Ekspert: Astana klubu ÇL-yə düşə bilirsə, biz UEFA-ya niyə düşməyək?!

39
(Yenilənib 17:40 27.08.2015)
Ağasəlim Mircavadov: Yanq boys güclüdür, Qarabağ ondan da güclüdür.

BAKI, 27 avq – Sputnik. “Əgər Qazaxıstan klubu gəlib Çempionlar Liqasında qruplara düşə bilirsə, bizimkilər niyə Avroliqanın qrup mərhələsinə vəsiqə qazana bilməsin?”. Bunu Sputnik-ə açıqlamasında tanınmış məşqçi, AFFA Məşqçilər Komitəsinin üzvü Ağasəlim Mircavadov deyib. Onun sözlərinə görə, Qarabağ və Qəbələ futbol klubları bugün keçiriləcək Avroliqanın cavab oyunlarında müsbət nəticə əldə edə bilərlər. 

Qarabağın şansını daha yüksək qiymətləndirən təcrübəli mütəxəssis, hər şeyin oyunçuların həvəsindən asılı olduğunu bildirib.

“Mən inanmıram ki, Qarabağ öz şansını itirsin. Əgər səfərdə 1-0 hesabı ilə qalib gəlmişiksə, nəyə görə burda əksi olsun. Yanq boys güclü komandadır, ancaq Qarabağ onlardan da güclüdür. Qaldı ki, Qəbələnin oyununa, mən onlardan da ümidliyəm. Bakıda Panatinaikosla heç-heçə oynasalar da, şans hələ davam edir. Hər şey komandanın düzgün oyun strategiyasından asılıdır”- deyə Ağasəlim Mircavadov əlavə edib. Klublarımızın qrup mərhələsinə qalacağı təqdirdə transferə ehtiyac olub-olmadığı barədə suallarımızı da cavablandıran tanınmış məşqçi, Qarabağın transferə ehtiyacı olmadığını deyib: “Qarabağ futbol klubunun yeni futbolçuya ehtiyac duyduğuna inanmıram. Qəbələyə gəldikdə isə, komandanın hücumlarında nəticəyə gedə biləcək futbolçuya ehtiyac hiss olunur.”

Bugün UEFA Avroliqada, həm Qarabağ, həm də Qəbələ futbol klubları pley off mərhələsinin cavab oyunlarına çıxacaq. Qarabağ doğma meydanda İsveçrənin Yanq Boys, Qəbələ isə səfərdə Yunanıstanın Panatinaikos klubu ilə üz-üzə gələcək.

İlk oyunda təmsilçimiz Qarabağ səfərdə Yanq Boys-a 0-1 hesabı ilə qalib gəlsə də, Qəbələ doğma meydanda Panatinaikos klubu ilə 0-0 heç-heçə etmişdi.

39
Teqlər:
AFFA Məşqçilər Komitəsinin üzvü, Avroliqanın qrup mərhələsi, Avroliqa, Çempionlar Liqası, Qəbələ FK, Qarabağ futbol klubu, Qarabağ FK, Ağasəlim Mircavadov, Azərbaycan
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

8
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

8
Koronavirus testi, arxiv şəkli

Ölkədə daha 946 nəfər COVID-19-a yoluxub, 228 nəfər sağalıb

19
Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

BAKI, 25 oktyabr - Sputnik. Azərbaycan Respublikasında koronavirus (COVID-19) infeksiyasına 946 yeni yoluxma faktı qeydə alınıb, 228 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

Nazirlər Kabineti yanında Operativ Qərargahdan verilən məlumata görə, ölkədə son sutka ərzində 10037, hazırkı dövrədək isə 1291534 test aparılıb.

19