalı model Bella Hadid və digər məşhurlar tərəfindən yüksək dəyərləndirilən bu brenddə üsyankar ruh, avanqard və azadlıq notları var.

BAKI, 21 iyun — Sputnik. Azərbaycanın vitse-prezidenti, Azərbaycan Respublikasının prezidentinin xanımı Mehriban Əliyeva öz zövqlü geyimləri ilə hər kəsi valeh edir. O, bir çox moda jurnalları və portallarda dünyanın ən zövqlə geyinən First lady-ləri arasında ön sıralarda yer alır.

Onun bu il mayın 9-da faşizm üzərində tarixi Qələbədən 76 il dönümü münasibəti ilə iki dəfə Sovet İttifaqı Qəhrəmanı Həzi Aslanovun məzarını ziyarət edərkən geyindiyi boz rəngdə plaş isə moda dünyasında geniş müzakirələrə səbəb olub. Hər kəs Azərbaycanın birinci xanımına bu geyimin çox yaraşdığını, zərif görünüşünü tamamladığını qeyd edir.

Sputnik Gürcüstan həmin plaşın hansı brenddən olduğunu araşdırıb. Məlum olub ki, Mehriban Əliyevanın geyindiyi həmin boz plaşın müəllifi Gürcüstanın "Situationist" brendidir.

  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
1 / 3
© Official website of President of Azerbaijan Republic
Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
"Gürcüstanın sosial şəbəkəsinin istifadəçilərinin diqqətini xanım Əliyevanın Gürcüstan brendindən boz rəngli bir plaş geyməsi çəkib. Geyim öz lakonikliyi və "Situationist" xas asimmetrikiyi ilə seçilir. İlham Əliyev və Mehriban Əliyevanın fotolarını gürcü brendinin özü də sosial şəbəkədə paylaşıb", - deyə məlumatda bildirilir.

"Situationist" brendi dizaynerlər İrakli Rusadze və David Qiorqadze tərəfindən 2015-ci ildə yaradılıb. Onların işi məşhur amerikalı model Bella Hadid və digər məşhurlar tərəfindən yüksək dəyərləndirilib.

"Situationist" brendində üsyankar ruh, avanqard və azadlıq notları var. Hazırda İrakli Rusadze "Situationist" üçün yeni modellərin hazırlanması üzərində işlərini davam etdirir.

Qeyd edək ki, Azərbaycanın vitse-prezidenti Mehriban Əliyeva bu ilin mayın 9-da faşizm üzərində tarixi Qələbədən 76 il dönümü münasibəti ilə iki dəfə Sovet İttifaqı Qəhrəmanı Həzi Aslanovun məzarını ziyarət edərkən bu geyimi geyinib.

 

150
Zaqatala mənzərə

Azərbaycanın bölgələrində günlük kirayə ev bazarı canlanıb

165
(Yenilənib 18:03 21.06.2021)
Bölgələrdə günlük kirayə ev bazarında canlanma müşahidə edilir. Hətta evlərin əksəriyyəti əvvəlcədən sifarişlə tutulub. Qiymətlərdə 4-5 dəfə artım var.

BAKI, 21 iyun – Sputnik. Ötən il yayda paytaxtdan bölgələrə getməklə bağlı məhdudiyyət olduğundan rayonlara üz tutanların sayı xeyli azalmışdı. Bu səbəbdən də günlük kirayə evlərin qiymətləri də xeyli enmişdi. Şəkidə də günlük evlərin kirayəsi 5 dəfəyədək ucuzlaşmışdı. Sputnik Azərbaycan-ın bölgə müxbiri şimal-qərb bölgəsindəki hazırkı vəziyyəti araşdırıb. Məlum olub ki, bu il yüksək tələbat səbəbindən qiymətlər yenə əvvəlki vəziyyətinə qayıdıb.

Rayon sakini Barat Məmmədova Sputnik Azərbaycan-a bildirib ki, artıq qonaqları qarşılamağa hazırdırlar: “Keçən il pandemiya ilə əlaqədar olaraq heç bir nəfər də gələn olmadı. 100 manat, 80 manatlıq evləri 30 manata, 20 manata da saldırdıq, amma gələn olmadı. İndi yenə 80 manata, 100 manata razılaşma yolu ilə verə bilərik”.

Rieltor İlqar Muradov bildirir ki, bu il günlük kirayə evlərə tələbat çoxdur. Qiymətlər də ərazidən asılı olaraq 80-150 manat arasında dəyişir:

“Ay yarımdır ki, mənə zənglər gəlir, evlər sifariş olunur. Şəhərin yuxarı hissəsində -  Xan Sarayı tərəfdə, “Marxal”, “Dodu məhəlləsi” tərəflərdə qiymətlər 100-150 manat civarındadır. Qiymətlər öz axarına düşüb. Aşağıda isti olduğu üçün 30 manat civarında fərq var”.

