"Sovetski"də evləri kiçik olan sakinlərə mənzil veriləcək
(Yenilənib 18:55 08.09.2015)
“Sovetski” məhəlləsində evlərinin sökülməsi ilə əlaqədar köçürülməsi planlaşdırılan bəzi sakinlərinə 9 mərtəbəli binalarda mənzillər veriləcək. Sputnik-in məlumatına görə, bunu jurnalistlərə Baş nazirin müavini Abid Şərifov deyib.BAKI, 8 sen — Sputnik. “Sovetski” məhəlləsində evlərinin sökülməsi ilə əlaqədar köçürülməsi planlaşdırılan bəzi sakinlərinə 9 mərtəbəli binalarda mənzillər veriləcək. Trend-in məlumatına görə, bunu jurnalistlərə Baş nazirin müavini Abid Şərifov deyib.
Onun sözlərinə görə, “Sovetski”nin bəzi sakinləri sahəsi çox kiçik olan evlərdə yaşayır: “Məlum olduğu kimi, mənzilin 1 kvadratmetrinə görə 1500 manat həcmində kompensasiya ödənilir. "Sovetski” sakinlərinin təqribən 20 faizinin yaşayış sahəsi 25 kvadratmetrdən çox deyil. Əlbəttə, onlar həmin kompensasiya ilə mənzil əldə edə bilməzlər. Buna görə də belə ailələrin yerləşdirilməsi üçün iki 9 mərtəbə ayrılıb”.
A.Şərifov qeyd edib ki, bu binalardan biri “Gənclik” mehmanxanasının yanındadır və orada 60 ailə yerləşdiriləcək: “Bu bina daha əvvəl qaçqınlar üçün yataqxana idi. Onlar başqa yerə köçürülüb, bina təmir edilib və indi orada “Sovetski”dən olan sakinlər yaşayacaq. Əvvəlcə sakinlər buna qarşı idi, lakin hazırda ərizələrin sayı gündən-günə artır”.
O bildirib ki, binada sahəsi 36 kvadratmetr olan birotaqlı, eləcə də sahəsi 50 kvadratmetr olan ikiotaqlı mənzillər var: “Bu binalarda bütün zəruri şərait var. “Sovetski” sakinlərinin bunadək yaşadığı şəraiti nəzərə alsaq, onlar çox razı qalmalıdırlar. İkinci bina keçmiş Səttarxan adına maşınqayırma zavodu yaxınlığındadır. Bura daha əvvəl qaçqınlar üçün yataqxana olub. Hazırda ilin sonuna başa çatdırılması planlaşdırılan təmir işləri aparılır”.
Baş nazirin müavini əlavə edib ki, “Sovetski”nin yaşıllaşdırılması üzrə işlərə ilin sonunadək başlamaq planlaşdırılır: “Bir daha qeyd etmək istəyirəm ki, “Sovetski”də binaların tikintisi planlaşdırılmır. Bütün ərazidə parklar salınacaq və yollar çəkiləcək”.
Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaqBAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur.
Посмотреть эту публикацию в Instagram
Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir.
Посмотреть эту публикацию в Instagram
"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.
©
Photo : Courtesy of Samed Iskenderli
Səməd İskəndərli
Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın.
Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq.
Teqlər:
Şəkərlə bağlı xərcləri əhəmiyyətli dərəcədə azaltmaq olar
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".
Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:
"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".
Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.