Boşanma

Boşanma təklifini daha çox qadınlar edir

149
Məşhur türkiyəli sosioloq Mustafa Forutən tərəfindən aparılan araşdırma nəticəsində maraqlı faktlar üzə çıxıb.

BAKI, 18 sen – Sputnik. Türkiyəli sosioloq Mustafa Forutən boşanma təkliflərinin 90%-ini qadınların verdiyini deyib. O, bunu apardığı araşdırmalarına əsaslanaraq bildirib. 

Məşhur sosioloq tərəfindən aparılan araşdırma nəticəsində maraqlı faktlar üzə çıxıb. 

"Boşanmanın əsas səbəbləri ailə içi şiddət, iqtisadi çatışmamazlıq və cinsi problemlərdir. Bunların hər biri haqqında tərəflər evlilikdən öncə mübarizə üsullarını öyrənməli, çətin günlərdə hansı yollarla ailəni saxlamağı bilməlidir. Təəssüf ki, boşanmaların 75%-i birgə həyat üsullarını bilməməyin dəhşətli nəticəsidir. Birgə həyatın ən fundamental ehtiyaclarını təmin edə bilməyən, kasıblıq və iqtisadi problemlərdən qaynaqlanan boşanmalar 25% civarındadır. Lakin bu bir həqiqədir ki, boşanmaya səbəblər arasında kasıblığın faktor olması digər faktorlara nəzərən olduqca azdır. Çox vaxt kasıblığın səbəbi, maddə asılılığı və pis vərdişlər və ya iş bəyənməmək kimi yüksək səviyyədəkilərdir".

Cinsi problemlərdən qaynaqlanan boşanmaların əhəmiyyətinə də toxunan Forutən bunları deyib: "Böyük nisbətdə baş verən boşanmaların qaynağını ər-arvad arasındakı cinsi problemlərin olması təşkil edir. Bu sahədə maarifləndirmə aparılmalıdır. Bundan başqa münaqişəli ailələrdə uşaqların tərbiyələri pozulur. Bu uşaqlardan həyatın irəli mərhələsində müvəffəqiyyətli bir evlilik gözləmək doğru deyil. Valideynlər bunu yaxşı bilməlidirlər. Onların uşaqları, istədikləri adam olmayacaq, əksinə öz davranışlarıyla ona öyrətdikləri şəkildə biri olacaq. Ana-ata, uşağını sözüylə deyil, öz davranışıyla öyrətməkdədir. Və asanlıqla demək olar ki, boşanma təkliflərinin 90%-ini qadınlar verir".

149
Azərbaycanın Avroviziya-2013 müsabiqəsindəki təmsilçisi Fərid Məmmədov

Santa-Barbarada olmuşam! Tanınmış azərbaycanlı müğənnidən fərqli paylaşım

2
(Yenilənib 20:57 05.07.2020)
Santa-Barbara şəhərinə səfər edən tanınmış azərbaycanlı ifaçı Fərid Məmmədov imkanı əldən buraxmayıb və uşaqlıq arzusunu həyata keçirib

BAKI, 5 iyul – Sputnik, Kəmalə Əliyeva. Azərbaycanı “Avrovision-2013” mahnı müsabiqəsində təmsil edən tanınmış ifaçı Fərid Məmmədov məşhur “Santa-Barbara” serialının çəkildiyi yerlərdə olub.

Sputnik Azərbaycan xəbər verir ki, Fərid səfəri ilə bağlı fotoları “Instagram” səhifəsində paylaşıb. Fərid etiraf edir ki, uşaqlıda bu serialı çox sevdiyindən, nə zamansa çəkilişlər gedən evi ziyarət etmək qərarına gəlib.

View this post on Instagram

#santabarbara #santabarbaraseries another trip

A post shared by Farid (@thefaridmammad) on

 “Santa-Barbara” tarixdə ən uzun sabun operası (soap opera) sayılır. Ümumilikdə serialın 2137 seriyası çəkilib. “Santa-Barbara” eyniadlı şəhərdə yaşayan Kepvell ailəsinin həyatından bəhs edir.

Fərid Məmmədov Azərbaycanın Əməkdar artisti Aybəniz Həşimovanın yetirməsidir. 2013-cü ildə Azərbaycanı “Avrovision” müsabiqəsində təmsil edəndən sonra xaricdə də tanınmağa başlayıb.

2
Əməkdar artist Tofiq Hüseynov

Əməkdar artist Tofiq Hüseynov vəfat edib

36
(Yenilənib 20:37 05.07.2020)
Aktyor bir saat əvvəl evində dünyasını dəyişib. Xatırladaq ki, Tofiq Hüseynov xərçəng xəstəliyindən əziyyət çəkirdi.

BAKI, 5 iyul – Sputnik. Akademik Milli Dram Teatrının aparıcı səhnə ustası, Əməkdar artist Tofiq Hüseynov vəfat edib.

Sputnik Azərbaycan xəbər verir ki, bu barədə Akademik Milli Dram teatrının mətbuat xidmətinin rəhbəri Cavid Zeynallı məlumat yayıb.

Qeyd edilir ki, aktyor bir saat əvvəl evində dünyasını dəyişib.

Xatırladaq ki, Tofiq Hüseynov xərçəng xəstəliyindən əziyyət çəkirdi.

"Akademik Milli Dram Teatrının bədii rəhbər-direktoru, Xalq artisti Azər Paşa Nemətovun və teatrın kollektivi adından Tofiq Hüseynovun yaxınlarına dərin hüznlə başsağlığı verir, mərhuma Allahdan rəhmət diləyirik. Tofiq Hüseyov iyulun 6-da öz vəsiyyətinə uyğun olaraq Xırdalan qəbiristanlığında anasının və atasının yanında torpağa tapşırılacaq. Ruhu şad olsun!

Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olmuşdur.

Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.

Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb", - deyə o bildirib.

36