Xoşbəxtliyin şəkli

Həyatı yaxşıya doğru dəyişməyin on sirri

637
(Yenilənib 14:19 06.09.2015)
Xoşbəxtliyin formulunu tapmaq istəyirsinizsə, bu on məsləhətə diqqət edin.

BAKI, 6 sent — Sputnik. Psixoloqlar uzun illərdir xoşbəxtliyin formulunu axtarırlar. Axırda o nəticəyə gəliblər ki, xoşbəxtliyin konkret formulu yoxdur. Bu formul adamına görə dəyişir. Psixoloq Merlin Dilfort hesab edir ki, xoşbəxtliyi əldə etmək insanın özündən asılıdır. Hər bir insan həyatını, yaşadığı şərtləri dəyişərək xoşbəxtliyin ekvivalentinə çevrilə bilər.

Əgər siz həyatınızda nəyinsə düz getmədiyini, kədərli fikirlərin daha çox, xoşbəxt olmaq üçün səbəblərin daha az olduğunu hiss edirsinizsə, çalışın bu vəziyyətdən tez çıxın. Çünki bu, getdikcə uzana, ömrünüzün əhəmiyyətli bir hissəsinə hakim ola bilər. Bunun öhdəsindən gəlmək üçün yollar axtarın. Sputnik "Cazibə" on-line resursunun bununla bağlı 10 məsləhətini sizə təqdim edir:

1. Həmişə əhval-ruhiyyənizin yaxşı olmasını istəyirsinizsə, özünüzü idarə etməyi öyrənin. Kiçik şeylərə görə inciməyin. Çalışın ki, sizə yaxın olan insanlarla mübahisə etməyəsiniz, onları bağışlayın. Bağışlayaraq siz hirs və qısqanclıq hisslərindən azad olacaqsınız. Unutmayın ki, bu hislər ən çox sizə ziyan verir.

2. Dünyaya yumor hissi ilə baxmağa çalışın. Hətta əgər siz narahat olur və ya çətin bir vəziyyətə düşürsünüzsə, buna rəğmən gülümsəyin və deyin ki, "Bu da keçəcək". İnanılmazdı, amma buna həqiqətən inansanız, onda pis şeylər doğurdan da keçəcək.

3. Bütün dünyaya küsərək evdə oturmayın! Əmin ola bilərsiniz ki, küçədə, dostların-tanışların əhatəsində əhval-ruhiyyə pis olmur!

4. Həyatınıza yeniliklər gətirin. Psixoloqlar məsləhət görürlər ki, vaxtaşırı vərdişlərinizi dəyişin, məsələn: təzə hobbiyə başlayın və yaxud geyim tərzinizi dəyişin. Bütün bunlardan sonra həqiqətən əhəmiyyətli dəyişiklikləri özünüz də hiss edəcəksiniz.

5. İstirahət etməyi bacarın! Hansısa çətin işi yerinə yetirdikdə xoş bir şey haqda düşünün. Məsələn dostlarınız və yaxud sevdiyinizlə görüş barədə.

6. Üzgüçülüklə məşğul olun. Su tonus və əhval-ruhiyyənizi qaldıraraq bədənə istirahət etməyə kömək edir.

7. Dayanın və düşünün. Bəzən insanlar düşünməyə vaxt tapa bilmirlər. Unutmayın ki, otağınızı müntəzəm təmizlədiyiniz kimi fikirlərinizi, məqsədlərinizi və münasibətlərinizi də qaydaya salmalısınız.

8. Həyata daha asan münasibət bəsləyin. Çalışın ki, diqqətinizi ancaq indi gördüyünüz işə yönəldəsiniz. Kiçik nailiyyətlərinizə də sevinin. Həyat kədərlənmək və özünü günahlandırmaq üçün çox qısadır!

9. Perspektiv hissini qoruyun. Həyat özü bir hərəkətdir. Bu gün sizin üçün faciə olan bir şey sabah sizin üzünüzü güldürə bilər. Boşuna demirlər ki, gecənin xeyrindən gündüzün şəri yaxşıdı.

10. Xoşagəlməz şeyləri unudun. "Hərəkət edin ki, sizin hisləriniz də hərəkət etsin"- psixoloq Merlin Dilfort belə hesab edir.

Unutmayın ki, siz öz hislərinizə və emosiyalarınıza görə məsuliyyət daşıyırsınız.

637
Teqlər:
cazibə, həyat, xoşbəxtlik, Psixoloq Merlin Dilfort, Psixoloq Merlin Dilfort