Zaqatalada da günlük kirayə evlərə tələbat artıb. Rieltor İlkin Mirzəyinin sözlərinə görə, turistlər ən çox dağətəyi və yaşıllıq ərazilərdəki evlərə üstünlük verirlər: “Əvvəllər şəhərdəki evlərə maraq var idisə, indi kənd evlərinə üstünlük verirlər. Həm şəhərə yaxın, həm də dağətəyi olduğu üçün Car kəndindəki evlərə turistlərin marağı daha çoxdur”.

Rieltor bildirib ki, ötən ilə nisbətən qiymətlərdə də xeyli fərq var.

“Keçən il turist az idi deyə 50 manatlıq evlər hətta 20 manata qədər düşmüşdü. Bu il yaxşıdır. Tələbat var, gələn-gedənlərimiz var. Qiymətlər hazırda 30 manatdan başlayır. Şəraitdən asılı olaraq da 40-50, hətta 100 manata kimi qiymətlər dəyişir”.

Ev sahibləri də turist axınını nəzərə alaraq qiymətləri artırıblar. Rayon sakini Hikmət Məmmədovun sözlərinə görə, qonaqla danışıqdan asılı olaraq endirim də edirlər.

“Ötən il evləri 20 manata da verirdik, ancaq qalan yox idi. Bu il adam sayına baxırıq. 50 manata veririk, 40 manata olur. Tək adam olsa, 30 manata da veririk. Bir də uzunmüddətli qalan olanda endirim edirik. Gələn də var".

Rieltorlar vurğulayıblar ki, bu il xarici ölkələrə getməkdə müəyyən məhdudiyyətlər olduğundan vətəndaşlar əsasən rayonlara üz tutacaqlar. Bu səbəbdən də gündəlik kirayə ev qiymətlərinin iyul-avqust aylarında daha da artacağı gözlənilir.

Eləcə də oxuyun:

165
Teqlər:
yay mövsümü, qiymətlər, Qax, Zaqatala, Şəki, bölgələr, kirayə mənzil, kirayə ev, kirayə

Türkiyədən AVRO-2020 ilə bağlı Azərbaycana müraciət: Əla qardaşlıq ruhu göstərdiniz

0
(Yenilənib 21:23 21.06.2021)
Türkiyə Futbol Federasiyasında qeyd ediblər ki, AVRO-2020 təşkilatçılarının qonaqpərvərliyi bir daha Azərbaycan və Türkiyənin "bir millət, iki dövlət" olduğunu sübut edib.

BAKI, 21 iyun — Sputnik. Türkiyənin Futbol Federasiyası bu ölkənin milli komandasının AVRO-2020 çərçivəsində Bakıda keçirilən oyunlar zamanı ona göstərilən qonaqpərvərliyə görə Azərbaycana minnətdarlığını ifadə edib. Bu barədə Sputnik Azərbaycan Federasiyanın saytına istinadən xəbər verir.

"Dost və qardaş ölkə olan Azərbaycan AVRO-2020 prosesində və Bakıda oynadığımız iki oyunda tribunaları qırmızı-ağ rənglərlə dolduraraq əla qardaşlıq ruhu göstərdi. Milli komandamıza, Federasiyamıza və bütün Türk xalqına böyük dəstək göstərən və bizi ən yaxşı şəkildə qəbul edən Azərbaycan, "bir millət, iki dövlət" olduğumuzu dərindən hiss etdirdi", - deyə Federasiyanın bəyanatında deyilir.

Daha sonra bəyanatda Türkiyə-Uels oyununu (0:2) Türkiyə prezidenti Rəcəb Tayyib Ərdoğan, Azərbaycan prezidenti İlham Əliyevin də ziyarət etdiyi deyilir və Azərbaycan Futbol Federasiyasının prezidenti Rovnaq Abdullayevə təşəkkür ifadə olunur.

Türkiyə millisi koronavirus pandemiyası üzündən bir il təxirə salınmış Avropa çempionatında uğusuz çıxış edib. "A" qrupunda Şenol Günəşin yetirmələri Romada İtaliya millisinə (0:3), Bakıda isə Uels (0:2) və İsveçrə (1:3) milli komandalarına məğlub olub.

Onu da qeyd edək ki, Türkiyə komandasının üzvləri artıq Avropa çempionatında çıxışlarını bitirərək Azərbaycan paytaxtını tərk ediblər.

AVRO-2020 Bakı oyunları

Bakı Olimpiya stadionunda ümumilikdə dörd oyunun keçirilməsi nəzərdə tutulub. "A" qrupunda iyunun 12-də İsveçrə-Uels (1:1), iyunun 16-da Türkiyə-Uels (0:2), iyunun 20-də İsveçrə-Türkiyə (3:1) oyunları artıq keçirilib. Bundan əlavə iyulun 3-də isə burada AVRO-2020 ¼ final oyunlarından birinin keçirilməsi də nəzərdə tutulub.

0